พระไตรปิฎกเล่มที่ ๑ ภาษาบาลี อักษรไทย
พระวินัยปิฎกเล่มที่ ๑ วินย. มหาวิภงฺโค (๑)

                               อฏฺมสงฺฆาทิเสสํ
     [๕๔๐]   เตน  สมเยน  พุทฺโธ  ภควา  ราชคเห  วิหรติ เวฬุวเน
กลนฺทกนิวาเป   ฯ   เตน   โข   ปน   สมเยน   อายสฺมตา  ทพฺเพน
มลฺลปุตฺเตน   ชาติยา   สตฺตวสฺเสน   อรหตฺตํ   สจฺฉิกตํ  โหติ  ยงฺกิญฺจิ
สาวเกน   ปตฺตพฺพํ   สพฺพํ   เตน   อนุปฺปตฺตํ  โหติ  นตฺถิ  จสฺส  กิญฺจิ
อุตฺตรึ กรณียํ กตสฺส วา ปฏิจโย ฯ
     [๕๔๑]   อถโข   อายสฺมโต   ทพฺพสฺส   มลฺลปุตฺตสฺส  รโหคตสฺส
ปฏิสลฺลีนสฺส   เอวํ   เจตโส   ปริวิตกฺโก  อุทปาทิ  มยา  โข  ชาติยา
สตฺตวสฺเสน   อรหตฺตํ   สจฺฉิกตํ   ยงฺกิญฺจิ   สาวเกน   ปตฺตพฺพํ   สพฺพํ
มยา   อนุปฺปตฺตํ   นตฺถิ   จ   เม   กิญฺจิ  อุตฺตรึ  กรณียํ  กตสฺส  วา
ปฏิจโย   กินฺนุ   โข  อหํ  สงฺฆสฺส  เวยฺยาวจฺจํ  กเรยฺยนฺติ  ฯ  อถโข
อายสฺมโต    ทพฺพสฺส    มลฺลปุตฺตสฺส   เอตทโหสิ   ยนฺนูนาหํ   สงฺฆสฺส
เสนาสนญฺจ    ปญฺาเปยฺยํ   ภตฺตานิ   จ   อุทฺทิเสยฺยนฺติ   ฯ   อถโข
อายสฺมา    ทพฺโพ    มลฺลปุตฺโต   สายณฺหสมยํ   ปฏิสลฺลานา   วุฏฺิโต
เยน    ภควา    เตนุปสงฺกมิ   อุปสงฺกมิตฺวา   ภควนฺตํ   อภิวาเทตฺวา
เอกมนฺตํ  นิสีทิ  ฯ  เอกมนฺตํ  นิสินฺโน  โข  อายสฺมา  ทพฺโพ มลฺลปุตฺโต
ภควนฺตํ    เอตทโวจ   อิธ   มยฺหํ   ภนฺเต   รโหคตสฺส   ปฏิสลฺลีนสฺส
เอวํ   เจตโส   ปริวิตกฺโก   อุทปาทิ  มยา  โข  ชาติยา  สตฺตวสฺเสน
อรหตฺตํ   สจฺฉิกตํ   ยงฺกิญฺจิ   สาวเกน  ปตฺตพฺพํ  สพฺพํ  มยา  อนุปฺปตฺตํ
นตฺถิ   จ   เม  กิญฺจิ  อุตฺตรึ  กรณียํ  กตสฺส  วา  ปฏิจโย  กินฺนุ  โข
อหํ   สงฺฆสฺส   เวยฺยาวจฺจํ  กเรยฺยนฺติ  ตสฺส  มยฺหํ  ภนฺเต  เอตทโหสิ
ยนฺนูนาหํ   สงฺฆสฺส  เสนาสนญฺจ  ปญฺาเปยฺยํ  ภตฺตานิ  จ  อุทฺทิเสยฺยนฺติ
อิจฺฉามหํ    ภนฺเต   สงฺฆสฺส   เสนาสนญฺจ   ปญฺาเปตุํ   ภตฺตานิ   จ
อุทฺทิสิตุนฺติ   ฯ   สาธุ   สาธุ  ทพฺพ  เตนหิ  ตฺวํ  สงฺฆสฺส  เสนาสนญฺจ
ปญฺาเปหิ   ภตฺตานิ   จ  อุทฺทิสาหีติ  ฯ  เอวํ  ภนฺเตติ  โข  อายสฺมา
ทพฺโพ มลฺลปุตฺโต ภควโต ปจฺจสฺโสสิ ฯ
     [๕๔๒]   อถโข  ภควา  เอตสฺมึ  นิทาเน  เอตสฺมึ  ปกรเณ  ธมฺมึ
กถํ   กตฺวา  ภิกฺขู  อามนฺเตสิ  เตนหิ  ภิกฺขเว  สงฺโฆ  ทพฺพํ  มลฺลปุตฺตํ
เสนาสนปญฺาปกญฺจ    ภตฺตุทฺเทสกญฺจ    สมฺมนฺนตุ   ฯ   เอวญฺจ   ปน
ภิกฺขเว   สมฺมนฺนิตพฺโพ   ปมํ   ทพฺโพ  ยาจิตพฺโพ  ยาจิตฺวา  พฺยตฺเตน
ภิกฺขุนา ปฏิพเลน สงฺโฆ าเปตพฺโพ
     {๕๔๒.๑}   สุณาตุ  เม  ภนฺเต  สงฺโฆ ยทิ สงฺฆสฺส ปตฺตกลฺลํ สงฺโฆ
อายสฺมนฺตํ    ทพฺพํ    มลฺลปุตฺตํ    เสนาสนปญฺาปกญฺจ   ภตฺตุทฺเทสกญฺจ
สมฺมนฺเนยฺย ฯ เอสา ตฺติ ฯ
     {๕๔๒.๒}   สุณาตุ เม ภนฺเต สงฺโฆ สงฺโฆ อายสฺมนฺตํ ทพฺพํ มลฺลปุตฺตํ
เสนาสนปญฺาปกญฺจ    ภตฺตุทฺเทสกญฺจ    สมฺมนฺนติ    ฯ   ยสฺสายสฺมโต
ขมติ     อายสฺมโต     ทพฺพสฺส    มลฺลปุตฺตสฺส    เสนาสนปญฺาปกสฺส
จ    ภตฺตุทฺเทสกสฺส    จ    สมฺมติ   โส   ตุณฺหสฺส   ยสฺส   นกฺขมติ
โส ภาเสยฺย ฯ
     {๕๔๒.๓}   สมฺมโต   สงฺเฆน   อายสฺมา   ทพฺโพ   มลฺลปุตฺโต
เสนาสนปญฺาปโก   จ   ภตฺตุทฺเทสโก   จ   ฯ  ขมติ  สงฺฆสฺส  ตสฺมา
ตุณฺหี ฯ เอวเมตํ ธารยามีติ ฯ
     [๕๔๓]   สมฺมโต   จ   ปนายสฺมา  ทพฺโพ  มลฺลปุตฺโต  สภาคานํ
สภาคานํ   ๑-   ภิกฺขูนํ  เอกชฺฌํ  เสนาสนํ  ปญฺาเปติ  เย  เต  ภิกฺขู
สุตฺตนฺติกา    เตสํ   เอกชฺฌํ   เสนาสนํ   ปญฺาเปติ   เต   อญฺมญฺ
สุตฺตนฺตํ   สงฺคายิสฺสนฺตีติ   เย   เต   ภิกฺขู   วินยธรา  เตสํ  เอกชฺฌํ
เสนาสนํ   ปญฺาเปติ   เต   อญฺมญฺ  วินยํ  วินิจฺฉินิสฺสนฺตีติ  ๒-  เย
เต   ภิกฺขู  อาภิธมฺมิกา  ๓-  เตสํ  เอกชฺฌํ  เสนาสนํ  ปญฺาเปติ  เต
อญฺมญฺ   อภิธมฺมํ  ๔-  สากจฺฉิสฺสนฺตีติ  เย  เต  ภิกฺขู  ฌายิโน  เตสํ
เอกชฺฌํ   เสนาสนํ   ปญฺาเปติ   เต   อญฺมญฺ   น  พฺยาพาธิสฺสนฺตีติ
เย  เต  ภิกฺขู  ติรจฺฉานกถิกา  กายทฬฺหีพหุลา  วิหรนฺติ  เตสํปิ  เอกชฺฌํ
เสนาสนํ   ปญฺาเปติ  อิมายปีเม  อายสฺมนฺโต  ๕-  รติยา  อจฺฉิสฺสนฺตีติ
เย  เต  ๖-  ภิกฺขู  วิกาเล  อาคจฺฉนฺติ  เตสํปิ เตโชธาตุํ สมาปชฺชิตฺวา
เตเนว   อาโลเกน   เสนาสนํ   ปญฺาเปติ  ฯ  อปิสฺสุ  ภิกฺขู  สญฺจิจฺจ
วิกาเล  อาคจฺฉนฺติ  มยํ  อายสฺมโต  ทพฺพสฺส  มลฺลปุตฺตสฺส อิทฺธิปาฏิหาริยํ
ปสฺสิสฺสามาติ ฯ
     {๕๔๓.๑}   เต อายสฺมนฺตํ ทพฺพํ มลฺลปุตฺตํ อุปสงฺกมิตฺวา เอวํ วเทนฺติ อมฺหากํ
อาวุโส ทพฺพ เสนาสนํ ปญฺาเปหีติ ฯ เต อายสฺมา ทพฺโพ มลฺลปุตฺโต เอวํ วเทติ
@เชิงอรรถ: ๑ สพฺพตฺถ อาเมณฺฑิตํ อกตํ โหติ ฯ ๒ สพฺพตฺถ วินิจฺฉิสฺสนฺตีตีติ
@อาคตํ ฯ ๓ ยุ. ม. ธมฺมกถิกา ฯ ๔ ยุ. ม. ธมฺมํ ฯ ๕ สพฺพตฺถ
@อายสฺมนฺตาติ อาคตํ ฯ ๖ ยุ. เยปิ เต ฯ ม. รา. เยปิ ฯ
กตฺถายสฺมนฺโต  ๑-  อิจฺฉนฺติ  กตฺถ  ปญฺาเปมีติ  ฯ  เต  สญฺจิจฺจ  ทูเร
อปทิสฺสนฺติ   อมฺหากํ   อาวุโส   ทพฺพ   คิชฺฌกูเฏ   ปพฺพเต   เสนาสนํ
ปญฺาเปหิ   อมฺหากํ   อาวุโส   ทพฺพ   ๒-   โจรปฺปปาเต   เสนาสนํ
ปญฺาเปหิ   อมฺหากํ   อาวุโส  ทพฺพ  อิสิคิลิปสฺเส  กาฬสิลายํ  เสนาสนํ
ปญฺาเปหิ    อมฺหากํ   อาวุโส   ทพฺพ   เวภารปสฺเส   สตฺตปณฺณคุหายํ
เสนาสนํ   ปญฺาเปหิ   อมฺหากํ   อาวุโส  ทพฺพ  สีตวเน  สปฺปโสณฺฑิก-
ปพฺภาเร  เสนาสนํ  ปญฺาเปหิ  อมฺหากํ  อาวุโส  ทพฺพ  โคมฏกนฺทรายํ
เสนาสนํ   ปญฺาเปหิ   อมฺหากํ   อาวุโส   ทพฺพ   ตินฺทุกกนฺทรายํ  ๓-
เสนาสนํ   ปญฺาเปหิ   อมฺหากํ   อาวุโส   ทพฺพ   กโปตกนฺทรายํ  ๔-
เสนาสนํ   ปญฺาเปหิ   อมฺหากํ  อาวุโส  ทพฺพ  ตโปทาราเม  เสนาสนํ
ปญฺาเปหิ   อมฺหากํ   อาวุโส  ทพฺพ  ชีวกมฺพวเน  เสนาสนํ  ปญฺาเปหิ
อมฺหากํ อาวุโส ทพฺพ มทฺทกุจฺฉิสฺมึ มิคทาเย เสนาสนํ ปญฺาเปหีติ ฯ
     {๕๔๓.๒}   เตสํ   อายสฺมา   ทพฺโพ   มลฺลปุตฺโต   เตโชธาตุํ
สมาปชฺชิตฺวา    องฺคุลิยา    ชลมานาย   ปุรโต   ปุรโต   คจฺฉติ   ฯ
เตปิ   เตเนว   อาโลเกน   อายสฺมโต  ทพฺพสฺส  มลฺลปุตฺตสฺส  ปิฏฺิโต
ปิฏฺิโต  คจฺฉนฺติ  ฯ  เตสํ  อายสฺมา  ทพฺโพ  มลฺลปุตฺโต  เอวํ เสนาสนํ
ปญฺาเปติ    อยํ    มญฺโจ   อิทํ   ปี   อยํ   ภิสี   อิทํ   พิมฺโพหนํ
อิทํ   วจฺจฏฺานํ   อิทํ   ปสฺสาวฏฺานํ   อิทํ   ปานียํ   อิทํ  ปริโภชนียํ
@เชิงอรรถ: ๑ ยุ. รา. กตฺถายสฺมนฺตา ฯ ๒ อิโต ปรํ ทพฺพาตฺยาลปนํ สพฺพตฺถ
@น ทิสฺสติ ฯ ๓ ยุ. รา. ตินฺทุกนฺทรายํ ฯ ๔ ยุ. ม. ตโปทกนฺทรายํ ฯ
อยํ   กตฺตรทณฺโฑ   อิทํ   สงฺฆสฺส   กติกสณฺานํ   อิมํ  กาลํ  ปวิสิตพฺพํ
อิมํ   กาลํ   นิกฺขมิตพฺพนฺติ   ฯ   เตสํ   อายสฺมา   ทพฺโพ  มลฺลปุตฺโต
เอวํ เสนาสนํ ปญฺาเปตฺวา ปุนเทว เวฬุวนํ ปจฺจาคจฺฉติ ฯ
     [๕๔๔]   เตน  โข  ปน  สมเยน  เมตฺติยภุมฺมชกา  ภิกฺขู  นวกา
เจว   โหนฺติ   อปฺปปุญฺา   จ   ยานิ  สงฺฆสฺส  ลามกานิ  เสนาสนานิ
ตานิ   เตสํ   ปาปุณนฺติ   ลามกานิ   จ   ภตฺตานิ  ฯ  เตน  โข  ปน
สมเยน   ราชคเห  มนุสฺสา  อิจฺฉนฺติ  เถรานํ  ภิกฺขูนํ  อภิสงฺขาริกํ  ๑-
ทาตุํ   สปฺปึปิ   เตลํปิ   อุตฺตริภงฺคํปิ   เมตฺติยภุมฺมชกานํ   ปน   ภิกฺขูนํ
ปากติกํ   เทนฺติ   ยถารทฺธํ   กาณาชกํ  พิลงฺคทุติยํ  ฯ  เต  ปจฺฉาภตฺตํ
ปิณฺฑปาตปฏิกฺกนฺตา   เถเร   ภิกฺขู  ปุจฺฉนฺติ  ตุมฺหากํ  อาวุโส  ภตฺตคฺเค
กึ   อโหสิ  ตุมฺหากํ  อาวุโส  ภตฺตคฺเค  กึ  อโหสีติ  ๒-  ฯ  เอกจฺเจ
เถรา   เอวํ   วเทนฺติ   อมฺหากํ  อาวุโส  สปฺปิ  อโหสิ  เตลํ  อโหสิ
อุตฺตริภงฺคํ   อโหสีติ   ฯ   เมตฺติยภุมฺมชกา   ปน  ภิกฺขู  เอวํ  วเทนฺติ
อมฺหากํ   อาวุโส   น   กิญฺจิ   อโหสิ   ปากติกํ   ยถารทฺธํ  กาณาชกํ
พิลงฺคทุติยนฺติ ฯ
     [๕๔๕]   เตน  โข  ปน  สมเยน  กลฺยาณภตฺติโก  คหปติ  สงฺฆสฺส
จตุกฺกภตฺตํ  เทติ  นิจฺจภตฺตํ  ฯ  โส  ภตฺตคฺเค  สปุตฺตทาโร  อุปติฏฺิตฺวา
@เชิงอรรถ: ๑ ยุ. ม. โปตฺถเกสุ อิโต ปรํ ปิณฺฑปาตนฺติปิ ทิสฺสติ ฯ
@๒ มรมฺมรามญฺโปตฺถเกสุ อาเมณฺฑิตํ อกตํ โหติ ฯ ยุโรปิยโปตฺถเก ปน
@ตุมฺหากํ อาวุโส ภตฺตคฺเค กึ อโหสิ ตุมฺหากํ กึ อโหสีติ อาคตํ ฯ
ปริวิสติ   ฯ   อญฺเ   โอทเนน   ปุจฺฉนฺติ   อญฺเ   สูเปน   ปุจฺฉนฺติ
อญฺเ   เตเลน   ปุจฺฉนฺติ   อญฺเ   อุตฺตริภงฺเคน   ปุจฺฉนฺติ  ฯ  เตน
โข    ปน   สมเยน   กลฺยาณภตฺติกสฺส   คหปติโน   ภตฺตํ   สฺวาตนาย
เมตฺติยภุมฺมชกานํ   ภิกฺขูนํ   อุทฺทิฏฺ   โหติ   ฯ  อถโข  กลฺยาณภตฺติโก
คหปติ   อารามํ   อคมาสิ   เกนจิเทว  กรณีเยน  ฯ  โส  เยนายสฺมา
ทพฺโพ    มลฺลปุตฺโต    เตนุปสงฺกมิ   อุปสงฺกมิตฺวา   อายสฺมนฺตํ   ทพฺพํ
มลฺลปุตฺตํ   อภิวาเทตฺวา   เอกมนฺตํ   นิสีทิ   ฯ  เอกมนฺตํ  นิสินฺนํ  โข
กลฺยาณภตฺติกํ    คหปตึ    อายสฺมา    ทพฺโพ    มลฺลปุตฺโต    ธมฺมิยา
กถาย สนฺทสฺเสสิ สมาทเปสิ สมุตฺเตเชสิ สมฺปหํเสสิ ฯ
     {๕๔๕.๑}   อถโข   กลฺยาณภตฺติโก   คหปติ  อายสฺมตา  ทพฺเพน
มลฺลปุตฺเตน    ธมฺมิยา   กถาย   สนฺทสฺสิโต   สมาทปิโต   สมุตฺเตชิโต
สมฺปหํสิโต   อายสฺมนฺตํ   ทพฺพํ   มลฺลปุตฺตํ   เอตทโวจ   กสฺส   ภนฺเต
อมฺหากํ   ฆเร  สฺวาตนาย  ภตฺตํ  อุทฺทิฏฺนฺติ  ฯ  เมตฺติยภุมฺมชกานํ  โข
คหปติ   ภิกฺขูนํ  ตุมฺหากํ  ฆเร  สฺวาตนาย  ภตฺตํ  อุทฺทิฏฺนฺติ  ฯ  อถโข
กลฺยาณภตฺติโก   คหปติ   อนตฺตมโน   อโหสิ   กถํ  หิ  นาม  ปาปภิกฺขู
อมฺหากํ   ฆเร   ภุญฺชิสฺสนฺตีติ  ฆรํ  คนฺตฺวา  ทาสึ  อาณาเปสิ  เย  เช
เสฺว    ภตฺติกา   อาคจฺฉนฺติ   เต   โกฏฺเก   อาสนํ   ปญฺาเปตฺวา
กาณาชเกน  พิลงฺคทุติเยน  ปริวิสาติ  ฯ  เอวํ  อยฺยาติ  โข  สา  ทาสี
กลฺยาณภตฺติกสฺส   คหปติโน   ปจฺจสฺโสสิ   ฯ   อถโข   เมตฺติยภุมฺมชกา
ภิกฺขู    หิยฺโย   โข   อาวุโส   อมฺหากํ   กลฺยาณภตฺติกสฺส   คหปติโน
ฆเร  ๑-  ภตฺตํ  อุทฺทิฏฺ  เสฺว  อเมฺห กลฺยาณภตฺติโก คหปติ สปุตฺตทาโร
อุปติฏฺิตฺวา    ปริวิสิสฺสติ    อญฺเ    โอทเนน    ปุจฺฉิสฺสนฺติ   อญฺเ
สูเปน   ปุจฺฉิสฺสนฺติ   อญฺเ   เตเลน  ปุจฺฉิสฺสนฺติ  อญฺเ  อุตฺตริภงฺเคน
ปุจฺฉิสฺสนฺตีติ  ฯ  เต  เตเนว  โสมนสฺเสน  น  จิตฺตรูปํ  รตฺติยา สุปึสุ ฯ
อถโข  เมตฺติยภุมฺมชกา  ภิกฺขู  ปุพฺพณฺหสมยํ  นิวาเสตฺวา  ปตฺตจีวรมาทาย
เยน    กลฺยาณภตฺติกสฺส    คหปติโน    นิเวสนํ    เตนุปสงฺกมึสุ    ฯ
อทฺทสา  โข  สา  ทาสี  เมตฺติยภุมฺมชเก  ภิกฺขู  ทูรโต  ว  อาคจฺฉนฺเต
ทิสฺวาน    โกฏฺเก    อาสนํ   ปญฺาเปตฺวา   เมตฺติยภุมฺมชเก   ภิกฺขู
เอตทโวจ   นิสีทถ   ภนฺเตติ   ฯ   อถโข   เมตฺติยภุมฺมชกานํ   ภิกฺขูนํ
เอตทโหสิ   นิสฺสํสยํ   โข   น  ตาว  ภตฺตํ  สิทฺธํ  ภวิสฺสติ  ยถา  มยํ
โกฏฺเก นิสีทาปิยามาติ ๒- ฯ
     {๕๔๕.๒}   อถโข  สา  ทาสี กาณาชเกน พิลงฺคทุติเยน อุปคญฺฉิ ๓-
ภุญฺชถ   ภนฺเตติ   ฯ   มยํ   โข   ภคินิ   นิจฺจภตฺติกาติ   ฯ  ชานามิ
อยฺยา    นิจฺจภตฺติกาติ    อปิจาหํ   หิยฺโย   ว   คหปตินา   อาณตฺตา
เย  เช  เสฺว  ภตฺติกา  อาคจฺฉนฺติ  เต  โกฏฺเก  อาสนํ ปญฺาเปตฺวา
กาณาชเกน   พิลงฺคทุติเยน   ปริวิสาติ   ภุญฺชถ   ภนฺเตติ   ฯ   อถโข
เมตฺติยภุมฺมชกา   ภิกฺขู   หิยฺโย   โข   อาวุโส  กลฺยาณภตฺติโก  คหปติ
อารามํ   อคมาสิ   ทพฺพสฺส   มลฺลปุตฺตสฺส   สนฺติเก  นิสฺสํสยํ  โข  มยํ
ทพฺเพน   มลฺลปุตฺเตน   คหปติโน  สนฺติเก  ปริภินฺนาติ  ฯ  เต  เตเนว
@เชิงอรรถ: ๑ ยุ. ม. โปตฺถเกสุ น ทิสฺสติ ฯ ๒ สพฺพตฺถ นิสีทาเปยฺยามาติ
@ทิสฺสติ ฯ ๓ ยุ. รา. อุปคจฺฉิ ฯ
โทมนสฺเสน   น   จิตฺตรูปํ   ภุญฺชึสุ   ฯ  อถโข  เมตฺติยภุมฺมชกา  ภิกฺขู
ปจฺฉาภตฺตํ  ปิณฺฑปาตปฏิกฺกนฺตา  อารามํ  คนฺตฺวา  ปตฺตจีวรํ  ปฏิสาเมตฺวา
พหารามโกฏฺเก       สงฺฆาฏิปลฺลตฺถิกาย       นิสีทึสุ      ตุณฺหีภูตา
มงฺกุภูตา ปตฺตกฺขนฺธา อโธมุขา ปชฺฌายนฺตา อปฺปฏิภาณา ฯ
     [๕๔๖]   อถโข   เมตฺติยา  ภิกฺขุนี  เยน  เมตฺติยภุมฺมชกา  ภิกฺขู
เตนุปสงฺกมิ   อุปสงฺกมิตฺวา   เมตฺติยภุมฺมชเก  ภิกฺขู  เอตทโวจ  วนฺทามิ
อยฺยาติ   ฯ  เอวํ  วุตฺเต  เมตฺติยภุมฺมชกา  ภิกฺขู  นาลปึสุ  ฯ  ทุติยมฺปิ
โข   ฯเปฯ   ตติยมฺปิ   โข   เมตฺติยา  ภิกฺขุนี  เมตฺติยภุมฺมชเก  ภิกฺขู
เอตทโวจ   วนฺทามิ   อยฺยาติ  ฯ  ตติยมฺปิ  โข  เมตฺติยภุมฺมชกา  ภิกฺขู
นาลปึสุ  ฯ  กฺยาหํ  อยฺยานํ  อปรชฺฌามิ  กิสฺส  มํ  อยฺยา  นาลปนฺตีติ ฯ
ตถา   หิ   ปน  ตฺวํ  ภคินิ  อเมฺห  ทพฺเพน  มลฺลปุตฺเตน  วิเหิยมาเน
อชฺฌุเปกฺขสีติ   ฯ   กฺยาหํ   อยฺยา  กโรมีติ  ฯ  สเจ  โข  ตฺวํ  ภคินิ
อิจฺเฉยฺยาสิ   อชฺเชว   ภควา   ทพฺพํ   มลฺลปุตฺตํ   นาสาเปยฺยาติ   ฯ
กฺยาหํ   อยฺยา  กโรมิ  กึ  มยา  สกฺกา  กาตุนฺติ  ฯ  เอหิ  ตฺวํ  ภคินิ
เยน    ภควา   เตนุปสงฺกมิ   อุปสงฺกมิตฺวา   ภควนฺตํ   เอวํ   วเทหิ
อิทํ   ภนฺเต   นจฺฉนฺนํ   นปฺปฏิรูปํ  ยายํ  ภนฺเต  ทิสา  อภยา  อนีติกา
อนุปทฺทวา   สายํ   ทิสา   สภยา   สอีติกา   สอุปทฺทวา  ยโต  นีวาตํ
ตโต   ปวาตํ   อุทกํ  มญฺเ  อาทิตฺตํ  อยฺเยนมฺหิ  ทพฺเพน  มลฺลปุตฺเตน
ทูสิตาติ   ฯ   เอวํ   อยฺยาติ  โข  เมตฺติยา  ภิกฺขุนี  เมตฺติยภุมฺมชกานํ
ภิกฺขูนํ   ปฏิสฺสุตฺวา   เยน   ภควา  เตนุปสงฺกมิ  อุปสงฺกมิตฺวา  ภควนฺตํ
อภิวาเทตฺวา   เอกมนฺตํ   อฏฺาสิ   ฯ  เอกมนฺตํ  ิตา  โข  เมตฺติยา
ภิกฺขุนี   ภควนฺตํ   เอตทโวจ   อิทํ   ภนฺเต   นจฺฉนฺนํ  นปฺปฏิรูปํ  ยายํ
ภนฺเต   ทิสา  อภยา  อนีติกา  อนุปทฺทวา  สายํ  ทิสา  สภยา  สอีติกา
สอุปทฺทวา    ยโต   นีวาตํ   ตโต   ปวาตํ   อุทกํ   มญฺเ   อาทิตฺตํ
อยฺเยนมฺหิ ทพฺเพน มลฺลปุตฺเตน ทูสิตาติ ฯ
     [๕๔๗]   อถโข  ภควา  เอตสฺมึ  นิทาเน เอตสฺมึ ปกรเณ ภิกฺขุสงฺฆํ
สนฺนิปาตาเปตฺวา   อายสฺมนฺตํ   ทพฺพํ   มลฺลปุตฺตํ   ปฏิปุจฺฉิ   สรสิ  ตฺวํ
ทพฺพ   เอวรูปํ   กตฺตา   ยถายํ  ภิกฺขุนี  อาหาติ  ฯ  ยถา  มํ  ภนฺเต
ภควา   ชานาตีติ   ฯ   ทุติยมฺปิ   โข   ภควา   ฯเปฯ  ตติยมฺปิ  โข
ภควา   อายสฺมนฺตํ   ทพฺพํ   มลฺลปุตฺตํ   เอตทโวจ   สรสิ   ตฺวํ  ทพฺพ
เอวรูปํ   กตฺตา   ยถายํ  ภิกฺขุนี  อาหาติ  ฯ  ยถา  มํ  ภนฺเต  ภควา
ชานาตีติ  ฯ  น  โข  ทพฺพ  ทพฺพา  เอวํ  นิพฺเพเนฺติ  สเจ  ตยา กตํ
กตนฺติ   วเทหิ  สเจ  ตยา  อกตํ  อกตนฺติ  วเทหีติ  ฯ  ยโตหํ  ภนฺเต
ชาโต   นาภิชานามิ   สุปินนฺเตนปิ   เมถุนํ   ธมฺมํ   ปฏิเสวิตา  ปเคว
ชาคโรติ  ฯ  อถโข  ภควา  ภิกฺขู  อามนฺเตสิ  เตนหิ  ภิกฺขเว  เมตฺติยํ
ภิกฺขุนึ   นาเสถ   อิเม  จ  ภิกฺขู  อนุยุญฺชถาติ  ฯ  อิทํ  วตฺวา  ภควา
อุฏฺายาสนา วิหารํ ปาวิสิ ฯ
     {๕๔๗.๑}   อถโข เต ภิกฺขู เมตฺติยํ ภิกฺขุนึ นาเสสุํ ฯ อถโข เมตฺติยภุมฺมชกา
ภิกฺขู  เต  ภิกฺขู เอตทโวจุํ มา อาวุโส เมตฺติยํ ภิกฺขุนึ นาเสถ น สา กิญฺจิ
อปรชฺฌติ  อเมฺหหิ สา อุสฺสาหิตา กุปิเตหิ อนตฺตมเนหิ จาวนาธิปฺปาเยหีติ ฯ
กึ   ปน   ตุเมฺห   อาวุโส   อายสฺมนฺตํ   ทพฺพํ   มลฺลปุตฺตํ   อมูลเกน
ปาราชิเกน  ธมฺเมน  อนุทฺธํเสถาติ  ฯ  เอวมาวุโสติ  ฯ  เย  เต ภิกฺขู
อปฺปิจฺฉา   ฯเปฯ   เต   อุชฺฌายนฺติ  ขียนฺติ  วิปาเจนฺติ  กถํ  หิ  นาม
เมตฺติยภุมฺมชกา    ภิกฺขู    อายสฺมนฺตํ    ทพฺพํ    มลฺลปุตฺตํ   อมูลเกน
ปาราชิเกน   ธมฺเมน   อนุทฺธํเสสฺสนฺตีติ  ฯ  อถโข  เต  ภิกฺขู  ภควโต
เอตมตฺถํ   อาโรเจสุํ   ฯ   อถโข   ภควา  เอตสฺมึ  นิทาเน  เอตสฺมึ
ปกรเณ   ภิกฺขุสงฺฆํ   สนฺนิปาตาเปตฺวา   เมตฺติยภุมฺมชเก  ภิกฺขู  ปฏิปุจฺฉิ
สจฺจํ   กิร   ตุเมฺห   ภิกฺขเว   ทพฺพํ  มลฺลปุตฺตํ  อมูลเกน  ปาราชิเกน
ธมฺเมน   อนุทฺธํเสถาติ   ฯ   สจฺจํ  ภควาติ  ฯ  วิครหิ  พุทฺโธ  ภควา
กถํ    หิ    นาม   ตุเมฺห   โมฆปุริสา   ทพฺพํ   มลฺลปุตฺตํ   อมูลเกน
ปาราชิเกน   ธมฺเมน   อนุทฺธํเสสฺสถ   เนตํ   โมฆปุริสา   อปฺปสนฺนานํ
วา    ปสาทาย    ฯเปฯ   เอวญฺจ   ปน   ภิกฺขเว   อิมํ   สิกฺขาปทํ
อุทฺทิเสยฺยาถ
     {๕๔๗.๒}   โย  ปน  ภิกฺขุ  ภิกฺขุํ  ทุฏฺโ โทโส อปฺปตีโต อมูลเกน
ปาราชิเกน    ธมฺเมน    อนุทฺธํเสยฺย    อปฺเปวนาม    นํ    อิมมฺหา
พฺรหฺมจริยา   จาเวยฺยนฺติ   ตโต   อปเรน   สมเยน  สมนุคฺคาหิยมาโน
วา   อสมนุคฺคาหิยมาโน   วา   อมูลกญฺเจว   ตํ  อธิกรณํ  โหติ  ภิกฺขุ
จ โทสํ ปติฏฺาติ สงฺฆาทิเสโสติ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๑ หน้าที่ ๓๖๗-๓๗๖.
http://84000.org/tipitaka/pali/pali_item_s.php?book=1&item=540&items=8
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pali/pali_item_s.php?book=1&item=540&items=8&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=1&item=538&items=8
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=1&item=538&items=8
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=1&i=538
             The Pali Atthakatha in Thai :-
http://84000.org/tipitaka/atthapali/read_th.php?B=2&A=1609
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=1609
             สารบัญพระไตรปิฎกเล่มที่ ๑
http://84000.org/tipitaka/read/?index_1