paliTIPITAKA Volume 22 - Sutta Pitaka 14

[76] Pancime bhikkhave yodhajiva santo samvijjamana lokasmim katame panca idha bhikkhave ekacco yodhajivo asicammam gahetva dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare hananti pariyapadenti evarupopi bhikkhave idhekacco yodhajivo hoti ayam bhikkhave pathamo yodhajivo santo samvijjamano lokasmim. {76.1} Puna caparam bhikkhave idhekacco yodhajivo asicammam gahetva dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare upalikkhanti tamenam apanenti apanetva natakanam nenti so natakehi niyamano appatva natake antaramagge kalam karoti evarupopi bhikkhave idhekacco yodhajivo hoti ayam bhikkhave dutiyo yodhajivo santo samvijjamano lokasmim. {76.2} Puna caparam bhikkhave idhekacco yodhajivo asicammam gahetva

--------------------------------------------------------------------------------------------- page107.

Dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare upalikkhanti tamenam apanenti apanetva natakanam nenti tamenam nataka upatthahanti paricaranti so natakehi upatthahiyamano paricariyamano teneva abadhena kalam karoti evarupopi bhikkhave idhekacco yodhajivo hoti ayam bhikkhave tatiyo yodhajivo santo samvijjamano lokasmim. {76.3} Puna caparam bhikkhave idhekacco yodhajivo asicammam gahetva dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare upalikkhanti tamenam apanenti apanetva natakanam nenti tamenam nataka upatthahanti paricaranti so natakehi upatthahiyamano paricariyamano vutthati tamha abadha evarupopi bhikkhave idhekacco yodhajivo hoti ayam bhikkhave catuttho yodhajivo santo samvijjamano lokasmim. {76.4} Puna caparam bhikkhave idhekacco yodhajivo asicammam gahetva dhanukalapam sannayhitva viyulham sangamam otarati so tam sangamam abhivijinitva vijitasangamo tameva sangamasisam ajjhavasati evarupopi bhikkhave idhekacco yodhajivo hoti ayam bhikkhave pancamo yodhajivo santo samvijjamano lokasmim . ime kho bhikkhave panca yodhajiva santo samvijjamana lokasmim. {76.5} Evameva kho bhikkhave pancime yodhajivupama puggala santo samvijjamana bhikkhusu katame panca idha bhikkhave

--------------------------------------------------------------------------------------------- page108.

Bhikkhu annataram gamam va nigamam va unissaya viharati so pubbanhasamayam nivasetva pattacivaramadaya tameva gamam va nigamam va pindaya pavisati arakkhiteneva kayena arakkhitaya vacaya arakkhitena cittena anupatthitaya satiya asamvutehi indriyehi so tattha passati matugamam dunnivattham va dupparutam va tassa ^[1]- matugamam disva dunnivattham va dupparutam va rago cittam anuddhamseti so raganuddhamsena cittena sikkham appaccakkhaya dubbalyam anavikatva methunam dhammam patisevati seyyathapi so bhakkhave yodhajivo asicammam gahetva dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare hananti pariyapadenti tathupamaham bhikkhave imam puggalam vadami evarupopi bhikkhave idhekacco puggalo hoti ayam bhikkhave pathamo yodhajivupamo puggalo santo samvijjamano bhikkhusu. {76.6} Puna caparam bhikkhave bhikkhu annataram gamam va nigamam va upanissaya viharati so pubbanhasamayam nivasetva pattacivaramadaya tameva gamam va nigamam va pindaya pavisati arakkhiteneva kayena arakkhitaya vacaya arakkhitena cittena matugamam dunnivattham va dupparutam va tassa matugamam disva dunnivattham va dupparutam va rago cittam anuddhamseti so raganuddhamsena cittena paridayhateva kayena paridayhati cetasa tassa @Footnote: ¹ Ma. tanti disasti. ito param idisameva.

--------------------------------------------------------------------------------------------- page109.

Evam hoti yannunaham aramam gantva bhikkhunam aroceyyam ragayitomhi ^1- avuso ragapareto na sakkomi brahmacariyam santanetum sikkhadubbalyam avikatva sikkham paccakkhaya hinayavattissamiti so aramam gacchanto appatvava aramam antaramagge sikkhadubbalyam avikatva sikkham paccakkhaya hinayavattati seyyathapi so bhikkhave yodhajivo asicammam gahetva dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare upalikkhanti tamenam apanenti apanetva natakanam nenti so natakehi niyamano appatvava natake antaramagge kalam karoti tathupamaham bhikkhave imam puggalam vadami evarupopi bhikkhave idhekacco puggalo hoti ayam bhikkhave dutiyo yodhajivupamo puggalo santo samvijjamano bhikkhusu. {76.7} Puna caparam bhikkhave bhikkhu annataram gamam va nigamam va upanissaya viharati so pubbanhasamayam nivasetva pattacivaramadaya tameva gamam va nigamam va pindaya pavisati arakkhiteneva kayena arakkhitaya vacaya arakkhitena cittena anupatthitaya satiya asamvutehi indriyehi so tattha passati matugamam dunnivattham va dupparutam va tassa matugamam disva dunnivattham va dupparutam va rago cittam anuddhamseti so raganuddhamsena ^2- cittena paridayhateva kayena paridayhati cetasa tassa @Footnote: ¹ Ma. Yu. ragapariyutthitomhi . ² Ma. raganuddhamsitena. ito param idisameva.

--------------------------------------------------------------------------------------------- page110.

Evam hoti yannunaham aramam gantva bhikkhunam aroceyyam ragayitomhi ^1- avuso ragapareto na sakkomi brahmacariyam santanetum sikkhadubbalyam avikatva sikkham paccakkhaya hinayavattissamiti so aramam gantva bhikkhunam aroceti ragayitomhi ^1- avuso ragapareto na sakkomi brahmacariyam santanetum sikkhadubbalyam avikatva sikkham paccakkhaya hinayavattissamiti {76.8} tamenam sabrahmacari ovadanti anusasanti appassada avuso kama vutta bhagavata bahudukkha bahupayasa adinavo ettha bhiyyo atthikankalupama ^2- kama vutta bhagavata bahudukkha bahupayasa adinavo ettha bhiyyo mamsapesupama kama vutta bhagavata bahudukkha bahupayasa adinavo ettha bhiyyo tinukkupama kama vutta bhagavata bahudukkha bahupayasa adinavo ettha bhiyyo angarakasupama kama vutta bhagavata bahudukkha bahupayasa adinavo ettha bhiyyo supinakupama kama vutta bhagavata bahudukkha bahupayasa adinavo ettha bhiyayo yacitakupama kama vutta bhagavata bahudukkha bahupayasa adinavo ettha bhiyyo rukkhaphalupama kama vutta bhagavata bahudukkha bahupayasa adinavo ettha bhiyyo asisunupama kama vutta bhagavata bahudukkha bahupayasa adinavo ettha bhiyyo sattisulupama kama vutta bhagavata bahudukkha bahupayasa adinavo @Footnote: ¹ Ma. Yu. ragapariyutthitomhi . ² Yu. atthisankhalupama.

--------------------------------------------------------------------------------------------- page111.

Ettha bhiyyo sappasirupama kama vutta bhagavata bahudukkha bahupayasa adinavo ettha bhiyyo abhiramatu ayasma brahmacariye ma ayasma sikkhadubbalyam avikatva sikkham paccakkhaya hinayavattiti {76.9} so sabrahmacarihi evam ovadiyamano evam anusasiyamano evamaha kincapi avuso appassada kama vutta bhagavata bahudukkha bahupayasa adinavo ettha bhiyyo athakho nevaham sakkomi brahmacariyam santanetum sikkhadubbalyam avikatva sikkham paccakkhaya hinayavattissamiti so sikkhadubbalyam avikatva sikkham paccakkhaya hinayavattati seyyathapi so bhikkhave yodhajivo asicammam gahetva dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare upalikkhanti tamenam apanenti apanetva natakanam nenti tamenam nataka upatthahanti paricaranti so natakehi upatthahiyamano paricariyamano teneva abadhena kalam karoti tathupamaham bhikkhave imam puggalam vadami evarupopi bhikkhave idhekacco puggalo hoti ayam bhikkhave tatiyo yodhajivupamo puggalo santo samvijjamano bhikkhusu. {76.10} Puna caparam bhikkhave bhikkhu annataram gamam va nigamam va upanissaya viharati so pubbanhasamayam nivasetva pattacivaramadaya tameva gamam va nigamam va pindaya pavisati arakkhiteneva kayena arakkhitaya vacaya arakkhitena cittena anupatthitaya satiya asamvutehi indriyehi so tattha passati matugamam dunnivattham va dupparutam va

--------------------------------------------------------------------------------------------- page112.

Tassa matugamam disva dunnivattham va dupparutam va rago cittam anuddhamseti so raganuddhamsena cittena paridayhateva kayena paridayhati cetasa tassa evam hoti yannunaham aramam gantva bhikkhunam aroceyyam ragayitomhi ^1- avuso ragapareto na sakkomi brahmacariyam santanetum sikkhadubbalyam avikatva sikkham paccakkhaya hinayavattissamiti so aramam gantva bhikkhunam aroceti ragayitomhi ^1- avuso ragapareto na sakkomi brahmacariyam santanetum sikkhadubbalyam avikatva sikkham paccakkhaya hinayavattissamiti {76.11} tamenam sabrahmacari ovadanti anusasanti appassada avuso kama vutta bhagavata bahudukkha bahupayasa adinavo ettha bhiyyo atthikankalupama kama vutta bhagavata bahudukkha bahupayasa adinavo ettha bhiyyo mamsapesupama kama vutta bhagavata ... tinukkupama kama vutta bhagavata ... Angarakasupama kama vutta bhagavata ... supinakupama kama vutta bhagavata ... Yacitakupama kama vutta bhagavata ... rukkhaphalupama kama vutta bhagavata ... asisunupama kama vutta bhagavata ... sattisulupama kama vutta bhagavata ... sappasirupama kama vutta bhagavata bahudukkha bahupayasa adinavo ettha bhiyyo abhiramatu ayasma brahmacariye ma ayasma sikkhadubbalyam avikatva sikkham paccakkhaya hinayavattiti @Footnote: ¹ Ma. Yu. ragapariyutthitomhi.

--------------------------------------------------------------------------------------------- page113.

{76.12} So sabrahmacarihi evam ovadiyamano evam anusasiyamano evamaha ussahissami avuso dharayissami ^1- avuso abhiramissami avuso na danaham avuso sikkhadubbalyam avikatva sikkham paccakkhaya hinayavattissamiti seyyathapi so bhikkhave yodhajivo asicammam gahetva dhanukalapam sannayhitva viyulham sangamam otarati so tasmim sangame ussahati vayamati tamenam ussahantam vayamantam pare upalikkhanti tamenam apanenti apanetva natakanam nenti tamenam nataka upatthahanti paricaranti so natakehi upatthahiyamano paricariyamano vutthati tamha abadha tathupamaham bhikkhave imam puggalam vadami evarupopi bhikkhave idhekacco puggalo hoti ayam bhikkhave catuttho yodhajivupamo puggalo santo samvijjamano bhikkhusu. {76.13} Puna caparam bhikkhave bhikkhu annataram gamam va nigamam va upanissaya viharati so pubbanhasamayam nivasetva pattacivaramadaya tameva gamam va nigamam va pindaya pavisati rakkhiteneva kayena rakkhitaya vacaya rakkhitena cittena upatthitaya satiya samvutehi indriyehi so cakkhuna rupam disva na nimittaggahi hoti nanubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati cakkhundriyam cakkhundriye samvaram apajjati sotena saddam sutva ... ghanena gandham @Footnote: ¹ Ma. Yu. vayamissami.

--------------------------------------------------------------------------------------------- page114.

Ghayitva ... jivhaya rasam sayitva ... Kayena photthabbam phusitva ... Manasa dhammam vinnaya na nimittaggahi hoti nanubyanjanaggahi yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati manindriyam manindriye samvaram apajjati so pacchabhattam pindapatapatikkanto vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam so arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva so abhijjham loke pahaya .pe. so ime panca nivarane pahaya cetaso upakkilese pannaya dubbalikarane vivicceva kamehi .pe. Catuttham jhanam upasampajja viharati {76.14} so evam samahite citte parisuddhe pariyodate anangane vigatupakkilese mudubhute kammaniye thite anenjappatte asavanam khayananaya cittam abhininnameti so idam dukkhanti yathabhutam pajanati .pe. naparam itthattayati pajanati seyyathapi so bhikkhave yodhajivo asicammam gahetva dhanukalapam sannayhitva viyulham sangamam otarati so tam sangamam abhivijinitva vijitasangamo tameva sangamasisam ajjhavasati tathupamaham bhikkhave imam puggalam vadami evarupopi bhikkhave idhekacco puggalo hoti ayam bhikkhave pancamo yodhajivupamo puggalo santo samvijjamano bhikkhusu . ime kho

--------------------------------------------------------------------------------------------- page115.

Bhikkhave panca yodhajivupama puggala santo samvijjamana bhikkhusuti.

The Pali Tipitaka in Roman Character Volume 22 page 106-115. http://84000.org/tipitaka/pali/roman_item_s.php?book=22&item=76&items=1&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=22&item=76&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=76&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=76&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=22&i=76 The Pali Atthakatha in Thai :- http://84000.org/tipitaka/atthapali/read_th.php?B=16&A=859 The Pali Atthakatha in Roman :- http://84000.org/tipitaka/atthapali/read_rm.php?B=16&A=859 Contents of The Tipitaka Volume 22 http://84000.org/tipitaka/read/?index_22