อรรถกถาเล่มที่ ๑๔ หน้าที่ ๕๐.

อุปฺปาเทตุํ น สกฺโกติ, สมฺมาปณิหิตํปิ ^๑- สกฺโกติ, เอวเมว อปฺปมตฺตกํ ปณฺณมุฏฺิมตฺตกทานํ กุสลํ ^๒- วา โหตุ, มหนฺตํ เวลามทานาทิกุสลํ วา, สเจ วฏฺฏสมฺปตฺตึ ปฏฺเตฺวา วฏฺฏสนฺนิสฺสิตวเสน มิจฺฉา ปิตํ โหติ, วฏฺฏเมว อาหริตุํ สกฺโกติ, โน วิวฏฺฏํ. "อิทํ เม ทานํ อาสวกฺขยาวหํ โหตู"ติ เอวํ ปน วิวฏฺฏํ ปฏฺเนฺเตน วิวฏฺฏวเสน สมฺมา ปิตํ อรหตฺตมฺปิ ปจฺเจกโพธิาณมฺปิ สพฺพญฺุตญฺาณมฺปิ ทาตุํ สกฺโกติเยว. วุตฺตเญฺหตํ:- "ปฏิสมฺภิทา วิโมกฺขา จ ยา จ สาวกปารมี ปจฺเจกโพธิ พุทฺธภูมิ สพฺพเมเตน ลพฺภตี"ติ. ^๓- อิมสฺมึ สุตฺตทฺวเย จ วฏฺฏวิวฏฺฏํ กถิตํ. [๔๓] ตติเย ปทุฏฺจิตฺตนฺติ โทเสน ปทุฏฺจิตฺตํ. เจตสา เจโต ปริจฺจาติ อตฺตโน จิตฺเตน ตสฺส จิตฺตํ ปริจฺฉินฺทิตฺวา. ยถาภตํ นิกฺขิตฺโตติ ยถา อาหริตฺวา ปิโต. เอวํ นิรเยติ เอวํ นิรเย ิโตเยวาติ ทฏฺพฺโพ. ^๔- อปายนฺติอาทิ สพฺพํ นิรยเววจนเมตํ. ^๕- นิรโย หิ อยสงฺขาตา สุขา อเปโตติ อปาโย, ทุกฺขสฺส คติ ปฏิสรณนฺติ ทุคฺคติ, ทุกฺกฏการิโน เอตฺถ วิวสา นิปตนฺตีติ วินิปาโต, นิรสฺสาทฏฺเน นิรโย. [๔๔] จตุตฺเถ ปสนฺนนฺติ สทฺธาปสาเทน ปสนฺนํ. สุคตินฺติ สุขสฺส คตึ. สคฺคํ โลกนฺติ รูปาทีหิ สมฺปตฺตีหิ สุฏฺุ อคฺคํ โลกํ. [๔๕] ปญฺจเม อุทกรหโทติ อุทกทโห. อาวิโลติ อวิปฺปสนฺโน. ลุฬิโตติ อปริสุทฺโธ. ^๖- กลลีภูโตติ กทฺทมีภูโต. สิปฺปิสมฺพุกนฺติอาทีสุ สิปฺปิโย จ สมฺพุกา จ สิปฺปิสมฺพุกํ. สกฺขรานิ ^๗- จ กถลานิ จ สกฺขรกถลํ. มจฺฉานํ คุมฺพํ ฆฏาติ @เชิงอรรถ: ^๑ ฉ.ม.,อิ. สมฺมา ปิตํ ปน ^๒ ฉ.ม.,อิ. ติณมุฏฺิมตฺตทานกุสลํ @^๓ ปาลิ. วิโมกฺโข (จุฬ.), ขุ.ขุ. ๒๕/๑๕/๑๓ นิธิกณฺฑสุตฺต ^๔ ฉ.ม. วตฺตพฺโพ @^๕ ฉ.ม.,อิ. นิรยเววจนเมว ^๖ ฉ.ม. อปริสณฺิโต ^๗ ฉ.ม.,อิ. สกฺขรา จ กลานิ จ @สกฺขรกลํ

เนื้อความอรรถกถาฉบับภาษาบาลี อักษรไทย เล่มที่ ๑๔ หน้าที่ ๕๐. http://84000.org/tipitaka/read/attha_page.php?book=14&page=50&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=14&A=1174&pagebreak=1 http://84000.org/tipitaka/atthapali/th_line.php?B=14&A=1174&pagebreak=1#p50