บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[243] Na bhikkhave bhikkhuniya nisinnaparisaya pavaretabbam yo pavareyya apatti dukkatassa . na bhikkhave sikkhamanaya na samanerassa na samaneriya na sikkham paccakkhatakassa na antimavatthum ajjhapannakassa nisinnaparisaya pavaretabbam yo pavareyya apatti dukkatassa . na bhikkhave apattiya adassane ukkhittakassa nisinnaparisaya pavaretabbam yo pavareyya yathadhammo karetabbo . na apattiya appatikamme ukkhittakassa na papikaya ditthiya appatinissagge ukkhittakassa nisinnaparisaya pavaretabbam yo pavareyya yathadhammo karetabbo . na pandakassa nisinnaparisaya pavaretabbam yo pavareyya apatti dukkatassa . na theyyasamvasakassa na titthiyapakkantakassa na tiracchanagatassa na matughatakassa na pitughatakassa na arahantaghatakassa na bhikkhunidusakassa na sanghabhedakassa na lohituppadakassa Na ubhatobyanjanakassa nisinnaparisaya pavaretabbam yo pavareyya apatti dukkatassa . na bhikkhave parivasikapavaranadanena pavaretabbam annatra avutthitaya parisaya . na ca bhikkhave appavaranaya pavaretabbam annatra sanghasamaggiyati. Dutiyabhanavaram nitthitam.The Pali Tipitaka in Roman Character Volume 4 page 342-343. http://84000.org/tipitaka/pali/roman_item_s.php?book=4&item=243&items=1&modeTY=2 Classified by [Item Number] :- http://84000.org/tipitaka/pali/roman_item_s.php?book=4&item=243&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=243&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=243&items=1&modeTY=2 Study Atthakatha :- http://84000.org/tipitaka/attha/attha.php?b=4&i=243 Contents of The Tipitaka Volume 4 http://84000.org/tipitaka/read/?index_4
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]