|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
พระไตรปิฎกเล่มที่ ๑๙ ภาษาบาลี อักษรไทย พระสุตตันตปิฎกเล่มที่ ๑๑ สุตฺต. สํ. มหาวารวคฺโค
|
|
มิจฺฉตฺตวคฺโค ตติโย [๕๙] สาวตฺถีนิทานํ ฯ มิจฺฉตฺตญฺจ โว ภิกฺขเว เทเสสฺสามิ สมฺมตฺตญฺจ ตํ สุณาถ ฯ [๖๐] กตมญฺจ ภิกฺขเว มิจฺฉตฺตํ ฯ เสยฺยถีทํ ฯ มิจฺฉาทิฏฺิ ฯเปฯ มิจฺฉาสมาธิ ฯ อิทํ วุจฺจติ ภิกฺขเว มิจฺฉตฺตํ ฯ [๖๑] กตมญฺจ ภิกฺขเว สมฺมตฺตํ ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ ฯ อิทํ วุจฺจติ ภิกฺขเว สมฺมตฺตนฺติ ฯ [๖๒] สาวตฺถีนิทานํ ฯ อกุสเล จ โว ภิกฺขเว ธมฺเม เทสิสฺสามิ กุสเล จ ธมฺเม ตํ สุณาถ ฯ [๖๓] กตเม จ ภิกฺขเว อกุสลา ธมฺมา ฯ เสยฺยถีทํ ฯ มิจฺฉาทิฏฺิ ฯเปฯ มิจฺฉาสมาธิ ฯ อิเม วุจฺจนฺติ ภิกฺขเว อกุสลา ธมฺมา ฯ [๖๔] กตเม จ ภิกฺขเว กุสลา ธมฺมา ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ ฯ อิเม วุจฺจนฺติ ภิกฺขเว กุสลา ธมฺมาติ ฯ [๖๕] สาวตฺถีนิทานํ ฯ มิจฺฉาปฏิปทญฺจ โว ภิกฺขเว เทเสสฺสามิ สมฺมาปฏิปทญฺจ ตํ สุณาถ ฯ [๖๖] กตมา จ ภิกฺขเว มิจฺฉาปฏิปทา ฯ เสยฺยถีทํ ฯ มิจฺฉาทิฏฺิ ฯเปฯ มิจฺฉาสมาธิ ฯ อยํ วุจฺจติ ภิกฺขเว มิจฺฉาปฏิปทา ฯ--------------------------------------------------------------------------------------------- หน้าที่ ๒๓.
[๖๗] กตมา จ ภิกฺขเว สมฺมาปฏิปทา ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ ฯ อยํ วุจฺจติ ภิกฺขเว สมฺมาปฏิปทาติ ฯ [๖๘] สาวตฺถีนิทานํ ฯ คิหิโน วาหํ ภิกฺขเว ปพฺพชิตสฺส วา มิจฺฉาปฏิปทํ น วณฺเณมิ ฯ คิหี วา ภิกฺขเว ปพฺพชิโต วา มิจฺฉาปฏิปนฺโน มิจฺฉาปฏิปตฺตาธิกรณเหตุ นาราธโก โหติ ายํ ธมฺมํ กุสลํ ฯ กตมา จ ภิกฺขเว มิจฺฉาปฏิปทา ฯ เสยฺยถีทํ ฯ มิจฺฉาทิฏฺิ ฯเปฯ มิจฺฉาสมาธิ ฯ อยํ วุจฺจติ ภิกฺขเว มิจฺฉาปฏิปทา ฯ คิหิโน วาหํ ภิกฺขเว ปพฺพชิตสฺส วา มิจฺฉาปฏิปทํ น วณฺเณมิ ฯ คิหี วา ภิกฺขเว ปพฺพชิโต วา มิจฺฉาปฏิปนฺโน มิจฺฉาปฏิปตฺตาธิกรณเหตุ นาราธโก โหติ ายํ ธมฺมํ กุสลํ ฯ [๖๙] คิหิโน วาหํ ภิกฺขเว ปพฺพชิตสฺส วา สมฺมาปฏิปทํ วณฺเณมิ ฯ คิหี วา ภิกฺขเว ปพฺพชิโต วา สมฺมาปฏิปนฺโน สมฺมาปฏิปตฺตาธิกรณเหตุ อาราธโก โหติ ายํ ธมฺมํ กุสลํ ฯ กตมา จ ภิกฺขเว สมฺมาปฏิปทา ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ ฯ อยํ วุจฺจติ ภิกฺขเว สมฺมาปฏิปทา ฯ คิหิโน วาหํ ภิกฺขเว ปพฺพชิตสฺส วา สมฺมาปฏิปทํ วณฺเณมิ ฯ คิหี วา ภิกฺขเว ปพฺพชิโต วา สมฺมาปฏิปนฺโน สมฺมาปฏิปตฺตาธิกรณเหตุ อาราธโก โหติ ายํ ธมฺมํ กุสลนฺติ ฯ [๗๐] สาวตฺถีนิทานํ ฯ อสปฺปุริสญฺจ โว ภิกฺขเว เทสิสฺสามิ--------------------------------------------------------------------------------------------- หน้าที่ ๒๔.
สปฺปุริสญฺจ ตํ สุณาถ ฯ [๗๑] กตโม จ ภิกฺขเว อสปฺปุริโส ฯ อิธ ภิกฺขเว เอกจฺโจ มิจฺฉาทิฏฺิโก โหติ มิจฺฉาสงฺกปฺโป มิจฺฉาวาโจ มิจฺฉากมฺมนฺโต มิจฺฉาอาชีโว มิจฺฉาวายาโม มิจฺฉาสติ มิจฺฉาสมาธิ ฯ อยํ วุจฺจติ ภิกฺขเว อสปฺปุริโส ฯ [๗๒] กตโม จ ภิกฺขเว สปฺปุริโส ฯ อิธ ภิกฺขเว เอกจฺโจ สมฺมาทิฏฺิโก โหติ สมฺมาสงฺกปฺโป สมฺมาวาโจ สมฺมากมฺมนฺโต สมฺมาอาชีโว สมฺมาวายาโม สมฺมาสติ สมฺมาสมาธิ ฯ อยํ วุจฺจติ ภิกฺขเว สปฺปุริโสติ ฯ [๗๓] สาวตฺถีนิทานํ ฯ อสปฺปุริสญฺจ โว ภิกฺขเว เทเสสฺสามิ อสปฺปุริเสน อสปฺปุริสตรญฺจ ฯ สปฺปุริสญฺจ โว ภิกฺขเว เทสิสฺสามิ สปฺปุริเสน สปฺปุริสตรญฺจ ตํ สุณาถ ฯ [๗๔] กตโม จ ภิกฺขเว อสปฺปุริโส ฯ อิธ ภิกฺขเว เอกจฺโจ มิจฺฉาทิฏฺิโก โหติ ฯเปฯ มิจฺฉาสมาธิ ฯ อยํ วุจฺจติ ภิกฺขเว อสปฺปุริโส ฯ [๗๕] กตโม จ ภิกฺขเว อสปฺปุริเสน อสปฺปุสตโร ฯ อิธ ภิกฺขเว เอกจฺโจ มิจฺฉาทิฏฺิโก โหติ ฯเปฯ มิจฺฉาสมาธิ มิจฺฉาาณี มิจฺฉาวิมุตฺติ ฯ อยํ วุจฺจติ ภิกฺขเว อสปฺปุริเสน อสปฺปุริสตโร ฯ [๗๖] กตโม จ ภิกฺขเว สปฺปุริโส ฯ อิธ ภิกฺขเว เอกจฺโจ--------------------------------------------------------------------------------------------- หน้าที่ ๒๕.
สมฺมาทิฏฺิโก โหติ ฯเปฯ สมฺมาสมาธิ ฯ อยํ วุจฺจติ ภิกฺขเว สปฺปุริโส ฯ [๗๗] กตโม จ ภิกฺขเว สปฺปุริเสน สปฺปุริสตโร ฯ อิธ ภิกฺขเว เอกจฺโจ สมฺมาทิฏฺิโก โหติ ฯเปฯ สมฺมาสมาธิ สมฺมาาณี สมฺมาวิมุตฺติ ฯ อยํ วุจฺจติ ภิกฺขเว สปฺปุริเสน สปฺปุริสตโรติ ฯ [๗๘] สาวตฺถีนิทานํ ฯ เสยฺยถาปิ ภิกฺขเว กุมฺโภ อนาธาโร สุปฺปวตฺติโย โหติ สาธาโร ทุปฺปวตฺติโย โหติ ฯ เอวเมว โข ภิกฺขเว จิตฺตํ อนาธารํ สุปฺปวตฺติยํ โหติ สาธารํ ทุปฺปวตฺติยํ โหติ ฯ [๗๙] โก จ ภิกฺขเว จิตฺตสฺส อาธาโร ฯ อยเมวาริโย อฏฺงฺคิโก มคฺโค ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ อยํ จิตฺตสฺส อาธาโร ฯ [๘๐] เสยฺยถาปิ ภิกฺขเว กุมฺโภ อนาธาโร สุปฺปวตฺติโย โหติ สาธาโร ทุปฺปวตฺติโย โหติ ฯ เอวเมว โข ภิกฺขเว จิตฺตํ อนาธารํ สุปฺปวตฺติยํ โหติ สาธารํ ทุปฺปวตฺติยํ โหตีติ ฯ [๘๑] สาวตฺถีนิทานํ ฯ อริยํ โว ภิกฺขเว สมฺมาสมาธึ เทเสสฺสามิ สอุปนิสํ สปริกฺขารํ ตํ สุณาถ ฯ [๘๒] กตโม จ ภิกฺขเว อริโย สมฺมาสมาธิ สอุปนิโส สปริกฺขาโร ฯ เสยฺยถีทํ ฯ สมฺมาทิฏฺิ ๑- ฯเปฯ สมฺมาสมาธิ ฯ @เชิงอรรถ: ๑ ม. สมฺมาทิฏฺิ ฯเปฯ สมฺมาสติ ฯ--------------------------------------------------------------------------------------------- หน้าที่ ๒๖.
[๘๓] ยา โข ภิกฺขเว อิเมหิ สตฺตหงฺเคหิ จิตฺตสฺส เอกคฺคตา สปริกฺขตา ๑- อยํ วุจฺจติ ภิกฺขเว อริโย สมฺมาสมาธิ สอุปนิโส อิติปิ สปริกฺขาโร อิติปีติ ฯ [๘๔] สาวตฺถีนิทานํ ฯ ติสฺโส อิมา ภิกฺขเว เวทนา ฯ กตมา ติสฺโส ฯ สุขา เวทนา ทุกฺขา เวทนา อทุกฺขมสุขา เวทนา ฯ อิมา โข ภิกฺขเว ติสฺโส เวทนา ฯ [๘๕] อิมาสํ โข ภิกฺขเว ติสฺสนฺนํ เวทนานํ ปริญฺาย อริโย อฏฺงฺคิโก มคฺโค ภาเวตพฺโพ ฯ กตโม อริโย อฏฺงฺคิโก มคฺโค ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ ฯ อิมาสํ โข ภิกฺขเว ติสฺสนฺนํ ๒- เวทนานํ ปริญฺาย อริโย อฏฺงฺคิโก มคฺโค ภาเวตพฺโพติ ฯ [๘๖] สาวตฺถีนิทานํ ฯ อถ โข อายสฺมา อุตฺติโย เยน ภควา เตนุปสงฺกมิ ฯเปฯ เอกมนฺตํ นิสินฺโน โข อายสฺมา อุตฺติโย ภควนฺตํ เอตทโวจ อิธ มยฺหํ ภนฺเต รโหคตสฺส ปฏิสลฺลีนสฺส เอวํ เจตโส ปริวิตกฺโก อุทปาทิ ปญฺจ กามคุณา วุตฺตา ภควตา ฯ กตเม นุ โข ปญฺจ กามคุณา วุตฺตา ๓- ภควตาติ ฯ [๘๗] สาธุ สาธุ อุตฺติย ปญฺจ โขเม อุตฺติย กามคุณา วุตฺตา มยา ฯ กตเม ปญฺจ ฯ จกฺขุวิญฺเยฺยา รูปา อิฏฺา กนฺตา มนาปา ปิยรูปา กามูปสญฺหิตา รชนิยา ฯ โสตวิญฺเยฺยา สทฺทา ฯ ฆานวิญฺเยฺยา คนฺธา ฯ ชิวฺหาวิญฺเยฺยา รสา ฯ @เชิงอรรถ: ๑ โป. ปริกฺขรตา ฯ ม. สปริกฺขารตา ฯ ยุ. สปริกฺขารา ฯ ๒-๓ ยุ. อยํ ปาโ นตฺถิ ฯ--------------------------------------------------------------------------------------------- หน้าที่ ๒๗.
กายวิญฺเยฺยา โผฏฺพฺพา อิฏฺา กนฺตา มนาปา ปิยรูปา กามูปสญฺหิตา รชนิยา ฯ อิเม โข อุตฺติย ปญฺจ กามคุณา วุตฺตา มยา ฯ [๘๘] อิเมสํ โข อุตฺติย ปญฺจนฺนํ กามคุณานํ ปหานาย อริโย อฏฺงฺคิโก มคฺโค ภาเวตพฺโพ ฯ กตโม อริโย อฏฺงฺคิโก มคฺโค ฯ เสยฺยถีทํ ฯ สมฺมาทิฏฺิ ฯเปฯ สมฺมาสมาธิ ฯ อิเมสํ โข อุตฺติย ปญฺจนฺนํ กามคุณานํ ปหานาย [๑]- อริโย อฏฺงฺคิโก มคฺโค ภาเวตพฺโพติ ฯ มิจฺฉตฺตวคฺโค ตติโย ฯ ตสฺสุทฺทานํ มิจฺฉตฺตํ อกุสลํ ธมฺมํ ๒- ทุเว ปฏิปทาปิ จ อสปฺปุริเสน ๓- เทฺว วุตฺตา กุมฺโภ สมาธิ เวทนุตฺติเยนาติ ฯ --------- @เชิงอรรถ: ๑ ม. ยุ. อยํ ฯ ๒ ยุ. อยํ ปาโ นตฺถิ ฯ ๓ ม. อสปฺปุริเสน เทฺว กุมฺโภ ฯ @ยุ. เทฺว สปฺปุริเสน กุมฺโภ ฯเนื้อความพระไตรปิฎกฉบับภาษาบาลีอักษรไทย เล่มที่ ๑๙ หน้าที่ ๒๒-๒๗. http://84000.org/tipitaka/pali/pali_item_s.php?book=19&item=59&items=30&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item_s.php?book=19&item=59&items=30&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=19&item=59&items=30&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=19&item=59&items=30&pagebreak=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=19&i=59 The Pali Atthakatha in Thai :- http://84000.org/tipitaka/atthapali/read_th.php?B=13&A=4259 The Pali Atthakatha in Roman :- http://84000.org/tipitaka/atthapali/read_rm.php?B=13&A=4259 สารบัญพระไตรปิฎกเล่มที่ ๑๙ http://84000.org/tipitaka/read/?index_19
       |
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]