อรรถกถาเล่มที่ ๑๓ หน้าที่ ๓๐๒.

นาติถูลา, นาติกาฬา นาจฺโจทาตา, อติกฺกนฺตา มานุสวณฺณํ อปฺปตฺตา ทิพฺพวณฺณํ, ตสฺมา ฉสรีรโทสรหิตา. ฉวิกลฺยาณํ มํสกลฺยาณํ นหารุกลฺยาณํ อฏฺิกลฺยาณํ วยกลฺยาณนฺติ อิเมหิ ปน กลฺยาเณหิ สมนฺนาคตตฺตา ปญฺจกลฺยาเณหิ สมนฺนาคตตฺตา นาม. ตสฺสา หิ อาคนฺตุโกภาสกิจฺจํ นตฺถิ, อตฺตโน สรีโรภาเสเนว ทฺวาทสหตฺถฏฺาเน อาโลกํ กโรติ, ปิยงฺคุสามา วา โหติ, สุวณฺณสามา วา, อยมสฺสา ฉวิกลฺยาณตา. จตฺตาโร ปนสฺสา หตฺถปาทา มุขปริโยสานํ จ ลาขารสปริกมฺมกตํ วิย รตฺตปวาฬรตฺตกมฺพลสทิสํ โหติ, อยมสฺสา มํสกลฺยาณตา. วีสติ ปน นขปตฺตานิ มํสโต อมุตฺตฏฺาเน ลาขารสปูริตานิ ^๑- วิย, มุตฺตฏฺาเน ขีรธาราสทิสานิ โหนฺติ, อยมสฺสา นหารุกลฺยาณตา. ทฺวตฺตึสทนฺตา สุผุสฺสิตา สุโธตวชิรปนฺตี วิย ขายนฺติ, อยมสฺสา อฏฺิกลฺยาณตา. วีสวสฺสสติกาปิ ปน สมานา โสฬสวสฺสุทฺเทสิกา วิย โหติ นิปฺปลิตา, อยมสฺสา วยกลฺยาณตา. ปรมปาสาวินีติ เอตฺถ จ ปสวนํ ปสาโว, ปวตฺตตีติ อตฺโถ. ปสาโว เอว ปาสาโว. ปรโม ปาสาโว ปรมปาสาโว, โส อสฺสา อตฺถีติ ปรมปาสาวินี. นจฺเจ จ คีเต จ อุตฺตมปวตฺติ เสฏฺกิริยา, อุตฺตมเมว นจฺจํ นจฺจติ, คีตํ วา คายตีติ วุตฺตํ โหติ. เสสํ สพฺพตฺถ อุตฺตานตฺถเมว. อิเมสุ ปน ทฺวีสุ สุตฺเตสุ ปุพฺพภาควิปสฺสนาว กถิตาติ. นาลนฺทวคฺโค ทุติโย. --------------- ๓. สีลฏฺิติวคฺค ๑-๒. สีลสุตฺตาทิวณฺณนา [๓๘๗-๓๘๘] ตติยวคฺคสฺส ปเม สีลานีติ จตุปาริสุทฺธสีลานิ. ทุติเย อุมฺมงฺโคติ ปญฺหมคฺโค ปญฺหคเวสนํ. ^๒- @เชิงอรรถ: ^๑ ก. ลาขารสหิตานิ ^๒ สี. อุมฺมคฺโคติ ปญฺามคฺโค ปญฺาคเวสนํ

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๐๒. http://84000.org/tipitaka/read/attha_page.php?book=13&page=302&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=6600&pagebreak=1 http://84000.org/tipitaka/atthapali/th_line.php?B=13&A=6600&pagebreak=1#p302