paliTIPITAKA Volume 19 - Sutta Pitaka 11

[467] Pancime bhikkhave jatarupassa upakkilesa yehi upakkilesehi upakkilittham jatarupam na ceva mudu hoti na ca kammaniyam na ca pabhassaram pabhangu ca na ca samma upeti kammaya . katame panca. [468] Ayo bhikkhave jatarupassa upakkileso yena upakkilesena upakkilittham jatarupam na ceva mudu hoti na ca kammaniyam na ca pabhassaram pabhangu ca na ca samma upeti kammaya. [469] Loham bhikkhave jatarupassa upakkileso yena upakkilesena upakkilittham jatarupam .pe. [470] Tipu bhikkhave jatarupassa upakkileso .pe. [471] Sisam bhikkhave jatarupassa upakkileso .pe. [472] Sajjhu ^1- bhikkhave jatarupassa upakkileso yena upakkilesena upakkilittham jatarupam na ceva mudu hoti na ca kammaniyam na ca pabhassaram pabhangu ca na ca samma upeti kammaya. @Footnote: ¹ Yu. sajjhum. [473] Ime kho bhikkhave panca jatarupassa upakkilesa yehi upakkilesehi upakkilittham jatarupam na ceva mudu hoti na ca kammaniyam na ca pabhassaram pabhangu ca na ca samma upeti kammaya. [474] Evameva kho bhikkhave pancime cittassa upakkilesa yehi upakkilesehi upakkilittham cittam na ceva mudu hoti na ca kammaniyam na ca pabhassaram pabhangu ca na ca samma samadhiyati asavanam khayaya. Katame panca. [475] Kamacchando bhikkhave cittassa upakkileso yena upakkilesena upakkilittham cittam na ceva mudu hoti na ca kammaniyam na ca pabhassaram pabhangu ca na ca samma samadhiyati asavanam khayaya. [476] Byapado bhikkhave cittassa upakkileso yena upakkilesena upakkilittham cittam na ceva mudu hoti na ca kammaniyam na ca pabhassaram pabhangu ca na ca samma samadhiyati asavanam khayaya .pe. [477] Ime kho bhikkhave panca cittassa upakkilesa yehi upakkilesehi upakkilittham cittam na ceva mudu hoti na ca kammaniyam na ca pabhassaram pabhangu ca na ca samma samadhiyati asavanam khayayati. [478] Sattime bhikkhave bojjhanga anavarana anivarana cetaso anupakkilesa bhavita bahulikata vijjavimuttiphalasacchikiriyaya Samvattanti. Katame satta. [479] Satisambojjhango bhikkhave anavarano anivarano cetaso anupakkileso bhavito bahulikato vijjavimuttiphalasacchikiriyaya samvattati .pe. [480] Upekkhasambojjhango bhikkhave anavarano anivarano cetaso anupakkileso bhavito bahulikato vijjavimuttiphalasacchikiriyaya samvattati. [481] Ime kho bhikkhave satta bojjhanga anavarana anivarana cetaso anupakkilesa bhavita bahulikata vijjavimuttiphalasacchikiriyaya samvattantiti.

The Pali Tipitaka in Roman Character Volume 19 page 130-132. http://84000.org/tipitaka/pali/roman_item_s.php?book=19&item=467&items=15&modeTY=2 Classified by [Item Number] :- http://84000.org/tipitaka/pali/roman_item_s.php?book=19&item=467&items=15&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=467&items=15&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=467&items=15&modeTY=2 Study Atthakatha :- http://84000.org/tipitaka/attha/attha.php?b=19&i=467 The Pali Atthakatha in Thai :- http://84000.org/tipitaka/atthapali/read_th.php?B=13&A=4738 The Pali Atthakatha in Roman :- http://84000.org/tipitaka/atthapali/read_rm.php?B=13&A=4738 Contents of The Tipitaka Volume 19 http://84000.org/tipitaka/read/?index_19