อรรถกถาเล่มที่ ๑๒ หน้าที่ ๓๘๑.

อุทปาทิ. อถ ภควา ปุคฺคลานํ นาคโยนีหิ อุทฺธรณตฺถํ ^๑- นาคโยนิโย อาวิกโรนฺโต อิมํ สุตฺตมาห. ๒-๕๐. ปณีตตรสุตฺตาทิวณฺณนา [๓๔๓-๓๙๑] ทุติยาทีสุ โวสฺสฏฺกายาติ อหิตุณฺฑิกปริพุทฺธํ ^๒- อคเณตฺวา วิสฺสฏฺกายา. ทฺวยการิโนติ ทุวิธการิโน, กุสลากุสลการิโนติ อตฺโถ. สจชฺช มยนฺติ สเจ อชฺช มยํ. สหพฺยตํ อุปปชฺชตีติ สหภาวํ อาปชฺชติ. ตตฺรสฺส อกุสลํ อุปปตฺติยา ปจฺจโย โหติ, กุสลํ อุปปนฺนานํ สมฺปตฺติยา. อนฺนนฺติ ขาทนียโภชนียํ. ปานนฺติ ยงฺกิญฺจิ ปานกํ. วตฺถนฺติ นิวาสนปารุปนํ. ยานนฺติ ฉตฺตุปาหนํ อาทึ กตฺวา ยงฺกิญฺจิ คมนปจฺจยํ. มาลนฺติ ยงฺกิญฺจิ สุมนมาลาทิปุปฺผํ. คนฺธนฺติ ยงฺกิญฺจิ จนฺทนาทิคนฺธํ. วิเลปนนฺติ ยงฺกิญฺจิ ฉวิราคกรณํ. เสยฺยาวสถปทีเปยฺยนฺติ มญฺจปีาทิเสยฺยํ เอกภูมิกาทิอาวสถํ วฏฺฏิเตลาทิปทีปูปการณญฺจ เทตีติ อตฺโถ. เตสํ หิ ทีฆายุกตาย ^๓- จ วณฺณวนฺตตาย จ สุขพหุลตาย จ ปตฺถนํ กตฺวา อิมํ ทสวิธํ ทานวตฺถุํ ทตฺวา ตํ สมฺปตฺตึ อนุภวิตุํ ตตฺถ นิพฺพตฺตนฺติ. เสสํ สพฺพตฺถ อุตฺตานเมวาติ. นาคสํยุตฺตวณฺณนา นิฏฺิตา. -------------- ๙. สุปณฺณสํยุตฺตวณฺณนา [๓๙๒-๔๓๗] สุปณฺณสํยุตฺเต ปตฺตานํ วณฺณวนฺตตาย ครุฬา สุปณฺณาติ วุตฺตา. อิธาปิ ปมสุตฺตํ ปุริมนเยเนว อตฺถุปฺปตฺติยํ วุตฺตํ. หรนฺตีติ อุทฺธรนฺติ. @เชิงอรรถ: ^๑ สี. อุกฺกณฺนตฺถํ ^๒ สี....ปริวุตฺถํ @^๓ สี.,ม. ทีฆายุกภาเว

เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๓๘๑. http://84000.org/tipitaka/read/attha_page.php?book=12&page=381&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=8375&pagebreak=1 http://84000.org/tipitaka/atthapali/th_line.php?B=12&A=8375&pagebreak=1#p381