paliTIPITAKA Volume 20 - Sutta Pitaka 12

[505] 66 Ekam samayam bhagava kosalesu carikam caramano mahata bhikkhusanghena saddhim yena kesaputtam nama kalamanam nigamo tadavasari. Assosum kho kesaputtiya kalama samano khalu bho gotamo sakyaputto @Footnote: ^1-2 Ma. singalakamyeva. ito param idisameva . ³ Ma. ambukasancari. @⁴ Ma. purisakaravitam. ⁵ Ma. ambukasancariravitamyeva . ⁶ Ma. kesamuttam.

--------------------------------------------------------------------------------------------- page242.

Sakyakula pabbajito kesaputtam anuppatto tam kho pana bhagavantam gotamam evam kalyano kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava so imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti. {505.1} Athakho kesaputtiya kalama yena bhagava tenupasankamimsu upasankamitva appekacce bhagavantam abhivadetva ekamantam nisidimsu appekacce bhagavata saddhim sammodimsu sammodaniyam katham saraniyam vitisaretva ekamantam nisidimsu appekacce yena bhagava tenanjalimpanametva ekamantam nisidimsu appekacce namagottam savetva ekamantam nisidimsu appekacce tunhibhuta ekamantam nisidimsu ekamantam nisinna kho ^1- kesaputtiya kalama bhagavantam etadavocum santi bhante eke samanabrahmana kesaputtam agacchanti te sakamyeva vadam dipenti jotenti paravadam ^2- pana khumsenti vambhenti paribhavanti opapakkhim ^3- karonti aparepi bhante eke samanabrahmana kesaputtam agacchanti tepi sakamyeva vadam dipenti jotenti paravadam ^4- pana khumsenti vambhenti paribhavanti opapakkhim ^5- karonti tesam no @Footnote: ¹ Ma. te . 2-4 Po. Ma. parappavadam . 3-5 Ma. omakkhim.

--------------------------------------------------------------------------------------------- page243.

Bhante amhakam hoteva kankha hoti vicikiccha kosunama imesam bhavantanam samanabrahmananam saccam aha ko musati. {505.2} Alam hi vo kalama kankhitum alam vicikicchitum kankhaniyeva ^1- pana vo thane vicikiccha uppanna etha tumhe kalama ma anussavena ma paramparaya ma itikiraya ma pitakasampadanena ma takkahetu ma nayahetu ma akaraparivitakkena ma ditthinijjhanakkhantiya ma bhabbarupataya ma samano no garuti yada tumhe kalama attanava janeyyatha ime dhamma akusala ime dhamma savajja ime dhamma vinnugarahita ime dhamma samatta samadinna ahitaya dukkhaya samvattantiti atha tumhe kalama pajaheyyatha tam kim mannatha kalama lobho purisassa ajjhattam uppajjamano uppajjati hitaya va ahitaya vati. Ahitaya bhante. {505.3} Luddho panayam kalama purisapuggalo lobhena abhibhuto pariyadinnacitto panampi hanati adinnampi adiyati paradarampi gacchati musapi bhanati parampi tathattaya samadapeti yamsa ^2- hoti digharattam ahitaya dukkhayati . evam bhante . Tam kim mannatha kalama doso purisassa ajjhattam uppajjamano uppajjati hitaya va ahitaya vati. Ahitaya bhante. {505.4} Duttho panayam kalama purisapuggalo dosena abhibhuto pariyadinnacitto panampi hanati adinnampi adiyati paradarampi gacchati musapi bhanati parampi tathattaya samadapeti yamsa hoti digharattam ahitaya dukkhayati . evam bhante . tam kim mannatha kalama @Footnote: ¹ Ma. kankhaniyeva . ² Po. yam tassa.

--------------------------------------------------------------------------------------------- page244.

Moho purisassa ajjhattam uppajjamano uppajjati hitaya va ahitaya vati. Ahitaya bhante. {505.5} Mulho panayam kalama purisapuggalo mohena abhibhuto parayadinnacitto panampi hanati adinnampi adiyati paradarampi gacchati musapi bhanati parampi tathattaya samadapeti yamsa hoti digharattam ahitaya dukkhayati. Evam bhante. {505.6} Tam kim mannatha kalama ime dhamma kusala va akusala vati. Akusala bhante. Savajja va anavajja vati. Savajja bhante. Vinnugarahita va vinnuppasattha vati . vinnugarahita bhante . Samatta samadinna ahitaya dukkhaya samvattanti no va katham va ettha hotiti . samatta bhante samadinna ahitaya dukkhaya samvattanti evam no ettha hotiti. Iti kho kalama yantam avocumha ^1- etha tumhe kalama ma anussavena ma paramparaya ma itikiraya ma pitakasampadanena ma takkahetu ma nayahetu ma akaraparivitakkena ma ditthinajjhanakkhantiya ma bhabbarupataya ma samano no garuti yada tumhe kalama attanava janeyyatha ime dhamma akusala ime dhamma savajja ime dhamma vinnugarahita ime dhamma samatta samadinna ahitaya dukkhaya samvattantiti atha tumhe kalama pajaheyyathati iti yantam vuttam idametam paticca vuttam . etha tumhe kalama ma anussavena ma paramparaya ma itikiraya ma pitakasampadanena ma takkahetu ma nayahetu ma akaraparivitakkena ma ditthinijjhanakkhantiya @Footnote: ¹ Ma. avocumha.

--------------------------------------------------------------------------------------------- page245.

Ma bhabbarupataya ma samano no garuti yada tumhe kalama attanava janeyyatha ime dhamma kusala ime dhamma anavajja ime dhamma vinnuppasattha ime dhamma samatta samadinna hitaya sukhaya samvattantiti atha tumhe kalama upasampajja vihareyyatha. {505.7} Tam kim mannatha kalama alobho purisassa ajjhattam uppajjamano uppajjati hitaya va ahitaya vati . hitaya bhante. Aluddho panayam kalama purisapuggalo lobhena anabhibhuto apariyadinnacitto neva panam hanati na adinnam adiyati na paradaram gacchati na musa bhanati parampi tathattaya samadapeti yamsa hoti digharattam hitaya sukhayati . Evam bhante. {505.8} Tam kim mannatha kalama adoso purisassa ajjhattam uppajjamano uppajjati hitaya va ahitaya vati . hitaya bhante. Aduttho panayam kalama purisapuggalo dosena anabhibhuto apariyadinnacitto neva panam hanati na adinnam adiyati na paradaram gacchati na musa bhanati parampi tathattaya samadapeti yamsa hoti digharattam hitaya sukhayati. Evam bhante. {505.9} Tam kim mannatha kalama amoho purisassa ajjhattam uppajjamano uppajjati hitaya va ahitaya vati . hitaya bhante. Amulho panayam kalama purisapuggalo mohena anabhibhuto apariyadinnacitto neva panam hanati na adinnam adiyati na paradaram gacchati na musa bhanati parampi tathattaya samadapeti yamsa hoti digharattam hitaya sukhayati. Evam

--------------------------------------------------------------------------------------------- page246.

Bhante. {505.10} Tam kim mannatha kalama ime dhamma kusala va akusala vati . Kusala bhante. Savajja va anavajja vati. Anavajja bhante . vinnugarahita va vinnuppasattha vati . vinnuppasattha bhante . samatta samadinna hitaya sukhaya samvattanti no va katham va ettha hotiti . samatta bhante samadinna hitaya sukhaya samvattanti evam no ettha hotiti. {505.11} Iti kho kalama yantam avocumha etha tumhe kalama ma anussavena ma paramparaya ma itikiraya ma pitakasampadanena ma takkahetu ma nayahetu ma akaraparivitakkena ma ditthinijjhanakkhantiya ma bhabbarupataya ma samano no garuti yada tumhe kalama attanava janeyyatha ime dhamma kusala ime dhamma anavajja ime dhamma vinnuppasattha ime dhamma samatta samadinna hitaya sukhaya samvattantiti atha tumhe kalama upasampajja vihareyyathati iti yantam vuttam idametam paticca vuttam. {505.12} Sa kho so kalama ariyasavako evam vigatabhijjho vigatabyapado asammulho sampajano patissato mettasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharati karunasahagatena cetasa ... Muditasahagatena cetasa ... upekkhasahagatena cetasa ekam disam pharitva viharati tatha

--------------------------------------------------------------------------------------------- page247.

Dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharati. {505.13} Sa kho so kalama ariyasavako evam averacitto evam abyapajjhacitto evam asankilitthacitto evam visuddhacitto tassa dittheva dhamme cattaro assasa adhigata honti sace kho pana atthi paro loko atthi sukatadukkatanam kammanam phalavipako thanametam ^1- yenaham kayassa bheda parammarana sugatim saggam lokam upapajjissamiti ayamassa pathamo assaso adhigato hoti . sace kho pana natthi paro loko natthi sukatadukkatanam kammanam phalavipako idhaham dittheva dhamme averam abyapajjham anigham sukhi ^2- attanam pariharamiti ayamassa dutiyo assaso adhigato hoti . sace kho pana karoto kariyati papam na kho panaham kassaci papam cetemi akarontam kho pana mam papakammam kuto dukkham phusissatiti ayamassa tatiyo assaso adhigato hoti . sace kho pana karoto na kariyati papam idhaham ubhayeneva visuddham attanam samanupassamiti ayamassa catuttho assaso adhigato hoti. {505.14} Sa kho so kalama ariyasavako evam averacitto evam abyapajjhacitto evam asankilitthacitto evam visuddhacitto tassa dittheva dhamme ime cattaro assasa adhigata hontiti . Evametam bhagava evametam sugata sa kho so bhante ariyasavako @Footnote: ¹ Ma. athaham. ito param idisameva. Yu. thanamaham . ² Ma. Yu. sukhim.

--------------------------------------------------------------------------------------------- page248.

Evam averacitto evam abyapajjhacitto evam asankilitthacitto evam visuddhacitto tassa dittheva dhamme cattaro assasa adhigata honti sace kho pana atthi paro loko atthi sukatadukkatanam kammanam phalavipako thanametam yenaham kayassa bheda parammarana sugatim saggam lokam upapajjissamiti ayamassa pathamo assaso adhigato hoti . sace kho pana natthi paro loko natthi sukatadukkatanam kammanam phalavipako idhaham dittheva dhamme averam abyapajjham anigham sukhi attanam pariharamiti ayamassa dutiyo assaso adhigato hoti . sace kho pana karoto kariyati papam na kho panaham kassaci papam cetemi akarontam kho pana mam papakammam kuto dukkham phusissatiti ayamassa tatiyo assaso adhigato hoti . sace kho pana karoto na kariyati papam idhaham ubhayeneva visuddham attanam samanupassamiti ayamassa catuttho assaso adhigato hoti. {505.15} Sa kho so bhante ariyasavako evam averacitto evam abyapajjhacitto evam asankilitthacitto evam visuddhacitto tassa dittheva dhamme ime cattaro assasa adhigata honti abhikkantam bhante .pe. ete mayam bhante bhagavantam saranam gacchama dhammanca bhikkhusanghanca upasake no bhante bhagava dharetu ajjatagge panupete saranam gateti.