อรรถกถาเล่มที่ ๑๑ หน้าที่ ๑๐๓.

นนฺโท มจฺโฉ ^๑- กิโส สงฺกิจฺโจ. ปูรณาทโย ^๒- ปน ติตฺถิยา นาม. อยํ ปน ทิฏฺฐึ อุปฺปาเทตฺวา กถํ สคฺเค นิพฺพตฺโตติ? กมฺมวาทิตาย. เอส กิร อุโปสถภตฺตาทีนิ อทาสิ, อนาถานํ วตฺตํ ปฏฺฐเปติ, ^๓- ปติสฺสเย อกาสิ, โปกฺขรณิโย ขณาเปสิ, อญฺญํปิ พหุกลฺยาณํ อกาสิ. โส ตสฺส นิสฺสนฺเทน สคฺเค นิพฺพตฺโต, โส สาสนสฺส ปน นิยฺยานิกภาวํ น ^๔- ชานาติ. โส ตถาคตสฺส สนฺติกํ คนฺตวา สาสนานุจฺฉวิกวิริยปฏิสํยุตฺตา คาถา วกฺขามีติ อาคนฺตฺวา ฉินฺท โสตนฺติอาทิมาห. ตตฺถ ฉินฺทาติ อนิยมิตอาณตฺติ. โสตนฺติ ตณฺหาโสตํ. ปรกฺกมฺมาติ ปรกฺกมิตฺวา วิริยํ กตฺวา. กาเมติ กิเลสกาเมปิ วตฺถุกาเมปิ. ปนุทาติ นีหร. เอกตฺตนฺติ ฌานํ. อิทํ วุตฺตํ โหติ:- กาเม อวิชหิตฺวา มุนิ ฌานํ น อุปปชฺชติ, น ปฏิลภตีติ อตฺโถ. กยิรา เจ กยิราเถนนฺติ ยทิ วิริยํ ^๕- กเรยฺยาถ, ตํ วิริยํ น โอสกฺเกยฺย. ทฬฺหเมตํ ปรกฺกเมติ เอนํ ทฬฺหํ ^๖- กเรยฺย. สิถิโล หิ ปริพฺพาโชติ สิถิลคหิตา ปพฺพชฺชา. ภิยฺโย อากิรเต รชนฺติ อติเรกํ อุปริ กิเลสรชํ อากิรติ. อกตํ ทุกฺกฏํ เสยฺโยติ ทุกฺกฏํ อกตเมว เสยฺโย. ยํ กิญฺจีติ น เกวลํ ทุกฺกฏํ กตฺวา กตสามญฺญเมว, อญฺญํปิ ยํ กิญฺจิ สิถิลกตํ เอวรูปเมว โหติ. สงฺกิลิฏฺฐนฺติ ทุกฺกรการิกวตฺตํ. ^๗- อิมสฺมึ หิ สาสเน ปจฺจยเหตุ สมาทินฺนํ ธุตงฺควตฺตํ ^๗- สงฺกิลิฏฺฐเมว. สงฺกสฺสรนฺติ สงฺกาย สริตํ, "อิทํปิ อิมินา กตํ ภวิสฺสติ, อิทํปิ อิมินา"ติ เอวํ อาสงฺกิตปริสงฺกิตํ. อาทิพฺรหฺมจริยิกาติ มคฺคพฺรหฺมจริยสฺส อาทิภูตา ปจฺจุปฏฺฐานภูตา. ^๘- อฏฺฐมํ. ๙. จนฺทิมสุตฺตวณฺณนา [๙๐] นวเม จนฺทิมาติ จนฺทวิมานวาสี เทวปุตฺโต. สพฺพธีติ สพฺเพสุ ขนฺธายตนาทีสุ. โลกานุกมฺปกาติ ตุยฺหํปิ เอตสฺสปิ ตาทิสา เอว. สนฺตรมาโนวาติ ตุริโต วิย. ปมุญฺจสีติ อตีตตฺเถ วตฺตมานวจนํ. นวมํ. @เชิงอรรถ: ^๑ ฉ.ม., อิ. วจฺโฉ ^๒ ฉ.ม.,อิ. ปุราณาทโย ^๓ ฉ.ม. ปฏฺฐเปสิ @^๔ ฉ.ม., อิ. น - สทฺโท นตฺถิ ^๕ ฉ.ม. วีริยํ กเรยฺย, ^๖ ฉ.ม. ทฬฺหํ เอนํ @^๗ ฉ.ม., อิ....วตํ ^๘ ฉ.ม., อิ. ปุพฺพปธานภูตา

เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๑๐๓. http://84000.org/tipitaka/read/attha_page.php?book=11&page=103&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=2696&modeTY=2&pagebreak=1 http://84000.org/tipitaka/atthapali/th_line.php?B=11&A=2696&modeTY=2&pagebreak=1#p103