พระไตรปิฎกเล่มที่ ๖ ภาษาบาลี อักษรไทย
พระวินัยปิฎกเล่มที่ ๖ วินย. จุลฺลวคฺโค (๑)

     [๖๖๙]   ตตฺถ   กตมา  ๑-  อาปตฺติ  อาปตฺตาธิกรณํ  ฯ  ปญฺจปิ
อาปตฺติกฺขนฺธา       อาปตฺตาธิกรณํ       สตฺตปิ       อาปตฺติกฺขนฺธา
อาปตฺตาธิกรณํ   อยํ   อาปตฺติ   อาปตฺตาธิกรณํ   ฯ  ตตฺถ  กตมา  ๒-
อาปตฺติ   โน   อธิกรณํ   ฯ   โสตาปตฺติ  สมาปตฺติ  อยํ  อาปตฺติ  โน
@เชิงอรรถ: ๑-๒ ม. ยุ. กตมํ ฯ
---------------------------------------------------------------------------------------------
หน้าที่ ๓๔๘.
อธิกรณํ   ฯ   ตตฺถ   กตมํ   อธิกรณํ   โน   อาปตฺติ  ฯ  กิจฺจาธิกรณํ
วิวาทาธิกรณํ    อนุวาทาธิกรณํ    อิทํ    อธิกรณํ   โน   อาปตฺติ   ฯ
ตตฺถ    กตมํ    อธิกรณญฺเจว    อาปตฺติ    จ    ฯ   อาปตฺตาธิกรณํ
อธิกรณญฺเจว อาปตฺติ จ ฯ
     [๖๗๐]   กิจฺจํ   กิจฺจาธิกรณํ   กิจฺจํ   โน   อธิกรณํ   อธิกรณํ
โน   กิจฺจํ   อธิกรณญฺเจว   กิจฺจญฺจ   ฯ   สิยา   กิจฺจํ   กิจฺจาธิกรณํ
สิยา    กิจฺจํ    โน   อธิกรณํ   สิยา   อธิกรณํ   โน   กิจฺจํ   สิยา
อธิกรณญฺเจว กิจฺจญฺจ ฯ
     [๖๗๑]   ตตฺถ   กตมํ   กิจฺจํ   กิจฺจาธิกรณํ   ฯ   ยา  สงฺฆสฺส
กิจฺจยตา     กรณียตา     อปโลกนกมฺมํ     ตฺติกมฺมํ    ตฺติทุติยกมฺมํ
ตฺติจตุตฺถกมฺมํ    อิทํ   กิจฺจํ   กิจฺจาธิกรณํ   ฯ   ตตฺถ   กตมํ   กิจฺจํ
โน    อธิกรณํ    ฯ    อาจริยกิจฺจํ   อุปชฺฌายกิจฺจํ   สมานุปชฺฌายกิจฺจํ
สมานาจริยกิจฺจํ   อิทํ   กิจฺจํ   โน   อธิกรณํ  ฯ  ตตฺถ  กตมํ  อธิกรณํ
โน   กิจฺจํ   ฯ   วิวาทาธิกรณํ   อนุวาทาธิกรณํ   อาปตฺตาธิกรณํ   อิทํ
อธิกรณํ   โน   กิจฺจํ   ฯ   ตตฺถ   กตมํ   อธิกรณญฺเจว   กิจฺจญฺจ  ฯ
กิจฺจาธิกรณํ อธิกรณญฺเจว กิจฺจญฺจ ฯ
     [๖๗๒]   วิวาทาธิกรณํ   กตีหิ  สมเถหิ  สมฺมติ  ฯ  วิวาทาธิกรณํ
ทฺวีหิ  สมเถหิ  สมฺมติ  สมฺมุขาวินเยน  ๑-  จ  เยภุยฺยสิกาย  จ ฯ สิยา
วิวาทาธิกรณํ   เอกํ   สมถํ   อนาคมฺม   เยภุยฺยสิกํ   เอเกน  สมเถน
สมฺเมยฺย   สมฺมุขาวินเยนาติ   ฯ   สิยาติสฺส   วจนียํ  ฯ  ยถากถํ  วิย
@เชิงอรรถ: ๑ ยุ. สมฺมุขาวินเยน จ ฯ
---------------------------------------------------------------------------------------------
หน้าที่ ๓๔๙.
อิธ   ปน   ภิกฺขเว   ภิกฺขู  ๑-  วิวทนฺติ  ธมฺโมติ  วา  อธมฺโมติ  วา
วินโยติ    วา   อวินโยติ   วา   ภาสิตํ   ลปิตํ   ตถาคเตนาติ   วา
อภาสิตํ    อลปิตํ   ตถาคเตนาติ   วา   อาจิณฺณํ   ตถาคเตนาติ   วา
อนาจิณฺณํ     ตถาคเตนาติ     วา    ปญฺตฺตํ    ตถาคเตนาติ    วา
อปฺปญฺตฺตํ    ตถาคเตนาติ    วา   อาปตฺตีติ   วา   อนาปตฺตีติ   วา
ลหุกา   อาปตฺตีติ   วา   ครุกา   อาปตฺตีติ  วา  สาวเสสา  อาปตฺตีติ
วา   อนวเสสา   อาปตฺตีติ   วา  ทุฏฺฐุลฺลา  อาปตฺตีติ  วา  อทุฏฺฐุลฺลา
อาปตฺตีติ วา
     {๖๗๒.๑}   เต   เจ   ภิกฺขเว   ภิกฺขู   สกฺโกนฺติ  ตํ  อธิกรณํ
วูปสเมตุํ    อิทํ    วุจฺจติ    ภิกฺขเว   อธิกรณํ   วูปสนฺตํ   ฯ   เกน
วูปสนฺตํ   ฯ   สมฺมุขาวินเยน   ฯ   กิญฺจ   ตตฺถ   สมฺมุขาวินยสฺมึ   ฯ
สงฺฆสมฺมุขตา ธมฺมสมฺมุขตา วินยสมฺมุขตา ปุคฺคลสมฺมุขตา ฯ
     {๖๗๒.๒}   กา   จ   ตตฺถ   สงฺฆสมฺมุขตา  ฯ  ยาวติกา  ภิกฺขู
กมฺมปฺปตฺตา    เต   อาคตา   โหนฺติ   ฉนฺทารหานํ   ฉนฺโท   อาหโฏ
โหติ   สมฺมุขีภูตา   น   ปฏิกฺโกสนฺติ   อยํ   ตตฺถ   สงฺฆสมฺมุขตา   ฯ
กา   จ   ตตฺถ   ธมฺมสมฺมุขตา  วินยสมฺมุขตา  ฯ  เยน  ธมฺเมน  เยน
วินเยน   เยน   สตฺถุสาสเนน   ตํ   อธิกรณํ   วูปสมฺมติ   อยํ   ตตฺถ
ธมฺมสมฺมุขตา   วินยสมฺมุขตา  ฯ  กา  จ  ตตฺถ  ปุคฺคลสมฺมุขตา  ฯ  โย
จ  วิวทติ  เยน  จ  วิวทติ  อุโภ  อตฺถปจฺจตฺถิกา  ๒- สมฺมุขีภูตา โหนฺติ
อยํ   ตตฺถ   ปุคฺคลสมฺมุขตา   ฯ  เอวํ  วูปสนฺตํ  เจ  ภิกฺขเว  อธิกรณํ
@เชิงอรรถ: ๑ ม. ยุ. ปน ภิกฺขเวติ ปาทฺวยํ น ทิสฺสติ ฯ  ๒ ยุ. อตฺตปจฺจตฺถิกา ฯ
---------------------------------------------------------------------------------------------
หน้าที่ ๓๕๐.
การโก   อุกฺโกเฏติ   อุกฺโกฏนกํ   ปาจิตฺติยํ   ฯ   ฉนฺททายโก   ขียติ
ขียนกํ ปาจิตฺติยํ ฯ
     [๖๗๓]   เต   เจ   ภิกฺขเว   ภิกฺขู  น  สกฺโกนฺติ  ตํ  อธิกรณํ
ตสฺมึ   อาวาเส   วูปสเมตุํ   เตหิ   ภิกฺขเว   ภิกฺขูหิ  ยสฺมึ  อาวาเส
พหุตรา   ๑-   ภิกฺขู   โส  อาวาโส  คนฺตพฺโพ  ฯ  เต  เจ  ภิกฺขเว
ภิกฺขู   ตํ   อาวาสํ   คจฺฉนฺตา   อนฺตรามคฺเค   สกฺโกนฺติ  ตํ  อธิกรณํ
วูปสเมตุํ   อิทํ   วุจฺจติ   ภิกฺขเว  อธิกรณํ  วูปสนฺตํ  ฯ  เกน  วูปสนฺตํ
สมฺมุขาวินเยน   ฯ   กิญฺจ   ตตฺถ   สมฺมุขาวินยสฺมึ   ฯ   สงฺฆสมฺมุขตา
ธมฺมสมฺมุขตา    วินยสมฺมุขตา    ปุคฺคลสมฺมุขตา   ฯ   กา   จ   ตตฺถ
สงฺฆสมฺมุขตา    ฯ    ยาวติกา    ภิกฺขู   กมฺมปฺปตฺตา   เต   อาคตา
โหนฺติ    ฉนฺทารหานํ    ฉนฺโท    อาหโฏ    โหติ    สมฺมุขีภูตา   น
ปฏิกฺโกสนฺติ อยํ ตตฺถ สงฺฆสมฺมุขตา ฯ
     {๖๗๓.๑}   กา  จ  ตตฺถ  ธมฺมสมฺมุขตา  วินยสมฺมุขตา  ฯ  เยน
ธมฺเมน  เยน  วินเยน  เยน  สตฺถุสาสเนน  ตํ  อธิกรณํ  วูปสมฺมติ  อยํ
ตตฺถ  ธมฺมสมฺมุขตา  วินยสมฺมุขตา  ฯ  กา  จ  ตตฺถ  ปุคฺคลสมฺมุขตา  ฯ
โย  จ  วิวทติ  เยน  จ  วิวทติ  อุโภ  อตฺถปจฺจตฺถิตา สมฺมุขีภูตา โหนฺติ
อยํ  ตตฺถ  ปุคฺคลสมฺมุขตา  ฯ  เอวํ  วูปสนฺตํ เจ ภิกฺขเว อธิกรณํ การโก
อุกฺโกเฏติ    อุกฺโกฏนกํ   ปาจิตฺติยํ   ฯ   ฉนฺททายโก   ขียติ   ขียนกํ
ปาจิตฺติยํ ฯ
@เชิงอรรถ: ๑ ม. สมฺพหุลา ฯ
---------------------------------------------------------------------------------------------
หน้าที่ ๓๕๑.
     [๖๗๔]   เต เจ ภิกฺขเว ภิกฺขู ตํ อาวาสํ คจฺฉนฺตา ๓- อนฺตรามคฺเค
น    สกฺโกนฺติ    ตํ    อธิกรณํ   วูปสเมตุํ   เตหิ   ภิกฺขเว   ภิกฺขูหิ
ตํ   อาวาสํ   คนฺตฺวา   อาวาสิกา   ภิกฺขู   เอวมสฺสุ   วจนียา   อิทํ
โข   อาวุโส   อธิกรณํ   เอวํชาตํ   เอวํสมุปฺปนฺนํ  สาธายสฺมนฺโต  ๒-
อิมํ   อธิกรณํ  วูปสเมนฺตุ  ธมฺเมน  วินเยน  สตฺถุสาสเนน  ยถายิทํ  ๓-
อธิกรณํ สุวูปสนฺตํ อสฺสาติ ฯ
     {๖๗๔.๑}   สเจ   ภิกฺขเว   อาวาสิกา  ภิกฺขู  วุฑฺฒตรา  โหนฺติ
อาคนฺตุกา    ภิกฺขู   นวกตรา   เตหิ   ภิกฺขเว   อาวาสิเกหิ   ภิกฺขูหิ
อาคนฺตุกา    ภิกฺขู   เอวมสฺสุ   วจนียา   อิงฺฆ   ตุเมฺห   อายสฺมนฺโต
มุหุตฺตํ เอกมนฺตํ โหถ ยาว มยํ มนฺเตมาติ ฯ
     {๖๗๔.๒}   สเจ  ปน  ภิกฺขเว  อาวาสิกา  ภิกฺขู  นวกตรา โหนฺติ
อาคนฺตุกา    ภิกฺขู   วุฑฺฒตรา   เตหิ   ภิกฺขเว   อาวาสิเกหิ   ภิกฺขูหิ
อาคนฺตุกา   ภิกฺขู   เอวมสฺสุ   วจนียา   เตนหิ   ตุเมฺห   อายสฺมนฺโต
มุหุตฺตํ  อิเธว  ตาว  ๔-  โหถ  ยาว มยํ มนฺเตมาติ ฯ สเจ ๕- ภิกฺขเว
อาวาสิกานํ   ภิกฺขูนํ   มนฺตยมานานํ   เอวํ   โหติ   น   มยํ  สกฺโกม
อิมํ   อธิกรณํ   วูปสเมตุํ   ธมฺเมน   วินเยน   สตฺถุสาสเนนาติ  น  ตํ
อธิกรณํ  อาวาสิเกหิ  ภิกฺขูหิ  ๖-  ปฏิจฺฉิตพฺพํ  ๗-  ฯ  สเจ ปน ภิกฺขเว
อาวาสิกานํ   ภิกฺขูนํ  มนฺตยมานานํ  เอวํ  โหติ  สกฺโกม  มยํ  อิมํ  ๘-
อธิกรณํ   วูปสเมตุํ   ธมฺเมน   วินเยน  สตฺถุสาสเนนาติ  เตหิ  ภิกฺขเว
@เชิงอรรถ: ๑ ม. อาคจฺฉนฺตา ฯ  ๒ ม. ยุ. สาธายสฺมนฺตา ฯ  ๓ ม. ยุ. ยถยิทํ ฯ  ๔ ยุ.
@ตาวสทฺโท น ทิสฺสติ ฯ  ๕ ม. สเจ ปน ฯ  ๖ ยุ. อาวาสิเกหิ ภิกฺขูหีติ ปททฺวยํ
@น ทิสฺสติ ฯ  ๗ ม. สมฺปฏิจฺฉิตพฺพํ ฯ  ๘ ม. อิทํ ฯ อิโต ปรํ อีทิสเมว ฯ
---------------------------------------------------------------------------------------------
หน้าที่ ๓๕๒.
อาวาสิเกหิ    ภิกฺขูหิ   อาคนฺตุกา   ภิกฺขู   เอวมสฺสุ   วจนียา   สเจ
ตุเมฺห   อายสฺมนฺโต   อมฺหากํ   อิมํ   อธิกรณํ  ยถาชาตํ  ยถาสมุปฺปนฺนํ
อาโรเจสฺสถ   ยถา   จ   มยํ   อิมํ   อธิกรณํ  วูปสเมสฺสาม  ธมฺเมน
วินเยน   สตฺถุสาสเนน   ตถา   สุวูปสนฺตํ   ๒-   ภวิสฺสติ   เอวํ  มยํ
อิมํ  อธิกรณํ  ปฏิจฺฉิสฺสาม  ๓-  ฯ  โน  เจ  ตุเมฺห อายสฺมนฺโต อมฺหากํ
อิมํ    อธิกรณํ    ยถาชาตํ   ยถาสมุปฺปนฺนํ   อาโรเจสฺสถ   ยถา   จ
มยํ   อิมํ   อธิกรณํ   วูปสเมสฺสาม   ธมฺเมน   วินเยน   สตฺถุสาสเนน
ตถา   น  สุวูปสนฺตํ  ภวิสฺสติ  น  มยํ  อิมํ  อธิกรณํ  ปฏิจฺฉิสฺสามาติ  ฯ
เอวํ   สุปริคฺคหิตํ   โข   ภิกฺขเว   กตฺวา   อาวาสิเกหิ   ภิกฺขูหิ   ตํ
อธิกรณํ ปฏิจฺฉิตพฺพํ ๔- ฯ
     {๖๗๔.๓}   เตหิ   ภิกฺขเว   อาคนฺตุเกหิ   ภิกฺขูหิ   อาวาสิกา
ภิกฺขู   เอวมสฺสุ   วจนียา  ยถาชาตํ  ยถาสมุปฺปนฺนํ  โข  ๔-  มยํ  อิมํ
อธิกรณํ  อายสฺมนฺตานํ  อาโรเจสฺสาม  สเจ  อายสฺมนฺโต  ๕-  สกฺโกนฺติ
เอตฺตเกน  วา  เอตฺตเกน  วา  ๖-  อนฺตเรน  อิมํ  อธิกรณํ  วูปสเมตุํ
ธมฺเมน   วินเยน   สตฺถุสาสเนน   ตถา  สุวูปสนฺตํ  ภวิสฺสติ  เอวํ  มยํ
อิมํ   อธิกรณํ   อายสฺมนฺตานํ   นิยฺยาเทสฺสาม   โน   เจ  อายสฺมนฺโต
สกฺโกนฺติ   เอตฺตเกน   วา   เอตฺตเกน   วา  อนฺตเรน  อิมํ  อธิกรณํ
วูปสเมตุํ    ธมฺเมน    วินเยน   สตฺถุสาสเนน   ตถา   น   สุวูปสนฺตํ
ภวิสฺสติ    น    มยํ    อิมํ   อธิกรณํ   อายสฺมนฺตานํ   นิยฺยาเทสฺสาม
@เชิงอรรถ: ๑ ยุ. วูปสนฺตํ ฯ  ๒ ม. สมฺปฏิจฺฉิสฺสาม ฯ  ๓ ม. สมฺปฏิจฺฉิตพฺพํ ฯ  ๔ ม. ยุ.
@โขสทฺโท นตฺถิ ฯ  ๕ ม. ยุ. อายสฺมนฺตา ฯ  ๖ ยุ. อาเมฑิตวจนํ นตฺถิ ฯ
---------------------------------------------------------------------------------------------
หน้าที่ ๓๕๓.
มยเมว   อิมสฺส  อธิกรณสฺส  สามิโน  ภวิสฺสามาติ  ฯ  เอวํ  สุปริคฺคหิตํ
โข   ภิกฺขเว   กตฺวา   อาคนฺตุเกหิ   ภิกฺขูหิ  ตํ  อธิกรณํ  อาวาสิกานํ
ภิกฺขูนํ นิยฺยาเทตพฺพํ ฯ
     {๖๗๔.๔}   เต  เจ  ภิกฺขเว  ภิกฺขู  สกฺโกนฺติ ตํ อธิกรณํ วูปสเมตุํ
อิทํ   วุจฺจติ   ภิกฺขเว   อธิกรณํ   สุวูปสนฺตํ   ฯ   เกน   วูปสนฺตํ  ฯ
สมฺมุขาวินเยน   ฯ   กิญฺจ   ตตฺถ   สมฺมุขาวินยสฺมึ   ฯ   สงฺฆสมฺมุขตา
ธมฺมสมฺมุขตา     วินยสมฺมุขตา     ปุคฺคลสมฺมุขตา     ฯเปฯ     เอวํ
วูปสนฺตํ    เจ   ภิกฺขเว   อธิกรณํ   การโก   อุกฺโกเฏติ   อุกฺโกฏนกํ
ปาจิตฺติยํ ฯ ฉนฺททายโก ขียติ ขียนกํ ปาจิตฺติยํ ฯ
     [๖๗๕]   เตหิ  เจ  ภิกฺขเว  ภิกฺขูหิ  ตสฺมึ  อธิกรเณ วินิจฺฉิยมาเน
อนนฺตานิ  ๑-  เจว  ภสฺสานิ  ชายนฺติ  น  เจตสฺส  ๒- ภาสิตสฺส อตฺโถ
วิญฺายติ    อนุชานามิ    ภิกฺขเว    เอวรูปํ    อธิกรณํ   อุพฺพาหิกาย
วูปสเมตุํ     ฯ     ทสหงฺเคหิ    สมนฺนาคโต    ภิกฺขุ    อุพฺพาหิกาย
สมฺมนฺนิตพฺโพ      สีลวา     โหติ     ปาติโมกฺขสํวรสํวุโต     วิหรติ
อาจารโคจรสมฺปนฺโน   ๓-   อณุมตฺเตสุ   วชฺเชสุ  ภยทสฺสาวี  สมาทาย
สิกฺขติ   สิกฺขาปเทสุ   พหุสฺสุโต  โหติ  สุตธโร  สุตสนฺนิจฺจโย  เย  เต
ธมฺมา    อาทิกลฺยาณา    มชฺเฌกลฺยาณา    ปริโยสานกลฺยาณา   สาตฺถํ
สพฺยญฺชนํ  ๔-  เกวลปริปุณฺณํ  ปริสุทฺธํ พฺรหฺมจริยํ อภิวทนฺติ ตถารูปาสฺส ๕-
ธมฺมา   พหุสฺสุตา   โหนฺติ  ธตา  ๖-  วจสา  ปริจิตา  มนสานุเปกฺขิตา
@เชิงอรรถ: ๑ ยุ. อนคฺคานิ ฯ  ๒ ม. ยุ. น เจกสฺส ฯ  ๓ ยุ. อาจารสมฺปนฺโน ฯ  ๔ ยุ. สาตฺถา
@สพฺยญฺชนา ฯ  ๕ ม. ยุ. ตถารูปสฺส ฯ  ๖ ม. ธาตา ฯ
---------------------------------------------------------------------------------------------
หน้าที่ ๓๕๔.
ทิฏฺิยา   สุปฺปฏิวิทฺธา   อุภยานิ   โข  ปนสฺส  ปาติโมกฺขานิ  วิตฺถาเรน
สฺวาคตานิ   โหนฺติ   สุวิภตฺตานิ   สุปฺปวตฺตีนิ  สุวินิจฺฉิตานิ  สุตฺตโส  ๑-
อนุพฺยญฺชนโส   วินเย   โข   ปน   ิโต  ๒-  โหติ  อสํหิโร  ปฏิพโล
โหติ    อุโภ    อตฺถปจฺจตฺถิเก    สญฺาเปตุํ    นิชฺฌาเปตุํ   เปกฺเขตุํ
ปสฺสิตุํ   ๓-   ปสาเทตุํ   อธิกรณสมุปฺปาทํ  วูปสเมตุํ  กุสโล  ๔-  โหติ
อธิกรณํ    ชานาติ    อธิกรณสมุทยํ   ชานาติ   อธิกรณนิโรธํ   ชานาติ
อธิกรณนิโรธคามินิปฏิปทํ     ชานาติ    อนุชานามิ    ภิกฺขเว    อิเมหิ
ทสหงฺเคหิ สมนฺนาคตํ ภิกฺขุํ อุพฺพาหิกาย สมฺมนฺนิตุํ ฯ
     [๖๗๖]   เอวญฺจ   ปน   ภิกฺขเว  สมฺมนฺนิตพฺโพ  ฯ  ปมํ  ภิกฺขุ
ยาจิตพฺโพ ยาจิตฺวา พฺยตฺเตน ภิกฺขุนา ปฏิพเลน สงฺโฆ าเปตพฺโพ
     {๖๗๖.๑}   สุณาตุ  เม  ภนฺเต  สงฺโฆ  อมฺหากํ  อิมสฺมึ  อธิกรเณ
วินิจฺฉิยมาเน    อนนฺตานิ    เจว    ภสฺสานิ   ชายนฺติ   น   เจตสฺส
ภาสิตสฺส   อตฺโถ   วิญฺายติ   ฯ   ยทิ   สงฺฆสฺส   ปตฺตกลฺลํ   สงฺโฆ
อิตฺถนฺนามญฺจ    อิตฺถนฺนามญฺจ   ภิกฺขุํ   สมฺมนฺเนยฺย   อุพฺพาหิกาย   อิมํ
อธิกรณํ วูปสเมตุํ ฯ เอสา ตฺติ ฯ
     {๖๗๖.๒}   สุณาตุ  เม  ภนฺเต  สงฺโฆ  อมฺหากํ  อิมสฺมึ  อธิกรเณ
วินิจฺฉิยมาเน   อนนฺตานิ  เจว  ภสฺสานิ  ชายนฺติ  น  เจตสฺส  ภาสิตสฺส
อตฺโถ    วิญฺายติ   ฯ   สงฺโฆ   อิตฺถนฺนามญฺจ   อิตฺถนฺนามญฺจ   ภิกฺขุํ
สมฺมนฺนติ อุพฺพาหิกาย อิมํ
@เชิงอรรถ: ๑ ยุ. สุตฺตโต ฯ  ๒ ม. ยุ. เฉโก ฯ  ๓ ทสฺเสตุํ ฯ
@๔ ม. ยุ. อธิกรณสมุปฺปาทวูปสมนกุสโล ฯ
---------------------------------------------------------------------------------------------
หน้าที่ ๓๕๕.
อธิกรณํ    วูปสเมตุํ    ฯ    ยสฺสายสฺมโต   ขมติ   อิตฺถนฺนามสฺส   จ
อิตฺถนฺนามสฺส    จ    ภิกฺขุโน    สมฺมติ   อุพฺพาหิกาย   อิมํ   อธิกรณํ
วูปสเมตุํ โส ตุณฺหสฺส ยสฺส นกฺขมติ โส ภาเสยฺย ฯ
     {๖๗๖.๓}   สมฺมโต  สงฺเฆน  อิตฺถนฺนาโม  จ  อิตฺถนฺนาโม จ ภิกฺขุ
อุพฺพาหิกาย   อิมํ   อธิกรณํ  วูปสเมตุํ  ขมติ  สงฺฆสฺส  ตสฺมา  ตุณฺหี  ฯ
เอวเมตํ ธารยามีติ ฯ
     [๖๗๗]   เต  เจ  ภิกฺขเว  ภิกฺขู  สกฺโกนฺติ ตํ อธิกรณํ อุพฺพาหิกาย
วูปสเมตุํ    อิทํ    วุจฺจติ    ภิกฺขเว   อธิกรณํ   วูปสนฺตํ   ฯ   เกน
วูปสนฺตํ   ฯ   สมฺมุขาวินเยน   ฯ   กิญฺจ   ตตฺถ   สมฺมุขาวินยสฺมึ   ฯ
ธมฺมสมฺมุขตา   วินยสมฺมุขตา   ปุคฺคลสมฺมุขตา   ฯเปฯ   เอวํ   วูปสนฺตํ
เจ ภิกฺขเว อธิกรณํ การโก อุกฺโกเฏติ อุกฺโกฏนกํ ปาจิตฺติยํ ฯ
     [๖๗๘]   เตหิ  เจ  ภิกฺขเว  ภิกฺขูหิ  ตสฺมึ  อธิกรเณ วินิจฺฉิยมาเน
ตตฺรสฺส   ๑-   ภิกฺขุ   ธมฺมกถิโก   ตสฺส   เนว   สุตฺตํ  อาคตํ  โหติ
โน    สุตฺตวิภงฺโค    โส    อตฺถํ    อสลฺลกฺเขนฺโต   พฺยญฺชนจฺฉายาย
อตฺถํ    ปฏิพาหติ    พฺยตฺเตน    ภิกฺขุนา    ปฏิพเลน    เต    ภิกฺขู
าเปตพฺพา
     {๖๗๘.๑}   สุณนฺตุ   เม   อายสฺมนฺตา   อยํ  อิตฺถนฺนาโม  ภิกฺขุ
ธมฺมกถิโก   อิมสฺส   เนว   สุตฺตํ  อาคตํ  โหติ  ๒-  โน  สุตฺตวิภงฺโค
โส    อตฺถํ   อสลฺลกฺเขนฺโต   พฺยญฺชนจฺฉายาย   อตฺถํ   ปฏิพาหติ   ฯ
ยทายสฺมนฺตานํ   ปตฺตกลฺลํ   อิตฺถนฺนามํ   ภิกฺขุํ   วุฏฺาเปตฺวา  อวเสสา
@เชิงอรรถ: ๑ ม. ตตฺราสฺส ฯ  ๒ ยุ. โหตีติ น ปญฺายติ ฯ
---------------------------------------------------------------------------------------------
หน้าที่ ๓๕๖.
อิมํ   อธิกรณํ   วูปสเมยฺยามาติ  ฯ  เต  เจ  ภิกฺขเว  ภิกฺขู  ตํ  ภิกฺขุํ
วุฏฺาเปตฺวา    สกฺโกนฺติ    ตํ    อธิกรณํ    วูปสเมตุํ   อิทํ   วุจฺจติ
ภิกฺขเว   อธิกรณํ   วูปสนฺตํ   ฯ  เกน  วูปสนฺตํ  ฯ  สมฺมุขาวินเยน  ฯ
กิญฺจ    ตตฺถ    สมฺมุขาวินยสฺมึ    ฯ    ธมฺมสมฺมุขตา    วินยสมฺมุขตา
ปุคฺคลสมฺมุขตา    ฯเปฯ    เอวํ    วูปสนฺตํ   เจ   ภิกฺขเว   อธิกรณํ
การโก อุกฺโกเฏติ อุกฺโกฏนกํ ปาจิตฺติยํ ฯ
     [๖๗๙]   เตหิ  เจ  ภิกฺขเว  ภิกฺขูหิ  ตสฺมึ  อธิกรเณ วินิจฺฉิยมาเน
ตตฺรสฺส   ภิกฺขุ   ธมฺมกถิโก   ตสฺส   สุตฺตํ  หิ  โข  อาคตํ  โหติ  โน
สุตฺตวิภงฺโค    โส    อตฺถํ    อสลฺลกฺเขนฺโต   พฺยญฺชนจฺฉายาย   อตฺถํ
ปฏิพาหติ พฺยตฺเตน ภิกฺขุนา ปฏิพเลน เต ภิกฺขู าเปตพฺพา
     {๖๗๙.๑}   สุณนฺตุ   เม   อายสฺมนฺตา   อยํ  อิตฺถนฺนาโม  ภิกฺขุ
ธมฺมกถิโก   อิมสฺส  สุตฺตํ  หิ  โข  อาคตํ  โหติ  โน  สุตฺตวิภงฺโค  โส
อตฺถํ     อสลฺลกฺเขนฺโต    พฺยญฺชนจฺฉายาย    อตฺถํ    ปฏิพาหติ    ฯ
ยทายสฺมนฺตานํ     ปตฺตกลฺลํ     อิตฺถนฺนามํ     ภิกฺขุํ     วุฏฺาเปตฺวา
อวเสสา   อิมํ   อธิกรณํ  วูปสเมยฺยามาติ  ฯ  เต  เจ  ภิกฺขเว  ภิกฺขู
ตํ   ภิกฺขุํ   วุฏฺาเปตฺวา  สกฺโกนฺติ  ตํ  อธิกรณํ  วูปสเมตุํ  อิทํ  วุจฺจติ
ภิกฺขเว   อธิกรณํ   วูปสนฺตํ   ฯ  เกน  วูปสนฺตํ  ฯ  สมฺมุขาวินเยน  ฯ
กิญฺจ    ตตฺถ    สมฺมุขาวินยสฺมึ    ฯ    ธมฺมสมฺมุขตา    วินยสมฺมุขตา
ปุคฺคลสมฺมุขตา   ฯเปฯ   เอวํ  วูปสนฺตํ  เจ  ภิกฺขเว  อธิกรณํ  การโก
อุกฺโกเฏติ อุกฺโกฏนกํ ปาจิตฺติยํ ฯ
     [๖๘๐]   เต   เจ   ภิกฺขเว   ภิกฺขู  น  สกฺโกนฺติ  ตํ  อธิกรณํ
---------------------------------------------------------------------------------------------
หน้าที่ ๓๕๗.
อุพฺพาหิกาย   วูปสเมตุํ   เตหิ   ภิกฺขเว   ภิกฺขูหิ  ตํ  อธิกรณํ  สงฺฆสฺส
นิยฺยาเทตพฺพํ   น   มยํ   ภนฺเต   สกฺโกม   อิมํ  อธิกรณํ  อุพฺพาหิกาย
วูปสเมตุํ    สงฺโฆ   ว   อิมํ   อธิกรณํ   วูปสเมตูติ   ฯ   อนุชานามิ
ภิกฺขเว   เอวรูปํ   อธิกรณํ   เยภุยฺยสิกาย   วุปสเมตุํ  ฯ  ปญฺจหงฺเคหิ
สมนฺนาคโต     ภิกฺขุ    สลากคาหาปโก    สมฺมนฺนิตพฺโพ    โย    น
ฉนฺทาคตึ    คจฺเฉยฺย    น    โทสาคตึ    คจฺเฉยฺย    น   โมหาคตึ
คจฺเฉยฺย   น   ภยาคตึ   คจฺเฉยฺย   คหิตาคหิตญฺจ   ชาเนยฺย   ฯเปฯ
สมฺมโต    สงฺเฆน    อิตฺถนฺนาโม    ภิกฺขุ    สลากคาหาปโก    ขมติ
สงฺฆสฺส ตสฺมา ตุณฺหี ฯ เอวเมตํ ธารยามีติ ฯ
     {๖๘๐.๑}   เตน สลากคาหาปเกน ภิกฺขุนา สลากา คาหาเปตพฺพา ๑- ฯ
ยถา  พหุตรา  ภิกฺขู  ธมฺมวาทิโน  วเทนฺติ  ตถา  ตํ อธิกรณํ วูปสเมตพฺพํ
อิทํ   วุจฺจติ   ภิกฺขเว   อธิกรณํ   วูปสนฺตํ   ฯ   เกน   วูปสนฺตํ   ฯ
สมฺมุขาวินเยน  จ  เยภุยฺยสิกาย  จ  ฯ  กิญฺจ  ตตฺถ  สมฺมุขาวินยสฺมึ  ฯ
สงฺฆสมฺมุขตา     ธมฺมสมฺมุขตา    วินยสมฺมุขตา    ปุคฺคลสมฺมุขตา    ฯ
กา    จ   ตตฺถ   สงฺฆสมฺมุขตา   ฯ   ยาวติกา   ภิกฺขู   กมฺมปฺปตฺตา
เต   อาคตา   โหนฺติ   ฉนฺทารหานํ  ฉนฺโท  อาหโฏ  โหติ  สมฺมุขีภูตา
น    ปฏิกฺโกสนฺติ   อยํ   ตตฺถ   สงฺฆสมฺมุขตา   ฯ   กา   จ   ตตฺถ
ธมฺมสมฺมุขตา   วินยสมฺมุขตา   ฯ   เยน  ธมฺเมน  เยน  วินเยน  เยน
สตฺถุสาสเนน    ตํ    อธิกรณํ   วูปสมฺมติ   อยํ   ตตฺถ   ธมฺมสมฺมุขตา
@เชิงอรรถ: ๑ ม. ยุ. คาเหตพฺพา ฯ
---------------------------------------------------------------------------------------------
หน้าที่ ๓๕๘.
วินยสมฺมุขตา   ฯ   กา   จ  ตตฺถ  ปุคฺคลสมฺมุขตา  ฯ  โย  จ  วิวทติ
เยน   จ   วิวทติ   อุโภ   อตฺถปจฺจตฺถิกา   สมฺมุขีภูตา   โหนฺติ   อยํ
ตตฺถ   ปุคฺคลสมฺมุขตา   ฯ   กา   จ   ตตฺถ   เยภุยฺยสิกาย   ฯ  ยา
เยภุยฺยสิกาย   กมฺมสฺส   กิริยา   กรณํ  อุปคมนํ  อชฺฌุปคมนํ  อธิวาสนา
อปฺปฏิกฺโกสนา   อยํ   ตตฺถ   เยภุยฺยสิกาย   ฯ   เอวํ   วูปสนฺตํ  เจ
ภิกฺขเว    อธิกรณํ   การโก   อุกฺโกเฏติ   อุกฺโกฏนกํ   ปาจิตฺติยํ   ฯ
ฉนฺททายโก ขียติ ขียนกํ ปาจิตฺติยนฺติ ฯ
     [๖๘๑]   เตน  โข  ปน  สมเยน สาวตฺถิยา เอวํชาตํ เอวํสมุปฺปนฺนํ
อธิกรณํ   โหติ   ฯ  อถโข  เต  ภิกฺขู  อสนฺตุฏฺา  สาวตฺถิยา  สงฺฆสฺส
อธิกรณวูปสมเนน   อสฺโสสุํ   โข   อมุกสฺมึ   กิร   อาวาเส  สมฺพหุลา
เถรา  วิหรนฺติ  พหุสฺสุตา  อาคตาคมา  ธมฺมธรา  วินยธรา  มาติกาธรา
ปณฺฑิตา    วิยตฺตา    เมธาวิโน    ลชฺชิโน   กุกฺกุจฺจกา   สิกฺขากามา
เต    เจ    เถรา   อิมํ   อธิกรณํ   วูปสเมยฺยุํ   ธมฺเมน   วินเยน
สตฺถุสาสเนน เอวมิทํ อธิกรณํ สุวูปสนฺตํ อสฺสาติ ฯ
     {๖๘๑.๑}   อถโข เต ภิกฺขู ตํ อาวาสํ คนฺตฺวา เต เถเร เอตทโวจุํ
อิทํ  ภนฺเต  อธิกรณํ  เอวํชาตํ  เอวํสมุปฺปนฺนํ  สาธุ  ภนฺเต  เถรา  อิมํ
อธิกรณํ    วูปสเมนฺตุ    ธมฺเมน    วินเยน    สตฺถุสาสเนน   ยถายิทํ
อธิกรณํ   สุวูปสนฺตํ   อสฺสาติ  ฯ  อถโข  เต  เถรา  ยถา  สาวตฺถิยา
สงฺเฆน   อธิกรณํ   วูปสมิตํ   ยถาสุวูปสนฺตํ   ๑-   ตถา   ตํ  อธิกรณํ
@เชิงอรรถ: ๑ ม. ยุ. ตถาวูปสนฺตนฺติ ฯ
---------------------------------------------------------------------------------------------
หน้าที่ ๓๕๙.
วูปสเมสุํ   ฯ   อถโข   เต   ภิกฺขู   อสนฺตุฏฺา   สาวตฺถิยา  สงฺฆสฺส
อธิกรณวูปสมเนน   อสนฺตุฏฺา   สมฺพหุลานํ   เถรานํ   อธิกรณวูปสมเนน
อสฺโสสุํ  โข  อมุกสฺมึ  กิร  อาวาเส  ตโย  เถรา  วิหรนฺติ ฯเปฯ เทฺว
เถรา   วิหรนฺติ   ฯเปฯ  เอโก  เถโร  วิหรติ  พหุสฺสุโต  อาคตาคโม
ธมฺมธโร   วินยธโร   มาติกาธโร   ปณฺฑิโต   วิยตฺโต   เมธาวี  ลชฺชี
กุกฺกุจฺจโก  สิกฺขากาโม  โส  เจ  เถโร  อิมํ อธิกรณํ วูปสเมยฺย ธมฺเมน
วินเยน สตฺถุสาสเนน เอวมิทํ อธิกรณํ สุวูปสนฺตํ อสฺสาติ ฯ
     {๖๘๑.๒}   อถโข  เต  ภิกฺขู ตํ อาวาสํ คนฺตฺวา ตํ เถรํ เอตทโวจุํ
อิทํ  ภนฺเต  อธิกรณํ  เอวํชาตํ  เอวํสมุปฺปนฺนํ  สาธุ  ภนฺเต  เถโร  อิมํ
อธิกรณํ   วูปสเมตุ   ธมฺเมน   วินเยน  สตฺถุสาสเนน  ยถายิทํ  อธิกรณํ
สุวูปสนฺตํ   อสฺสาติ   ฯ  อถโข  โส  เถโร  ยถา  สาวตฺถิยา  สงฺเฆน
อธิกรณํ   วูปสมิตํ   ยถา   สมฺพหุเลหิ  เถเรหิ  อธิกรณํ  วูปสมิตํ  ยถา
ตีหิ   เถเรหิ  อธิกรณํ  วูปสมิตํ  ยถา  ทฺวีหิ  เถเรหิ  อธิกรณํ  วูปสมิตํ
ยถาสุวูปสนฺตํ ยถา ตํ อธิกรณํ วูปสเมสิ ฯ
     {๖๘๑.๓}   อถโข   เต   ภิกฺขู  อสนฺตุฏฺา  สาวตฺถิยา  สงฺฆสฺส
อธิกรณวูปสมเนน   อสนฺตุฏฺา   สมฺพหุลานํ   เถรานํ   อธิกรณวูปสมเนน
อสนฺตุฏฺา  ติณฺณํ  เถรานํ  อธิกรณวูปสมเนน  อสนฺตุฏฺา  ทฺวินฺนํ  เถรานํ
อธิกรณวูปสมเนน    อสนฺตุฏฺา    เอกสฺส   เถรสฺส   อธิกรณวูปสมเนน
เยน    ภควา    เตนุปสงฺกมึสุ    อุปสงฺกมิตฺวา    ภควโต   เอตมตฺถํ
---------------------------------------------------------------------------------------------
หน้าที่ ๓๖๐.
อาโรเจสุํ  ฯ  นีหตเมตํ  ภิกฺขเว  อธิกรณํ  สนฺตํ วูปสนฺตํ สุวูปสนฺตํ ๑- ฯ
อนุชานามิ   ภิกฺขเว   เตสํ   ภิกฺขูนํ   สญฺตฺติยา   ตโย   สลากคาเห
คูฬฺหกํ    สกณฺณชปฺปกํ    วิวฏกํ    ฯ    กถญฺจ    ภิกฺขเว    คูฬฺหโก
สลากคาโห   โหติ   ฯ   เตน   สลากคาหาปเกน  ภิกฺขุนา  สลากาโย
วณฺณาวณฺณาโย   กตฺวา   เอเกโก   ๒-  ภิกฺขุ  อุปสงฺกมิตฺวา  เอวมสฺส
วจนีโย    อยํ    เอวํวาทิสฺส   สลากา   อยํ   เอวํวาทิสฺส   สลากา
ยํ   อิจฺฉสิ   ตํ   คณฺหาหีติ   ฯ   คหิเต   วตฺตพฺโพ   มา  จ  กสฺสจิ
ทสฺเสหีติ    ฯ    สเจ    ชานาติ   อธมฺมวาที   พหุตราติ   ทุคฺคโหติ
ปจฺจุกฺกฑฺฒิตพฺพํ   ฯ   สเจ   ชานาติ   ธมฺมวาที   พหุตราติ   สุคฺคโหติ
สาเวตพฺพํ   ฯ   เอวํ   โข   ภิกฺขเว  คูฬฺหโก  สลากคาโห  โหติ  ฯ
กถญฺจ ภิกฺขเว สกณฺณชปฺปโก สลากคาโห โหติ ฯ
     {๖๘๑.๔}   เตน  สลากคาหาปเกน  ภิกฺขุนา  เอกเมกสฺส  ภิกฺขุโน
อุปกณฺณเก   อาโรเจตพฺพํ   อยํ  เอวํวาทิสฺส  สลากา  อยํ  เอวํวาทิสฺส
สลากา  ยํ  อิจฺฉสิ  ตํ  คณฺหาหีติ  ฯ  คหิเต  วตฺตพฺโพ  มา  จ  กสฺสจิ
อาโรเจหีติ    ฯ   สเจ   ชานาติ   อธมฺมวาที   พหุตราติ   ทุคฺคโหติ
ปจฺจุกฺกฑฺฒิตพฺพํ   ฯ   สเจ   ชานาติ   ธมฺมวาที   พหุตราติ   สุคฺคโหติ
สาเวตพฺพํ    ฯ    เอวํ   โข   ภิกฺขเว   สกณฺณชปฺปโก   สลากคาโห
โหติ   ฯ   กถญฺจ   ภิกฺขเว   วิวฏโก   สลากคาโห   โหติ  ฯ  สเจ
ชานาติ   ธมฺมวาที   พหุตราติ   วิสฺสฏฺเเนว   วิวเฏน   สลากคาเหน
@เชิงอรรถ: ๑ ม. ยุ. สุวูปสนฺตนฺติ ฯ  ๒ ม. ยุ. เอกเมโก ฯ
---------------------------------------------------------------------------------------------
หน้าที่ ๓๖๑.
คาเหตพฺพา   ๑-    เอวํ   โข   ภิกฺขเว  วิวฏโก  สลากคาโห  โหติ
อิเม โข ภิกฺขเว ตโย สลากคาหาติ ฯ
     [๖๘๒]   อนุวาทาธิกรณํ  กตีหิ  สมเถหิ  สมฺมติ  ฯ  อนุวาทาธิกรณํ
จตูหิ   สมเถหิ  สมฺมติ  สมฺมุขาวินเยน  จ  สติวินเยน  จ  อมูฬฺหวินเยน
จ ตสฺสปาปิยสิกาย จ ฯ
     [๖๘๓]   สิยา  อนุวาทาธิกรณํ  เทฺว  สมเถ อนาคมฺม อมูฬฺหวินยญฺจ
ตสฺสปาปิยสิกญฺจ     ทฺวีหิ     สมเถหิ     สมฺเมยฺย     สมฺมุขาวินเยน
จ   สติวินเยน   จาติ   ฯ   สิยาติสฺส  วจนียํ  ฯ  ยถา  กถํ  วิย  ฯ
อิธ  ปน  ภิกฺขเว  ๒-  ภิกฺขู  ภิกฺขุํ  อมูลิกาย สีลวิปตฺติยา อนุทฺธํเสนฺติ ฯ
ตสฺส    โข    ตํ   ภิกฺขเว   ภิกฺขุโน   สติเวปุลฺลปฺปตฺตสฺส   สติวินโย
ทาตพฺโพ   ฯ   เอวญฺจ   ปน   ภิกฺขเว   ทาตพฺโพ  ฯ  เตน  ภิกฺขเว
ภิกฺขุนา   สงฺฆํ   อุปสงฺกมิตฺวา   เอกํสํ   อุตฺตราสงฺคํ   กริตฺวา  ฯเปฯ
เอวมสฺส    วจนีโย    มํ    ภนฺเต    ภิกฺขู   อมูลิกาย   สีลวิปตฺติยา
อนุทฺธํเสนฺติ    โสหํ    ภนฺเต    สติเวปุลฺลปฺปตฺโต    สงฺฆํ    สติวินยํ
ยาจามีติ ฯ ทุติยมฺปิ ยาจิตพฺโพ ตติยมฺปิ ยาจิตพฺโพ ฯ
     [๖๘๔]   พฺยตฺเตน ภิกฺขุนา ปฏิพเลน สงฺโฆ าเปตพฺโพ
     {๖๘๔.๑}   สุณาตุ  เม ภนฺเต สงฺโฆ ภิกฺขู อิตฺถนฺนามํ ภิกฺขุํ อมูลิกาย
สีลวิปตฺติยา   อนุทฺธํเสนฺติ   ฯ   โส   สติเวปุลฺลปฺปตฺโต  สงฺฆํ  สติวินยํ
ยาจติ   ฯ   ยทิ   สงฺฆสฺส   ปตฺตกลฺลํ   สงฺโฆ  อิตฺถนฺนามสฺส  ภิกฺขุโน
@เชิงอรรถ: ๑ ม. ยุ. วิสตฺเถเนว วิวเฏน คาเหตพฺโพ ฯ  ๒ ม. ยุ. ภิกฺขเวติ นตฺถิ ฯ
---------------------------------------------------------------------------------------------
หน้าที่ ๓๖๒.
สติเวปุลฺลปฺปตฺตสฺส สติวินยํ ทเทยฺย ฯ เอสา ตฺติ ฯ
     {๖๘๔.๒}   สุณาตุ  เม ภนฺเต สงฺโฆ ภิกฺขู อิตฺถนฺนามํ ภิกฺขุํ อมูลิกาย
สีลวิปตฺติยา  อนุทฺธํเสนฺติ  ฯ  โส สติเวปุลฺลปฺปตฺโต สงฺฆํ สติวินยํ ยาจติ ฯ
สงฺโฆ   อิตฺถนฺนามสฺส   ภิกฺขุโน   สติเวปุลฺลปฺปตฺตสฺส  สติวินยํ  เทติ  ฯ
ยสฺสายสฺมโต    ขมติ    อิตฺถนฺนามสฺส    ภิกฺขุโน    สติเวปุลฺลปฺปตฺตสฺส
สติวินยสฺส ทานํ โส ตุณฺหสฺส ยสฺส นกฺขมติ โส ภาเสยฺย ฯ
     {๖๘๔.๓}   ทุติยมฺปิ  เอตมตฺถํ  วทามิ  ฯเปฯ  ตติยมฺปิ  เอตมตฺถํ
วทามิ  ฯเปฯ  ทินฺโน  สงฺเฆน  อิตฺถนฺนามสฺส  ภิกฺขุโน สติเวปุลฺลปฺปตฺตสฺส
สติวินโย ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ ฯ
     {๖๘๔.๔}   อิทํ  วุจฺจติ  ภิกฺขเว อธิกรณํ วูปสนฺตํ ฯ เกน วูปสนฺตํ ฯ
สมฺมุขาวินเยน   จ   สติวินเยน  จ  ฯ  กิญฺจ  ตตฺถ  สมฺมุขาวินยสฺมึ  ฯ
สงฺฆสมฺมุขตา    ธมฺมสมฺมุขตา    วินยสมฺมุขตา   ปุคฺคลสมฺมุขตา   ฯเปฯ
กา  จ  ตตฺถ  ปุคฺคลสมฺมุขตา  ฯ  โย  จ  อนุวทติ  ยญฺจ  อนุวทติ อุโภ
สมฺมุขีภูตา    โหนฺติ   อยํ   ตตฺถ   ปุคฺคลสมฺมุขตา   ฯ   กิญฺจ   ตตฺถ
สติวินยสฺมึ   ฯ   ยา   สติวินยสฺส   กมฺมสฺส   กิริยา   กรณํ   อุปคมนํ
อชฺฌุปคมนํ   อธิวาสนา   อปฺปฏิกฺโกสนา   อิทํ   ตตฺถ   สติวินยสฺมึ   ฯ
เอวํ   วูปสนฺตํ   เจ  ภิกฺขเว  อธิกรณํ  การโก  อุกฺโกเฏติ  อุกฺโกฏนกํ
ปาจิตฺติยํ ฯ ฉนฺททายโก ขียติ ขียนกํ ปาจิตฺติยํ ฯ
     [๖๘๕]   สิยา  อนุวาทาธิกรณํ  เทฺว  สมเถ  อนาคมฺม  สติวินยญฺจ
ตสฺสปาปิยสิกญฺจ    ทฺวีหิ    สมเถหิ    สมฺเมยฺย    สมฺมุขาวินเยน   จ
---------------------------------------------------------------------------------------------
หน้าที่ ๓๖๓.
อมูฬฺหวินเยน   จาติ   ฯ   สิยาติสฺส   วจนียํ   ฯ  ยถา  กถํ  วิย  ฯ
อิธ   ปน   ภิกฺขเว   ภิกฺขุ   อุมฺมตฺตโก  โหติ  จิตฺตวิปริยาสกโต  เตน
อุมฺมตฺตเกน     จิตฺตวิปริยาสกเตน     พหุํ    อสฺสามณกํ    อชฺฌาจิณฺณํ
โหติ   ภาสิตปริกฺกนฺตํ   ฯ   ตํ   ภิกฺขู  อุมฺมตฺตเกน  จิตฺตวิปริยาสกเตน
อชฺฌาจิณฺเณน   อาปตฺติยา   โจเทนฺติ   สรตายสฺมา   เอวรูปึ   อาปตฺตึ
อาปชฺชิตาติ   ฯ   โส   เอวํ   วเทติ   อหํ  โข  อาวุโส  อุมฺมตฺตโก
อโหสึ   จิตฺตวิปริยาสกโต   เตน   เม  อุมฺมตฺตเกน  จิตฺตวิปริยาสกเตน
พหุํ    อสฺสามณกํ    อชฺฌาจิณฺณํ    ภาสิตปริกฺกนฺตํ    นาหนฺตํ    สรามิ
มูเฬฺหน   เม   เอตํ   กตนฺติ   ฯ  เอวํปิ  นํ  วุจฺจมานา  โจเทนฺเตว
สรตายสฺมา   เอวรูปึ   อาปตฺตึ   อาปชฺชิตาติ   ฯ  ตสฺส  โข  ภิกฺขเว
ภิกฺขุโน อมูฬฺหสฺส อมูฬฺหวินโย ทาตพฺโพ ฯ
     {๖๘๕.๑}   เอวญฺจ   ปน  ภิกฺขเว  ทาตพฺโพ  ฯ  เตน  ภิกฺขเว
ภิกฺขุนา   สงฺฆํ   อุปสงฺกมิตฺวา   เอกํสํ   อุตฺตราสงฺคํ   กริตฺวา  ฯเปฯ
เอวมสฺส   วจนีโย   อหํ   ภนฺเต  อุมฺมตฺตโก  อโหสึ  จิตฺตวิปริยาสกโต
เตน    เม    อุมฺมตฺตเกน    จิตฺตวิปริยาสกเตน    พหุํ    อสฺสามณกํ
อชฺฌาจิณฺณํ   ภาสิตปริกฺกนฺตํ   มํ   ภิกฺขู  อุมฺมตฺตเกน  จิตฺตวิปริยาสกเตน
อชฺฌาจิณฺเณน   อาปตฺติยา   โจเทนฺติ   สรตายสฺมา   เอวรูปึ   อาปตฺตึ
อาปชฺชิตาติ  ตฺยาหํ  เอวํ  วทามิ  อหํ  โข  อาวุโส  อุมฺมตฺตโก  อโหสึ
จิตฺตวิปริยาสกโต   เตน   เม   อุมฺมตฺตเกน   จิตฺตวิปริยาสกเตน   พหุํ
อสฺสามณกํ  อชฺฌาจิณฺณํ  ภาสิตปริกฺกนฺตํ  นาหนฺตํ  สรามิ  มุเฬฺหน เม เอตํ
---------------------------------------------------------------------------------------------
หน้าที่ ๓๖๔.
กตนฺติ   ฯ   เอวํปิ   มํ  วุจฺจมานา  โจเทนฺเตว  สรตายสฺมา  เอวรูปึ
อาปตฺตึ   อาปชฺชิตาติ   ฯ   โสหํ   ภนฺเต   อมูโฬฺห  สงฺฆํ  อมูฬฺหวินยํ
ยาจามีติ ฯ ทุติยมฺปิ ยาจิตพฺโพ ตติยมฺปิ ยาจิตพฺโพ ฯ
     [๖๘๖]   พฺยตฺเตน ภิกฺขุนา ปฏิพเลน สงฺโฆ าเปตพฺโพ
     {๖๘๖.๑}   สุณาตุ   เม  ภนฺเต  สงฺโฆ  อยํ  อิตฺถนฺนาโม  ภิกฺขุ
อุมฺมตฺตโก      อโหสิ     จิตฺตวิปริยาสกโต     เตน     อุมฺมตฺตเกน
จิตฺตวิปริยาสกเตน   พหุํ   อสฺสามณกํ   อชฺฌาจิณฺณํ   ภาสิตปริกฺกนฺตํ   ฯ
ตํ   ภิกฺขู   อุมฺมตฺตเกน   จิตฺตวิปริยาสกเตน   อชฺฌาจิณฺเณน  อาปตฺติยา
โจเทนฺติ   สรตายสฺมา   เอวรูปึ   อาปตฺตึ  อาปชฺชิตาติ  ฯ  โส  เอวํ
วเทติ  อหํ  โข  อาวุโส  อุมฺมตฺตโก  อโหสึ  จิตฺตวิปริยาสกโต เตน เม
อุมฺมตฺตเกน     จิตฺตวิปริยาสกเตน     พหุํ    อสฺสามณกํ    อชฺฌาจิณฺณํ
ภาสิตปริกฺกนฺตํ   นาหนฺตํ   สรามิ   มูเฬฺหน   เม   เอตํ   กตนฺติ   ฯ
เอวํปิ   นํ   วุจฺจมานา   โจเทนฺเตว   สรตายสฺมา   เอวรูปึ  อาปตฺตึ
อาปชฺชิตาติ   ฯ   โส   อมูโฬฺห   สงฺฆํ   อมูฬฺหวินยํ   ยาจติ  ฯ  ยทิ
สงฺฆสฺส    ปตฺตกลฺลํ    สงฺโฆ    อิตฺถนฺนามสฺส    ภิกฺขุโน    อมูฬฺหสฺส
อมูฬฺหวินยํ ทเทยฺย ฯ เอสา ตฺติ ฯ
     {๖๘๖.๒}   สุณาตุ   เม  ภนฺเต  สงฺโฆ  อยํ  อิตฺถนฺนาโม  ภิกฺขุ
อุมฺมตฺตโก      อโหสิ     จิตฺตวิปริยาสกโต     เตน     อุมฺมตฺตเกน
จิตฺตวิปริยาสกเตน   พหุํ   อสฺสามณกํ   อชฺฌาจิณฺณํ   ภาสิตปริกฺกนฺตํ   ฯ
ตํ      ภิกฺขู     อุมฺมตฺตเกน     จิตฺตวิปริยาสกเตน     อชฺฌาจิณฺเณน
อาปตฺติยา      โจเทนฺติ      สรตายสฺมา      เอวรูปึ      อาปตฺตึ
---------------------------------------------------------------------------------------------
หน้าที่ ๓๖๕.
อาปชฺชิตาติ   ฯ   โส   เอวํ   วเทติ   อหํ  โข  อาวุโส  อุมฺมตฺตโก
อโหสึ   จิตฺตวิปริยาสกโต   เตน   เม  อุมฺมตฺตเกน  จิตฺตวิปริยาสกเตน
พหุํ      อสฺสามณกํ      อชฺฌาจิณฺณํ      ภาสิตปริกฺกนฺตํ      นาหนฺตํ
สรามิ   มูเฬฺหน   เม   เอตํ   กตนฺติ   ฯ   เอวํปิ   นํ   วุจฺจมานา
โจเทนฺเตว   สรตายสฺมา   เอวรูปึ   อาปตฺตึ   อาปชฺชิตาติ   ฯ   โส
อมูโฬฺห   สงฺฆํ   อมูฬฺหวินยํ   ยาจติ  ฯ  สงฺโฆ  อิตฺถนฺนามสฺส  ภิกฺขุโน
อมูฬฺหสฺส   อมูฬฺหวินยํ   เทติ   ฯ   ยสฺสายสฺมโต   ขมติ  อิตฺถนฺนามสฺส
ภิกฺขุโน    อมูฬฺหสฺส    อมูฬฺหวินยสฺส    ทานํ    โส   ตุณฺหสฺส   ยสฺส
นกฺขมติ โส ภาเสยฺย ฯ
     {๖๘๖.๓}   ทุติยมฺปิ    เอตมตฺถํ    วทามิ    ฯเปฯ   ตติยมฺปิ
เอตมตฺถํ     วทามิ     ฯเปฯ     ทินฺโน    สงฺเฆน    อิตฺถนฺนามสฺส
ภิกฺขุโน     อมูฬฺหสฺส     อมูฬฺหวินโย     ขมติ     สงฺฆสฺส    ตสฺมา
ตุณฺหี ฯ เอวเมตํ ธารยามีติ ฯ
     {๖๘๖.๔}   อิทํ   วุจฺจติ   ภิกฺขเว   อธิกรณํ  วูปสนฺตํ  ฯ  เกน
วูปสนฺตํ   ฯ   สมฺมุขาวินเยน   จ   อมูฬฺหวินเยน   จ  ฯ  กิญฺจ  ตตฺถ
สมฺมุขาวินยสฺมึ     ฯ    สงฺฆสมฺมุขตา    ธมฺมสมฺมุขตา    วินยสมฺมุขตา
ปุคฺคลสมฺมุขตา    ฯเปฯ    กิญฺจ    ตตฺถ    อมูฬฺหวินยสฺมึ    ฯ   ยา
อมูฬฺหวินยสฺส     กมฺมสฺส     กิริยา    กรณํ    อุปคมนํ    อชฺฌุปคมนํ
อธิวาสนา    อปฺปฏิกฺโกสนา    อิทํ   ตตฺถ   อมูฬฺหวินยสฺมึ   ฯ   เอวํ
วูปสนฺตํ    เจ   ภิกฺขเว   อธิกรณํ   การโก   อุกฺโกเฏติ   อุกฺโกฏนกํ
ปาจิตฺติยํ ฯ  ฉนฺททายโก ขียติ ขียนกํ ปาจิตฺติยํ ฯ
     [๖๘๗]   สิยา  อนุวาทาธิกรณํ  เทฺว  สมเถ  อนาคมฺม  สติวินยญฺจ
---------------------------------------------------------------------------------------------
หน้าที่ ๓๖๖.
อมูฬฺหวินยญฺจ     ทฺวีหิ    สมเถหิ    สมฺเมยฺย    สมฺมุขาวินเยน    จ
ตสฺสปาปิยสิกาย  จาติ  ฯ  สิยาติสฺส  วจนียํ  ฯ  ยถา  กถํ  วิย  ฯ อิธ
ปน   ภิกฺขเว   ภิกฺขุ   ภิกฺขุํ   สงฺฆมชฺเฌ  ครุกาย  อาปตฺติยา  โจเทติ
สรตายสฺมา    เอวรูปึ   ครุกํ   อาปตฺตึ   อาปชฺชิตา   ปาราชิกํ   วา
ปาราชิกสามนฺตํ   วาติ   ฯ   โส  เอวํ  วเทติ  น  โข  อหํ  อาวุโส
สรามิ  เอวรูปึ  ครุกํ  อาปตฺตึ  อาปชฺชิตา  ปาราชิกํ วา ปาราชิกสามนฺตํ
วาติ   ฯ   ตเมนํ   โส   นิเวเนฺตํ   ๑-   อติเวเติ   อิงฺฆายสฺมา
สาธุกเมว   ชานาหิ   ยทิ   สรสิ   เอวรูปึ  ครุกํ  อาปตฺตึ  อาปชฺชิตา
ปาราชิกํ วา ปาราชิกสามนฺตํ วาติ ฯ
     {๖๘๗.๑}   โส  เอวํ  วเทติ  น  โข  อหํ อาวุโส สรามิ เอวรูปึ
ครุกํ    อาปตฺตึ   อาปชฺชิตา   ปาราชิกํ   วา   ปาราชิกสามนฺตํ   วา
สรามิ    จ    โข   อหํ   อาวุโส   เอวรูปึ   อปฺปมตฺตกํปิ   อาปตฺตึ
อาปชฺชิตาติ   ฯ   ตเมนํ   โส   นิเวเนฺตํ   อติเวเติ   อิงฺฆายสฺมา
สาธุกเมว     ชานาหิ    ยทิ    สรสิ    เอวรูปึ    ครุกํ    อาปตฺตึ
อาปชฺชิตา   ปาราชิกํ   วา   ปาราชิกสามนฺตํ   วาติ   ฯ   โส  เอวํ
วเทติ  อิมํ  หิ  นามาหํ  อาวุโส  อปฺปมตฺตกํปิ ๒- อาปตฺตึ อาปชฺชิตา ๓-
อปุฏฺโ   ปฏิชานิสฺสามิ   กึ  ปนาหํ  เอวรูปึ  ครุกํ  อาปตฺตึ  อาปชฺชิตา
ปาราชิกํ   วา   ปาราชิกสามนฺตํ   วา   ปุฏฺโ  น  ปฏิชานิสฺสามีติ  ฯ
โส    เอวํ   วเทติ   อิมํ   หิ   นาม   ตฺวํ   อาวุโส   อปฺปมตฺตกํปิ
อาปตฺตึ    อาปชฺชิตา    อปุฏฺโ    น   ปฏิชานิสฺสสิ   กึ   ปน   ตฺวํ
@เชิงอรรถ: ๑ ม. ยุ. นิพฺเพเนฺตํ ฯ  ๒ ม. ยุ. อปฺปมตฺตกํ ฯ  ๓ ม. ยุ. อาปชฺชิตฺวา ฯ
---------------------------------------------------------------------------------------------
หน้าที่ ๓๖๗.
เอวรูปึ   ครุกํ   อาปตฺตึ   อาปชฺชิตา   ปาราชิกํ  วา  ปาราชิกสามนฺตํ
วา   อปุฏฺโ   ปฏิชานิสฺสสิ   อิงฺฆายสฺมา   สาธุกเมว   ชานาหิ   ยทิ
สรสิ  เอวรูปึ  ครุกํ  อาปตฺตึ  อาปชฺชิตา  ปาราชิกํ  วา ปาราชิกสามนฺตํ
วาติ   ฯ   โส  เอวํ  วเทติ  ๑-  สรามิ  โข  อหํ  อาวุโส  เอวรูปึ
ครุกํ   อาปตฺตึ   อาปชฺชิตา  ปาราชิกํ  วา  ปาราชิกสามนฺตํ  วา  ทวา
เม   เอตํ   วุตฺตํ   รวา   เม  เอตํ  วุตฺตํ  นาหนฺตํ  สรามิ  เอวรูปึ
ครุกํ   อาปตฺตึ   อาปชฺชิตา   ปาราชิกํ  วา  ปาราชิกสามนฺตํ  วาติ  ฯ
ตสฺส เขฺวตํ ๒- ภิกฺขเว ภิกฺขุโน ตสฺสปาปิยสิกากมฺมํ กาตพฺพํ ฯ
     [๖๘๘]   เอวญฺจ   ปน  ภิกฺขเว  กาตพฺพํ  ฯ  พฺยตฺเตน  ภิกฺขุนา
ปฏิพเลน สงฺโฆ าเปตพฺโพ
     {๖๘๘.๑}   สุณาตุ   เม  ภนฺเต  สงฺโฆ  อยํ  อิตฺถนฺนาโม  ภิกฺขุ
สงฺฆมชฺเฌ     ครุกาย     อาปตฺติยา    อนุยุญฺชิยมาโน    อวชานิตฺวา
ปฏิชานาติ    ปฏิชานิตฺวา    อวชานาติ    อญฺเน    อญฺ    ปฏิจรติ
สมฺปชานมุสา    ภาสติ    ฯ    ยทิ    สงฺฆสฺส    ปตฺตกลฺลํ    สงฺโฆ
อิตฺถนฺนามสฺส      ภิกฺขุโน      ตสฺสปาปิยสิกากมฺมํ     กเรยฺย     ฯ
เอสา ตฺติ ฯ
     {๖๘๘.๒}   สุณาตุ   เม  ภนฺเต  สงฺโฆ  อยํ  อิตฺถนฺนาโม  ภิกฺขุ
สงฺฆมชฺเฌ     ครุกาย     อาปตฺติยา    อนุยุญฺชิยมาโน    อวชานิตฺวา
ปฏิชานาติ    ปฏิชานิตฺวา    อวชานาติ    อญฺเน    อญฺ    ปฏิจรติ
สมฺปชานมุสา  ภาสติ  ฯ  สงฺโฆ  อิตฺถนฺนามสฺส ภิกฺขุโน ตสฺสปาปิยสิกากมฺมํ
@เชิงอรรถ: ๑ ม. วเทสิ ฯ  ๒ ม. โข ตํ ฯ ยุ. โข ฯ
---------------------------------------------------------------------------------------------
หน้าที่ ๓๖๘.
กโรติ     ฯ     ยสฺสายสฺมโต     ขมติ     อิตฺถนฺนามสฺส    ภิกฺขุโน
ตสฺสปาปิยสิกากมฺมสฺส    กรณํ    โส   ตุณฺหสฺส   ยสฺส   นกฺขมติ   โส
ภาเสยฺย ฯ
     {๖๘๘.๓}   ทุติยมฺปิ  เอตมตฺถํ  วทามิ  ฯเปฯ  ตติยมฺปิ  เอตมตฺถํ
วทามิ   ฯเปฯ  กตํ  สงฺเฆน  อิตฺถนฺนามสฺส  ภิกฺขุโน  ตสฺสปาปิยสิกากมฺมํ
ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ
     {๖๘๘.๔}   อิทํ  วุจฺจติ  ภิกฺขเว อธิกรณํ วูปสนฺตํ ฯ เกน วูปสนฺตํ ฯ
สมฺมุขาวินเยน  จ  ตสฺสปาปิยสิกาย  จ  ฯ  กิญฺจ  ตตฺถ สมฺมุขาวินยสฺมึ ฯ
สงฺฆสมฺมุขตา    ธมฺมสมฺมุขตา    วินยสมฺมุขตา   ปุคฺคลสมฺมุขตา   ฯเปฯ
กา  จ  ตตฺถ  ตสฺสปาปิยสิกาย  ฯ  ยา  ตสฺสปาปิยสิกาย  กมฺมสฺส กิริยา
กรณํ   อุปคมนํ   อชฺฌุปคมนํ   อธิวาสนา   อปฺปฏิกฺโกสนา   อยํ   ตตฺถ
ตสฺสปาปิยสิกาย  ฯ  เอวํ  วูปสนฺตํ เจ ภิกฺขเว อธิกรณํ การโก อุกฺโกเฏติ
อุกฺโกฏนกํ ปาจิตฺติยํ ฯ ฉนฺททายโก ขียติ ขียนกํ ปาจิตฺติยํ ฯ
     [๖๘๙]   อาปตฺตาธิกรณํ  กตีหิ  สมเถหิ  สมฺมติ  ฯ  อาปตฺตาธิกรณํ
ตีหิ    สมเถหิ    สมฺมติ    สมฺมุขาวินเยน   จ   ปฏิญฺาตกรเณน   จ
ติณวตฺถารเกน จ ฯ
     [๖๙๐]   สิยา  อาปตฺตาธิกรณํ  เอกํ  สมถํ  อนาคมฺม  ติณวตฺถารกํ
ทฺวีหิ   สมเถหิ  สมฺเมยฺย  สมฺมุขาวินเยน  จ  ปฏิญฺาตกรเณน  จาติ  ฯ
สิยาติสฺส   วจนียํ   ฯ   ยถา   กถํ  วิย  ฯ  อิธ  ปน  ภิกฺขเว  ภิกฺขุ
ลหุกํ   อาปตฺตึ   อาปนฺโน   โหติ   ฯ   เตน  ภิกฺขเว  ภิกฺขุนา  เอกํ
ภิกฺขุํ  อุปสงฺกมิตฺวา  เอกํ  อุตฺตราสงฺคํ  กริตฺวา  อุกฺกุฏิกํ  ๑-  นิสีทิตฺวา
@เชิงอรรถ: ๑ ม. กริตฺวา วุฑฺฒานํ ภิกฺขูนํ ปาเท วนฺทิตฺวา อุกฺกุฏิกํ ฯ
---------------------------------------------------------------------------------------------
หน้าที่ ๓๖๙.
อญฺชลึ   ปคฺคเหตฺวา   เอวมสฺส   วจนีโย   อหํ   อาวุโส   อิตฺถนฺนามํ
อาปตฺตึ   อาปนฺโน   ตํ   ปฏิเทเสมีติ  ฯ  เตน  วตฺตพฺโพ  ปสฺสสีติ  ฯ
อาม ปสฺสามีติ ฯ อายตึ สํวเรยฺยาสีติ ฯ
     {๖๙๐.๑}   อิทํ  วุจฺจติ  ภิกฺขเว อธิกรณํ วูปสนฺตํ ฯ เกน วูปสนฺตํ ฯ
สมฺมุขาวินเยน  จ  ปฏิญฺาตกรเณน  จ  ฯ  กิญฺจ  ตตฺถ สมฺมุขาวินยสฺมึ ฯ
ธมฺมสมฺมุขตา   วินยสมฺมุขตา   ปุคฺคลสมฺมุขตา   ฯเปฯ   กา   จ  ตตฺถ
ปุคฺคลสมฺมุขตา  ฯ  โย  จ เทเสติ ยสฺส จ เทเสติ อุโภ สมฺมุขีภูตา โหนฺติ
อยํ   ตตฺถ   ปุคฺคลสมฺมุขตา   ฯ   กิญฺจ   ตตฺถ   ปฏิญฺาตกรณสฺมึ   ฯ
ยา   ปฏิญฺาตกรณสฺส   กมฺมสฺส   กิริยา   กรณํ   อุปคมนํ   อชฺฌุปคมนํ
อธิวาสนา   อปฺปฏิกฺโกสนา   อิทํ   ตตฺถ   ปฏิญฺาตกรณสฺมึ   ฯ   เอวํ
วูปสนฺตํ   เจ   ภิกฺขเว   อธิกรณํ   ปฏิคฺคาหโก  อุกฺโกเฏติ  อุกฺโกฏนกํ
ปาจิตฺติยํ ฯ
     {๖๙๐.๒}   เอวญฺเจ  ตํ  ลเภถ  อิจฺเจตํ  กุสลํ  โน  เจ  ลเภถ
เตน    ภิกฺขเว    ภิกฺขุนา   สมฺพหุเล   ภิกฺขู   อุปสงฺกมิตฺวา   เอกํสํ
อุตฺตราสงฺคํ   กริตฺวา   วุฑฺฒานํ   ภิกฺขูนํ   ปาเท   วนฺทิตฺวา   อุกฺกุฏิกํ
นิสีทิตฺวา    อญฺชลึ    ปคฺคเหตฺวา   เอวมสฺสุ   วจนียา   อหํ   ภนฺเต
อิตฺถนฺนามํ    อาปตฺตึ    อาปนฺโน    ตํ   ปฏิเทเสมีติ   ฯ   พฺยตฺเตน
ภิกฺขุนา ปฏิพเลน เต ภิกฺขู าเปตพฺพา
     {๖๙๐.๓}   สุณนฺตุ    เม    อายสฺมนฺตา    อยํ   อิตฺถนฺนาโม
ภิกฺขุ     อาปตฺตึ    สรติ    วิวรติ    อุตฺตานีกโรติ    เทเสติ    ฯ
ยทายสฺมนฺตานํ      ปตฺตกลฺลํ      อหํ      อิตฺถนฺนามสฺส     ภิกฺขุโน
อาปตฺตึ    ปฏิคฺคเณฺหยฺยนฺติ    ฯ    เตน    วตฺตพฺโพ    ปสฺสสีติ   ฯ
---------------------------------------------------------------------------------------------
หน้าที่ ๓๗๐.
อาม   ปสฺสามีติ   ฯ   อายตึ   สํวเรยฺยาสีติ  ฯ  อิทํ  วุจฺจติ  ภิกฺขเว
อธิกรณํ    วูปสนฺตํ    ฯ    เกน   วูปสนฺตํ   ฯ   สมฺมุขาวินเยน   จ
ปฏิญฺาตกรเณน   จ   ฯ  กิญฺจ  ตตฺถ  สมฺมุขาวินยสฺมึ  ฯ  ธมฺมสมฺมุขตา
วินยสมฺมุขตา   ปุคฺคลสมฺมุขตา  ฯเปฯ  กา  จ  ตตฺถ  ปุคฺคลสมฺมุขตา  ฯ
โย  จ  เทเสติ  ยสฺส  จ  เทเสติ  อุโภ  สมฺมุขีภูตา  โหนฺติ  อยํ ตตฺถ
ปุคฺคลสมฺมุขตา    ฯ    กิญฺจ    ตตฺถ    ปฏิญฺาตกรณสฺมึ    ฯ    ยา
ปฏิญฺาตกรณสฺส    กมฺมสฺส    กิริยา    กรณํ    อุปคมนํ    อชฺฌุปคมนํ
อธิวาสนา     อปฺปฏิกฺโกสนา    อิทํ    ตตฺถ    ปฏิญฺาตกรณสฺมึ    ฯ
เอวํ    วูปสนฺตํ    เจ   ภิกฺขเว   อธิกรณํ   ปฏิคฺคาหโก   อุกฺโกเฏติ
อุกฺโกฏนกํ ปาจิตฺติยํ ฯ
     {๖๙๐.๔}   เอวญฺเจ  ตํ  ลเภถ  อิจฺเจตํ กุสลํ โน เจ ลเภถ เตน
ภิกฺขเว   ภิกฺขุนา   สงฺฆํ   อุปสงฺกมิตฺวา   เอกํสํ  อุตฺตราสงฺคํ  กริตฺวา
วุฑฺฒานํ    ภิกฺขูนํ    ปาเท    วนฺทิตฺวา   อุกฺกุฏิกํ   นิสีทิตฺวา   อญฺชลึ
ปคฺคเหตฺวา   เอวมสฺส   วจนีโย   อหํ   ภนฺเต   อิตฺถนฺนามํ   อาปตฺตึ
อาปนฺโน   ตํ   ปฏิเทเสมีติ   ฯ   พฺยตฺเตน  ภิกฺขุนา  ปฏิพเลน  สงฺโฆ
าเปตพฺโพ
     {๖๙๐.๕}   สุณาตุ   เม  ภนฺเต  สงฺโฆ  อยํ  อิตฺถนฺนาโม  ภิกฺขุ
อาปตฺตึ  สรติ  วิวรติ  อุตฺตานีกโรติ  เทเสติ  ฯ  ยทิ  สงฺฆสฺส ปตฺตกลฺลํ
อหํ    อิตฺถนฺนามสฺส   ภิกฺขุโน   อาปตฺตึ   ปฏิคฺคเณฺหยฺยนฺติ   ฯ   เตน
วตฺตพฺโพ ปสฺสสีติ ฯ อาม ปสฺสามีติ ฯ อายตึ สํวเรยฺยาสีติ ฯ
     {๖๙๐.๖}   อิทํ  วุจฺจติ  ภิกฺขเว อธิกรณํ วูปสนฺตํ ฯ เกน วูปสนฺตํ ฯ
สมฺมุขาวินเยน จ ปฏิญฺาตกรเณน
---------------------------------------------------------------------------------------------
หน้าที่ ๓๗๑.
จ   ฯ   กิญฺจ   ตตฺถ   สมฺมุขาวินยสฺมึ  ฯ  สงฺฆสมฺมุขตา  ธมฺมสมฺมุขตา
วินยสมฺมุขตา   ปุคฺคลสมฺมุขตา   ฯเปฯ   เอวํ   วูปสนฺตํ   เจ  ภิกฺขเว
อธิกรณํ     ปฏิคฺคาหโก    อุกฺโกเฏติ    อุกฺโกฏนกํ    ปาจิตฺติยํ    ฯ
ฉนฺททายโก ขียติ ขียนกํ ปาจิตฺติยํ ฯ
     [๖๙๑]   สิยา    อาปตฺตาธิกรณํ    เอกํ    สมถํ    อนาคมฺม
ปฏิญฺาตกรณํ  ทฺวีหิ  สมเถหิ  สมฺเมยฺย  สมฺมุขาวินเยน  จ ติณวตฺถารเกน
จาติ   ฯ  สิยาติสฺส  วจนียํ  ฯ  ยถา  กถํ  วิย  ฯ  อิธ  ปน  ภิกฺขเว
ภิกฺขูนํ    ภณฺฑนชาตานํ    กลหชาตานํ    วิวาทาปนฺนานํ   วิหรตํ   พหุํ
อสฺสามณกํ    อชฺฌาจิณฺณํ    โหติ    ภาสิตปริกฺกนฺตํ    ฯ   ตตฺร   เจ
ภิกฺขเว  ๑-  ภิกฺขูนํ  เอวํ  โหติ  อมฺหากํ  โข ภณฺฑนชาตานํ กลหชาตานํ
วิวาทาปนฺนานํ   วิหรตํ   พหุํ   อสฺสามณกํ   อชฺฌาจิณฺณํ   ภาสิตปริกฺกนฺตํ
สเจ   มยํ   อิมาหิ   อาปตฺตีหิ   อญฺมญฺ   กาเรสฺสาม   สิยาปิ   ตํ
อธิกรณํ   กกฺขฬตาย   วาฬตาย   เภทาย  สํวตฺเตยฺยาติ  ฯ  อนุชานามิ
ภิกฺขเว เอวรูปํ อธิกรณํ ติณวตฺถารเกน วูปสเมตุํ ฯ
     {๖๙๑.๑}   เอวญฺจ  ปน  ภิกฺขเว วูปสเมตพฺพํ ฯ สพฺเพเหว เอกชฺฌํ
สนฺนิปติตพฺพํ    สนฺนิปติตฺวา    พฺยตฺเตน    ภิกฺขุนา   ปฏิพเลน   สงฺโฆ
าเปตพฺโพ
     {๖๙๑.๒}   สุณาตุ   เม   ภนฺเต  สงฺโฆ  อมฺหากํ  ภณฺฑนชาตานํ
กลหชาตานํ    วิวาทาปนฺนานํ    วิหรตํ   พหุํ   อสฺสามณกํ   อชฺฌาจิณฺณํ
ภาสิตปริกฺกนฺตํ    ฯ    สเจ    มยํ    อิมาหิ    อาปตฺตีหิ   อญฺมญฺ
กาเรสฺสาม    สิยาปิ   ตํ   อธิกรณํ   กกฺขฬตาย   วาฬตาย   เภทาย
@เชิงอรรถ: ๑ ม. ภิกฺขเวติ นตฺถิ ฯ
---------------------------------------------------------------------------------------------
หน้าที่ ๓๗๒.
สํวตฺเตยฺย    ฯ    ยทิ   สงฺฆสฺส   ปตฺตกลฺลํ   สงฺโฆ   อิมํ   อธิกรณํ
ติณวตฺถารเกน  วูปสเมยฺย  เปตฺวา  ถุลฺลวชฺชํ เปตฺวา คิหิปฏิสํยุตฺตนฺติ ฯ
เอกโตปกฺขิกานํ      ภิกฺขูนํ      พฺยตฺเตน      ภิกฺขุนา     ปฏิพเลน
สโก ปกฺโข าเปตพฺโพ
     {๖๙๑.๓}   สุณนฺตุ   เม   อายสฺมนฺตา   อมฺหากํ   ภณฺฑนชาตานํ
กลหชาตานํ    วิวาทาปนฺนานํ    วิหรตํ   พหุํ   อสฺสามณกํ   อชฺฌาจิณฺณํ
ภาสิตปริกฺกนฺตํ    ฯ    สเจ    มยํ    อิมาหิ    อาปตฺตีหิ   อญฺมญฺ
กาเรสฺสาม    สิยาปิ   ตํ   อธิกรณํ   กกฺขฬตาย   วาฬตาย   เภทาย
สํวตฺเตยฺย   ฯ  ยทายสฺมนฺตานํ  ปตฺตกลฺลํ  อหํ  ยา  เจว  อายสฺมนฺตานํ
อาปตฺติ    ยา   จ   อตฺตโน   อาปตฺติ   อายสฺมนฺตานญฺเจว   อตฺถาย
อตฺตโน   จ   อตฺถาย   สงฺฆมชฺเฌ  ติณวตฺถารเกน  เทเสยฺยํ  เปตฺวา
ถุลฺลวชฺชํ เปตฺวา คิหิปฏิสํยุตฺตนฺติ ฯ
     [๖๙๒]   อถาปเรสํ   เอกโตปกฺขิกานํ  ภิกฺขูนํ  พฺยตฺเตน  ภิกฺขุนา
ปฏิพเลน สโก ปกฺโข าเปตพฺโพ
     {๖๙๒.๑}   สุณนฺตุ   เม   อายสฺมนฺตา   อมฺหากํ   ภณฺฑนชาตานํ
กลหชาตานํ    วิวาทาปนฺนานํ    วิหรตํ   พหุํ   อสฺสามณกํ   อชฺฌาจิณฺณํ
ภาสิตปริกฺกนฺตํ   ฯ  สเจ  มยํ  อิมาหิ  อาปตฺตีหิ  อญฺมญฺ  กาเรสฺสาม
สิยาปิ   ตํ   อธิกรณํ   กกฺขฬตาย   วาฬตาย   เภทาย  สํวตฺเตยฺย  ฯ
ยทายสฺมนฺตานํ  ปตฺตกลฺลํ  อหํ  ยา  เจว  อายสฺมนฺตานํ  อาปตฺติ  ยา จ
อตฺตโน   อาปตฺติ   อายสฺมนฺตานญฺเจว   อตฺถาย   อตฺตโน  จ  อตฺถาย
สงฺฆมชฺเฌ   ติณวตฺถารเกน   เทเสยฺยํ   เปตฺวา   ถุลฺลวชฺชํ  เปตฺวา
คิหิปฏิสํยุตฺตนฺติ ฯ
---------------------------------------------------------------------------------------------
หน้าที่ ๓๗๓.
     [๖๙๓]   [๑]-  เอกโตปกฺขิกานํ  ภิกฺขูนํ พฺยตฺเตน ภิกฺขุนา ปฏิพเลน
สงฺโฆ าเปตพฺโพ
     {๖๙๓.๑}   สุณาตุ   เม   ภนฺเต  สงฺโฆ  อมฺหากํ  ภณฺฑนชาตานํ
กลหชาตานํ    วิวาทาปนฺนานํ    วิหรตํ   พหุํ   อสฺสามณกํ   อชฺฌาจิณฺณํ
ภาสิตปริกฺกนฺตํ   ฯ  สเจ  มยํ  อิมาหิ  อาปตฺตีหิ  อญฺมญฺ  กาเรสฺสาม
สิยาปิ   ตํ  อธิกรณํ  กกฺขฬตาย  วาฬตาย  เภทาย  สํวตฺเตยฺย  ฯ  ยทิ
สงฺฆสฺส  ปตฺตกลฺลํ  อหํ  ยา  เจว  อิเมสํ  อายสฺมนฺตานํ  อาปตฺติ ยา จ
อตฺตโน   อาปตฺติ   อิเมสญฺเจว   อายสฺมนฺตานํ   อตฺถาย   อตฺตโน  จ
อตฺถาย   สงฺฆมชฺเฌ   ติณวตฺถารเกน   เทเสยฺยํ   เปตฺวา   ถุลฺลวชฺชํ
เปตฺวา คิหิปฏิสํยุตฺตํ ฯ เอสา ตฺติ ฯ
     {๖๙๓.๒}   สุณาตุ   เม   ภนฺเต  สงฺโฆ  อมฺหากํ  ภณฺฑนชาตานํ
กลหชาตานํ    วิวาทาปนฺนานํ    วิหรตํ   พหุํ   อสฺสามณกํ   อชฺฌาจิณฺณํ
ภาสิตปริกฺกนฺตํ    ฯ    สเจ    มยํ    อิมาหิ    อาปตฺตีหิ   อญฺมญฺ
กาเรสฺสาม    สิยาปิ   ตํ   อธิกรณํ   กกฺขฬตาย   วาฬตาย   เภทาย
สํวตฺเตยฺย   ฯ   อหํ   ยา   เจว  อิเมสํ  อายสฺมนฺตานํ  อาปตฺติ  ยา
จ   อตฺตโน   อาปตฺติ   อิเมสญฺเจว   อายสฺมนฺตานํ   อตฺถาย  อตฺตโน
จ   อตฺถาย   สงฺฆมชฺเฌ   ติณวตฺถารเกน  เทเสมิ  เปตฺวา  ถุลฺลวชฺชํ
เปตฺวา    คิหิปฏิสํยุตฺตํ   ฯ   ยสฺสายสฺมโต   ขมติ   อมฺหากํ   อิมาสํ
อาปตฺตีนํ   สงฺฆมชฺเฌ   ติณวตฺถารเกน   เทสนา   เปตฺวา   ถุลฺลวชฺชํ
เปตฺวา    คิหิปฏิสํยุตฺตํ    โส    ตุณฺหสฺส    ยสฺส    นกฺขมติ    โส
ภาเสยฺย ฯ
     {๖๙๓.๓}   เทสิตา   อมฺหากํ   อิมา   อาปตฺติโย   สงฺฆมชฺเฌ
@เชิงอรรถ: ๑ ม. อถาปเรสํ ฯ
---------------------------------------------------------------------------------------------
หน้าที่ ๓๗๔.
ติณวตฺถารเกน    เปตฺวา   ถุลฺลวชฺชํ   เปตฺวา   คิหิปฏิสํยุตฺตํ   ขมติ
สงฺฆสฺส   ตสฺมา  ตุณฺหี  ฯ  เอวเมตํ  ธารยามีติ  ฯ  อถาปเรสํ  ฯเปฯ
เอวเมตํ ธารยามีติ ฯ
     {๖๙๓.๔}   อิทํ  วุจฺจติ  ภิกฺขเว อธิกรณํ วูปสนฺตํ ฯ เกน วูปสนฺตํ ฯ
สมฺมุขาวินเยน  จ  ติณวตฺถารเกน  จ  ฯ  กิญฺจ  ตตฺถ  สมฺมุขาวินยสฺมึ ฯ
สงฺฆสมฺมุขตา   ธมฺมสมฺมุขตา   วินยสมฺมุขตา   ปุคฺคลสมฺมุขตา   ฯ   กา
จ   ตตฺถ  สงฺฆสมฺมุขตา  ฯ  ยาวติกา  ภิกฺขู  กมฺมปฺปตฺตา  เต  อาคตา
โหนฺติ   ฉนฺทารหานํ  ฉนฺโท  อาหโฏ  โหติ  สมฺมุขีภูตา  น  ปฏิกฺโกสนฺติ
อยํ  ตตฺถ  สงฺฆสมฺมุขตา  ฯ  กา  จ  ตตฺถ ธมฺมสมฺมุขตา วินยสมฺมุขตา ฯ
เยน  ธมฺเมน  เยน  วินเยน  เยน  สตฺถุสาสเนน  ตํ  อธิกรณํ วูปสมฺมติ
อยํ ตตฺถ ธมฺมสมฺมุขตา วินยสมฺมุขตา ฯ กา จ ตตฺถ ปุคฺคลสมฺมุขตา ฯ
     {๖๙๓.๕}   โย  จ  เทเสติ ยสฺส จ เทเสติ อุโภ สมฺมุขีภูตา โหนฺติ
อยํ    ตตฺถ   ปุคฺคลสมฺมุขตา   ฯ   กิญฺจ   ตตฺถ   ติณวตฺถารกสฺมึ   ฯ
ยา    ติณวตฺถารกสฺส   กมฺมสฺส   กิริยา   กรณํ   อุปคมนํ   อชฺฌุปคมนํ
อธิวาสนา    อปฺปฏิกฺโกสนา   อิทํ   ตตฺถ   ติณวตฺถารกสฺมึ   ฯ   เอวํ
วูปสนฺตํ     เจ     ภิกฺขเว     อธิกรณํ    ปฏิคฺคาหโก    อุกฺโกเฏติ
อุกฺโกฏนกํ ปาจิตฺติยํ ฯ ฉนฺททายโก ขียติ ขียนกํ ปาจิตฺติยํ ฯ
     [๖๙๔]   กิจฺจาธิกรณํ   กตีหิ   สมเถหิ   สมฺมติ  ฯ  กิจฺจาธิกรณํ
เอเกน สมเถน สมฺมติ สมฺมุขาวินเยนาติ ฯ
                            สมถกฺขนฺธกํ นิฏฺิตํ จตุตฺถํ ๑- ฯ
                                    ------------
@เชิงอรรถ: ๑ ม. สมถกฺขนฺธโก นิฏฺิโต จตุตฺโถ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๖ หน้าที่ ๓๔๗-๓๗๔.
https://84000.org/tipitaka/read/pali_item.php?book=6&item=669&items=26&pagebreak=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=6&item=669&items=26&pagebreak=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=6&item=669&items=26&pagebreak=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=6&item=669&items=26&pagebreak=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=6&i=669
             สารบัญพระไตรปิฎกเล่มที่ ๖
https://84000.org/tipitaka/read/?index_6
https://84000.org/tipitaka/english/?index_6