อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๑๙๙.

สพฺพปฐมํ สุมนปุปฺผคนฺโธ ฆานํ ปหริ. โส มหาตลสฺมึเยว มหาเจติยาภิมุโข
นิปชฺชิตฺวา "วสฺสิกํ เตสํ อคฺคนฺติ กเถนฺเตน สุกถิตํ สมฺมาสมฺพุทฺเธนา"ติ
เจติยํ วนฺทิ. กุฑฺฑราชาโนติ ขุทฺทกราชาโน. "กุทฺทราชาโน"ติปิ ปาโฐ.
ตนฺตาวุตานนฺติ ตนฺเต อาวุตานํ, ตนฺตํ อาโรเปตฺวา วายิตานนฺติ อตฺโถ. อิทญฺจ
ปจฺจตฺเต สามิวจนํ. ยานิ กานิจิ ตนฺตาวุตานิ วตฺถานีติ อยํ เหตฺถ อตฺโถ.
อถวา ตนฺตาวุตานํ วตฺถานํ ยานิ กานิจิ วตฺถานีติ เอวํ สาวเสสปาฐนเยนเปตฺถ
อตฺโถ ทฏฺฐพฺโพ. เสสํ สพฺพตฺถ อุตฺตานเมวาติ.
                           อปฺปมาทวคฺโค.
                           -----------
                          ๖. พลกรณียวคฺค
                          ๑. พลสุตฺตวณฺณนา
    [๑๔๙] พลกรณียวคฺเค พลกรณียาติ อูรุพลพาหุพเลน กตฺตพฺพา
ธาวนลงฺฆนตาปนวหนาทโย ๑- กมฺมนฺตา. สีเล ปติฏฺฐายาติ จตุปาริสุทฺธสีเล ฐตฺวา.
อฏฺฐงฺคิกํ มคฺคนฺติ สหวิปสฺสนํ อริยมคฺคํ.
                          ๒. พีชสุตฺตวณฺณนา
    [๑๕๐] พีชคามภูตคามาติ เอตฺถ ปญฺจวิธมฺปิ พีชํ พีชคาโม นาม,
ตเทว ปณฺณสมฺปนฺนํ ๒- นีลภาวโต ปฏฺฐาย ภูตคาโมติ เวทิตพฺพํ.
                         ๓. นาคสุตฺตวณฺณนา
    [๑๕๑] พลํ คาเหนฺตีติ พลํ คณฺหนฺติ, คหิตพลา ถิรสรีรา โหนฺติ.
กุโสพฺเภ โอตรนฺตีติอาทีสุ อยมนุปุพฺพิกถา:- นาคินิโย กิร อุตุสมเย
@เชิงอรรถ: ๑. ม. พาธนลงฺฆนหาสนวสนาทโย     ๒ ม. ปลาสสมฺปนฺนํ, ฏีกา. สมฺปนฺนํ


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๙๙.
http://84000.org/tipitaka/read/attha_page.php?book=13&page=199&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=4329&modeTY=2&pagebreak=1
http://84000.org/tipitaka/atthapali/th_line.php?B=13&A=4329&modeTY=2&pagebreak=1#p199