ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๕๕.

                     ๖-๗. อนฺเตวาสิกสุตฺตาทิวณฺณนา
    [๑๕๑-๑๕๒] ฉฏฺเฐ อนนฺเตวาสิกนฺติ อนฺโต วาสนกกิเลสวิรหิตํ.
อนาจริยกนฺติ อาจรณกกิเลสวิรหิตํ. อนฺตสฺส วสนฺตีติ อนฺโต อสฺส วสนฺติ. เต นํ
สมุทาจรนฺตีติ เต เอตํ อธิภวนฺติ อชโฌตฺถรนฺติ สิกฺขาเปนฺติ วา.  "เอวํ
เวชฺชกมฺมํ กโรหิ, เอวํ ทูตกมฺมนฺ"ติ อิติ สิกฺขาปนสงฺขาเตน
สมุทาจรณฏฺเฐนสฺส เต อาจริยา นาม โหนฺติ, เตหิ อาจริเยหิ สาจริยโกติ. ๑-
เสสเมตฺถ วุตฺตนเยเนว เวทิตพฺพํ. สตฺตมํ เหฏฺฐา กถิตนยเมว.
                     ๘. อตฺถินุโขปริยายสุตฺตวณฺณนา
    [๑๕๓] อฏฺฐเม ยํ ปริยายํ อาคมฺมาติ ยํ การณํ อาคมฺม. อญฺญเตฺรว
สทฺธายาติ วินา สทฺธาย สทฺธํ อปเนตฺวา. เอตฺถ จ สทฺธาติ น ปจฺจกฺขา
สทฺธา. โย ปน ปรสฺส เอวํ กิร เอวํ กิราติ กเถนฺตสฺส สุตฺวา อุปฺปสนฺโน
สทฺทหนากาโร, ตํ สนฺธาเยตํ วุตฺตํ. รุจิอาทีสุปิ รุจาเปตฺวา ขมาเปตฺวา
อตฺเถตนฺติ คหณากาโร รุจิ นาม, เอวํ กิร ภวิสฺสตีติ อนุสฺสวนํ อนุสฺสโว,
นิสีทิตฺวา เอตํ การณํ จินฺเตนฺตสฺส การณํ อุปฏฺฐาติ, เอวํ อุปฏฺฐิตสฺส
อตฺเถตนฺติ คหณํ อาการปริวิตกฺโก นาม, กรณวิตกฺโกติ อตฺโถ. การณํ
จินฺเตนฺตสฺส ปาปิกา ลทฺธิ อุปฺปชฺชติ, ตํ อตฺเถสาติ คหณากาโร
ทิฏฺฐินิชฺฌานกฺขนฺติ นาม. อญฺญํ พฺยากเรยฺยาติ อิมานิ ปญฺจฏฺฐานานิ มุญฺจิตฺวา
อรหตฺตํ พฺยากเรยฺย. อิมสฺมึ สุตฺเต เสกฺขอเสกฺขานํ ปจฺจเวกฺขณา กถิตา.
                   ๙-๑๐. อินฺทฺริยสมฺปนฺนสุตฺตาทิวณฺณนา
    [๑๕๔-๑๕๕] นวเม อินฺทฺริยสมฺปนฺโนติ ปริปุณฺณินฺทฺริโย. ตตฺถ เยน
ฉ อินฺทฺริยานิ สมฺมสิตฺวา อรหตฺตํ ปตฺตํ, โส เตหิ นิพฺพิเสวเนหิ อินฺทฺริเยหิ
@เชิงอรรถ:  ฉ.ม. สาจริยโกติ วุจฺจติ



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๕๕. http://84000.org/tipitaka/read/attha_page.php?book=13&page=55&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=1177&modeTY=2&pagebreak=1 http://84000.org/tipitaka/atthapali/th_line.php?B=13&A=1177&modeTY=2&pagebreak=1#p55


จบการแสดงผล หน้าที่ ๕๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]