paliTIPITAKA Volume 2 - Vinaya Pitaka 2

page511.

Dasamasikkhapadam [776] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma nando bhagavato matucchaputto abhirupo hoti dassaniyo pasadiko caturangulomako bhagavata . so sugatacivarappamanam civaram dhareti . Addasamsu kho thera bhikkhu ayasmantam nandam durato va agacchantam disvana bhagava agacchatiti asana vutthahanti . te upagatam sanjanitva ^1- ujjhayanti khiyanti vipacenti katham hi nama ayasma nando sugatacivarappamanam civaram dharessatiti .pe. saccam kira tvam nanda sugatacivarappamanam civaram dharesiti . saccam bhagavati . vigarahi buddho bhagava katham hi nama tvam nanda sugatacivarappamanam civaram dharessasi netam nanda appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {776.1} yo pana bhikkhu sugatacivarappamanam civaram karapeyya atirekam va chedanakam pacittiyam. {776.2} Tatridam sugatassa sugatacivarappamanam dighaso nava vidatthiyo sugatavidatthiya tiriyam cha vidatthiyo . idam sugatassa sugatacivarappamananti. [777] Yo panati yo yadiso .pe. bhikkhuti .pe. ayam imasmim atthe adhipapeto bhikkhuti . sugatacivarappamanam nama dighaso nava vidatthiyo sugatavidatthiya tiriyam cha vidatthiyo . karapeyyati @Footnote: ¹ Ma. Yu. upagate janitva.

--------------------------------------------------------------------------------------------- page512.

Karoti va karapeti va payoge dukkatam patilabhena chinditva pacittiyam desetabbam. [778] Attana vippakatam attana pariyosapeti apatti pacittiyassa . attana vippakatam parehi pariyosapeti apatti pacittiyassa . parehi vippakatam attana pariyosapeti apatti pacittiyassa . parehi vippakatam parehi pariyosapeti apatti pacittiyassa . annassatthaya karoti va karapeti va apatti dukkatassa . annena katam patilabhitva paribhunjati apatti dukkatassa. [779] Anapatti unakam karoti annena katam patilabhitva chinditva paribhunjati vitanam va bhummattharanam va sanipakaram va bhisim va bimbohanam va karoti ummattakassa adikammikassati. Dasamasikkhapadam nitthitam. Ratanavaggo navamo. --------- Tassuddanam ranno ca ratanam santam suci mancanca tulikam nisidananca kandunca vassika sugatena cati. -------

The Pali Tipitaka in Roman Character Volume 2 page 511-512. http://84000.org/tipitaka/pali/roman_item_s.php?book=2&item=776&items=4&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=2&item=776&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=776&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=776&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=776 The Pali Atthakatha in Thai :- http://84000.org/tipitaka/atthapali/read_th.php?B=2&A=10277 The Pali Atthakatha in Roman :- http://84000.org/tipitaka/atthapali/read_rm.php?B=2&A=10277 Contents of The Tipitaka Volume 2 http://84000.org/tipitaka/read/?index_2