อรรถกถาเล่มที่ ๑๑ หน้าที่ ๑๑๙.

อุจฺจาวจาติ อญฺเสุ าเนสุ ปณีตํ อุจฺจํ วุจฺจติ, หีนํ อวจํ. อิธ ปน อุจฺจาวจาติ นานาวิธา วณฺณนิภา. ตสฺสา กิร เทวปริสาย นีลฏฺานํ อตินีลํ, ปีตกฏฺานํ อติปีตกํ, โลหิตฏฺานํ อติโลหิตํ, โอทาตฏฺานํ อจฺโจทาตนฺติ จุตุพฺพิธา วณฺณนิภา ปาตุภวิ. เตเนว เสยฺยถาปิ นามาติ จตฺสฺโส อุปมา อาคตา. ตตฺถ สุโภติ สุนฺทโร. ชาติมาติ ชาติสมฺปนฺโน. สุปริกมฺมกโตติ โธวนาทิปริกมฺเมน สุฏฺุ ปริกมฺมกโต. ปณฺฑุกมฺพเล ปิโต. ^๑- เอวเมวนฺติ รตฺกมฺพเล นิกฺขิตฺตมณี วิย สพฺพา เอกปฺปหาเรเนว วิโรจิตุํ อารทฺธา. นิกฺขนฺติ ^๒- อติเรกปญฺจสุวณฺเณน กตปิลนฺธนํ. ตํ หิ ฆฏฺฏนมชฺชนกฺขมํ โหติ. ชมฺโพนทนฺติ มหาชมฺพุสาขาย ปวตฺตนทิยํ นิพฺพตฺตํ, มหาชมฺพุผลรเส วา ปวิยํ ปวิฏฺเ สุวณฺณงฺกุรา อุฏฺหนฺติ, เตน สุวณฺเณน กตํ ปิลนฺธนนฺติปิ อตฺโถ. ทกฺขกมฺมารปุตฺตอุกฺกามุขสุกุสลสมฺปหฏนฺติ สุกุสเลน กมฺมารปุตฺเตน อุกกามุเข ปจิตฺวา สมฺปหฏฺ. ธาตุวิภงฺเค ^๓- อกตภณฺฑํ คหิตํ, อิธ ปน กตภณฺฑํ. วิทฺเธติ ทูริภูเต. เทเวติ อากาเส. นภํ อพฺภุสฺสกฺกมาโนติ ^๔- อากาสํ อภิลงฺฆนฺโต. อิมินา ตรุณสุริยภาโว ทสฺสิโต. โสรโตติ โสรจฺเจน สมนฺนาคโต. ทนฺโตติ นิพฺพิเสวโน. สตฺถุวณฺณภโตติ สตฺถารา อาภตวณฺโณ. สตฺถา หิ อฏฺปริสมชฺเฌ นิสีทิตฺวา "เสวถ ภิกฺขเว สาริปุตฺตโมคฺคลฺลาเน"ติ อาทินา ^๕- นเยน เถรสฺส วณฺณํ อาหรติ. เถโร อาภตวณฺโณ นาม โหติ. กาลํ กงฺขตีติ ปรินิพฺพานกาลํ ปตฺเถติ. ขีณาสโว หิ เนว มรณํ อภินนฺทติ, น ชีวิตํ ปตฺเถติ, ทิวเส ^๖- เวตนํ คนฺตฺวา ^๗- ิตปุริโส วิย กาลํ ปน ปตฺเถติ, โอโลเกนฺโต ติฏฺตีติ อตฺโถ. เตนาห:- ^๘- "นาภินนฺทามิ มรณํ นาภินนฺทามิ ชีวิตํ. กาลํ จ ปาฏิกงฺขามิ นิพฺพิสํ ภตโก ยถา"ติ. ^๙- นวมํ. @เชิงอรรถ: ^๑ ฉ.ม., อิ. ปณฺฑุกมฺพเล นิกฺขิตฺโตติ รตฺตกมฺพเล ปิโต ^๒ ก. เนกฺขนฺติ @^๓ ม. อุปริ. ๑๔/๓๖๐/๓๑๑ ธาตุวิภงฺคสุตฺต ^๔ ก. อพฺภุสฺสุกฺกมาโน.... @^๕ ม. อุปริ. ๑๔/๓๗๑/๓๑๖ สจฺจวิภงฺคสุตฺต ^๖ ฉ.ม., อิ. ทิวสสงฺเขปํ, สี. ทิวเส @ทิวเส ^๗ ฉ.ม., อิ. คเหตฺวา ^๘ ฉ.ม., อิ. เตเนวาห @^๙ ขุ. เถร. ๒๖/๑๐๐๒/๓๙๗ สาริปุตฺตเถรคาถา

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๑๙. http://84000.org/tipitaka/read/attha_page.php?book=11&page=119&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=3117&pagebreak=1 http://84000.org/tipitaka/atthapali/th_line.php?B=11&A=3117&pagebreak=1#p119