บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
พระไตรปิฎกเล่มที่ ๓ ภาษาบาลี อักษรไทย พระวินัยปิฎกเล่มที่ ๓ วินย. ภิกฺขุนีวิภงฺโค
ปตฺตวคฺคสฺส อฏฺมสิกฺขาปทํ [๑๒๖] เตน สมเยน พุทฺโธ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม ฯ เตน โข ปน สมเยน อญฺตรสฺส ปูคสฺส ปริเวณวาสิกา ภิกฺขุนิโย ยาคุยา กิลมนฺติ ฯ อถโข โส ปูโค ภิกฺขุนีนํ ยาคุอตฺถาย ฉนฺทกํ สงฺฆริตฺวา อญฺตรสฺส อาปณิกสฺส ฆเร ปริกฺขารํ นิกฺขิปิตฺวา ภิกฺขุนิโย อุปสงฺกมิตฺวา เอตทโวจ อมุกสฺส อยฺเย อาปณิกสฺส ฆเร ยาคุอตฺถาย ปริกฺขาโร นิกฺขิตฺโต ตโต ตณฺฑุเล ๑- อาหราเปตฺวา ยาคุํ ปจาเปตฺวา ปริภุญฺชถาติ ฯ ภิกฺขุนิโย เตน ปริกฺขาเรน เภสชฺชํ เจตาเปตฺวา ปริภุญฺชึสุ ฯ [๒]- โส ปูโค ชานิตฺวา อุชฺฌายติ ขียติ วิปาเจติ กถํ หิ นาม ภิกฺขุนิโย อญฺทตฺถิเกน ปริกฺขาเรน อญฺุทฺทิสิเกน มหาชนิเกน อญฺ เจตาเปสฺสนฺตีติ ฯ อสฺโสสุํ โข ภิกฺขุนิโย ตสฺส อุปาสกสฺส อุชฺฌายนฺตสฺส ขียนฺตสฺส วิปาเจนฺตสฺส ฯ ยา ตา ภิกฺขุนิโย @เชิงอรรถ: ๑ ม. ยุ. ตณฺฑุลํ ฯ ๒ ม. ยุ. เอตฺถนฺตเร อถ โขติ ทิสฺสติ ฯ อปฺปิจฺฉา ฯเปฯ ตา อุชฺฌายนฺติ ขียนฺติ วิปาเจนฺติ กถํ หิ นาม ภิกฺขุนิโย อญฺทตฺถิเกน ปริกฺขาเรน อญฺุทฺทิสิเกน มหาชนิเกน อญฺ เจตาเปสฺสนฺตีติ ฯเปฯ สจฺจํ กิร ภิกฺขเว ภิกฺขุนิโย อญฺทตฺถิเกน ปริกฺขาเรน อญฺุทฺทิสิเกน มหาชนิเกน อญฺ เจตาเปนฺตีติ ฯ สจฺจํ ภควาติ ฯ วิครหิ พุทฺโธ ภควา กถํ หิ นาม ภิกฺขเว ภิกฺขุนิโย อญฺทตฺถิเกน ปริกฺขาเรน อญฺุทฺทิสิเกน มหาชนิเกน อญฺ เจตาเปสฺสนฺติ เนตํ ภิกฺขเว อปฺปสนฺนานํ วา ปสาทาย ฯเปฯ เอวญฺจ ปน ภิกฺขเว ภิกฺขุนิโย อิมํ สิกฺขาปทํ อุทฺทิสนฺตุ {๑๒๖.๑} ยา ปน ภิกฺขุนี อญฺทตฺถิเกน ปริกฺขาเรน อญฺุทฺทิสิเกน มหาชนิเกน อญฺ เจตาเปยฺย นิสฺสคฺคิยํ ปาจิตฺติยนฺติ ฯ [๑๒๗] ยา ปนาติ ยา ยาทิสา ฯเปฯ ภิกฺขุนีติ ฯเปฯ อยํ อิมสฺมึ อตฺเถ อธิปฺเปตา ภิกฺขุนีติ ฯ อญฺทตฺถิเกน ปริกฺขาเรน อญฺุทฺทิสิเกนาติ อญฺสฺสตฺถาย ทินฺเนน ฯ มหาชนิเกนาติ คณสฺสตฺถาย [๑]- น สงฺฆสฺส น เอกภิกฺขุนิยา ฯ อญฺ เจตาเปยฺยาติ ยํ อตฺถาย ทินฺนํ ตํ เปตฺวา อญฺ เจตาเปติ ปโยเค ทุกฺกฏํ ปฏิลาเภน นิสฺสคฺคิยํ โหติ นิสฺสชฺชิตพฺพํ สงฺฆสฺส วา คณสฺส วา เอกภิกฺขุนิยา วา ฯ เอวญฺจ ปน ภิกฺขเว นิสฺสชฺชิตพฺพํ ฯเปฯ อิทํ เม อยฺเย อญฺทตฺถิเกน ปริกฺขาเรน อญฺุทฺทิสิเกน มหาชนิเกน อญฺ เจตาปิตํ นิสฺสคฺคิยํ อิมาหํ สงฺฆสฺส นิสฺสชฺชามีติ ฯเปฯ ทเทยฺยาติ ฯเปฯ ทเทยฺยุนฺติ ฯเปฯ อยฺยาย ทมฺมีติ ฯ @เชิงอรรถ: ๑ ม. ยุ. คณสฺส ฯ [๑๒๘] อญฺทตฺถิเก อญฺทตฺถิกสญฺา อญฺ เจตาเปติ นิสฺสคฺคิยํ ปาจิตฺติยํ ฯ อญฺทตฺถิเก เวมติกา อญฺ เจตาเปติ นิสฺสคฺคิยํ ปาจิตฺติยํ ฯ อญฺทตฺถิเก อนญฺทตฺถิกสญฺา อญฺ เจตาเปติ นิสฺสคฺคิยํ ปาจิตฺติยํ ฯ นิสฺสฏฺ ปฏิลภิตฺวา ยถาทาเน อุปเนตพฺพํ ฯ อนญฺทตฺถิเก อญฺทตฺถิกสญฺา อาปตฺติ ทุกฺกฏสฺส ฯ อนญฺทตฺถิเก เวมติกา อาปตฺติ ทุกฺกฏสฺส ฯ อนญฺทตฺถิเก อนญฺทตฺถิกสญฺา อนาปตฺติ ฯ [๑๒๙] อนาปตฺติ เสสกํ อุปเนติ สามิเก อปโลเกตฺวา อุปเนติ อาปทาสุ อุมฺมตฺติกาย อาทิกมฺมิกายาติ ฯ ----------เนื้อความพระไตรปิฎกฉบับภาษาบาลีอักษรไทย เล่มที่ ๓ หน้าที่ ๘๒-๘๔. http://84000.org/tipitaka/pali/pali_item_s.php?book=3&item=126&items=4 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=3&item=126&items=4&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=3&item=126&items=4 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=3&item=126&items=4 ศึกษาอรรถกถานี้ได้ที่ :- http://84000.org/tipitaka/attha/attha.php?b=3&i=126 The Pali Atthakatha in Thai :- http://84000.org/tipitaka/atthapali/read_th.php?B=2&A=11190 The Pali Atthakatha in Roman :- http://84000.org/tipitaka/atthapali/read_rm.php?B=2&A=11190 สารบัญพระไตรปิฎกเล่มที่ ๓ http://84000.org/tipitaka/read/?index_3
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]