อรรถกถาเล่มที่ ๑๕ หน้าที่ ๒๓๐.

น ปุปฺผคนฺโธ ปฏิวาตเมตีติ วสฺสิกปุปฺผาทีนํ คนฺโธ ปฏิวาตํ น คจฺฉติ. น จนฺทนํ ตครมลฺลิกา วาติ จนฺทนตครมลฺลิกานํปิ คนฺโธ ปฏิวาตํ น คจฺฉตีติ อตฺโถ. เทวโลเกปิ หิ ^๑- ผุฏสุมนา นาม โหติ, ตสฺสา ปุปฺผิตทิวเส คนฺโธ โยชนสตํ อชฺโฌตฺถรติ. โสปิ ปฏิวาตํ วิทตฺถิมตฺตํปิ รตนมตฺตํปิ คนฺตุํ น สกฺโกตีติ วทนฺติ. สตญฺจ คนฺโธ ปฏิวาตเมตีติ สตญฺจ ปณฺฑิตานํ พุทฺธปจฺเจกพุทฺธ- พุทฺธปุตฺตานํ สีลาทิคุณคนฺโธ ปฏิวาตํ คจฺฉติ. สพฺพา ทิสา สปฺปุริโส ปวายตีติ ^๒- สปฺปุริโส ปณฺฑิโต สีลาทิคุณคนฺเธน สพฺพา ทิสา ปวายติ, สพฺพา ทิสา คนฺเธน อวตฺถรตีติ อตฺโถ. ๑๐. จูฬนิกาสุตฺตวณฺณนา [๘๑] ทสเม ^๓- ทุวิโธ นิกฺเขโป อตฺถุปฺปตฺติโกปิ ปุจฺฉาวสิโกปิ. กตรอตฺถุปฺปตฺติยํ กสฺส ปุจฺฉาย กถิตนฺติ เจ? อรุณวตีสุตฺตนฺตอตฺถุปฺปตฺติยํ. ^๔- อานนฺทตฺเถรสฺส ปุจฺฉาย กถิตํ. อรุณวตีสุตฺตนฺโต เกน กถิโตติ? ทฺวีหิ พุทฺเธหิ กถิโต สิขินา จ ภควตา อมฺหากํ จ สตฺถารา. อิมสฺมา หิ กปฺปา เอกตึสกปฺปมตฺถเก อรุณวตีนคเร อรุณวโต รญฺโ ปภาวติยา นาม มเหสิยา กุจฺฉิมฺหิ นิพฺพตฺติตฺวา ปริปกฺเก าเณ มหาภินิกฺขมนํ นิกฺขมิตฺวา สิขี ภควา โพธิมณฺเฑ สพฺพญฺุตาณํ ปฏิวิชฺฌิตฺวา ปวตฺติตปวรธมฺมจกฺโก อรุณวตึ นิสฺสาย วิหรนฺโต เอกทิวสํ ปาโตว สรีรปฏิชคฺคนํ กตฺวา มหาภิกฺขุสํฆปริวาโร "อรุณวตึ ปิณฺฑาย ปวิสิสฺสามี"ติ นิกฺขมิตฺวา วิหารทฺวารโกฏฺกสมีเป ิโต อภิภุํ นาม อคฺคสาวกํ อามนฺเตสิ "อติปฺปโค โข ภิกฺขุ อรุณวตึ ปิณฺฑาย ปวิสิตุํ เยน อญฺตโร พฺรหฺม- โลโก เตนุปสงฺกมิสฺสามา"ติ. ยถาห:- "อถโข ภิกฺขเว สิขี ภควา อรหํ สมฺมาสมฺพุทฺโธ อภิภุํ ภิกฺขุํ อามนฺเตสิ `อายาม พฺราหฺมณ เยน อญฺตโร พฺรหฺมโลโก เตนุปสงฺกมิสฺสาม, น ยาว ภตฺตกาโล ภวิสฺสตี'ติ. `เอวํ ภนฺเต'ติ @เชิงอรรถ: ^๑ ฉ.ม.,อิ. อยํ สทฺโท น ทิสฺสติ ^๒ สี.,อิ. ปวาตีติ @^๓ ฉ.,อิ. ทสมสฺส ^๔ สํ.ส. ๑๕/๑๘๕/๑๘๖ อรุณวตีสุตฺต

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๓๐. http://84000.org/tipitaka/read/attha_page.php?book=15&page=230&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5331&pagebreak=1 http://84000.org/tipitaka/atthapali/th_line.php?B=15&A=5331&pagebreak=1#p230