ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
     [799]   Uddittha   kho   ayasmanto   cattaro  patidesaniya
dhamma    .   tatthayasmante   pucchami   kaccittha   parisuddha   dutiyampi
pucchami   kaccittha   parisuddha   tatiyampi   pucchami   kaccittha   parisuddha
parisuddhetthayasmanto tasma tunhi. Evametam dharayamiti.
                  Patidesaniyakandam nitthitam.
                          --------
                        Sekhiyakandam
      ime kho panayasmanto sekhiya dhamma uddesam agacchanti.
                      Parimandalavaggo
                     chabbisati saruppa
     [800]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana  samayena  chabbaggiya
bhikkhu    puratopi   pacchatopi   olambenta   nivasenti   .   manussa
ujjhayanti   khiyanti   vipacenti   katham   hi   nama  samana  sakyaputtiya
puratopi    pacchatopi    olambenta   nivasessanti   seyyathapi   gihi
kamabhoginoti   .   assosum   kho  bhikkhu  tesam  manussanam  ujjhayantanam
khiyantanam   vipacentanam   .   ye   te  bhikkhu  appiccha  .pe.  te
ujjhayanti   khiyanti   vipacenti   katham   hi   nama   chabbaggiya   bhikkhu
puratopi   pacchatopi  olambenta  nivasessantiti  .  athakho  te  bhikkhu
bhagavato   etamattham   arocesum   .   athakho  bhagava  etasmim  nidane
etasmim   pakarane   dhammim   katham   katva   bhikkhusangham   sannipatapetva
chabbaggiye   bhikkhu   patipucchi   saccam   kira   tumhe   bhikkhave   puratopi
pacchatopi   olambenta   nivasethati   .   saccam  bhagavati  .  vigarahi
buddho   bhagava   katham   hi  nama  tumhe  moghapurisa  puratopi  pacchatopi
olambenta    nivasessatha    netam    moghapurisa   appasannanam   va
Pasadaya   pasannanam   va  bhiyyobhavaya  .pe.  evanca  pana  bhikkhave
imam sikkhapadam uddiseyyatha
     {800.1} parimandalam nivasessamiti sikkha karaniya 1-.
     Parimandalam        nivasetabbam       nabhimandalam       janumandalam
paticchadentena   .   yo  anadariyam  paticca  purato  va  pacchato  va
olambento nivaseti apatti dukkatassa.
     Anapatti    asancicca    asatiya   2-   ajanantassa   gilanassa
apadasu ummattakassa adikammikassati. [3]-
     [801]  Savatthinidanam  4-  .  tena  kho  pana samayena chabbaggiya
bhikkhu puratopi pacchatopi olambenta parupanti .pe.
     {801.1} Parimandalam parupissamiti sikkha karaniya.
     Parimandalam   parupitabbam   ubho   kanne   samam   katva   .   yo
anadariyam   paticca   puratopi   pacchatopi  olambento  parupati  apatti
dukkatassa.
     Anapatti     asancicca     asatiya     ajanantassa    gilanassa
apadasu ummattakassa adikammikassati.
     [802]   Savatthinidanam   .  tena  kho  pana  samayena  chabbaggiya
bhikkhu kayam vivaritva antaraghare gacchanti .pe.
@Footnote: 1 Ma. sabbattha itisaddo dissati .  2 Ma. assatiya. evamuparipi.
@3 Ma. pathamasikkhapadam nitthitam. evamidisesu sikkhapadesu .  4 yattha savatthinidanam
@dissati tattha tena samayena buddho bhagava savatthiyam viharati jetavane anathapindikassa
@arameti pali hoti.
     {802.1} Supaticchanno antaraghare gamissamiti sikkha karaniya.
     Supaticchannena   antaraghare   gantabbam   .   yo  anadariyam  paticca
kayam vivaritva antaraghare gacchati apatti dukkatassa.
     Anapatti     asancicca     asatiya     ajanantassa    gilanassa
apadasu ummattakassa adikammikassati.
     [803]   Savatthinidanam   .  tena  kho  pana  samayena  chabbaggiya
bhikkhu kayam vivaritva antaraghare nisidanti .pe.
     {803.1} Supaticchanno antaraghare nisidissamiti sikkha karaniya.
     Supaticchannena   antaraghare   nisiditabbam   .  yo  anadariyam  paticca
kayam vivaritva antaraghare nisidati apatti dukkatassa.
     Anapatti     asancicca     asatiya     ajanantassa    gilanassa
vasupagatassa apadasu ummattakassa adikammikassati.
     [804]   Savatthinidanam   .  tena  kho  pana  samayena  chabbaggiya
bhikkhu hatthampi padampi kilapenta antaraghare gacchanti .pe.
     {804.1} Susamvuto antaraghare gamissamiti sikkha karaniya.
     Susamvutena   antaraghare   gantabbam  .  yo  anadariyam  paticca  hattham
va padam va kilapento antaraghare gacchati apatti dukkatassa.
     Anapatti     asancicca     asatiya     ajanantassa    gilanassa
apadasu ummattakassa adikammikassati.
     [805]   Savatthinidanam   .  tena  kho  pana  samayena  chabbaggiya
Bhikkhu hatthampi padampi kilapenta antaraghare nisidanti .pe.
     {805.1} Susamvuto antaraghare nisidissamiti sikkha karaniya.
     Susamvutena   antaraghare  nisiditabbam  .  yo  anadariyam  paticca  hattham
va padam va kilapento antaraghare nisidati apatti dukkatassa.
     Anapatti     asancicca     asatiya     ajanantassa    gilanassa
apadasu ummattakassa adikammikassati.
     [806]   Savatthinidanam   .  tena  kho  pana  samayena  chabbaggiya
bhikkhu taham taham olokenta antaraghare gacchanti .pe.
     {806.1} Okkhittacakkhu antaraghare gamissamiti sikkha karaniya.
     Okkhittacakkhuna   antaraghare   gantabbam   yugamattam  pekkhantena .
Yo   anadariyam   paticca   taham   taham   olokento  antaraghare  gacchati
apatti dukkatassa.
     Anapatti   asancicca   asatiya   ajanantassa  gilanassa  apadasu
ummattakassa adikammikassati.
     [807]   Savatthinidanam   .  tena  kho  pana  samayena  chabbaggiya
bhikkhu taham taham olokenta antaraghare nisidanti .pe.
     {807.1} Okkhittacakkhu antaraghare nisidissamiti sikkha karaniya.
     Okkhittacakkhuna   antaraghare   nisiditabbam  yugamattam  pekkhantena .
Yo   anadariyam   paticca   taham   taham   olokento  antaraghare  nisidati
apatti dukkatassa.
     Anapatti     asancicca     asatiya     ajanantassa    gilanassa
apadasu ummattakassa adikammikassati.
     [808]   Savatthinidanam   .  tena  kho  pana  samayena  chabbaggiya
bhikkhu ukkhittakaya antaraghare gacchanti .pe.
     {808.1} Na ukkhittakaya antaraghare gamissamiti sikkha karaniya.
     Na   ukkhittakaya   antaraghare  gantabbam  .  yo  anadariyam  paticca
ekato   va   ubhato   va   ukkhipitva   antaraghare  gacchati  apatti
dukkatassa.
     Anapatti     asancicca     asatiya     ajanantassa    gilanassa
apadasu ummattakassa adikammikassati.



             The Pali Tipitaka in Roman Character Volume 2 page 530-535. http://www.84000.org/tipitaka/pali/roman_item_s.php?book=2&item=800&items=10&modeTY=2              Classified by [Item Number] :- http://www.84000.org/tipitaka/pali/roman_item_s.php?book=2&item=800&items=10&modeTY=2&mode=bracket              Compare with The Pali Tipitaka in Thai Character :- http://www.84000.org/tipitaka/read/pali_item_s.php?book=2&item=800&items=10&modeTY=2              Compare with The Royal Version of Thai Tipitaka :- http://www.84000.org/tipitaka/read/byitem_s.php?book=2&item=800&items=10&modeTY=2              Study Atthakatha :- http://www.84000.org/tipitaka/attha/attha.php?b=2&i=800              The Pali Atthakatha in Thai :- http://www.84000.org/tipitaka/atthapali/read_th.php?B=2&A=10376              The Pali Atthakatha in Roman :- http://www.84000.org/tipitaka/atthapali/read_rm.php?B=2&A=10376              Contents of The Tipitaka Volume 2 http://www.84000.org/tipitaka/read/?index_2

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :