บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.
[464] Ekaṃ samayaṃ bhagavā vesāliyaṃ viharati mahāvane kūṭāgāra- sālāyaṃ . tena kho pana samayena bhagavā channaṃ phassāyatanānaṃ upādāya bhikkhū 4- dhammiyā kathāya sandasseti samādapeti samuttejeti sampahaṃseti . te ca bhikkhū aṭṭhikatvā manasikatvā sabbacetaso samannāharitvā ohitasotā dhammaṃ suṇanti. {464.1} Atha kho mārassa pāpimato etadahosi ayaṃ kho samaṇo gotamo channaṃ phassāyatanānaṃ upādāya bhikkhū 4- dhammiyā kathāya sandasseti samādapeti samuttejeti @Footnote: 1 Ma. Yu. na so. 2 Ma. saññā. 3 sabbasaññojanātigaṃ. 4 Ma. bhikkhūnaṃ. Sampahaṃseti te ca bhikkhū aṭṭhikatvā manasikatvā sabbacetaso samannāharitvā ohitasotā dhammaṃ suṇanti yannūnāhaṃ yena samaṇo gotamo tenupasaṅkameyyaṃ vicakkhukammāyāti. [465] Atha kho māro pāpimā yena bhagavā tenupasaṅkami upasaṅkamitvā bhagavato avidūre mahantaṃ bhayabheravaṃ saddaṃ akāsi apissudaṃ paṭhavī maññe udrīyatīti 1- . atha kho aññataro bhikkhu aññataraṃ bhikkhuṃ etadavoca bhikkhu bhikkhu esā paṭhavī maññe udrīyatīti . evaṃ vutte bhagavā taṃ bhikkhuṃ etadavoca nesā bhikkhu paṭhavī udrīyati māro eso pāpimā tumhākaṃ vicakkhukammāya āgatoti. [466] Atha kho bhagavā māro ayaṃ pāpimā iti viditvā māraṃ pāpimantaṃ gāthāya ajjhabhāsi rūpā saddā gandhā rasā phassā dhammā ca kevalā etaṃ lokāmisaṃ ghoraṃ ettha loko vimucchito etañca samatikkamma sato buddhassa sāvako māradheyyamatikkamma ādiccova virocatīti. Atha kho māro .pe. Tatthevantaradhāyīti. Aṭṭhamaṃ piṇḍasuttaṃThe Pali Tipitaka in Roman Character Volume 15 page 165-166. http://84000.org/tipitaka/pali/roman_item_s.php?book=15&item=464&items=3&mode=bracket Classified by content :- http://84000.org/tipitaka/pali/roman_item_s.php?book=15&item=464&items=3 Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=464&items=3&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=464&items=3&mode=bracket Study Atthakatha :- http://84000.org/tipitaka/attha/attha.php?b=15&i=464 The Pali Atthakatha in Thai :- http://84000.org/tipitaka/atthapali/read_th.php?B=11&A=4433 The Pali Atthakatha in Roman :- http://84000.org/tipitaka/atthapali/read_rm.php?B=11&A=4433 Contents of The Tipitaka Volume 15 http://84000.org/tipitaka/read/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]