ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 8 : PALI ROMAN Vinaya Pitaka Vol 8 : Vinaya. Parivāra
     [979]   Panca   apattiyo   .  panca  apattikkhandha  .  panca
vinitavatthuni   .   panca   kammani   anantarikani   .   panca   puggala
niyata   .   panca   chedanaka   apattiyo  .  pancahakarehi  apattim
apajjati    .    pancapattiyo   musavadapaccaya   .   pancahakarehi
kammam   na   upeti   sayam   va  kammam  na  karoti  param  va  najjhesati
chandam   va   parisuddhim   va   na  deti  kayiramane  kamme  patikkosati
kate   va   pana   kamme   adhammaditthi  hoti  .  pancahakarehi  kammam
@Footnote: 1 Si. Ma. Yu. sabhagupajjhayena .  2 Si. Ma. Yu. sucaritam .  3 Yu. paccantime ca.
@4 Si. anannasammutiyo ca. Ma. ananna sammutiyo ca. Yu. ananna sammutiya ca.
@5 Ma. vissajjeyya.

--------------------------------------------------------------------------------------------- page325.

Upeti sayam va kammam karoti param va ajjhesati chandam va parisuddhim va deti kayiramane kamme nappatikkosati kate va pana kamme dhammaditthi hoti . panca pindapatikassa bhikkhuno kappanti anamantacaro ganabhojanam paramparabhojanam anadhitthanam avikappana . Pancahangehi samannagato bhikkhu ussankitaparisankito hoti papabhikkhupa akuppadhammopi vesiyagocaro va hoti vidhavagocaro va hoti thullakumarigocaro va hoti pandakagocaro va hoti bhikkhunigocaro va hoti. {979.1} Panca telani tilatelam sasapatelam madhukatelam erandakatelam vasatelam . panca vasani acchavasam macchavasam susukavasam sukaravasam gadrabhavasam . panca byasanani natibyasanam bhogabyasanam rogabyasanam silabyasanam ditthibyasanam . panca sampada natisampada bhogasampada arogasampada silasampada ditthisampada . Panca nissayapatippassaddhiyo upajjhayamha upajjhayo pakkanto va hoti vibbhanto va kalakato va pakkhasankanto va anattiyeva pancami . panca puggala na upasampadetabba addhanahino angahino vatthuvipanno karanadukkatako aparipuro . panca pamsukulani sosanikam apanikam 1- undurakkhayitam 2- upacikakkhayikam aggidaddham . aparanipi panca pamsukulani gokhayitam ajakkhayitam 3- thupacivaram abhisekikam 4- gatapatiyagatam. Panca avahara theyyavaharo pasayhavaharo parikappavaharo @Footnote: 1 Ma. Yu. papanikam . 2 Ma. undurakkhayikam . 3 Ma. gokhayikam ajakkhayikam. @4 Ma. Yu. abhisekikam.

--------------------------------------------------------------------------------------------- page326.

Paticchannavaharo kusavaharo . panca mahacora santo samvijjamana lokasmim . panca avissajjaniyani 1- . panca avebhangiyani . pancapattiyo kayato samutthahanti na vacato na cittato . pancapattiyo kayato ca vacato ca samutthahanti na cittato. Pancapattiyo desanagaminiyo. Panca sangha. {979.2} Panca patimokkhuddesa . sabbapaccantimesu janapadesu vinayadharapancamena ganena upasampadetabbam . pancanisamsa kathinatthare. Panca kammani . yavatatiyake panca apattiyo . pancahakarehi adinnam adiyantassa apatti parajikassa . pancahakarehi adinnam adiyantassa apatti thullaccayassa . pancahakarehi adinnam adiyantassa apatti dukkatassa . panca akappiyani na paribhunjitabbani adinnanca hoti aviditanca hoti akappiyanca hoti appatiggahitanca hoti akatatirittanca hoti . panca kappiyani paribhunjitabbani dinnanca hoti viditanca hoti kappiyanca hoti patiggahitanca hoti katatirittanca hoti . panca danani apunnani punnasammatani lokassa 2- majjadanam samajjadanam itthidanam usabhadanam cittakammadanam . panca uppanna duppativinodiya 3- uppanno rago duppativinodiyo uppanno doso duppativinodiyo uppanno moho duppativinodiyo uppannam patibhanam duppativinodiyam uppannam gamiyacittam duppativinodiyam . @Footnote: 1 Yu. avissajjiyani . 2 Ma. lokasmim . 3 Ma. duppativinodaya.

--------------------------------------------------------------------------------------------- page327.

Pancanisamsa sammajjaniya sakacittam pasidati paracittam pasidati devata attamana honti pasadikasamvattaniyam 1- kammam upacinati kayassa bheda parammarana sugatim saggam lokam upapajjati . Aparepi pancanisamsa sammajjaniya sakacittam pasidati paracittam pasidati devata attamana honti satthusasanam katam hoti pacchima janata ditthanugatim apajjati. [980] Pancahangehi samannagato vinayadharo balotveva sankham gacchati attano bhasapariyantam na ugganhati parassa bhasapariyantam na ugganhati attano bhasapariyantam anuggahetva 2- parassa bhasapariyantam anuggahetva 2- adhammena kareti appatinnaya. Pancahangehi samannagato vinayadharo panditotveva sankham gacchati attano bhasapariyantam ugganhati parassa bhasapariyantam ugganhati attano bhasapariyantam uggahetva parassa bhasapariyantam uggahetva dhammena kareti patinnaya. {980.1} Aparehipi pancahangehi samannagato vinayadharo balotveva sankham gacchati apattim na janati apattiya mulam na janati apattisamudayam na janati apattinirodham na janati apattinirodhagaminim patipadam na janati . pancahangehi samannagato vinayadharo panditotveva sankham gacchati apattim janati apattiya mulam janati apattisamudayam janati apattinirodham @Footnote: 1 Ma. pasadikasamvattanika. Yu. pasadikasamvattanikam 2 Ma. na uggahetva.

--------------------------------------------------------------------------------------------- page328.

Janati apattinirodhagaminim patipadam janati. {980.2} Aparehipi pancahangehi samannagato vinayadharo balotveva sankham gacchati adhikaranam na janati adhikaranassa mulam na janati adhikaranasamudayam na janati adhikarananirodham na janati adhikarananirodhagaminim patipadam na janati . pancahangehi samannagato vinayadharo panditotveva sankham gacchati adhikaranam janati adhikaranassa mulam janati adhikaranasamudayam janati adhikarananirodham janati adhikarananirodhagaminim patipadam janati. {980.3} Aparehipi pancahangehi samannagato vinayadharo balotveva sankham gacchati vatthum na janati nidanam na janati pannattim na janati anuppannattim na janati anusandhivacanapatham na janati . pancahangehi samannagato vinayadharo panditotveva sankham gacchati vatthum janati nidanam janati pannattim janati anuppannattim janati anusandhivacanapatham janati. {980.4} Aparehipi pancahangehi samannagato vinayadharo balotveva sankham gacchati nattim na janati nattiya karanam na janati na pubbakusalo hoti na aparakusalo hoti akalannu ca hoti. Pancahangehi samannagato vinayadharo panditotveva sankham gacchati nattim janati nattiya karanam janati pubbakusalo hoti aparakusalo hoti kalannu ca hoti. {980.5} Aparehipi pancahangehi samannagato vinayadharo balotveva

--------------------------------------------------------------------------------------------- page329.

Sankham gacchati apattanapattim na janati lahukagarukam apattim na janati savasesanavasesam apattim na janati dutthulladutthullam apattim na janati acariyaparampara kho panassa na suggahita hoti na sumanasikata na supadharita . pancahangehi samannagato vinayadharo panditotveva sankham gacchati apattanapattim janati lahukagarukam apattim janati savasesanavasesam apattim janati dutthulladutthullam apattim janati acariyaparampara kho panassa suggahita hoti sumanasikata supadharita. {980.6} Aparehipi pancahangehi samannagato vinayadharo balotveva sankham gacchati apattanapattim na janati lahukagarukam apattim na janati savasesanavasesam apattim na janati dutthulladutthullam apattim na janati ubhayani kho panassa patimokkhani vittharena na svagatani honti na suvibhattani na suppavattini na suvinicchitani suttaso anubyanjanaso . pancahangehi samannagato vinayadharo panditotveva sankham gacchati apattanapattim janati lahukagarukam apattim janati savasesanavasesam apattim janati dutthulladutthullam apattim janati ubhayani kho panassa patimokkhani vittharena svagatani honti suvibhattani suppavattini suvinicchitani suttaso anubyanjanaso. {980.7} Aparehipi pancahangehi samannagato vinayadharo balotveva sankham gacchati apattanapattim na janati lahukagarukam

--------------------------------------------------------------------------------------------- page330.

Apattim na janati savasesanavasesam apattim na janati dutthulladutthullam apattim na janati adhikarane ca na vinicchayakusalo hoti . pancahangehi samannagato vinayadharo panditotveva sankham gacchati apattanapattim janati lahukagarukam apattim janati savasesanavasesam apattim janati dutthulladutthullam apattim janati adhikarane ca vinicchayakusalo hoti. [981] Panca arannaka 1- mandatta momuhatta arannako hoti papiccho icchapakato arannako hoti ummada cittakkhepa arannako hoti vannito 2- buddhehi buddhasavakehiti arannako hoti apica appicchanneva nissaya santutthinneva nissaya sallekhanneva nissaya pavivekanneva nissaya idamatthitanneva 3- nissaya arannako hoti . panca pindapatika [4]- . Panca pamsukulika . panca rukkhamulika . panca sosanika . Panca abbhokasika . panca tecivarika . panca sapadanacarika . Panca nesajjika . panca yathasanthatika . panca ekasanika . Panca khalupacchabhattika . panca pattapindika mandatta momuhatta pattapindiko hoti papiccho icchapakato pattapindiko hoti ummada cittakkhepa pattapindiko hoti vannito 2- buddhehi buddhasavakehiti pattapindiko hoti apica @Footnote: 1 Ma. arannika Yu. arannaka . 2 Ma. Yu. vannitam . 3 Ma. idamatthitanneva. @4 Ma. .pe. sabbattha idisameva.

--------------------------------------------------------------------------------------------- page331.

Appicchanneva nissaya santutthinneva nissaya sallekhanneva nissaya pavivekanneva nissaya idamatthitanneva nissaya pattapindiko hoti. [982] Pancahangehi samannagatena bhikkhuna nanissitena vatthabbam uposatham na janati uposathakammam na janati patimokkham na janati patimokkhuddesam na janati unapancavasso hoti . Pancahangehi samannagatena bhikkhuna anissitena vatthabbam uposatham janati uposathakammam janati patimokkham janati patimokkhuddesam janati pancavasso va hoti atirekapancavasso va. {982.1} Aparehipi pancahangehi samannagatena bhikkhuna nanissitena vatthabbam pavaranam na janati pavaranakammam na janati patimokkham na janati patimokkhuddesam na janati unapancavasso hoti . pancahangehi samannagatena bhikkhuna anissitena vatthabbam pavaranam janati pavaranakammam janati patimokkham janati patimokkhuddesam janati pancavasso va hoti atirekapancavasso va. {982.2} Aparehipi pancahangehi samannagatena bhikkhuna nanissitena vatthabbam apattanapattim na janati lahukagarukam apattim na janati savasesanavasesam apattim na janati dutthulladutthullam apattim na janati unapancavasso hoti . pancahangehi samannagatena bhikkhuna anissitena vatthabbam apattanapattim janati lahukagarukam

--------------------------------------------------------------------------------------------- page332.

Apattim janati savasesanavasesam apattim janati dutthulladutthullam apattim janati pancavasso va hoti atirekapancavasso va . Pancahangehi samannagataya bhikkhuniya nanissitaya vatthabbam uposatham na janati uposathakammam na janati patimokkham na janati patimokkhuddesam na janati unapancavassa hoti . Pancahangehi samannagataya bhikkhuniya anissitaya vatthabbam uposatham janati uposathakammam janati patimokkham janati patimokkhuddesam janati pancavassa va hoti atirekapancavassa va. {982.3} Aparehipi pancahangehi samannagataya bhikkhuniya nanissitaya vatthabbam pavaranam na janati pavaranakammam na janati patimokkham na janati patimokkhuddesam na janati unapancavassa hoti. Pancahangehi samannagataya bhikkhuniya anissitaya vatthabbam pavaranam janati pavaranakammam janati patimokkham janati patimokkhuddesam janati pancavassa va hoti atirekapancavassa va. {982.4} Aparehipi pancahangehi samannagataya bhikkhuniya nanissitaya vatthabbam apattanapattim na janati lahukagarukam apattim na janati savasesanavasesam apattim na janati dutthulladutthullam apattim na janati unapancavassa hoti . Pancahangehi samannagataya bhikkhuniya anissitaya vatthabbam apattanapattim janati lahukagarukam apattim janati savasesanavasesam apattim janati dutthulladutthullam

--------------------------------------------------------------------------------------------- page333.

Apattim janati pancavassa va hoti atirekapancavassa va. [983] Panca adinava apasadike attapi attanam upavadati anuviccapi vinnu garahanti papako kittisaddo abbhuggacchati sammulho kalam karoti kayassa bheda parammarana apayam duggatim vinipatam nirayam upapajjati . pancanisamsa pasadike attapi attanam na upavadati anuviccapi vinnu pasamsanti kalyano kittisaddo abbhuggacchati asammulho kalam karoti kayassa bheda parammarana sugatim saggam lokam upapajjati. {983.1} Aparepi panca adinava apasadike appasanna nappasidanti pasannanam ekaccanam annathattam hoti satthusasanam akatam hoti pacchima janata ditthanugatim apajjati cittamassa nappasidati. {983.2} Pancanisamsa pasadike appasanna pasidanti pasannanam bhiyyobhavo 1- hoti satthusasanam katam hoti pacchima janata ditthanugatim apajjati cittamassa pasidati . panca adinava kulupake anamantacare apajjati rahonisajjaya apajjati paticchanne asane apajjati matugamassa uttarichappancavacahi dhammam desento apajjati kamasankappabahulo ca viharati . panca adinava kulupakassa bhikkhuno ativelam kulesu samsatthassa viharato matugamassa abhinhadassanam dassane sati samsaggo samsagge sati vissaso vissase sati otaro 2- @Footnote: 1 Ma. bhiyyobhavaya . 2 otaroti kilesanam anto otarananti atthakatha.

--------------------------------------------------------------------------------------------- page334.

Otinnacittassetam bhikkhuno patikankham anabhirato va brahmacariyam carissati annataram va sankilittham apattim apajjissati sikkham va paccakkhaya hinayavattissati. [984] Panca bijajatani mulabijam khandhabijam phalubijam aggabijam bijabijanneva pancamam . pancahi samanakappehi phalam paribhunjitabbam aggiparicitam satthaparicitam nakhaparicitam abijam nibbatabijanneva pancamam. [985] Panca visuddhiyo nidanam uddisitva avasesam sutena savetabbam ayam pathama visuddhi nidanam uddisitva cattari parajikani uddisitva avasesam sutena savetabbam ayam dutiya visuddhi nidanam uddisitva cattari parajikani uddisitva terasa sanghadisese uddisitva avasesam sutena savetabbam ayam tatiya visuddhi nidanam uddisitva cattari parajikani uddisitva terasa sanghadisese uddisitva dve aniyate uddisitva avasesam sutena savetabbam ayam catuttha visuddhi . vitthareneva pancami . Aparapi panca visuddhiyo suttuddeso parisuddhiuposatho adhitthanuposatho samaggiuposatho pavaranayeva pancama 1-. [986] Pancanisamsa vinayadhare attano silakkhandho sugutto hoti surakkhito kukkuccapakatanam patisaranam hoti visarado sanghamajjhe voharati paccatthike sahadhammena suniggahitam nigganhati saddhammatthitiya patipanno hoti . panca adhammikani patimokkhatthapanani. @Footnote: 1 Ma. Yu. pavarana samaggiuposathoyeva pancamo.

--------------------------------------------------------------------------------------------- page335.

Panca dhammikani patimokkhatthapananiti 1-. Pancakam nitthitam. Tassuddanam [987] Apatti apattikkhandha vinitanantarena ca puggala chedana ceva apajjati ca paccaya na upeti upeti ca kappantussanki tela ca 2- vasabyasanasampada 3- passaddhi puggalena ca sosani gokhayitanca 4- theyyam coro ca vuccati avissajji avebhangi kayato kayavacato desana sanghauddesa 5- paccanti kathinena ca kammani yavatatiyam parajikathulladukkatam akappiyam kappiyanca apunna duvinodiya 6- sammajjani apare ca bhasam apattimeva ca adhikaranam vatthum natti apatti ubhayani ca lahukatthamaka ete kanhasukka vijanatha arannam pindapatanca pamsurukkhasusanika abbhokaso 7- civaranca sapadano nisajjiko santhatikhalupacchapi pattapindikameva ca @Footnote: 1 Yu. itisaddo natthi . 2 Ma. Yu. telanca . 3 Ma. vasam byalana sampada. @Yu. vasam byasanam sampada . 4 Ma. sosanikam khayitanca . 5 Ma. Yu. sangham uddesam. @6 Ma. Yu. duvinodaya . 7 Yu. abbhokase.

--------------------------------------------------------------------------------------------- page336.

Uposatham pavaranam apattanapattipi ca kanhasukkapada ete bhikkhuninampi te tatha apasadikapasadi tatheva apare duve kulupake ativelam bijam samanakappi ca visuddhi apare ceva vinayadhammakani 1- ca dhammika ca tatha vutta nitthita suddhipancakati 2-.


             The Pali Tipitaka in Roman Character Volume 8 page 324-336. http://84000.org/tipitaka/pali/roman_item_s.php?book=8&item=979&items=9&pagebreak=1&modeTY=2&mode=bracket              Classified by content :- http://84000.org/tipitaka/pali/roman_item_s.php?book=8&item=979&items=9&pagebreak=1&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=8&item=979&items=9&pagebreak=1&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=8&item=979&items=9&pagebreak=1&modeTY=2&mode=bracket              Study Atthakatha :- http://84000.org/tipitaka/attha/attha.php?b=8&i=979              The Pali Atthakatha in Thai :- http://84000.org/tipitaka/atthapali/read_th.php?B=3&A=10434              The Pali Atthakatha in Roman :- http://84000.org/tipitaka/atthapali/read_rm.php?B=3&A=10434              Contents of The Tipitaka Volume 8 http://84000.org/tipitaka/read/?index_8

read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :