paliTIPITAKA Volume 5 - Vinaya Pitaka 5

page135.

Kathinakkhandhakam [95] Tena samayena buddho bhagava savatthiyam viharati jetavane anathapindikassa arame . tena kho pana samayena timsamatta patheyyaka bhikkhu sabbe arannaka sabbe pindapatika sabbe pamsukulika sabbe tecivarika savatthim gacchanta bhagavantam dassanaya upakatthaya vassupanayikaya nasakkhimsu savatthiyam vassupanayikam sambhavetum antaramagge sakete vassam upagacchimsu . te ukkanthitarupa vassam vasimsu asanne va no bhagava viharati ito chasu yojanesu na ca mayam labhama bhagavantam dassanayati. {95.1} Athakho te bhikkhu vassam vuttha temasaccayena kataya pavaranaya deve vassante udakasangahe udakacikkhalle okapunnehi civarehi kilantarupa yena savatthi jetavanam anathapindikassa aramo yena bhagava tenupasankamimsu upasankamitva bhagavantam abhivadetva ekamantam nisidimsu . acinnam kho panetam buddhanam bhagavantanam agantukehi bhikkhuhi saddhim patisammoditum. {95.2} Athakho bhagava te bhikkhu etadavoca kacci bhikkhave khamaniyam kacci yapaniyam kacci samagga sammodamana avivadamana phasukam vassam vasittha na ca pindakena kilamitthati . khamaniyam bhagava yapaniyam bhagava samagga ca mayam bhante sammodamana avivadamana vassam vasimha na ca pindakena

--------------------------------------------------------------------------------------------- page136.

Kilamimha idha mayam bhante timsamatta patheyyaka bhikkhu savatthim agacchanta bhagavantam dassanaya upakatthaya vassupanayikaya nasakkhimha savatthiyam vassupanayikam sambhavetum antaramagge sakete vassam upagacchimha te mayam bhante ukkanthitarupa vassam vasimha asanne va no bhagava viharati ito chasu yojanesu na ca mayam labhama bhagavantam dassanayati athakho mayam bhante vassam vuttha temasaccayena kataya pavaranaya deve vassante udakasangahe udakacikkhalle okapunnehi civarehi kilantarupa addhanam agatati. [96] Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave vassam vutthanam bhikkhunam kathinam attharitum . atthatakathinanam vo bhikkhave panca kappissanti anamantacaro asamadanacaro ganabhojanam yavadatthacivaram yo ca tattha civaruppado so nesam bhavissatiti . atthatakathinanam vo bhikkhave imani panca kappissanti . evanca pana bhikkhave kathinam attharitabbam. Byattena bhikkhuna patibalena sangho napetabbo sunatu me bhante sangho idam sanghassa kathinadussam uppannam . yadi sanghassa pattakallam sangho imam kathinadussam itthannamassa bhikkhuno dadeyya kathinam attharitum. Esa natti. {96.1} Sunatu me bhante sangho idam sanghassa kathinadussam uppannam . sangho imam kathinadussam itthannamassa bhikkhuno deti

--------------------------------------------------------------------------------------------- page137.

Kathinam attharitum . yassayasmato khamati imassa kathinadussassa itthannamassa bhikkhuno danam kathinam attharitum so tunhassa yassa nakkhamati so bhaseyya . dinnam idam sanghena kathinadussam itthannamassa bhikkhuno kathinam attharitum . khamati sanghassa tasma tunhi. Evametam dharayamiti. Evam kho bhikkhave atthatam hoti kathinam evam anatthatam

The Pali Tipitaka in Roman Character Volume 5 page 135-137. http://84000.org/tipitaka/pali/roman_item_s.php?book=5&item=95&items=2&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=5&item=95&items=2&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=95&items=2&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=95&items=2&pagebreak=1&modeTY=2 Study Atthakatha :- http://84000.org/tipitaka/attha/attha.php?b=5&i=95 The Pali Atthakatha in Thai :- http://84000.org/tipitaka/atthapali/read_th.php?B=3&A=4277 The Pali Atthakatha in Roman :- http://84000.org/tipitaka/atthapali/read_rm.php?B=3&A=4277 Contents of The Tipitaka Volume 5 http://84000.org/tipitaka/read/?index_5