อรรถกถาเล่มที่ ๑๐ หน้าที่ ๖๘.

มุญฺจิตพฺพํ กเถติ, เอวํ ปหาตพฺพํ ธมฺมํ ปมํ เทเสนฺโต กตโม จ ภิกฺขเว อสปฺปุริสธมฺโมติอาทิมาห. ตตฺถ อุจฺจากุลาติ ขตฺติยกุลา วา พฺราหฺมณกุลา วา. เอตเทว หิ กุลทฺวยํ "อุจฺจากุลนฺ"ติ วุจฺจติ. โส ตตฺถ ปุชฺโชติ โส ภิกฺขุ เตสุ ภิกฺขูสุ ปูชารโห. อนฺตรํ กริตฺวาติ อพฺภนฺตรํ กตฺวา. มหากุลาติ ขตฺติยกุลา วา พฺราหฺมณกุลา วา เวสฺสกุลา วา. อิทเมว หิ กุลตฺตยํ "มหากุลนฺ"ติ วุจฺจติ. มหาโภคกุลาติ มหนฺเตหิ โภเคหิ สมนฺนาคตกุลา. อุฬารโภคกุลาติ อุฬาเรหิ ปณีเตหิ โภเคหิ สมฺปนฺนกุลา. อิมสฺมึ ปททฺวเย จตฺตาริปิ กุลานิ ลพฺภนฺติ. ยตฺถ กตฺถจิ กุเล ชาโต หิ ปุญฺผเลหิ มหาโภโคปิ อุฬารโภโคปิ โหติเยว. [๑๐๖] ยสสฺสีติ ปริวารสมฺปนฺโน. อปฺปญฺาตาติ รตฺตึ ขิตฺตสรา วิย สํฆมชฺฌาทีสุ น ปญฺายนฺติ. อปฺเปสกฺขาติ อปฺปปริวารา. [๑๐๗] อารญฺิโกติ สมาทินฺนอารญฺิกธุตงฺโค. เสสธุตงฺเคสุปิ เอเสว นโย. อิมสฺมึ จ สุตฺเต ปาฬิยํ นเวว ธุตงฺคานิ อาคตานิ, วิตฺถาเรน ปเนตานิ เตรส โหนฺติ. เตสุ ยํ วตฺตพฺพํ, ตํ สพฺพํ สพฺพากาเรน วิสุทฺธิมคฺเค ธุตงฺคนิทฺเทเส วุตฺตเมว. [๑๐๘] อตมฺมยตาติ ตมฺมยตา วุจฺจติ ตณฺหา, นิตฺตณฺหาติ ^๑- อตฺโถ. อตมฺมยตญฺเว อนฺตรํ กริตฺวาติ นิตฺตณฺหตํเยว การณํ กตฺวา อพฺภนฺตรํ วา กตฺวา, จิตฺเต อุปฺปาเทตฺวาติ อตฺโถ. นิโรธวาเร ยสฺมา อนาคามิขีณาสวา ตํ สมาปตฺตึ สมาปชฺชนฺติ, ปุถุชฺชนสฺส สา นตฺถิ, ตสฺมา อสปฺปุริสวาโร ปริหีโน. น กิญฺจิ มญฺตีติ กญฺจิ ปุคฺคลํ ตีหิ มญฺนาหิ น มญฺติ. น กุหิญฺจิ มญฺตีติ กิสฺมิญฺจิ โอกาเส น มญฺติ. น เกนจิ มญฺตีติ เกนจิ วตฺถุนาปิ ตํ ปุคฺคลํ น มญฺติ. เสสํ สพฺพตฺถ อุตฺตานเมวาติ. ปปญฺจสูทนิยา มชฺฌิมนิกายฏฺกถาย สปฺปุริสธมฺมสุตฺตวณฺณนา นิฏฺิตา ------------ @เชิงอรรถ: ^๑ สี., ก. นิตฺตณฺหตาติ

เนื้อความอรรถกถาฉบับภาษาบาลี อักษรไทย เล่มที่ ๑๐ หน้าที่ ๖๘. http://84000.org/tipitaka/read/attha_page.php?book=10&page=68&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=10&A=1724&pagebreak=1 http://84000.org/tipitaka/atthapali/th_line.php?B=10&A=1724&pagebreak=1#p68