อรรถกถาเล่มที่ ๑ ภาษาบาลี อักษรไทย
วินย.อ. (สมนฺต.๑)
หน้าที่ ๒๗๑-๒๘๑.

หน้าที่ ๒๗๑.
ปริปุณฺณํ กตฺวา สิกฺขาปทํ ปญฺาเปตุกาโม เอวญฺจ ปน ภิกฺขเว
อิมํ สิกฺขาปทํ อุทฺทิเสยฺยาถาติ วตฺวา โย ปน ภิกฺขุ ฯเปฯ
อสํวาโสติ ปริปุณฺณํ สิกฺขาปทํ ปญฺาเปสิ ฯ
     {๔๕} อิทานิ ตสฺส อตฺถํ วิภชนฺโต โย ปนาติ โย ยาทิโสติอาทิมาห ฯ
ตสฺมึ ปน สิกฺขาปเท จ สิกฺขาปทวิภงฺเค จ สกเล จ
วินยวินิจฺฉเย โกสลฺลํ ปฏฺยนฺเตน จตุพฺพิโธ วินโย ชานิตพฺโพ ฯ
       จตุพฺพิธํ หิ วินยํ       มหาเถรา มหิทฺธิกา
       นีหริตฺวา ปกาเสสุํ    ธมฺมสงฺคาหกา ปุรา ฯ
กตมํ จตุพฺพิธํ ฯ สุตฺตํ สุตฺตานุโลมํ อาจริยวาทํ อตฺตโน มตีติ
ยํ สนฺธาย วุตฺตํ อาหจฺจปเทน โข มหาราช รเสน อาจริยวํสตา
อธิปฺปาโยติ ฯ เอตฺถ หิ อาหจฺจปทนฺติ สุตฺตํ อธิปฺเปตํ ฯ รโสติ
สุตฺตานุโลมํ ฯ อาจริยวํโสติ อาจริยวาโท ฯ อธิปฺปาโยติ อตฺตโน
มติ ฯ ตตฺถ สุตฺตนฺนาม สกลวินยปิฏเก ปาลิ ฯ สุตฺตานุโลมนฺนาม
จตฺตาโร มหาปเทสา ๑- เย ภควตา เอวํ วุตฺตา ยํ ภิกฺขเว
มยา อิทํ น กปฺปตีติ อปฏิกฺขิตฺตํ ตญฺเจ อกปฺปิยํ อนุโลเมติ
กปฺปิยํ ปฏิพาหติ ตํ โว น กปฺปติ ยํ ภิกฺขเว มยา อิทํ น
กปฺปตีติ อปฏิกฺขิตฺตํ ตญฺเจ กปฺปิยํ อนุโลเมติ อกปฺปิยํ ปฏิพาหติ
ตํ โว กปฺปติ ยํ ภิกฺขเว มยา อิทํ กปฺปตีติ อนนุญฺาตํ
ตญฺเจ อกปฺปิยํ อนุโลเมติ กปฺปิยํ ปฏิพาหติ ตํ โว น กปฺปติ
ยํ ภิกฺขเว มยา อิทํ กปฺปตีติ อนนุญฺาตํ ตญฺเจ กปฺปิยํ
@เชิงอรรถ: ๑. วิ. มหาวคฺค. ๕/๗๓๑.
---------------------------------------------------------------------------------------------
หน้าที่ ๒๗๒.
อนุโลเมติ อกปฺปิยํ ปฏิพาหติ ตํ โว กปฺปตีติ ฯ อาจริยวาโท
นาม ธมฺมสงฺคาหเกหิ ปญฺจหิ อรหนฺตสเตหิ ปิตา ปาลิวินิมุตฺตา
โอกฺกนฺติกวินิจฺฉยปฺปวตฺตา อฏฺกถาตนฺติ ฯ อตฺตโน มติ นาม
สุตฺตสุตฺตานุโลมอาจริยวาเท มุญฺจิตฺวา อนุมาเนน อตฺตโน อนุพุทฺธิยา
นยคฺคาเหน อุปฏฺิตาการกถนํ ฯ อปิจ สุตฺตนฺตาภิธมฺมวินยฏฺกถาสุ
อาคโต สพฺโพปิ เถรวาโท อตฺตโน มติ นาม ฯ ตํ ปน อตฺตโน
มตึ คเหตฺวา กเถนฺเตน น ทฬฺหคฺคาหํ คเหตฺวา โวหริตพฺพํ การณํ
สลฺลกฺเขตฺวา อตฺเถน ปาลึ ปาลิยา จ อตฺถํ สํสนฺเทตฺวา กเถตพฺพํ ฯ
อตฺตโน มติ อาจริยวาเท โอตาเรตพฺพา ฯ สเจ ตตฺถ โอตรติ เจว
สเมติ จ คเหตพฺพา ฯ สเจ เนว โอตรติ น สเมติ น
คเหตพฺพา ฯ อยํ หิ อตฺตโน มติ นาม สพฺพทุพฺพลา ฯ อตฺตโน
มติโต อาจริยวาโท พลวตโร ฯ อาจริยวาโทปิ สุตฺตานุโลเม
โอตาเรตพฺโพ ฯ ตตฺถ โอตรนฺโต สเมนฺโตเอว คเหตพฺโพ อิตโร น
คเหตพฺโพ ฯ อาจริยวาทโต หิ สุตฺตานุโลมํ พลวตรํ ฯ สุตฺตานุโลมมฺปิ
สุตฺเต โอตาเรตพฺพํ ฯ ตตฺถ โอตรนฺตํ สเมนฺตเมว คเหตพฺพํ อิตรํ
น คเหตพฺพํ ฯ สุตฺตานุโลมโต หิ สุตฺตเมว พลวตรํ ฯ สุตฺตํ หิ
อปฏิวตฺติยํ การกสงฺฆสทิสํ พุทฺธานํ ิตกาลสทิสํ ฯ ตสฺมา ยทา
เทฺว ภิกฺขู สากจฺฉนฺติ สกวาที สุตฺตํ คเหตฺวา กเถติ ปรวาที
สุตฺตานุโลมํ ฯ เตหิ อญฺมญฺ เขปํ วา ครหํ วา อกตฺวา
สุตฺตานุโลมํ สุตฺเต โอตาเรตพฺพํ ฯ สเจ โอตรติ สเมติ คเหตพฺพํ
โน เจ น คเหตพฺพํ สุตฺตสฺมึเยว าตพฺพํ ฯ อถายํ สุตฺตํ
---------------------------------------------------------------------------------------------
หน้าที่ ๒๗๓.
คเหตฺวา กเถติ ปโร อาจริยวาทํ เตหิปิ อญฺมญฺ เขปํ
วา ครหํ วา อกตฺวา อาจริยวาโท สุตฺเต โอตาเรตพฺโพ ฯ สเจ
โอตรติ สเมติ คเหตพฺโพ ฯ อโนตรนฺโต อสเมนฺโต จ คารยฺโห
อาจริยวาโท น คเหตพฺโพ สุตฺตสฺมึเยว าตพฺพํ ฯ อถายํ สุตฺตํ
คเหตฺวา กเถติ ปโร อตฺตโน มตึ เตหิปิ อญฺมญฺ เขปํ วา
ครหํ วา อกตฺวา อตฺตโน มติ สุตฺเต โอตาเรตพฺพา ฯ สเจ โอตรติ
สเมติ คเหตพฺพา โน เจ น คเหตพฺพา สุตฺตสฺมึเยว าตพฺพํ ฯ
อถายํ สุตฺตานุโลมํ คเหตฺวา กเถติ ปโร สุตฺตํ สุตฺตานุโลเม
โอตาเรตพฺพํ ฯ สเจ โอตรติ สเมติ ติสฺโส สงฺคีติโย อารุฬฺหํ
ปาลิอาคตํ ปญฺายติ คเหตพฺพํ โน เจ ตถา ปญฺายติ น
โอตรติ น สเมติ พาหิรกสุตฺตํ วา โหติ สิโลโก วา อญฺ
วา คารยฺหสุตฺตํ คุฬฺหเวสฺสนฺตรคุฬฺหวินยเวทลฺลาทีนํ อญฺตรโต
อาคตํ น คเหตพฺพํ สุตฺตานุโลมสฺมึเยว าตพฺพํ ฯ อถายํ
สุตฺตานุโลมํ คเหตฺวา กเถติ ปโร อาจริยวาทํ ฯ อาจริยวาโท
สุตฺตานุโลเม โอตาเรตพฺโพ ฯ สเจ โอตรติ สเมติ คเหตพฺโพ โน
เจ น คเหตพฺโพ สุตฺตานุโลเมเยว าตพฺพํ ฯ อถายํ สุตฺตานุโลมํ
คเหตฺวา กเถติ ปโร อตฺตโน มตึ อตฺตโน มติ สุตฺตานุโลเม
โอตาเรตพฺพา ฯ สเจ โอตรติ สเมติ คเหตพฺพา โน เจ น
คเหตพฺพา สุตฺตานุโลเมเยว าตพฺพํ ฯ อถ ปนายํ อาจริยวาทํ
คเหตฺวา กเถติ ปโร สุตฺตํ สุตฺตํ อาจริยวาเท โอตาเรตพฺพํ ฯ
สเจ โอตรติ สเมติ คเหตพฺพํ ฯ อิตรํ คารยฺหสุตฺตํ น คเหตพฺพํ
---------------------------------------------------------------------------------------------
หน้าที่ ๒๗๔.
อาจริยวาเทเยว าตพฺพํ ฯ อถายํ อาจริยวาทํ คเหตฺวา กเถติ
ปโร สุตฺตานุโลมํ สุตฺตานุโลมํ อาจริยวาเท โอตาเรตพฺพํ ฯ
โอตรนฺตํ สเมนฺตเมว คเหตพฺพํ ฯ อิตรํ น คเหตพฺพํ อาจริยวาเทเยว
าตพฺพํ ฯ อถายํ อาจริยวาทํ คเหตฺวา กเถติ ปโร อตฺตโน
มตึ ฯ อตฺตโน มติ อาจริยวาเท โอตาเรตพฺพา ฯ สเจ โอตรติ
สเมติ คเหตพฺพา โน เจ น คเหตพฺพา อาจริยวาเทเยว
าตพฺพํ ฯ อตฺตโน คหณเมว พลิยํ กาตพฺพํ ฯ อถ ปนายํ
อตฺตโน มตึ คเหตฺวา กเถติ ปโร สุตฺตํ สุตฺตํ อตฺตโน
มติยํ โอตาเรตพฺพํ ฯ สเจ โอตรติ สเมติ คเหตพฺพํ ฯ อิตรํ
คารยฺหสุตฺตํ น คเหตพฺพํ อตฺตโน มติยํเยว าตพฺพํ ฯ อถายํ
อตฺตโน มตึ คเหตฺวา กเถติ ปโร สุตฺตานุโลมํ สุตฺตานุโลมํ
อตฺตโน มติยํ โอตาเรตพฺพํ ฯ โอตรนฺตํ สเมนฺตเมว คเหตพฺพํ ฯ
อิตรํ น คเหตพฺพํ อตฺตโน มติยเมว าตพฺพํ ฯ อถายํ อตฺตโน
มตึ คเหตฺวา กเถติ ปโร อาจริยวาทํ อาจริยวาโท อตฺตโน
มติยํ โอตาเรตพฺโพ ฯ สเจ โอตรติ สเมติ คเหตพฺโพ ฯ อิตโร
คารยฺโห อาจริยวาโท น คเหตพฺโพ อตฺตโน มติยเมว าตพฺพํ ฯ
อตฺตโน คหณเมว พลิยํ กาตพฺพํ ฯ สพฺพฏฺาเนสุ จ เขโป วา
ครหา วา น กตฺตพฺพาติ ฯ อถ ปนายํ กปฺปิยนฺติ คเหตฺวา กเถติ
ปโร อกปฺปิยนฺติ สุตฺเต จ สุตฺตานุโลเม จ โอตาเรตพฺพํ ฯ สเจ
กปฺปิยํ โหติ กปฺปิเย าตพฺพํ ฯ สเจ อกปฺปิยํ อกปฺปิเย าตพฺพํ ฯ
อถายํ ตสฺส กปฺปิยภาวสาธกํ สุตฺตโต พหุํ การณญฺจ วินิจฺฉยญฺจ
---------------------------------------------------------------------------------------------
หน้าที่ ๒๗๕.
ทสฺเสติ ปโร การณํ น วินฺทติ กปฺปิเย าตพฺพํ ฯ อถ ปโร
ตสฺส อกปฺปิยภาวสาธกํ สุตฺตโต พหุํ การณญฺจ วินิจฺฉยญฺจ ทสฺเสติ
อเนน อตฺตโน คหณนฺติ กตฺวา ทฬฺหํ อาทาย น าตพฺพํ ฯ
สาธูติ สมฺปฏิจฺฉิตฺวา อกปฺปิเยเอว าตพฺพํ ฯ อถ ทฺวินฺนมฺปิ
การณจฺฉายา ทิสฺสติ ปฏิกฺขิตฺตภาโวเยว สาธุ อกปฺปิเย าตพฺพํ ฯ
วินยํ หิ ปตฺวา กปฺปิยากปฺปิยวิจารณํ อาคมฺม รุนฺธิตพฺพํ คาฬฺหํ
กตฺตพฺพํ โสตํ ปจฺฉินฺทิตพฺพํ ครุกภาเวเยว าตพฺพํ ฯ อถ
ปนายํ อกปฺปิยนฺติ คเหตฺวา กเถติ ปโร กปฺปิยนฺติ สุตฺเต จ
สุตฺตานุโลเม จ โอตาเรตพฺพํ ฯ สเจ กปฺปิยํ โหติ กปฺปิเย
าตพฺพํ ฯ สเจ อกปฺปิยํ อกปฺปิเย าตพฺพํ ฯ อถายํ พหูหิ
สุตฺตวินิจฺฉยการเณหิ อกปฺปิยภาวํ ทสฺเสติ ปโร การณํ น วินฺทติ
อกปฺปิเย าตพฺพํ ฯ อถ ปโร พหูหิ สุตฺตวินิจฺฉยการเณหิ
กปฺปิยภาวํ ทสฺเสติ อยํ การณํ น วินฺทติ กปฺปิเย าตพฺพํ ฯ อถ
ทฺวินฺนมฺปิ การณจฺฉายา ทิสฺสติ อตฺตโน คหณํ น วิสฺสชฺเชตพฺพํ ฯ
ยถา  จายํ กปฺปิยากปฺปิเย จ อกปฺปิยกปฺปิเย จ วินิจฺฉโย
วุตฺโต เอวํ อนาปตฺติอาปตฺติวาเท จ อาปตฺตานาปตฺติวาเท จ
ลหุกครุกาปตฺติวาเท จ ครุกลหุกาปตฺติวาเท จาปิ วินิจฺฉโย
เวทิตพฺโพ ฯ นามมตฺเตเยว หิ เอตฺถ นานํ โยชนานเย นานํ นตฺถิ
ตสฺมา น วิตฺถาริตํ ฯ เอวํ กปฺปิยากปฺปิยาทิวินิจฺฉเย อุปฺปนฺเน โย
สุตฺตสุตฺตานุโลมอาจริยวาทอตฺตโนมตีสุ อติเรกการณํ ลภติ ตสฺส
วาเท าตพฺพํ ฯ สพฺพโส ปน การณวินิจฺฉยํ อลภนฺเตน สุตฺตํ
---------------------------------------------------------------------------------------------
หน้าที่ ๒๗๖.
น วิชหิตพฺพํ สุตฺตสฺมึเยว าตพฺพนฺติ ฯ เอวํ ตสฺมึ สิกฺขาปเท จ
สิกฺขาปทวิภงฺเค จ สกเล จ วินยวินิจฺฉเย โกสลฺลํ ปฏฺยนฺเตน
อยํ จตุพฺพิโธ วินโย ชานิตพฺโพ ฯ
     อิมญฺจ ปน จตุพฺพิธํ วินยํ ตฺวาปิ วินยธเรน ปุคฺคเลน
ติลกฺขณสมนฺนาคเตน ภวิตพฺพํ ฯ ตีณิ หิ วินยธรสฺส ลกฺขณานิ
อิจฺฉิตพฺพานิ ฯ กตมานิ ตีณิ ฯ สุตฺตญฺจสฺส สฺวาคตํ โหติ
สุปฺปวตฺติตํ สุวินิจฺฉิตํ สุตฺตโต อนุพฺยญฺชนโสติ อิทเมกํ ลกฺขณํ ฯ
วินเย โข ปน ิโต โหติ อสํหิโรติ อิทํ ทุติยํ ฯ อาจริยปรมฺปรา
โข ปนสฺส สุคฺคหิตา โหติ สุมนสิกตา สูปธาริตาติ อิทํ
ตติยํ ฯ ตตฺถ สุตฺตนฺนาม สกลํ วินยปิฏกํ ตทสฺส สฺวาคตํ โหติ
สุฏฺุ อาคตํ ฯ สุปฺปวตฺติตนฺติ สุฏฺุ ปวตฺตํ ปคุณํ วาจุคฺคตํ ฯ
สุวินิจฺฉิตํ สุตฺตโต อนุพฺยญฺชนโสติ ปาลิโต จ ปริปุจฺฉาโต จ
อฏฺกถาโต จ สุวินิจฺฉิตํ โหติ กงฺขาจฺเฉทํ กตฺวา อุคฺคหิตํ ฯ
วินเย โข ปน ิโต โหตีติ วินเย ลชฺชิภาเวน ปติฏฺิโต โหติ ฯ
อลชฺชี หิ พหุสฺสุโตปิ สมาโน ลาภครุกตาย ตนฺตึ วิสํวาเทตฺวา
อุทฺธมฺมํ อุพฺพินยํ สตฺถุสาสนํ ทีเปตฺวา สาสเน มหนฺตํ อุปทฺทวํ
กโรติ สงฺฆเภทมฺปิ สงฺฆราชิมฺปิ อุปฺปาเทติ ฯ ลชฺชี ปน กุกฺกุจฺจโก
สิกฺขากาโม ชีวิตเหตุปิ ตนฺตึ อวิสํวาเทตฺวา ธมฺมเมว วินยเมว
ทีเปติ สตฺถุสาสนํ ครุํ กตฺวา เปติ ฯ ตถาหิ ปุพฺเพ มหาเถรา
ติกฺขตฺตุํ วาจํ นิจฺฉาเรสุํ อนาคเต ลชฺชี รกฺขิสฺสติ ลชฺชี
รกฺขิสฺสตีติ ฯ เอวํ โย จ ลชฺชี โส วินยํ อชหนฺโต อโวกฺกมนฺโต
---------------------------------------------------------------------------------------------
หน้าที่ ๒๗๗.
ลชฺชิภาเวน วินเย ิโต โหติ ปติฏฺิโตติ ฯ อสํหิโรติ สํหิโร
นาม โย ปาลิยา เหฏฺโต วา อุปริโต วา ปทปฏิปาฏิยา วา
อฏฺกถาย วา ปุจฺฉิยมาโน วิตฺถุนาติ วิปฺผนฺทติ สนฺติฏฺิตุํ น
สกฺโกติ ยํ ยํ ปเรน วุจฺจติ ตํ ตํ อนุชานาติ สกวาทํ
ฉฑฺเฑตฺวา ปรวาทํ คณฺหาติ ฯ โย ปน ปาลิยํ วา อฏฺกถายํ
วา เหฏฺูปริเยน วา ปทปฏิปาฏิยา วา ปุจฺฉิมาโน น วิตฺถุนาติ
น วิปฺผนฺทติ เอเกกโลมํ สณฺฑาเสน คณฺหนฺโต วิย เอวํ มยํ
วทาม เอวํ โน อาจริยา วทนฺตีติ วิสฺสชฺเชติ ยมฺหิ ปาลิ จ
ปาลิวินิจฺฉโย จ สุวณฺณภาชเน ปกฺขิตฺตสีหวสา วิย ปริกฺขยํ
ปริยาทานํ อคจฺฉนฺโต ติฏฺติ อยํ วุจฺจติ อสํหิโรติ ฯ
อาจริยปรมฺปรา โข ปนสฺส สุคฺคหิตา โหตีติ เถรปรมฺปรา
วํสปรมฺปรา อสฺส สุฏฺุ คหิตา โหติ ฯ สุมนสิกตาติ สุฏฺุ
มนสิกตา อาวชฺชิตมตฺเต อุชฺชลิตปฺปทีโป วิย โหติ ฯ สูปธาริตาติ
สุฏฺุ อุปธาริตา ปุพฺพาปรานุสนฺธิโต อตฺถโต การณโต จ
อุปธาริตา ฯ อตฺตโน มตึ ปหาย อาจริยสุทฺธิยา วตฺตา โหติ มยฺหํ
อาจริโย อสุกาจริยสฺส สนฺติเก อุคฺคณฺหิ โส อสุกสฺสาติ เอวํ
สพฺพํ อาจริยปรมฺปรํ เถรตรงฺคํ หริตฺวา ยาว อุปาลิตฺเถโร
สมฺมาสมฺพุทฺธสฺส สนฺติเก อุคฺคณฺหีติ ปาเปตฺวา เปติ ฯ
ตโตปิ อาหริตฺวา อุปาลิตฺเถโร สมฺมาสมฺพุทฺธสฺส สนฺติเก อุคฺคณฺหิ
ทาสกตฺเถโร อตฺตโน อุปชฺฌายสฺส อุปาลิตฺเถรสฺส โสณกตฺเถโร
อตฺตโน อุปชฺฌายสฺส ทาสกตฺเถรสฺส สิคฺควตฺเถโร อตฺตโน
---------------------------------------------------------------------------------------------
หน้าที่ ๒๗๘.
อุปชฺฌายสฺส โสณกตฺเถรสฺส โมคฺคลิปุตฺตติสฺสตฺเถโร อตฺตโน
อุปชฺฌายสฺส สิคฺควตฺเถรสฺส จณฺฑวชฺชิตฺเถรสฺส จ เอวํ สพฺพํ
อาจริยปรมฺปรํ เถรตรงฺคํ อาหริตฺวา อตฺตโน อาจริยํ ปาเปตฺวา
เปติ ฯ เอวํ อุคฺคหิตา หิ อาจริยปรมฺปรา สุคฺคหิตา โหติ ฯ
เอวํ อสกฺโกนฺเตน ปน อวสฺสํ เทฺว ตโย ปริวฏฺฏา อุคฺคเหตพฺพา ฯ
สพฺพปจฺฉิเมน หิ นเยน ยถา อาจริโย จ อาจริยาจริโย จ
ปาลิญฺจ ปริปุจฺฉญฺจ วทนฺติ ตถา าตุํ วฏฺฏติ ฯ
     อิเมหิ จ ปน ตีหิ ลกฺขเณหิ สมนฺนาคเตน วินยธเรน
วตฺถุวินิจฺฉยตฺถํ สนฺนิปติเต สงฺเฆ โอติณฺเณ วตฺถุสฺมึ โจทเกน จ
จุทิตเกน จ วุตฺเต วตฺตพฺเพ สหสา อวินิจฺฉินิตฺวาว ฉฏฺานานิ
โอโลเกตพฺพานิ ฯ กตมานิ ฉ ฯ วตฺถุ โอโลเกตพฺพํ มาติกา
โอโลเกตพฺพา ปทภาชนียํ โอโลเกตพฺพํ ติกปริจฺเฉโท โอโลเกตพฺโพ
อนฺตราปตฺติ โอโลเกตพฺพา อนาปตฺติ โอโลเกตพฺพา ฯ วตฺถุํ
โอโลเกนฺโตปิ หิ ติเณน วา ปณฺเณน วา ปฏิจฺฉาเทตฺวา
อาคนฺตพฺพํ น เตฺวว นคฺเคน อาคนฺตพฺพํ โย อาคจฺเฉยฺย
อาปตฺติ ทุกฺกฏสฺสาติ เอวํ เอกจฺจํ อาปตฺตึ ปสฺสติ ฯ โส ตํ สุตฺตํ
อาเนตฺวา ตํ อธิกรณํ วูปสเมสฺสติ ฯ มาติกํ โอโลเกนฺโตปิ
สมฺปชานมุสาวาเท ปาจิตฺติยนฺติอาทินา นเยน ปญฺจนฺนํ อาปตฺตีนํ
อญฺตรํ อาปตฺตึ ปสฺสติ ฯ โส ตํ สุตฺตํ อาเนตฺวา ตํ อธิกรณํ
วูปสเมสฺสติ ฯ ปทภาชนียํ โอโลเกนฺโตปิ อกฺขยิเต สรีเร เมถุนํ
ธมฺมํ ปฏิเสวติ อาปตฺติ ปาราชิกสฺส เยภยฺเยน ขยิเต สรีเร
---------------------------------------------------------------------------------------------
หน้าที่ ๒๗๙.
เมถุนํ ธมฺมํ ปฏิเสวติ อาปตฺติ ถุลฺลจฺจยสฺสาติอาทินา นเยน
สตฺตนฺนํ อาปตฺตีนํ อญฺตรํ อาปตฺตึ ปสฺสติ ฯ โส ปทภาชนียโต
สุตฺตํ อาเนตฺวา ตํ อธิกรณํ วูปสเมสฺสติ ฯ ติกปริจฺเฉทํ โอโลเกนฺโตปิ
ติกสงฺฆาทิเสสํ วา ติกปาจิตฺติยํ วา ติกทุกฺกฏํ วา อญฺตรํ วา
อาปตฺตึ ปริจฺเฉเท ปสฺสติ ฯ โส ตโต สุตฺตํ อาเนตฺวา ตํ
อธิกรณํ วูปสเมสฺสติ ฯ อนฺตราปตฺตึ โอโลเกนฺโตปิ ปฏิลาตํ
อุกฺขิปติ อาปตฺติ ทุกฺกฏสฺสาติ เอวํ สิกฺขาปทนฺตเรสุ อนฺตราปตฺติ
โหติ ตํ ปสฺสติ ฯ โส ตํ สุตฺตํ อาเนตฺวา ตํ อธิกรณํ
วูปสเมสฺสติ ฯ อนาปตฺตึ โอโลเกนฺโตปิ อนาปตฺติ ภิกฺขุ
อสาทิยนฺตสฺส อเถยฺยจิตฺตสฺส นมรณาธิปฺปายสฺส อนุลฺลปนาธิปฺปายสฺส
นโมจนาธิปฺปายสฺส อสญฺจิจฺจ อสติยา อชานนฺตสฺสาติ เอวํ
ตสฺมึ ตสฺมึ สิกฺขาปเท นิทฺทิฏฺ อนาปตฺตึ ปสฺสติ ฯ โส ตํ
สุตฺตํ อาเนตฺวา ตํ อธิกรณํ วูปสเมสฺสติ ฯ
     โย หิ ภิกฺขุ จตุพฺพิธวินยโกวิโท ติลกฺขณสมฺปนฺโน อิมานิ
ฉฏฺานานิ โอโลเกตฺวา อธิกรณํ วูปสเมสฺสติ ตสฺส วินิจฺฉโย
อปฏิวตฺติโย พุทฺเธน สยํ นิสีทิตฺวา วินิจฺฉิตสทิโส โหติ ฯ ตญฺเจ
เอวํ วินิจฺฉยกุสลํ ภิกฺขุํ โกจิ กตสิกฺขาปทวีติกฺกโม ภิกฺขุ
อุปสงฺกมิตฺวา อตฺตโน กุกฺกุจฺจํ ปุจฺเฉยฺย เตน สาธุกํ สลฺลกฺเขตฺวา
สเจ อนาปตฺติ โหติ อนาปตฺตีติ วตฺตพฺพํ ฯ สเจ ปนาปตฺติ โหติ
อาปตฺตีติ วตฺตพฺพํ ฯ สา เทสนาคามินี เจ เทสนาคามินีติ
วตฺตพฺพํ ฯ วุฏฺานคามินี เจ วุฏฺานคามินีติ วตฺตพฺพํ ฯ อถสฺส
---------------------------------------------------------------------------------------------
หน้าที่ ๒๘๐.
ปาราชิกจฺฉายา ทิสฺสติ ปาราชิกาปตฺตีติ น วตฺตพฺพํ ฯ กสฺมา ฯ
เมถุนธมฺมวีติกฺกโม หิ อุตฺตริมนุสฺสธมฺมวีติกฺกโม จ โอฬาริโก ฯ
อทินฺนาทานมนุสฺสวิคฺคหวีติกฺกมา ปน สุขุมา จิตฺตลหุกา เต
สุขุเมเนว อาปชฺชติ สุขุเมน รกฺขติ ฯ ตสฺมา วิเสเสน ตํ วตฺถุกํ
กุกฺกุจฺจํ ปุจฺฉิยมาโน อาปตฺตีติ อวตฺวา สจสฺส อาจริโย ธรติ
ตโต เตน โส ภิกฺขุ อมฺหากํ อาจริยํ ปุจฺฉาติ เปเสตพฺโพ ฯ
สเจ โส ปุนาคนฺตฺวา ตุมฺหากํ อาจริโย สุตฺตนฺตโต วินยโต
โอโลเกตฺวา สเตกิจฺโฉติ มํ อาหาติ วทติ ตโต เตน โส
สาธุ สุฏฺุ ยํ อาจริโย ภณติ ตํ กโรหีติ วตฺตพฺโพ ฯ อถ
ปนสฺส อาจริโย นตฺถิ สทฺธิอุคฺคหิตตฺเถโร ปน อตฺถิ ตสฺส
สนฺติกํ เปเสตพฺโพ อมฺเหหิ สหอุคฺคหิตตฺเถโร คณปาโมกฺโข
ตํ คนฺตฺวา ปุจฺฉาติ ฯ เตนาปิ สเตกิจฺโฉติ วินิจฺฉิเต สาธุ
สุฏฺุ ตสฺเสว วจนํ กโรหีติ วตฺตพฺโพ ฯ อถสฺส สทฺธิอุคฺคหิตตฺเถโรปิ
นตฺถิ อนฺเตวาสิโก ปณฺฑิโต อตฺถิ ตสฺส สนฺติกํ เปเสตพฺโพ
อสุกํ ทหรํ คนฺตฺวา ปุจฺฉาติ ฯ เตนาปิ สเตกิจฺโฉติ วินิจฺฉิเต
สาธุ สุฏฺุ ตสฺส วจนํ กโรหีติ วตฺตพฺโพ ฯ อถ ทหรสฺสาปิ
ปาราชิกจฺฉายาว อุปฏฺาติ เตนาปิ ปาราชิโกสีติ น วตฺตพฺโพ ฯ
ทุลฺลโภ หิ พุทฺธุปฺปาโท ตโต ทุลฺลภตรา ปพฺพชฺชา จ อุปสมฺปทา
จ ฯ เอวํ ปน วตฺตพฺพํ วิวิตฺตํ โอกาสํ สมฺมชฺชิตฺวา ทิวาวิหารํ
นิสีทิตฺวา สีลานิ โสเธตฺวา ทฺวตฺตึสาการํ ตาว มนสิ กโรหีติ ฯ
สเจ ตสฺส อโรคํ สีลํ กมฺมฏฺานํ ฆฏิยติ สงฺขารา ปากฏา
---------------------------------------------------------------------------------------------
หน้าที่ ๒๘๑.
หุตฺวา อุปฏฺหนฺติ อุปจารปฺปนาปฺปตฺตํ วิย จิตฺตํ เอกคฺคํ โหติ
ทิวสํ อติกฺกนฺตมฺปิ น ชานาติ ฯ โส ทิวสาติกฺกเม อุปฏฺานํ
อาคโต เอวํ วตฺตพฺโพ กีทิโส เต จิตฺตปฺปวตฺตีติ ฯ อาโรจิตาย จ
จิตฺตปฺปวตฺติยา วตฺตพฺโพ ปพฺพชฺชา นาม จิตฺตวิสุทฺธตฺถา อปฺปมตฺโต
สมณธมฺมํ กโรหีติ ฯ ยสฺส ปน สีลํ ภินฺนํ โหติ ตสฺส กมฺมฏฺานํ
น ฆฏิยติ ปโฏทาภิตุนฺนํ วิย จิตฺตํ วิกมฺปติ วิปฏิสารคฺคินา
ทยฺหติ ตตฺตปาสาเณ นิสินฺโน วิย ตํ ขณํเยว วุฏฺาติ ฯ โส
อาคโต กา เต จิตฺตปฺปวตฺตีติ ปุจฺฉิตพฺโพ ฯ อาโรจิตาย
จิตฺตปฺปวตฺติยา นตฺถิ โลเก รโห นาม ปาปกมฺมํ ปกุพฺพโต
สพฺพปมํ หิ ปาปํ กโรนฺโต อตฺตนาว ชานาติ อถสฺส อารกฺขเทวตา
ปรจิตฺตวิทู สมณพฺราหฺมณา อญฺเ จ เทวตา ชานนฺติ ตฺวํเยว
ทานิ ตว โสตฺถึ ปริเยสาหีติ วตฺตพฺโพ ฯ
     นิฏฺิตา จตุพฺพิธวินยกถา วินยธรสฺส จ ลกฺขณาทิกถา ฯ
     อิทานิ สิกฺขาปทวิภงฺคสฺส อตฺถํ วณฺณยิสฺสาม ฯ ยํ วุตฺตํ
โย ปนาติ โย ยาทิโสติอาทิ เอตฺถ โย ปนาติ วิภชิตพฺพปทํ ฯ
โย ยาทิโสติอาทีนิ ตสฺส วิภชนปทานิ ฯ เอตฺถ จ ยสฺมา
ปนาติ นิปาตมตฺตํ โยติ อตฺถปทํ ตญฺจ อนิยเมน ปุคฺคลํ
ทีเปติ ตสฺมา ตสฺส อตฺถํ ทสฺเสนฺโต อนิยเมน ปุคฺคลทีปกํ
โยสทฺทเมว อาห ฯ ตสฺมา เอตฺถ เอวมตฺโถ เวทิตพฺโพ ฯ โย
ปนาติ โยโกจีติ วุตฺตํ โหติ ฯ ยสฺมา ปน โย โส โยโกจิ
นาเมโส อวสฺสํ ลิงฺคยุตฺตชาตินามโคตฺตสีลวิหารโคจรวเยสุ


เนื้อความอรรถกถาฉบับภาษาบาลี อักษรไทย เล่มที่ ๑ หน้าที่ ๒๗๑-๒๘๑.
http://84000.org/tipitaka/read/attha_page.php?book=1&page=271&pages=11&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=1&A=5697&pagebreak=1
http://84000.org/tipitaka/atthapali/th_line.php?B=1&A=5697&pagebreak=1#p271