paliTIPITAKA Volume 19 - Sutta Pitaka 11

[1757] Atha kho bhagava parittam nakhasikhayam pamsum aropetva bhikkhu amantesi tam kim mannatha bhikkhave katamam nu kho bahutaram . Yo vayam maya paritto nakhasikhayam pamsu aropito ayam va mahapathaviti. Etadeva bhante bahutaram yadidam mahapathavi appamattakayam bhagavata paritto nakhasikhayam pamsu aropito sankhampi na upeti upanidhampi na upeti kalabhagampi na upeti mahapathavim upanidhaya bhagavata paritto nakhasikhayam pamsu aropitoti . evameva kho bhikkhave appamattaka ^1- te satta ye manussesu paccajayanti atha kho eteva bahutara satta ye annatra manussehi paccajayanti . Tam kissa hetu . aditthatta bhikkhave catunnam ariyasaccanam . Katamesam catunnam . dukkhassa ariyasaccassa .pe. dukkhanirodha- gaminipatipadaya ariyasaccassa . tasma tiha bhikkhave idam dukkhanti yogo karaniyo .pe. ayam dukkhanirodhagamini patipadati yogo karaniyoti. [1758] Atha kho bhagava parittam nakhasikhayam pamsum aropetva bhikkhu amantesi tam kim mannatha bhikkhave katamam nu kho bahutaram . Yo vayam maya paritto nakhasikhayam pamsu aropito ayam va mahapathaviti. Etadeva bhante bahutaram yadidam mahapathavi appamattakayam @Footnote: ¹ Yu. appaka. evamuparipi.

--------------------------------------------------------------------------------------------- page579.

Bhagavata paritto nakhasikhayam pamsu aropito sankhampi na upeti upanidhampi na upeti kalabhagampi na upeti mahapathavim upanidhaya bhagavata paritto nakhasikhayam pamsu aropitoti . evameva kho bhikkhave appamattaka te satta ye majjhimesu janapadesu paccajayanti atha kho eteva bahutara satta ye paccantimesu janapadesu paccajayanti. Avinnataresu milakkhusu ^1- .pe. [1759] Evameva kho bhikkhave appamattaka te satta ye ariyena pana pannacakkhuna samannagata atha kho eteva bahutara satta ye avijjagata sammulha .pe. [1760] Evameva kho bhikkhave appaka te satta ye suramerayamajjapamadatthana pativirata atha kho eteva bahutara satta ye suramerayamajjapamadatthana appativirata .pe. [1761] Evameva kho bhikkhave appaka te satta ye thalaja atha kho eteva bahutara satta ye udakaja .pe. evameva kho bhikkhave appaka te satta ye matteyya atha kho eteva bahutara satta ye amatteyya .pe. [1762] Evameva kho bhikkhave appaka te satta ye petteyya atha kho eteva bahutara satta ye apetteyya .pe. [1763] Evameva kho bhikkhave appaka te satta ye samanna .pe. Atha kho eteva bahutara satta ye asamanna .pe. @Footnote: ¹ Ma. Yu. milakkhesu.

--------------------------------------------------------------------------------------------- page580.

[1764] Evameva kho bhikkhave appaka te satta ye brahmanna atha kho eteva bahutara satta ye abrahmanna .pe. [1765] Evameva kho bhikkhave appaka te satta ye kulejetthapacayino atha kho eteva ^1- bahutara satta ye akulejetthapacayinoti ^2-. Vaggo. Uddanam annatra paccantam pannaya ^3- suramerayaodaka matteyyapetteyya capi ^4- samannam brahmapacayikanti. --------- @Footnote: ¹ Yu. ete. evamuparipi. ² Ma. kuleajetthapacayinoti. Yu. kule @jetthapacayinoti. ³ Ma. panna. ⁴ Yu. metteyya petteyya capi.

--------------------------------------------------------------------------------------------- page581.

Amakadhannapeyyale dutiyavaggo atthamo

The Pali Tipitaka in Roman Character Volume 19 page 578-581. http://84000.org/tipitaka/pali/roman_item_s.php?book=19&item=1757&items=9&pagebreak=1&modeTY=2&mode=bracket Classified by content :- http://84000.org/tipitaka/pali/roman_item_s.php?book=19&item=1757&items=9&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1757&items=9&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1757&items=9&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=19&i=1757 The Pali Atthakatha in Thai :- http://84000.org/tipitaka/atthapali/read_th.php?B=13&A=8412 The Pali Atthakatha in Roman :- http://84000.org/tipitaka/atthapali/read_rm.php?B=13&A=8412 Contents of The Tipitaka Volume 19 http://84000.org/tipitaka/read/?index_19