paliTIPITAKA Volume 17 - Sutta Pitaka 9

[328] Ekam samayam ayasma ca sariputto ayasma ca mahakotthito baranasiyam viharanti isipatane migadaye . atha kho ayasma sariputto .pe. ekamantam nisinno kho ayasma sariputto ayasmantam mahakotthitam etadavoca avijja avijjati avuso kotthita vuccati katama nu kho avuso avijja kittavata ca avijjagato hotiti . idhavuso assutava puthujjano rupassa assadanca adinavanca nissarananca yathabhutam nappajanati vedanaya .pe. sannaya . sankharanam . vinnanassa assadanca adinavanca nissarananca yathabhutam nappajanati . ayam vuccatavuso avijja ettavata ca avijjagato hotiti. [329] Evam vutte ayasma sariputto ayasmantam mahakotthitam etadavoca vijja vijjati avuso kotthita vuccati katama nu kho avuso vijja kittavata ca vijjagato hotiti . idhavuso sutava ariyasavako rupassa assadanca adinavanca nissarananca yathabhutam pajanati vedanaya .pe. sannaya . sankharanam . vinnanassa assadanca adinavanca nissarananca yathabhutam pajanati . ayam vuccatavuso vijja ettavata ca vijjagato hotiti.

The Pali Tipitaka in Roman Character Volume 17 page 214. http://84000.org/tipitaka/pali/roman_item_s.php?book=17&item=328&items=2&modeTY=2 Classified by [Item Number] :- http://84000.org/tipitaka/pali/roman_item_s.php?book=17&item=328&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=17&item=328&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=17&item=328&items=2&modeTY=2 Study Atthakatha :- http://84000.org/tipitaka/attha/attha.php?b=17&i=328 Contents of The Tipitaka Volume 17 http://84000.org/tipitaka/read/?index_17