ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๑๔๖.

      ภตฺตาภิหาเร สุทํ ภาสตีติ กถํ ภาสติ? ภควตา อนุสิฏฺฐินิยาเมน.
ภควา หิ นํ เอวํ อนุสาสิ "มาณว อิมํ ปตฺตํ ปน โธว ปตฺตฏฺฐาเน ๑- มา
อวจ, รญฺโญ ภุญชนฏฺฐาเน ฐตฺวา ปฐมปิณฑาทีสุ จ ๒- อวตฺวา อวสานปิณฺเฑ
คหิเต วเทยฺยาสิ, ราชา สุตฺวาว ภตฺตปิณฺฑํ ฉฑฺเฑสฺสติ, อถ รญฺโญ หตฺเถสุ
โธเตสุ จาฏึ ๓- อปเนตฺวา สิตฺถานิ คเณตฺวา ตทูปิกํ พยญฺชนํ ญตฺวา ปุนทิวเส
ตาวตฺตเก ตณฺฑุเล หาเรยฺยาสิ, ปาตราเส ๔- วตฺวา สายมาเส มา วเทยฺยาสี"ติ.
โส สาธูติ ปฏิสุณิตฺวา ตํทิวสํ รญฺโญ ปาตราสํ ภุตฺวา คตตฺตา สายมาเส
ภควตา ๕- อนุสิฏฺฐินิยาเมน คาถํ อภาสิ. ราชา ทสพลสฺส วจนํ สริตฺวา
ภตฺตปิณฺฑํ จาฏิยํเยว ๖- ฉฑฺเฑสิ. รญฺโญ หตฺเถสุ โธเตสุ จาฏึ ๓- อปเนตฺวา
สิตฺถานิ คเณตฺวา ๗- ปุนทิวเสว ตตฺตเก ตณฺฑุเล หรึสุ.
        นาฬิโกทนปรมตาย สณฺฐาสีติ โส กิร มาณโว ทิวเส ทิวเส
ตถาคตสฺส สนฺติกํ คจฺฉติ, ทสพลสฺส วิสฺสาสิโก อโหสิ. อถ นํ เอกทิวสํ ปุจฺฉิ
"ราชา กิตฺตกํ ภุญฺชตี"ติ. โส "นาฬิโกทนนฺ"ติ อาห. วฏฺฏิสฺสติ เอตฺตาวตา
ปุริสภาโค เอส, อิโต ปฏฺฐาย คาถํ มา วทีติ. อิติ ราชา ตตฺเถว
สณฺฐาติ. ๘- ทิฏฺฐธมฺมิเกน เจว อตฺเถน สมฺปรายิเกน จาติ เอตฺถ สลฺลิขิตสรีรตา
ทิฏฺฐธมฺมิกตฺโถ นาม, สีลํ สมฺปรายิกตฺโถ. โภชเน มตฺตญฺญุตา หิ สีลงฺคนฺนาม
โหตีติ. ตติยํ.
                       ๔. ปฐมสงฺคามสุตฺตวณฺณนา
      [๑๒๕] จตุตฺเถ เวเทหิปุตฺโตติ เวเทหีติ ปณฺฑิตาธิวจนเมตํ, ปณฺฑิตติตฺถิยา
ปุตฺโตติ อตฺโถ. จตุรงฺคินินฺติ หตฺถิอสฺสรถปตฺติสงฺขาเตหิ จตูหิ องฺเคหิ
สมนฺนาคตํ. สนฺนยฺหิตฺวาติ จมฺมปฏิมุญฺจนาทีหิ สนฺนาหํ กาเรตฺวา. สงฺคาเมสุนฺติ
ยุชฺฌึสุ. เกน การเณน? มหาโกสลรญฺญา กิร พิมฺพิสารสฺส ธีตรํ เทนฺเตน ทฺวินฺนํ
รชฺชานํ อนฺตเร สตสหสฺสุฏฺฐาโน กาสิคาโม นาม ธีตุ ทินฺโน. อชาตสตฺตุนา จ
ปิตริ มาริเต มาตาปิสฺส รญฺโญ วิโยคโสเกน นจิรสฺเสว มตา. ตโต ราชา
@เชิงอรรถ:  ฉ.ม., อิ. อิมํ คาถํ นโฏ วิย ปตฺตปตฺตฏฺฐาเน     ฉ.ม., อิ. ปฐมปิณฺฑาทีสุปิ
@ ฉ.ม., อิ. ปาตึ   ฉ.ม., อิ. ปาตราเส จ  ฉ.ม., อิ. ภควโต   ฉ.ม. ปาติยํเยว
@ ฉ.ม., อิ. คเณตฺวา ตทุปิยํ พฺยญฺชนํ ญตฺวา      ฉ.ม., อิ. สณฺฐาสิ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๔๖. http://84000.org/tipitaka/read/attha_page.php?book=11&page=146&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3807&modeTY=2&pagebreak=1 http://84000.org/tipitaka/atthapali/th_line.php?B=11&A=3807&modeTY=2&pagebreak=1#p146


จบการแสดงผล หน้าที่ ๑๔๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]