ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๐ ภาษาบาลี อักษรไทย พระสุตตันตปิฎกเล่มที่ ๑๒ สุตฺต. องฺ. (๑): เอก-ทุก-ติกนิปาตา
     [๑๒]   นาหํ   ภิกฺขเว   อญฺ   เอกธมฺมํปิ   สมนุปสฺสามิ  เยน
อนุปฺปนฺโน   วา   กามจฺฉนฺโท   อุปฺปชฺชติ   อุปฺปนฺโน  วา  กามจฺฉนฺโท
ภิยฺโยภาวาย    เวปุลฺลาย    สํวตฺตติ    ยถยิทํ    ภิกฺขเว   สุภนิมิตฺตํ
สุภนิมิตฺตํ    ภิกฺขเว    อโยนิโส    มนสิกโรโต    อนุปฺปนฺโน    เจว
กามจฺฉนฺโท    อุปฺปชฺชติ    อุปฺปนฺโน   จ   กามจฺฉนฺโท   ภิยฺโยภาวาย
เวปุลฺลาย สํวตฺตตีติ ฯ
     [๑๓]   นาหํ   ภิกฺขเว   อญฺ   เอกธมฺมํปิ   สมนุปสฺสามิ  เยน
อนุปฺปนฺโน   วา   พฺยาปาโท   อุปฺปชฺชติ   อุปฺปนฺโน   วา   พฺยาปาโท
ภิยฺโยภาวาย    เวปุลฺลาย    สํวตฺตติ    ยถยิทํ   ภิกฺขเว   ปฏิฆนิมิตฺตํ
ปฏิฆนิมิตฺตํ    ภิกฺขเว    อโยนิโส    มนสิกโรโต    อนุปฺปนฺโน   เจว
พฺยาปาโท    อุปฺปชฺชติ    อุปฺปนฺโน    จ    พฺยาปาโท   ภิยฺโยภาวาย
เวปุลฺลาย สํวตฺตตีติ ฯ
     [๑๔]   นาหํ  ภิกฺขเว  อญฺ  เอกธมฺมํปิ สมนุปสฺสามิ เยน อนุปฺปนฺนํ
วา  ถีนมิทฺธํ  อุปฺปชฺชติ  อุปฺปนฺนํ  วา  ถีนมิทฺธํ  ภิยฺโยภาวาย  เวปุลฺลาย
สํวตฺตติ    ยถยิทํ    ภิกฺขเว    อรติ   ตนฺทิ   วิชมฺภิกา   ภตฺตสมฺมโท
เจตโส     จ     ลีนตฺตํ     ลีนจิตฺตสฺส    ภิกฺขเว    อนุปฺปนฺนญฺเจว
@เชิงอรรถ: ๑-๒ ยุ. ปุริสโผฏฺพฺพํ ฯ   ม. ยุ. รูปาทิวคฺโค ฯ

--------------------------------------------------------------------------------------------- หน้าที่ ๔.

ถีนมิทฺธํ อุปฺปชฺชติ อุปฺปนฺนญฺจ ถีนมิทฺธํ ภิยฺโยภาวาย เวปุลฺลาย สํวตฺตตีติ [๑๕] นาหํ ภิกฺขเว อญฺ เอกธมฺมํปิ สมนุปสฺสามิ เยน อนุปฺปนฺนํ วา อุทฺธจฺจกุกฺกุจฺจํ อุปฺปชฺชติ อุปฺปนฺนํ วา อุทฺธจฺจกุกฺกุจฺจํ ภิยฺโยภาวาย เวปุลฺลาย สํวตฺตติ ยถยิทํ ภิกฺขเว เจตโส อวูปสโม อวูปสนฺตจิตฺตสฺส ภิกฺขเว อนุปฺปนฺนญฺเจว อุทฺธจฺจกุกฺกุจฺจํ อุปฺปชฺชติ อุปฺปนฺนญฺจ อุทฺธจฺจกุกฺกุจฺจํ ภิยฺโยภาวาย เวปุลฺลาย สํวตฺตตีติ ฯ [๑๖] นาหํ ภิกฺขเว อญฺ เอกธมฺมํปิ สมนุปสฺสามิ เยน อนุปฺปนฺนา วา วิจิกิจฺฉา อุปฺปชฺชติ อุปฺปนฺนา วา วิจิกิจฺฉา ภิยฺโยภาวาย เวปุลฺลาย สํวตฺตติ ยถยิทํ ภิกฺขเว อโยนิโส มนสิกาโร อโยนิโส ภิกฺขเว มนสิกโรโต อนุปฺปนฺนา เจว วิจิกิจฺฉา อุปฺปชฺชติ อุปฺปนฺนา จ วิจิกิจฺฉา ภิยฺโยภาวาย เวปุลฺลาย สํวตฺตตีติ ฯ [๑๗] นาหํ ภิกฺขเว อญฺ เอกธมฺมํปิ สมนุปสฺสามิ เยน อนุปฺปนฺโน วา กามจฺฉนฺโท นุปฺปชฺชติ อุปฺปนฺโน วา กามจฺฉนฺโท ปหียติ ยถยิทํ ภิกฺขเว อสุภนิมิตฺตํ อสุภนิมิตฺตํ ภิกฺขเว โยนิโส มนสิกโรโต อนุปฺปนฺโน เจว กามจฺฉนฺโท นุปฺปชฺชติ อุปฺปนฺโน จ กามจฺฉนฺโท ปหียตีติ ฯ [๑๘] นาหํ ภิกฺขเว อญฺ เอกธมฺมํปิ สมนุปสฺสามิ เยน อนุปฺปนฺโน วา พฺยาปาโท นุปฺปชฺชติ อุปฺปนฺโน วา พฺยาปาโท

--------------------------------------------------------------------------------------------- หน้าที่ ๕.

ปหียติ ยถยิทํ ภิกฺขเว เมตฺตา เจโตวิมุตฺติ เมตฺตํ ภิกฺขเว เจโตวิมุตฺตึ โยนิโส มนสิกโรโต อนุปฺปนฺโน เจว พฺยาปาโท นุปฺปชฺชติ อุปฺปนฺโน จ พฺยาปาโท ปหียตีติ ฯ [๑๙] นาหํ ภิกฺขเว อญฺ เอกธมฺมํปิ สมนุปสฺสามิ เยน อนุปฺปนฺนํ วา ถีนมิทฺธํ นุปฺปชฺชติ อุปฺปนฺนํ วา ถีนมิทฺธํ ปหียติ ยถยิทํ ภิกฺขเว อารมฺภธาตุ นิกฺกมธาตุ ปรกฺกมธาตุ อารทฺธวิริยสฺส ภิกฺขเว อนุปฺปนฺนญฺเจว ถีนมิทฺธํ นุปฺปชฺชติ อุปฺปนฺนญฺจ ถีนมิทฺธํ ปหียตีติ ฯ [๒๐] นาหํ ภิกฺขเว อญฺ เอกธมฺมํปิ สมนุปสฺสามิ เยน อนุปฺปนฺนํ วา อุทฺธจฺจกุกฺกุจฺจํ นุปฺปชฺชติ อุปฺปนฺนํ วา อุทฺธจฺจกุกฺกุจฺจํ ปหียติ ยถยิทํ ภิกฺขเว เจตโส วูปสโม วูปสนฺตจิตฺตสฺส ภิกฺขเว อนุปฺปนฺนญฺเจว อุทฺธจฺจกุกฺกุจฺจํ นุปฺปชฺชติ อุปฺปนฺนญฺจ อุทฺธจฺจกุกฺกุจฺจํ ปหียตีติ ฯ [๒๑] นาหํ ภิกฺขเว อญฺ เอกธมฺมํปิ สมนุปสฺสามิ เยน อนุปฺปนฺนา วา วิจิกิจฺฉา นุปฺปชฺชติ อุปฺปนฺนา วา วิจิกิจฺฉา ปหียติ ยถยิทํ ภิกฺขเว โยนิโส มนสิกาโร โยนิโส ภิกฺขเว มนสิกโรโต อนุปฺปนฺนา เจว วิจิกิจฺฉา นุปฺปชฺชติ อุปฺปนฺนา จ วิจิกิจฺฉา ปหียตีติ ฯ วคฺโค ๑- ทุติโย ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๒๐ หน้าที่ ๓-๕. http://84000.org/tipitaka/pali/pali_item_s.php?book=20&item=12&items=10&pagebreak=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=20&item=12&items=10&pagebreak=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=20&item=12&items=10&pagebreak=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=20&item=12&items=10&pagebreak=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=20&i=12              The Pali Atthakatha in Thai :- http://84000.org/tipitaka/atthapali/read_th.php?B=14&A=608              The Pali Atthakatha in Roman :- http://84000.org/tipitaka/atthapali/read_rm.php?B=14&A=608              สารบัญพระไตรปิฎกเล่มที่ ๒๐ http://84000.org/tipitaka/read/?index_20

อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :