อรรถกถาเล่มที่ ๑๑ หน้าที่ ๑๔๒.

นคฺคโภคนิสฺสิริกานํ ^๑- อญฺชลึ ปคฺคณฺหาตีติ. สงฺคณฺหนตฺถาย. เอวํ หิสฺส อโหสิ "สจาหํ เอตฺตกมฺปิ เอเตสํ น กริสฺสามิ, `มยํ ปุตฺตทารํ ปหาย เอตสฺสตฺถาย ทุพฺโภชนทุกฺขเสยฺยาทีนิ อนุโภม, อยํ อมฺหากํ อญฺชลิมตฺตกํ ^๒- น กโรตี"ติ อตฺตนา ทิฏฺฐสุตํ ปฏิจฺฉาเทตฺวา น กเถยฺยุํ, เอวํ กเต ปน อนิคุหิตฺวา ^๓- กเถสฺสนฺตี"ติ. ตสฺมา เอวมกาสิ. อปิจ สตฺถุ อชฺฌาสยชานนตฺถมฺปิ เอวมกาสิ. กาสิกจนฺทนนฺติ สสณฺหจนฺทนํ. ^๔- มาลาคนฺธวิเลปนนฺติ วณฺณคนฺธตฺถาย ^๕- มาลํ สุคนฺธภาวตฺถาย คนฺธํ วณฺณคนฺธตฺถาย วิเลปนญฺจ ธาเรนฺเตน. สํวาเสนาติ สห วาเสน. สีลํ เวทิตพฺพนฺติ อยํ สุสฺสีโล วา ทุสฺสีโล วาติ สํวสนฺเตน อุปสงฺกมนฺเตน ชานิตพฺโพ. ตญฺจ โข ทีเฆน อทฺธุนา น อิตฺตรนฺติ ตญฺจ สีลํ ทีเฆน กาเลน เวทิตพฺพํ, น อิตฺตเรน. ทฺวีหตีหญฺหิ สํยตากาโร จ สํวุตินฺทฺริยากาโร จ น ^๖- สกฺกา ทสฺเสตุํ. มนสิกโรตาติ ตมฺปิ ^๗- สีลมสฺส ปริคฺคหิสฺสามีติ มนสิกโรนฺเตน ปจฺจเวกฺขนฺเตเนว สกฺกา ชานิตุํ, น อิตฺตเรน. ปญฺญวตาติ ตมฺปิ สปฺปญฺเญเนว ปณฺฑิเตน. พาโล หิ มนสิกโรนฺโตว ^๘- ชานิตุํ น สกฺโกติ. สํโวหาเรนาติ กถเนน. "โย หิ โกจิ มนุสฺเสสุ โวหารํ อุปชีวติ เอวํ วาเสฏฺฐ ชานาหิ วาณิโช โส น พฺราหฺมโณ"ติ ^๙- เอตฺถ หิ พฺยวหาโร โวหาโร ^๑๐- นาม. "จตฺตาโร อริยโวหารา จตฺตาโร อนริยโวหารา"ติ ^๑๑- เอตฺถ เจตนา. "สงฺขา สมญฺญา ปญฺญตฺติโวหาโร"ติ ^๑๒- เอตฺถ ปญฺญตฺติ. "โวหารมตฺเตน โส โวหเรยฺยา"ติ ^๑๓- เอตฺถ กถาโวหาโร. อิธาปิ เอโสว อธิปฺเปโต. เอกจฺจสฺส หิ สมฺมุขา กถา ปรมฺมุขาย กถาย น สเมติ ปรมฺมุขา กถา จ สมฺมุขาย กถาย, ตถา ปุริมกถา ปจฺฉิมกถาย, @เชิงอรรถ: ^๑ ฉ.ม. นคฺคโภคฺค... ^๒ ฉ.ม., อิ. อญฺชลิมตฺตมฺปิ ^๓ ฉ.ม., อิ. อนิคูหิตฺวา @^๔ ฉ.ม., อิ. สณฺหจนฺทนํ ^๕ สี. วณฺณคหณตฺถาย ^๖ ก. น-สทฺโท น ทิสฺสติ @^๗ ฉ.ม. อยํ ปาโฐ น ทิสฺสติ ^๘ ฉ.ม., อิ. มนสิกโรนฺโตปิ ^๙ ม.ม. ๑๓/๔๕๗/๔๔๙ @วาเสฏฺฐสุตฺต ^๑๐ อิ. หิ วณิชฺชํ โวหาโร นาม ^๑๑ ที. ปาฏิ. ๑๑/๓๑๓/๒๐๖ @สงฺคีติสุตฺต ^๑๒ อภิ. สงฺคณิ. ๓๔/๑๓๑๓/๒๙๗ นิกฺเขปกณฺฑ @^๑๓ สํ. สคา. ๑๕/๒๕/๑๗ อรหนฺตสุตฺต

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๔๒. http://84000.org/tipitaka/read/attha_page.php?book=11&page=142&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3701&modeTY=2&pagebreak=1 http://84000.org/tipitaka/atthapali/th_line.php?B=11&A=3701&modeTY=2&pagebreak=1#p142