ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๑๓๗.

อุปริ อยปฏฺเฏน ฉาทิโต. สมนฺตา โยชนสตํ, ผริตฺวา ติฏฺฐตีติ เอวํ ผริตฺวา
ติฏฺฐติ, ยถาตํ สมนฺตา โยชนสเต ฐตฺวา โอโลเกนฺตสฺส อกฺขีนิ ยมกโคฬกา
วิย นิกฺขมนฺติ.
     หีนกายูปคาติ หีนกายํ อุปคตา หุตฺวา. อุปาทาเนติ ตณฺหาทิฏฺฐิคฺคหเณ.
ชาติมรณสมฺภเวติ ชาติยา จ มรณสฺส จ การณภูเต. อนุปาทาติ จตูหิ อุปาทาเนหิ
อนุปาทิยิตฺวา. ชาติมรณสงฺขเยติ ชาติมรณสงฺขยสงฺขาเต นิพฺพาเน วิมุจฺจนฺติ.
ทิฏฺฐธมฺมาภินิพฺพุตาติ ทิฏฺฐธมฺเม อิมสฺมึเยว อตฺตภาเว สพฺพกิเลสนิพฺพาเนน
นิพฺพุตา. สพฺพทุกฺขํ อุปจฺจคุนฺติ สกลํ วฏฺฏทุกฺขํ อติกฺกนฺตา.
                       ๗. จตุมหาราชสุตฺตวณฺณนา
     [๓๗] สตฺตเม อมจฺจา ปาริสชฺชาติ ปริจาริกเทวตา. อิมํ โลกํ อนุวิจรนฺตีติ
อฏฺฐมีทิวเส กิร สกฺโก เทวราชา จตฺตาโร มหาราชาโน ๑- อาณาเปสิ ๒- "ตาตา
อชฺช อฏฺฐมีทิวเส มนุสฺสโลกํ ๓- อนุวิจริตฺวา ปุญฺญานิ กโรนฺตานํ นามโคตฺตํ
อุคฺคณฺหิตฺวา อาคจฺฉถา"ติ. เต คนฺตฺวา อตฺตโน ปริจารเก เปเสนฺติ "คจฺฉถ
ตาตา มนุสฺสโลกํ อนุวิจริตฺวา ปุญฺญการกานํ นามโคตฺตานิ สุวณฺณปฏฺเฏ ลิขิตฺวา
อาเนถา"ติ. เต ตถา กโรนฺติ. เตน วุตฺตํ "อิมํ โลกํ อนุวิจรนฺตี"ติ. กจฺจิ
พหูติอาทิ เตสํ อุปปริกฺขาการทสฺสนตฺถํ วุตฺตํ. เอวํ อุปปริกฺขนฺตา หิ เต
อนุวิจรนฺติ. ตตฺถ อุโปสถํ อุปวสนฺตีติ มาสสฺส อฏฺฐ วาเร อุโปสถงฺคานิ
อธิฏฺฐหนฺติ. ปฏิชาคโรนฺตีติ ปฏิชาครอุโปสถกมฺมํ นาม กโรนฺติ. ตํ กโรนฺตา
เอกสฺมึ อฑฺฒมาเส จตุนฺนํ อุโปสถทิวสานํ ปจฺจุคฺคมนานุคฺคมนวเสน กโรนฺติ.
ปญฺจมีอุโปสถํ ปจฺจุคฺคจฺฉนฺตา จตุตฺถิยํ อุโปสถิกา โหนฺติ, อนุคจฺฉนฺตา
ฉฏฺฐิยํ. อฏฺฐมีอุโปสถํ ปจฺจุคฺคจฺฉนฺตา สตฺตมิยํ, อนุคจฺฉนฺตา นวมิยํ,
จาตุทฺทสีอุโปสถํ ๔- ปจฺจุคฺคจฺฉนฺตา เตรสิย, ปณฺณรสีอุโปสถํ อนุคจฺฉนฺตา
จาตุทฺทสิยํ ปาฏิปเท อุโปสถิกา โหนฺติ. ปุญฺญานิ
@เชิงอรรถ:  สี. มหาราเช   ฉ.ม. อาณาเปติ   ม. มนุสฺสโลเก   ฉ.ม. จาตุทฺทสึ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๓๗. http://84000.org/tipitaka/read/attha_page.php?book=15&page=137&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=3099&modeTY=2&pagebreak=1 http://84000.org/tipitaka/atthapali/th_line.php?B=15&A=3099&modeTY=2&pagebreak=1#p137


จบการแสดงผล หน้าที่ ๑๓๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]