ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๒๓.

คุณฏฺโฐ. "สตคุณา ทกฺขิณา ปาฏิกงฺขิตพฺพา"ติ ๑- เอตฺถ อานิสํสฏฺโฐ. "อนฺตํ
อนฺตคุณนฺ"ติ ๒- เอตฺถ โกฏฺฐาสฏฺโฐ. "กยิรา มาลาคุเณ พหู"ติ ๓- เอตฺถ
ราสฏฺโฐ. "ปญฺจ กามคุณา"ติ ๔- เอตฺถ พนฺธนฏฺโฐ. อิธ ปน ราสฏฺโฐ
คุณฏฺโฐ. ตสฺมา วโยคุณาติ วโยราสโย เวทิตพฺพา. อนุปุพฺพํ ชหนฺตีติ
อนุปฏิปาฏิยา ปุคฺคลํ ชหนฺติ. มชฺฌิมวเย ฐิตํ หิ ปฐมวโย ชหติ, ปจฺฉิมวเย
ฐิตํ เทฺว ปฐมมชฺฌิมา ชหนฺติ, มรณกฺขเณ ปน ตโยปิ วยา ชหนฺเตว. เอตํ
ภยนฺติ เอตํ กาลานํ อติกฺกมนํ, รตฺติทิวานํ ตริตภาโว, วโยคุณานํ ชหนภาโวติ
ติวิธภยํ. เสสํ ปุริมสทิสเมวาติ.
                      อจฺเจนฺติสุตฺตวณฺณนา นิฏฺฐิตา.
                     ----------------------
                        ๕. กติฉินฺทสุตฺตวณฺณนา
       [๕] ปญฺจเม กติ ฉินฺเทติ ฉินฺทนฺโต กติ ฉินฺเทยฺย. เสสปเทสุปิ
เอเสว นโย. เอตฺถ จ "ฉินฺเท ชเห"ติ อตฺถโต เอกํ. คาถาพนฺธสฺส ปน
อตฺถภาวตฺถํ ๕- อยํ เทวตา สทฺทปุนรุตฺตํ ๖- วชฺชยนฺตี เอวมาห. กติ สงฺคาตีโตติ
กติ สงฺเค อตีโต, อติกฺกมนฺโตติ ๗- อตฺโถ. สงฺคาติโกติปิ ปาโฐ, อยเมว อตฺโถ.
ปญฺจ ฉินฺเทติ ฉินฺทนฺโต ปญฺจ โอรมฺภาคิยสํโยชนานิ ฉินฺเทยฺย. ปญฺจ ชเหติ
ชหนฺโต ปญฺจุทฺธมฺภาคิยสํโยชนานิ ชเหยฺย. อิธาปิ ฉินฺทนญฺจ ชหนญฺจ อตฺถโต
เอกเมว, ภควา ปน เทวตาย อาโรปิตวจนานุรูเปเนว เอวมาห. อถวา ปาเทสุ
พนฺธปาสาณา ๘- วิย ปญฺโจรมฺภาคิยสํโยชนานิ เหฏฺฐา อากฑฺฒมานาการานิ ๙-
โหนฺติ, ตานิ อนาคามิมคฺเคน ฉินฺเทยฺยาติ วทติ. หตฺเถหิ คหิตรุกฺขสาขา วิย
ปญฺจุทฺธมฺภาคิยสํโยชนานิ อุปริ อากฑฺฒมานาการานิ ๙- โหนฺติ, ตานิ อรหตฺตมคฺเคน
ชเหยฺยาติ วทติ. ปญฺจ จุตฺตริ ภาวเยติ เอเตสํ สํโยชนานํ ฉินฺทนตฺถาย เจว
@เชิงอรรถ:  ม. อุปริ. ๑๔/๓๗๙/๓๒๔ ทกฺขิณาวิภงฺคสุตฺต
@ ที. มหา. ๑๐/๓๗๗/๒๕๑  มหาสติปฏฺฐานสุตฺต   ขุ. ธมฺม. ๒๕/๕๓/๒๖ วิสาขาวตฺถุ
@ ม. อนฺตํ อนฺตคุณํ, กยิรา มาลาคุเณ พหู. ปญฺจ กามคุณาติ, สุ.วิ. ๑/๕๔๖/๓๓๖
@เตวิชฺชสุตฺต   ฉ.ม., อิ. มฏฺฐภาวตฺถํ   ฉ.ม., อิ. สทฺทปุนรุตฺตึ
@ ฉ.ม., อิ. อติคโต, อติกฺกนฺโตติ   ฉ.ม., อิ. พทฺธปาสสกุโณ
@๙-๙ ก. อากฑฺฒมานการานิ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๓. http://84000.org/tipitaka/read/attha_page.php?book=11&page=23&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=584&modeTY=2&pagebreak=1 http://84000.org/tipitaka/atthapali/th_line.php?B=11&A=584&modeTY=2&pagebreak=1#p23


จบการแสดงผล หน้าที่ ๒๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]