ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๑๗.

"อยํ อตฺตภาโว เลเณ มา วินสฺสตู"ติ อธิฏฺฐหิตฺวา ภิกฺขู อามนฺเตสิ. ปุรายํ
กาโย อิเธว วิกิรตีติ ยาว น วิกิรติ, ตาว นํ พหิทฺธา นีหรถาติ อตฺโถ.
อญฺญถตฺตนฺติ อญฺญถาภาวํ. อินฺทฺริยานํ วา วิปริณามนฺติ จกฺขุโสตาทีนํ
อินฺทฺริยานํ ปกติวิชหนภาวํ. ตตฺเถว วิกิรีติ พหิ นีหริตฺวา ฐปิตฏฺฐาเน
มญฺจกสฺมึเยว วิกิริ.
                     ๘. อุปวาณสนฺทิฏฺฐิกสุตฺตวณฺณนา
     [๗๐] อฏฺฐเม รูปปฺปฏิสํเวทีติ นีลปีตาทิเภทํ อารมฺมณํ ววตฺถาเปนฺโต
รูปํ ปฏิสํวิทิตํ กโรติ, ตสฺมา รูปปฏิสํเวที นาม โหติ. รูปราคปฺปฏิสํเวทีติ
กิเลสสฺส อตฺถิภาเวเนว ปน รูปราคํ ปฏิสํวิทิตํ กโรติ นาม, ตสฺมา
รูปราคปฺปฏิสํเวทีติ วุจฺจติ. สนฺทิฏฺฐิโกติอาทีนิ วิสุทฺธิมคฺเค วุตฺตตฺถาเนว.
โน จ รูปราคปฏิสํเวทีติ กิเลสสฺส นตฺถิภาเวเนว น รูปราคํ ปฏิสํวิทิตํ กโรติ นาม,
ตสฺมา "โน จ รูปราคปฺปฏิสํเวที"ติ วุจฺจติ. อิมสฺมึ สุตฺเต เสขาเสขานํ
ปจฺจเวกฺขณา กถิตา.
                     ๙. ปฐมฉผสฺสายตนสุตฺตวณฺณนา
     [๗๑] นวเม ผสฺสายตนานนฺติ ผสฺสากรานํ. อวุสิตนฺติ อวุตฺถํ. อารกาติ
ทูเร. เอตฺถาหํ ภนฺเต อนสฺสสนฺติ ๑- ภนฺเต อหํ เอตฺถ อนสฺสสึ, นฏฺโฐ
นาม อหนฺติ วทติ. ภควา "อยํ ภิกฺขุ อหํ นาม อิมสฺมึ สาสเน นฏฺโฐ'ติ
วทติ, กินฺนุ ขฺวสฺส อญฺเญสุ ธาตุกมฺมฏฺฐานกสิณกมฺมฏฺฐานาทีสุ อภิโยโค อตฺถี"ติ
จินฺเตตฺวา ตมฺปิ อปสฺสนฺโต "กตรํ นุ โข กมฺมฏฺฐานํ อิมสฺส สปฺปายํ
ภวิสฺสตี"ติ จินฺเตสิ. ตโต "อายตนกมฺมฏฺฐานเมว สปฺปายนฺ"ติ ทิสฺวา ตํ
@เชิงอรรถ:  สี. อนสฺสาสินฺติ



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๗. http://84000.org/tipitaka/read/attha_page.php?book=13&page=17&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=353&modeTY=2&pagebreak=1 http://84000.org/tipitaka/atthapali/th_line.php?B=13&A=353&modeTY=2&pagebreak=1#p17


จบการแสดงผล หน้าที่ ๑๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]