paliTIPITAKA Volume 13 - Sutta Pitaka 5

page134.

Maharahulovadasuttam [133] Evamme sutam ekam samayam bhagava savatthiyam viharati jetavane anathapindikassa arame . atha kho bhagava pubbanhasamayam nivasetva pattacivaramadaya savatthim pindaya pavisi . ayasmapi kho rahulo pubbanhasamayam nivasetva pattacivaramadaya bhagavantam pitthito pitthito anubandhi . atha kho bhagava apaloketva ^1- ayasmantam rahulam amantesi yankinci rahula rupam atitanagatapaccuppannam ajjhattam va bahiddha va olarikam va sukhumam va hinam va panitam va yam dure ^2- santike va sabbam rupam netam mama nesohamasmi na meso attati evametam yathabhutam sammappannaya datthabbanti . rupameva nu kho bhagava rupameva nu kho sugatati. Rupampi rahula vedanapi rahula sannapi rahula sankharapi rahula vinnanampi rahulati. [134] Atha kho ayasma rahulo ko nujja bhagavata sammukha ovadena ovadito gamam pindaya pavisissatiti tato patinivattitva annatarasmim rukkhamule nisidi pallankam abhujitva ujum kayam panidhaya parimukham satim upatthapetva . addasa kho ayasma sariputto ayasmantam rahulam annatarasmim rukkhamule nisinnam pallankam abhujitva ujum kayam panidhaya parimukham satim @Footnote: ¹ Po. avaloketva . ² Ma. yam dure va.

--------------------------------------------------------------------------------------------- page135.

Upatthapetva disvana ayasmantam rahulam amantesi anapanasatim rahula bhavanam bhavehi anapanasati rahula bhavana bhavita bahulikata mahapphala hoti mahanisamsati . atha kho ayasma rahulo sayanhasamayam patisallana vutthito yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma rahulo bhagavantam etadavoca katham bhavita nu kho bhante anapanasati katham bahulikata mahapphala hoti mahanisamsati. [135] Yankinci rahula rupam ^[1]- ajjhattam paccattam kakkhalam kharigatam upadinnam seyyathidam kesa loma nakha danta taco mamsam nharu atthi atthiminjam vakkam hadayam yakanam kilomakam pihakam papphasam antam antagunam udariyam karisam yam va panannampi kinci ajjhattam paccattam kakkhalam kharigatam upadinnam ayam vuccati rahula ajjhattika pathavidhatu . ya ceva kho pana ajjhattika pathavidhatu ya ca bahira pathavidhatu pathavidhaturevesa . tam netam mama nesohamasmi na meso attati evametam yathabhutam sammappannaya datthabbam . Evametam yathabhutam sammappannaya disva pathavidhatuya nibbindati pathavidhatuya cittam virajeti. [136] Katama ca rahula apodhatu apodhatu siya ajjhattika siya bahira . katama ca rahula ajjhattika @Footnote: ¹ Po. etthantare "atitanagatapaccuppannam ajjhattam va bahiddha va olarikam @va .pe. evametam yathabhutam sammappannaya datthabbam. pancima rahula dhatuyo @katama panca pathavidhatu apodhatu tejodhatu vayodhatu akasadhatu. katama ca @rahula pathavidhatu pathavidhatu siya ajjhattika siya bahira. katama ca rahula ajjhattika @pathavidhatu yanti dissanti.

--------------------------------------------------------------------------------------------- page136.

Apodhatu yam ajjhattam paccattam apo apogatam upadinnam seyyathidam pittam semham pubbo lohitam sedo medo assu vasa khelo singhanika lasika muttam yam va panannampi kinci ajjhattam paccattam apo apogatam upadinnam ayam vuccati rahula ajjhattika apodhatu . ya ceva kho pana ajjhattika apodhatu ya ca bahira apodhatu apodhaturevesa . tam netam mama nesohamasmi na meso attati evametam yathabhutam sammappannaya datthabbam . evametam yathabhutam sammappannaya disva apodhatuya nibbindati apodhatuya cittam virajeti. [137] Katama ca rahula tejodhatu tejodhatu siya ajjhattika siya bahira . katama ca rahula ajjhattika tejodhatu yam ajjhattam paccattam tejo tejogatam upadinnam seyyathidam yena ca santapati yena ca jirati ^1- yena ca paridayhati yena ca asitam pitam khayitam sayitam samma parinamam gacchati yam va panannampi kinci ajjhattam paccattam tejo tejogatam upadinnam ayam vuccati rahula ajjhattika tejodhatu . ya ceva kho pana ajjhattika tejodhatu ya ca bahira tejodhatu tejodhaturevesa . Tam netam mama nesohamasmi na meso attati evametam yathabhutam sammappannaya datthabbam . evametam yathabhutam sammappannaya disva tejodhatuya nibbindati tejodhatuya cittam virajeti. @Footnote: ¹ Ma. jiriyati.

--------------------------------------------------------------------------------------------- page137.

[138] Katama ca rahula vayodhatu vayodhatu siya ajjhattika siya bahira . katama ca rahula ajjhattika vayodhatu yam ajjhattam paccattam vayo vayogatam upadinnam seyyathidam uddhangama vata adhogama vata kucchisaya vata kotthasaya ^1- vata angamanganusarino vata assaso passaso ^2- yam va panannampi kinci ajjhattam paccattam vayo vayogatam upadinnam ayam vuccati rahula ajjhattika vayodhatu . ya ceva kho pana ajjhattika vayodhatu ya ca bahira vayodhatu vayodhaturevesa . tam netam mama nesohamasmi na meso attati evametam yathabhutam sammappannaya datthabbam . evametam yathabhutam sammappannaya disva vayodhatuya nibbindati vayodhatuya cittam virajeti. [139] Katama ca rahula akasadhatu akasadhatu siya ajjhattika siya bahira . katama ca rahula ajjhattika akasadhatu yam ajjhattam paccattam akasam akasagatam upadinnam seyyathidam kannacchiddam nasacchiddam mukhadvaram yena ca asitam pitam khayitam sayitam ajjhoharati yattha ca asitam pitam khayitam sayitam samtitthati yena ca asitam pitam khayitam sayitam adhobhaga ^3- nikkhamati yam va panannampi kinci ajjhattam paccattam akasam akasagatam agham aghagatam vivaram vivaragatam asamphuttham mamsalohitehi @Footnote: ¹ Ma. kotthasaya . ² Ma. passasoti . ³ Ma. adhobhagam.

--------------------------------------------------------------------------------------------- page138.

Ajjhattam ^1- upadinnam ayam vuccati rahula ajjhattika akasadhatu . Ya ceva kho pana ajjhattika akasadhatu ya ca bahira akasadhatu akasadhaturevesa . tam netam mama nesohamasmi na meso attati evametam yathabhutam sammappannaya datthabbam . evametam yathabhutam sammappannaya disva akasadhatuya nibbindati akasadhatuya cittam virajeti. [140] Pathavisamam rahula bhavanam bhavehi pathavisamanhi te rahula bhavanam bhavayato uppanna manapamanapa phassa cittam na pariyadaya thassanti . seyyathapi rahula pathaviya sucimpi nikkhipanti asucimpi nikkhipanti guthagatampi nikkhipanti muttagatampi nikkhipanti khelagatampi nikkhipanti pubbagatampi nikkhipanti lohitagatampi nikkhipanti na ca tena pathavi attiyati ^2- va harayati va jigucchati va evameva kho tvam rahula pathavisamam bhavanam bhavehi pathavisamanhi te rahula bhavanam bhavayato uppanna manapamanapa phassa cittam na pariyadaya thassanti. [141] Aposamam rahula bhavanam bhavehi aposamanhi te rahula bhavanam bhavayato uppanna manapamanapa phassa cittam na pariyadaya thassanti . seyyathapi rahula apasmim sucimpi dhovanti asucimpi dhovanti guthagatampi dhovanti muttagatampi dhovanti khelagatampi dhovanti pubbagatampi dhovanti lohitagatampi dhovanti na @Footnote: ¹ Ma. ayam patho natthi . ² Ma. addiyati.

--------------------------------------------------------------------------------------------- page139.

Ca tena apo attiyati va harayati va jigucchati va evameva kho tvam rahula aposamam bhavanam bhavehi aposamanhi te rahula bhavanam bhavayato uppanna manapamanapa phassa cittam na pariyadaya thassanti. [142] Tejosamam rahula bhavanam bhavehi tejosamanhi te rahula bhavanam bhavayato uppanna manapamanapa phassa cittam na pariyadaya thassanti . seyyathapi rahula tejo sucimpi dahati asucimpi dahati guthagatampi dahati muttagatampi dahati khelagatampi dahati pubbagatampi dahati lohitagatampi dahati na ca tena tejo attiyati va harayati va jigucchati va evameva kho tvam rahula tejosamam bhavanam bhavehi tejosamanhi te rahula bhavanam bhavayato uppanna manapamanapa phassa cittam na pariyadaya thassanti. [143] Vayosamam rahula bhavanam bhavehi vayosamanhi te rahula bhavanam bhavayato uppanna manapamanapa phassa cittam na pariyadaya thassanti . seyyathapi rahula vayo sucimpi upavayati asucimpi upavayati guthagatampi upavayati muttagatampi upavayati khelagatampi upavayati pubbagatampi upavayati lohitagatampi upavayati na ca tena vayo attiyati va harayati va jigucchati va evameva kho tvam rahula vayosamam bhavanam bhavehi vayosamanhi te rahula bhavanam bhavayato uppanna manapamanapa phassa cittam na

--------------------------------------------------------------------------------------------- page140.

Pariyadaya thassanti. [144] Akasasamam rahula bhavanam bhavehi akasasamanhi te rahula bhavanam bhavayato uppanna manapamanapa phassa cittam na pariyadaya thassanti . seyyathapi rahula akaso na katthaci patitthito evameva kho tvam rahula akasasamam bhavanam bhavehi akasasamanhi te rahula bhavanam bhavayato uppanna manapamanapa phassa cittam na pariyadaya thassanti. [145] Mettam rahula bhavanam bhavehi mettanhi te rahula bhavanam bhavayato yo byapado so pahiyissati . karunam rahula bhavanam bhavehi karunanhi te rahula bhavanam bhavayato ya vihesa sa pahiyissati . muditam rahula bhavanam bhavehi muditanhi te rahula bhavanam bhavayato ya arati sa pahiyissati . upekkham rahula bhavanam bhavehi upekkhanhi te rahula bhavanam bhavayato yo patigho so pahiyissati . asubham rahula bhavanam bhavehi asubhanhi te rahula bhavanam bhavayato yo rago so pahiyissati . Aniccasannam rahula bhavanam bhavehi aniccasannanhi te rahula bhavanam bhavayato yo asmimano so pahiyissati. [146] Anapanasatim ^1- rahula bhavanam bhavehi anapanasati ^2- rahula bhavita bahulikata mahapphala hoti mahanisamsa . katham bhavita ca rahula anapanasati katham bahulikata mahapphala hoti @Footnote: ¹ Po. anapanassatim . ² Po. anapanassati hi. Ma. anapanasati hi te.

--------------------------------------------------------------------------------------------- page141.

Mahanisamsa . idha rahula bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva so satova assasati sato ^1- passasati. {146.1} Digham va assasanto digham assasamiti pajanati digham va passasanto digham passasamiti pajanati . rassam va assasanto rassam assasamiti pajanati rassam va passasanto rassam passasamiti pajanati . sabbakayapatisamvedi assasissamiti sikkhati sabbakaya- patisamvedi passasissamiti sikkhati . passambhayam kayasankharam assasissamiti sikkhati passambhayam kayasankharam passasissamiti sikkhati. {146.2} Pitipatisamvedi assasissamiti sikkhati pitipatisamvedi passasissamiti sikkhati . sukhapatisamvedi assasissamiti sikkhati sukhapatisamvedi passasissamiti sikkhati . cittasankharapatisamvedi assasissamiti sikkhati . cittasankharapatisamvedi passasissamiti sikkhati . passambhayam cittasankharam assasissamiti sikkhati passambhayam cittasankharam passasissamiti sikkhati . cittapatisamvedi assasissamiti sikkhati cittapatisamvedi passasissamiti sikkhati . abhippamodayam cittam assasissamiti sikkhati abhippamodayam cittam passasissamiti sikkhati . Samadaham cittam assasissamiti sikkhati samadaham cittam passasissamiti sikkhati . vimocayam cittam assasissamiti sikkhati vimocayam cittam passasissamiti sikkhati . aniccanupassi assasissamiti @Footnote: ¹ Ma. satova.

--------------------------------------------------------------------------------------------- page142.

Sikkhati aniccanupassi passasissamiti sikkhati . viraganupassi assasissamiti sikkhati viraganupassi passasissamiti sikkhati . nirodhanupassi assasissamiti sikkhati nirodhanupassi passasissamiti sikkhati . patinissagganupassi assasissamiti sikkhati patinissagganupassi passasissamiti sikkhati. {146.3} Evam bhavita kho rahula anapanasati evam bahulikata mahapphala hoti mahanisamsa evam bhavitaya kho rahula anapanasatiya evam bahulikataya yepi te carimaka assasapassasa ^1- tepi viditava nirujjhanti no aviditati. Idamavoca bhagava attamano ayasma rahulo bhagavato bhasitam abhinanditi. Maharahulovadasuttam nitthitam dutiyam. ---------- @Footnote: ¹ Ma. assasa.