paliTIPITAKA Volume 3 - Vinaya Pitaka 3

Pancamasanghadisesam [52] Tena samayena buddho bhagava savatthiyam viharati jetavane anathapindikassa arame . tena kho pana samayena sundarinanda bhikkhuni abhirupa hoti dassaniya pasadika . manussa bhattagge

--------------------------------------------------------------------------------------------- page39.

Sundarinandam bhikkhunim passitva avassuta avassutaya sundarinandaya bhikkhuniya aggamaggani bhojanani denti . sundarinanda bhikkhuni yavadattham bhunjati . anna bhikkhuniyo na cittarupam labhanti . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya sundarinanda avassuta avassutassa purisapuggalassa hatthato khadaniyam ^1- bhojaniyam sahattha patiggahetva khadissati bhunjissatiti .pe. saccam kira bhikkhave sundarinanda bhikkhuni avassuta avassutassa purisapuggalassa hatthato khadaniyam ^2- bhojaniyam sahattha patiggahetva khadati bhunjatiti . saccam bhagavati . vigarahi buddho bhagava katham hi nama bhikkhave sundarinanda bhikkhuni avassuta avassutassa parisapuggalassa hatthato khadaniyam ^3- bhojaniyam sahattha patiggahetva khadissati bhunjissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {52.1} ya pana bhikkhuni avassuta avassutassa purisapuggalassa hatthato khadaniyam va bhojaniyam va sahattha patiggahetva khadeyya va bhunjeyya va ayampi bhikkhuni pathamapattikam dhammam apanna nissaraniyam sanghadisesanti. [53] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . avassuta nama saratta apekkhavati ^4- patibaddhacitta . avassuto nama saratto apekkhava patibaddhacitto. @Footnote: ^1-2 Ma. khadaniyam va bhojaniyam va. ³ Ma. Yu. khadaniyam va bhojaniyam va. @⁴ Ma. Yu. apekkhava.

--------------------------------------------------------------------------------------------- page40.

Purisapuggalo nama manussapuriso na yakkho na peto na tiracchanagato vinnu patibalo sarajjitum . khadaniyam nama panca bhojanani udakadantaponam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . khadissami bhunjissamiti patigganhati apatti thullaccayassa ajjhohare ajjhohare apatti sanghadisesassa. [54] Ayampiti purimayo upadaya vuccati . pathamapattikanti saha vatthujjhacara apajjati asamanubhasanaya . nissaraniyanti sanghamha nissariyati . sanghadisesoti .pe. tenapi vuccati sanghadisesoti. Udakadantaponam patigganhati apatti dukkatassa. [55] Ekato avassute khadissami bhunjissamiti patigganhati apatti dukkatassa ajjhohare ajjhohare apatti thullaccayassa . Udakadantaponam patigganhati apatti dukkatassa . ubhato avassute yakkhassa va petassa va pandakassa va tiracchanagatamanussaviggahassa va hatthato khadissami bhunjissamiti patigganhati apatti dukkatassa ajjhohare ajjhohare apatti thullaccayassa . Udakadantaponam patigganhati apatti dukkatassa . ekato avassute khadissami bhunjissamiti patigganhati apatti dukkatassa ajjhohare ajjhohare apatti dukkatassa . Udakadantaponam patigganhati apatti dukkatassa.

--------------------------------------------------------------------------------------------- page41.

[56] Anapatti ubhato anavassuta honti anavassutoti jananti patigganhati ummattikaya adikammikayati. ------

The Pali Tipitaka in Roman Character Volume 3 page 38-41. http://84000.org/tipitaka/pali/roman_item_s.php?book=3&item=52&items=5&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=3&item=52&items=5&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=52&items=5&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=52&items=5&pagebreak=1&modeTY=2 Study Atthakatha :- http://84000.org/tipitaka/attha/attha.php?b=3&i=52 The Pali Atthakatha in Thai :- http://84000.org/tipitaka/atthapali/read_th.php?B=2&A=11067 The Pali Atthakatha in Roman :- http://84000.org/tipitaka/atthapali/read_rm.php?B=2&A=11067 Contents of The Tipitaka Volume 3 http://84000.org/tipitaka/read/?index_3