ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๕๗-๕๘.

หน้าที่ ๕๗.

๑๐-๑๒. มิจฺฉาทิฏฺฐิปหานสุตฺตาทิวณฺณนา [๑๖๕-๑๖๗] ทสมาทีนิ ตีณิ ปาฏิเยกฺเกน ปุคฺคลชฺฌาสยวเสน วุตฺตานิ. เตสํ อตฺโถ วุตฺตนเยเนว เวทิตพฺโพติ. นนฺทิกฺขยวคฺโค ปฐโม. ---------- ๑๗. ๒. สฏฺฐิเปยฺยาลวคฺค ๑-๖๐. อชฺฌตฺตอนิจฺจฉนฺทสุตฺตาทิวณฺณนา [๑๖๘-๒๒๗] ตทนนฺตโร สฏฺฐิเปยฺยาโล นาม โหติ, โส อุตฺตานตฺโถว. ยานิ ปเนตฺถ สฏฺฐิ วุตฺตานิ สุตฺตานิ, ตานิ "ฉนฺโท ปหาตพฺโพ"ติ เอวํ ตสฺส ตสฺเสว ปทสฺส วเสน พุชฺฌนกานํ อชฺฌาสยวเสน วุตฺตานิ. อิติ สพฺพานิ ตานิ ปาฏิเยกฺเกน ปุคฺคลชฺฌาสยวเสน กถิตานิ. เอเกกสุตฺตปริโยสาเน เจตฺถ สฏฺฐิ สฏฺฐิ ภิกฺขู อรหตฺตํ ปตฺตาติ. สฏฺฐิเปยฺยาลวคฺโค. -------------- ๑๘. ๓. สมุทฺทวคฺค ๑. ปฐมสมุทฺทสุตฺตวณฺณนา [๒๒๘] สมุทฺทวคฺคสฺส ปฐเม จกฺขุํ ภิกฺขเว ปุริสสฺส สมุทฺโทติ ยทิ ทุปฺปูรณฏฺเฐน สมุทฺทนฏฺเฐน ยทิ วา สมุทฺทนฏฺเฐน สมุทฺโท, จกฺขุเมว สมุทฺโท. ตสฺส หิ ปฐวิโต ยาว อกนิฏฺฐพฺรหฺมโลกา นีลาทิอารมฺมณํ สโมสรนฺตํ ปริปุณฺณภาวํ กาตุํ น สกฺโกติ, เอวํ ทุปฺปูรณฏฺเฐนปิ สมุทฺโท. จกฺขุ จ เตสุ เตสุ นีลาทีสุ อารมฺมเณสุ สมุทฺโทติ, อสํวุตํ หุตฺวา โอสรนํ

--------------------------------------------------------------------------------------------- หน้าที่ ๕๘.

กิเลสุปฺปตฺติยา การณภาเวน สโทสคมเนน คจฺฉตีติ สมุทฺทนฏฺเฐนปิ สมุทฺโท. ตสฺส รูปมโย เวโคติ สมุทฺทสฺส อปฺปมาโณ อูมิมโย เวโค วิย ตสฺสาปิ จกฺขุสมุทฺทสฺส สโมสรนฺตสฺส นีลาทิเภทสฺส อารมฺมณสฺส วเสน อปฺปเมยฺโย รูปมโย เวโค เวทิตพฺโพ. โย ตํ รูปมยํ เวคํ สหตีติ โย ตํ จกฺขุสมุทฺเท สโมสฑํ รูปมยํ เวคํ, มนาเป รูเป ราคํ, อมนาเป โทสํ, อสมเปกฺขิเต โมหนฺติ เอวํ ราคาทิกิเลเส อนุปฺปาเทนฺโต อุเปกฺขกภาเวน สหติ. สอูมินฺติอาทีสุ กิเลสอูมีติ สอูมึ. กิเลสาวฏฺเฏหิ สาวฏฺฏํ. กิเลสคฺคาเหหิ สคาหํ. กิเลสรกฺขเสหิ สรกฺขสํ. โกธุปายาสสฺส จ วเสน สอูมึ. วุตฺตํ เหตํ "อูมิภยนฺติ โข ภิกฺขเว โกธุปายาสสฺเสตํ อธิวจนนฺ"ติ. ๑- กามคุณวเสน สาวฏฺฏํ. วุตฺตํ เหตํ "อาวฏฺฏคฺคา โหติ โข ภิกฺขเว ปญฺจนฺเนตํ กามคุณานํ อธิวจนนฺ"ติ. ๒- มาตุคามวเสน สคาหํ สรกฺขสํ. วุตฺตํ เหตํ "คาหรกฺขโสติ โข ภิกฺขเว มาตุคามสฺเสตํ อธิวจนนฺ"ติ. ๓- เสสวาเรสุปิ เอเสว นโย. สภยํ ทุตฺตรํ อจฺจตรีติ อูมิภเยน สภยํ ทุรติกฺกมํ อติกฺกมิ. โลกนฺตคูติ สงฺขารโลกสฺส อนฺตํ คโต. ปารํ คโตติ วุจฺจตีติ นิพฺพานํ คโตติ กถิยฺยติ. ๒-๓. ทุติยสมุทฺทสุตฺตาทิวณฺณนา [๒๒๙-๒๓๐] ทุติเย สมุทฺโทติ สมุทฺทนฏฺเฐน สมุทฺโท, กิเลสนฏฺเฐน เตมนฏฺเฐนาติ วุตฺตํ โหติ. เยภุยฺเยนาติ ฐเปตฺวา อริยสาวเก. สมุทฺทาติ ๔- กิลินฺนา ตินฺตา นิมุคฺคา. กนฺตา กุลกชาตาติอาทิ เหฏฺฐา วิตฺถาริตเมว. มจฺจุชโหติ ตโย มจฺจุ ชหิตฺวา ฐิโต. นิรูปธีติ ตีหิ อุปธีหิ อนุปธิ. @เชิงอรรถ: ขุ. อิติ. ๒๕/๑๐๙/๓๒๗, ม.ม. ๑๓/๑๖๒/๑๓๔, องฺ. จตุกฺก. ๒๑/๑๒๒/๑๔ @ สํ. สฬา. ๑๘/๓๒๓/๒๒๕ (สฺยา) ขุ. อิติ. ๒๕/๑๐๙/๓๒๘ ฉ. สมุนฺนาติ


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๕๗-๕๘. http://84000.org/tipitaka/read/attha_page.php?book=13&page=57&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=1219&modeTY=2&pagebreak=1 http://84000.org/tipitaka/atthapali/th_line.php?B=13&A=1219&modeTY=2&pagebreak=1#p57


จบการแสดงผล หน้าที่ ๕๗-๕๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]