|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
|
|
10 Kummāsapiṇḍajātakaṃ 3- [1107] Na kiratthi anomadassīsu pāricariyā buddhesu appakā 4- @Footnote: 1 Ma. ko mametaṃ ... . 2 Ma. suppamāṇesu . 3 Ma. kummāsapiṇḍi .... @4 Ma. appikā.--------------------------------------------------------------------------------------------- page234.
Sukkhāya aloṇikāya ca passa phalaṃ kummāsapiṇḍiyā. Hatthī gavāssā cime bahū dhanadhaññā paṭhavī ca kevalā nāriyo cimā accharūpamā passa phalaṃ kummāsapiṇḍiyā. [1108] Abhikkhaṇaṃ rājakuñjara gāthā bhāsasi kosalādhipa pucchāmi taṃ raṭṭhavaḍḍhana bāḷhaṃ pītimano pabhāsasi. [1109] Imasmiṃyeva nagare kule aññatare ahuṃ parakammakaro āsiṃ bhatako sīlasaṃvuto. Kammāya nikkhamantāhaṃ 1- caturo samaṇaddasaṃ ācārasīlasampanne sītibhūte anāsave. Tesu cittaṃ pasādetvā nisīdetvā paṇṇasanthate adaṃ buddhāna kummāsaṃ pasanno sehi pāṇibhi. Tassa kammassa kusalassa idaṃ me edisaṃ phalaṃ anubhomi idaṃ rajjaṃ phītaṃ dharaṇimuttamaṃ. [1110] Dadaṃ bhuñja ca mā ca pamādo cakkaṃ vattaya kosalādhipa @Footnote: 1 Ma. nikkhamantohaṃ.--------------------------------------------------------------------------------------------- page235.
Mā rāja adhammiko ahu dhammaṃ pālaya kosalādhipa. [1111] Sohaṃ tadeva punappunaṃ vaṭumaṃ ācarissāmi sobhane ariyācaritaṃ sukosale arahanto me manāpāva passituṃ. [1112] Devī viya accharūpamā majjhe nārigaṇassa sobhasi kiṃ kammamakāsi bhaddakaṃ kenāsi vaṇṇavatī sukosale. [1113] Ambaṭṭhakulassa khattiya dāsyāhaṃ parapesiyā ahuṃ saññatā ca dhammajīvinī sīlavatī ca apāpadassanā. Uddhaṭabhattaṃ ahaṃ tadā caramānassa adāsi bhikkhuno cittā sumanā sayaṃ ahaṃ tassa kammassa phalaṃ mamedisanti. Kummāsapiṇḍajātakaṃ dasamaṃ. -----------The Pali Tipitaka in Roman Character Volume 27 page 233-235. http://84000.org/tipitaka/pali/roman_item_s.php?book=27&item=1107&items=7&pagebreak=1 Classified by [Item Number] :- http://84000.org/tipitaka/pali/roman_item_s.php?book=27&item=1107&items=7&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1107&items=7&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1107&items=7&pagebreak=1 Study Atthakatha :- http://84000.org/tipitaka/attha/attha.php?b=27&i=1107 The Pali Atthakatha in Thai :- http://84000.org/tipitaka/atthapali/read_th.php?B=39&A=4759 The Pali Atthakatha in Roman :- http://84000.org/tipitaka/atthapali/read_rm.php?B=39&A=4759 Contents of The Tipitaka Volume 27 http://84000.org/tipitaka/read/?index_27
       |
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]