paliTIPITAKA Volume 2 - Vinaya Pitaka 2

page536.

Ujjagghikavaggo [810] Savatthinidanam . tena kho pana samayena chabbaggiya bhikkhu mahahasitam hasanta antaraghare gacchanti .pe. {810.1} Na ujjagghikaya antaraghare gamissamiti sikkha karaniya. Na ujjagghikaya antaraghare gantabbam . yo anadariyam paticca mahahasitam hasanto antaraghare gacchati apatti dukkatassa. Anapatti asancicca asatiya ajanantassa gilanassa ^1- hasaniyasmim vatthusmim mihitamattam karoti apadasu ^2- ummattakassa adikammikassati. [811] Savatthinidanam . tena kho pana samayena chabbaggiya bhikkhu mahahasitam hasanta antaraghare nisidanti .pe. {811.1} Na ujjagghikaya antaraghare nisidissamiti sikkha karaniya. Na ujjagghikaya antaraghare nisiditabbam . yo anadariyam paticca mahahasitam hasanto antaraghare nisidati apatti dukkatassa. Anapatti asancicca asatiya ajanantassa gilanassa ^3- hasaniyasmim vatthusmim mihitamattam karoti apadasu ^4- ummattakassa adikammikassati. @Footnote: ^1-2 ime patha vicaretabba. gilanassa hi hasena attho natthi apadasu ca @tena kiccam na hoti . 3-4 imepi patha vuttanayena vicaretabba.

--------------------------------------------------------------------------------------------- page537.

[812] Savatthinidanam . tena kho pana samayena chabbaggiya bhikkhu uccasaddam mahasaddam karonta antaraghare gacchanti .pe. {812.1} Appasaddo antaraghare gamissamiti sikkha karaniya. Appasaddena antaraghare gantabbam . yo anadariyam paticca uccasaddam mahasaddam karonto antaraghare gacchati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [813] Savatthinidanam . tena kho pana samayena chabbaggiya bhikkhu uccasaddam mahasaddam karonta antaraghare nisidanti .pe. {813.1} Appasaddo antaraghare nisidissamiti sikkha karaniya. Appasaddena antaraghare nisiditabbam . yo anadariyam paticca uccasaddam mahasaddam karonto antaraghare nisidati apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [814] Savatthinidanam . tena kho pana samayena chabbaggiya bhikkhu kayappacalakam antaraghare gacchanti kayam olambenta .pe. {814.1} Na kayappacalakam antaraghare gamissamiti sikkha karaniya na kayappacalakam antaraghare gantabbam kayam paggahetva

--------------------------------------------------------------------------------------------- page538.

Gantabbam . yo anadariyam paticca kayappacalakam antaraghare gacchati kayam olambento apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [815] Savatthinidanam . tena kho pana samayena chabbaggiya bhikkhu kayappacalakam antaraghare nisidanti kayam olambenta .pe. {815.1} Na kayappacalakam antaraghare nisidissamiti sikkha karaniya. Na kayappacalakam antaraghare nisiditabbam kayam paggahetva nisiditabbam . yo anadariyam paticca kayappacalakam antaraghare nisidati kayam olambento apatti dukkatassa. Anapatti asancicca asatiya ajanantassa gilanassa vasupagatassa apadasu ummattakassa adikammikassati. [816] Savatthinidanam . tena kho pana samayena chabbaggiya bhikkhu bahuppacalakam antaraghare gacchanti bahum olambenta .pe. {816.1} Na bahuppacalakam antaraghare gamissamiti sikkha karaniya. Na bahuppacalakam antaraghare gantabbam bahum paggahetva gantabbam . yo anadariyam paticca bahuppacalakam antaraghare gacchati bahum olambento apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati.

--------------------------------------------------------------------------------------------- page539.

[817] Savatthinidanam . tena kho pana samayena chabbaggiya bhikkhu bahuppacalakam antaraghare nisidanti bahum olambenta .pe. {817.1} Na bahuppacalakam antaraghare nisidissamiti sikkha karaniya. Na bahuppacalakam antaraghare nisiditabbam bahum paggahetva nisiditabbam . yo anadariyam paticca bahuppacalakam antaraghare nisidati bahum olambento apatti dukkatassa. Anapatti asancicca asatiya ajanantassa gilanassa vasupagatassa apadasu ummattakassa adikammikassati. [818] Savatthinidanam . tena kho pana samayena chabbaggiya bhikkhu sisappacalakam antaraghare gacchanti sisam olambenta .pe. {818.1} Na sisappacalakam antaraghare gamissamiti sikkha karaniya. Na sisappacalakam antaraghare gantabbam sisam paggahetva gantabbam . yo anadariyam paticca sisappacalakam antaraghare gacchati sisam olambento apatti dukkatassa. Anapatti asancicca asatiya ajanantassa gilanassa apadasu ummattakassa adikammikassati. [819] Savatthinidanam . tena kho pana samayena chabbaggiya bhikkhu sisappacalakam antaraghare nisidanti sisam olambenta .pe. {819.1} Na sisappacalakam antaraghare nisidissamiti sikkha karaniya. Na sisappacalakam antaraghare nisiditabbam sisam paggahetva

--------------------------------------------------------------------------------------------- page540.

Nisiditabbam . yo anadariyam paticca sisappacalakam antaraghare nisidati sisam olambento apatti dukkatassa. Anapatti asancicca asatiya ajanantassa gilanassa vasupagatassa apadasu ummattakassa adikammikassati. Ujjagghikavaggo dutiyo. --------

The Pali Tipitaka in Roman Character Volume 2 page 536-540. http://84000.org/tipitaka/pali/roman_item_s.php?book=2&item=810&items=10&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=2&item=810&items=10&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=810&items=10&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=810&items=10&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=810 The Pali Atthakatha in Thai :- http://84000.org/tipitaka/atthapali/read_th.php?B=2&A=10446 The Pali Atthakatha in Roman :- http://84000.org/tipitaka/atthapali/read_rm.php?B=2&A=10446 Contents of The Tipitaka Volume 2 http://84000.org/tipitaka/read/?index_2