ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๙๓.

          อฏฺฐเม เสฺวว ปโญฺห เทวตาย เหฏฺฐุปริยายวเสน ปุจฺฉิโต. อฏฺฐมํ.
          นวเม สพฺพํ อุตฺตานเมว. นวมํ.
                         ๑๐. โลกสุตฺตวณฺณนา
      [๗๐]  ทสเม กิสฺมึ โลโก สมุปฺปนฺโนติ กิสฺมึ อุปฺปนฺเน โลโก อุปฺปนฺโนติ
วุจฺจติ. ๑- ฉสูติ ฉสุ อชฺฌตฺติเกสุ อายตเนสุ อุปฺปนฺเนสุ อุปฺปนฺโนติ
วุจฺจติ. ฉสุ กุพฺพตีติ เตสุเยว ฉสุ สนฺถวํ กโรติ. อุปาทายาติ ตานิเยว จ
อุปาทาย อาคมฺม ปฏิจฺจ ปวตฺตติ. วิหญฺญตีติ เตสุเยว ฉสุ วิหญฺญติ ปีฬิยติ.
อิติ อชฺฌตฺติกายตนวเสน อยํ ปโญฺห อาคโต, อชฺฌตฺติกพาหิรานํ ปน วเสน
อาหริตุํ วฏฺฏติ. ฉสุ หิ อชฺฌตฺติกายตเนสุ อุปฺปนฺเนสุ อยํ อุปฺปนฺโน นาม
โหติ, ฉสุ พาหิเรสุ สนฺถวํ กโรติ, ฉนฺนํ อชฺฌตฺติกานํ อุปาทาย ฉสุ พาหิเรสุ
วิหญฺญตีติ. ทสมํ.
                        อทฺธวคฺโค ๒- สตฺตโม.
                        ----------------
                          ๘. ฆตฺวาวคฺค ๓-
                       ๑. ฆตฺวาสุตฺตวณฺณนา ๓-
     [๗๑] ฆตฺวาวคฺคสฺส ๓- ปฐเม ฆตฺวาติ ๓- วธิตฺวา. สุขํ เสตีติ โกธปริฬาเหน
อปริฑยฺหมานตฺตา ๔- สุขํ สยติ. น โสจตีติ โกธวินาเสน ๕- วินฏฺฐโทมนสฺสตฺตา
น โสจติ. วิสมูลสฺสาติ ทุกฺขวิปากสฺส. มธุรคฺคสฺสาติ ๖- อกฺกุฐสฺส ๗-
ปจฺจกฺโกสิตฺวา, ปหฏสฺส จ ปฏิปหริตฺวา สุขํ อุปฺปชฺชติ, ตํ สนฺธาเยส ๘-
มธุรคฺโคติ วุตฺโต. อิมสฺมึ หิ ฐาเน ปริโยสานํ อคฺคนฺติ วุตฺตํ. อริยาติ
พุทฺธาทโย. ปฐมํ.
                          ๒. รถสุตฺตวณฺณนา
    [๗๒] ทุติเย ปญฺญายติ เอเตนาติ ปญฺญาณํ. ธโช รถสฺสาติ มหนฺตสฺมึ
หิ สงฺคามสีเส ทูรโตว ธชํ ทิสฺวา "อสุกสฺส รญฺโญ นาม อยํ รโถ"ติ รโถ
@เชิงอรรถ:  ฉ.ม. ปุจฺฉติ   ก. อนฺธวคฺค... ๓...๓ ฉ.ม. เฉตฺวา... เอวมุปริปิ
@ ฉ.ม. อปริทยฺห...   ม. โกปเฉทเนน
@ ฉ.ม., อิ. มธุรคฺคสฺสาติ กุทฺธสฺส ปฏิกุชฺฌิตฺวา, เอกฺกฏฺฐสฺส ปจฺจกฺโกสิตฺวา
@ ม. อกฺโกสสฺส    ฉ.ม., อิ. สนฺธาย, เอส-สทฺโท น ทิสฺสติ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๙๓. http://84000.org/tipitaka/read/attha_page.php?book=11&page=93&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2440&modeTY=2&pagebreak=1 http://84000.org/tipitaka/atthapali/th_line.php?B=11&A=2440&modeTY=2&pagebreak=1#p93


จบการแสดงผล หน้าที่ ๙๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]