อรรถกถาเล่มที่ ๑๕ หน้าที่ ๑๓๑.

สมุฏฺานํ ทิสฺวา ตตฺถ นิสินฺโน, ราชกุมาโรปิ ปาโตว อุฏฺาย ปญฺจอุปาสกสเตหิ ปริวุโต พุทฺธสฺส อุปฏฺานํ คจฺฉนฺโต มหามคฺคา โอกฺกมฺม โคปถํ คเหตฺวา "พุทฺธานํ ปูชนตฺถาย มิสฺสกมาลํ โอจินามี"ติ ^๑- คจฺฉนฺโต สตฺถารํ ทิสฺวา อุปสงฺกมิตฺวา วนฺทิตฺวา เอกมนฺตํ นิสีทิ, เอวํ โส ตตฺถ คโตติ. สุขมสยิตฺถาติ สุขํ สยิตฺถ. อนฺตรฏฺโกติ มาฆผคฺคุณานํ อนฺตเร อฏฺทิวสปริมาโณ กาโล. มาฆสฺส หิ อวสาเน จตฺตาโร ทิวสา, ผคฺคุณสฺส อาทิมฺหิ จตฺตาโรติ อยํ "อนฺตรฏฺโก"ติ วุจฺจติ. หิมปาตสมโยติ หิมสฺส ปตนสมโย. ขราติ ผรุสา กกฺขฬา วา. โคกณฺฏกหตาติ นววุฏฺเทเว ^๒- คาวีนํ อกฺกนฺตกฺกนฺตฏฺาเน ขุรนฺตเรหิ กทฺทโม อุคฺคนฺตฺวา ติฏฺติ, โส วาตาตเปน สุกฺโข กกจทนฺตสทิโส โหติ ทุกฺขสมฺผสฺโส. ตํ สนฺธายาห "โคกณฺฏกหตา ภูมี"ติ. คุนฺนํ ขุรนฺตเรหิ ฉินฺนาติปิ อตฺโถ. เวรมฺโพ วาโต วายตีติ จตูหิ ทิสาหิ วายนฺโต วาโต วายติ. เอกาย วา ทิสาย ทฺวีหิ วา ทิสาหิ ตีหิ วา ทิสาหิ วายนฺโต วาโต เวรมฺโพติ น วุจฺจติ. เตนหิ ราชกุมาราติ อิทํ สตฺถา "อยํ ราชกุมาโร โลกสฺมึ เนว สุขวาสิโน, น ทุกฺขวาสิโน ชานาติ, อาชานาเปสฺสามิ ^๓- นนฺ"ติ อุปริ เทสนํ วฑฺเฒนฺโต อาห. ตตฺถ ยถา เต ขเมยฺยาติ ยถา ตุยฺหํ รุจฺเจยฺย. อิธสฺสาติ อิมสฺมึ โลเก อสฺส. โคณกตฺถโตติ จตุรงฺคุลาธิกโลเมน กาฬโกชเวน อตฺถโต. ปฏิกตฺถโตติ อุณฺณามเยน เสตตฺถรเณน อตฺถโต. ปฏลิกตฺถโตติ ฆนปุปฺผอุณฺณามยอตฺถรเณน อตฺถโต. กทลิมิคปวรปจฺจตฺถรโณติ กทลิมิคจมฺมมเยน อุตฺตมปจฺจตฺถรเณน อตฺถโต. ตํ กิร ปจฺจตฺถรณํ เสตวตฺถสฺส อุปริ กทลิมิคจมฺมํ อตฺถริตฺวา สิพฺพิตฺวา กโรนฺติ. สอุตฺตรจฺฉโทติ สห อุตฺตรจฺฉเทน, อุปริ พทฺเธน รตฺตวิตาเนน สทฺธินฺติ อตฺโถ. อุภโต โลหิตกูปธาโนติ สีสูปธานญฺจ ปาทูปธานญฺจาติ ปลฺลงฺกสฺส อุภโต ปิตโลหิตกูปธาโน. ปชาปติโยติ ภริยาโย. มนาเปน ปจฺจุปฏฺิตา อสฺสูติ มนาเปน อุปฏฺานวิธาเนน ปจฺจุปฏฺิตา ภเวยฺยุํ. @เชิงอรรถ: ^๑ ฉ.ม. โอจินิสฺสามีติ ^๒ สี. นววฏฺเ, ฉ.ม.,อิ. นววุฏฺเ เทเว @^๓ ฉ.ม.,อิ. ชานาเปสฺสามิ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๓๑. http://84000.org/tipitaka/read/attha_page.php?book=15&page=131&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=2956&pagebreak=1 http://84000.org/tipitaka/atthapali/th_line.php?B=15&A=2956&pagebreak=1#p131