อรรถกถาเล่มที่ ๑๑ หน้าที่ ๑๒๐.

๑๐. นานาติตฺถิยสาวกสุตฺตวณฺณนา [๑๑๑] ทสเม นานาติตฺถิยสาวกาติ เต กิร กมฺมวาทิโน อเหสุํ, ตสฺมา ทานาทีนิ ปุานิ กตฺวา สคฺเค นิพฺพตฺตา, เต "อตฺตโน อตฺตโน สตฺถริ ปสาเทน นิพฺพตฺตมฺหา"ติ สญฺิโน หุตฺวา "คจฺฉาม ทสพลสฺส สนฺติเก ตฺวา อมฺหากํ สตฺถารานํ วณฺณํ กเถสฺสามา"ติ อาคนฺตฺวา ปจฺเจกคาถาหิ กถยึสุ. ตตฺถ ฉินฺทิตมาริเตติ ฉินฺทิเต จ มาริเต จ. หตชานีสูติ โปถเน จ ธนชานีสุ จ. ปุญฺ วา ปนาติ อตฺตโน ปุญฺปิ น สมนุปสฺสติ, สงฺเขปโต ปุญฺาปุญฺานํ วิปาโก นตฺถีติ วทติ. ส เว วิสฺสาสมาจิกฺขีติ โส "เอวํ กตปาปานํปิ กตปุญฺานํปิ วิปาโก นตฺถี"ติ วทนฺโต สตฺตานํ วิสฺสาสํ อวสฺสยํ ปติฏฺ อาจิกฺขติ, ตสฺมา มานนํ วนฺทนํ ปูชนํ อรหตีติ วทติ. ตโปชิคุจฺฉายาติ กายกิลมถตเปน ปาปชิคุจฺฉเนน. สุสํวุตตฺโตติ สมนฺนาคโต ปิหิโต วา. เชคุจฺฉีติ ตเปน ปาปชิคุจฺฉโก. นิปโกติ ปณฺฑิโต. จาตุยามสุสํวุโตติ จาตุยาเมน สุสํวุโต. จาตุยาโม นาม สพฺพวาริวาริโต จ โหติ สพฺพวาริยุตฺโต จ สพฺพวาริธุโต จ สพฺพวาริผุฏฺโ ^๑- จาติ อิเม จตฺตาโร โกฏฺาสา. ตตฺถ สพฺพวาริวาริโต จาติ ^๒- วาริตสพฺพอุทโก, ปฏิกฺขิตฺตสพฺพสีโตทโกติ อตฺโถ. โส กิร สีโตทเก สตฺตสญฺี โหติ, ตสฺมา ตํ น วลญฺเชติ. สพฺพวาริยุตฺโตติ สพฺเพน ปาปวารเณน ยุตฺโต. สพฺพวาริธุโตติ สพฺเพน ปาปวารเณน ธุตปาโป. สพฺพวาริผุฏฺโติ ^๓- สพฺเพน ปาปวารเณน ผุฏฺโ. ทิฏฺ สุตํ จ อาจิกฺขนฺติ ทิฏฺ "ทิฏฺ เม"ติ สุตํ "สุตํ เม"ติ อาจิกฺขนฺโต, น นิคุหนฺโต. น หิ นูน กิพฺพิสีติ เอวรูโป สตฺถา กิพฺพิสการโก นาม น โหติ. นานาติตฺถิเยติ โส กิร นานาติตฺถิยานํเยว อุปฏฺาโก, ตสฺมา เต อารพฺภ วทติ. ปกุธโกติ ^๔- กาติยาโนติ ปกุโธ ^๕- กจฺจายโน. นิคณฺโติ นาฏฺปุตฺโต. มกฺขลิปูรณา เสติ มกฺขลิ จ ปูรโณ จ. สามญฺปฺปตฺตาติ @เชิงอรรถ: ^๑ ฉ.ม. สพฺพวาริผุโฏ ^๒ ฉ.ม. สพฺพวาริ วาริโตติ ^๓ ฉ.ม.....ผุโฏติ @^๔ ก. ปกุทฺธโก ^๕ ก. ปกุทฺโธ

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๒๐. http://84000.org/tipitaka/read/attha_page.php?book=11&page=120&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3144&pagebreak=1 http://84000.org/tipitaka/atthapali/th_line.php?B=11&A=3144&pagebreak=1#p120