ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๔๕ ภาษาบาลีอักษรไทย นิทฺ.อ.๑ (สทฺธมฺมปชฺ.)

หน้าที่ ๒๓๗.

๕. ปรมฏฺฐกสุตฺตนิทฺเทสวณฺณนา [๓๑] ปญฺจเม ปรมฏฺฐกสุตฺเต ปรมนฺติ ทิฏฺฐีสุ ปริพฺพสาโนติ อิทํ ปรมนฺติ คเหตฺวา สกาย สกาย ทิฏฺฐิยา วสมาโน. ยทุตฺตรึ กุรุเตติ ยํ อตฺตโน สตฺถาราทึ เสฏฺฐํ กโรติ. หีนาติ อญฺเญ ตโต สพฺพมาหาติ ตํ อตฺตโน สตฺถาราทึ ฐเปตฺวา ตโต อญฺเญ สพฺเพ "หีนา อิเม"ติ อาห. ตสฺมา วิวาทานิ อวีติวตฺโตติ เตน การเณน ตานิ ทิฏฺฐิกลหานิ ๑- อวีติวตฺโตว โหติ. วสนฺตีติ ปฐมุปฺปนฺนทิฏฺฐิวเสน วสนฺติ. ปวสนฺตีติ ปวิสิตฺวา วสนฺติ. อาวสนฺตีติ วิเสเสน วสนฺติ. ปริวสนฺตีติ สพฺพภาเคน วสนฺติ. ตํ อุปมาย สาเธนฺโต "ยถา อาคาริกา วา"ติอาทิมาห. อาคาริกา วาติ ฆรสามิกา. ฆเรสุ วสนฺตีติ อตฺตโน ฆเรสุ อาสงฺกวิรหิตา หุตฺวา นิวสนฺติ. สาปตฺติกา วาติ อาปตฺติพหุลา. สกิเลสาติ ๒- ราคาทิกิเลสพหุลา. อุตฺตรึ กโรตีติ อติเรกํ กโรติ. อยํ สตฺถา สพฺพญฺญูติ อยํ อมฺหากํ สตฺถา สพฺพํ ชานาติ. สพฺเพ ปรปฺปวาเท ขิปตีติ สพฺพาปรลทฺธิโย ฉฑฺเฑติ. อุกฺขิปตีติ นีหรติ. ปริกฺขิปตีติ ปรมฺมุเข กโรติ. ทิฏฺฐิเมธคานีติ ทิฏฺฐิวิเหสกานิ. [๓๒] ทุติยคาถายตฺโถ:- เอวํ อวีติวตฺโตว ยํ ทิฏฺเฐ สุเต สีลวเต มุเตติ เอเตสุ จตูสุ วตฺถูสุ อุปฺปนฺนทิฏฺฐิสงฺขาเต อตฺตนิ ปุพฺเพ วุตฺตปฺปการํ อานิสํสํ ปสฺสติ, ตเทว โส ตตฺถ สกาย ทิฏฺฐิยา อานิสํสํ "อิทํ เสฏฺฐนฺ"ติ อภินิวิสิตฺวา อญฺญํ สพฺพํ ปรสตฺถาราทิกํ นิหีนโต ปสฺสติ. เทฺว อานิสํเส ปสฺสตีติ เทฺว คุเณ โอโลเกติ. ทิฏฺฐธมฺมิกญฺจาติ ทิฏฺเฐ ปจฺจกฺเข อตฺตภาเว วิปจฺจนกคุณํ. ๓- สมฺปรายิกญฺจาติ ปรโลเก ปฏิลภิตพฺพคุณญฺจ. ยํทิฏฺฐิโก สตฺถาติ ยํลทฺธิโก ติตฺถายตนสามิโก. อลํ นาคตฺตาย วาติ นาคภาวาย ๔- @เชิงอรรถ: ฉ.ม. โส ทิฏฺฐิกลเห ฉ.ม. สกิเลสา วาติ ฉ.ม. วิปจฺจนกรณํ @ ฉ.ม. นาคราชภาวาย

--------------------------------------------------------------------------------------------- หน้าที่ ๒๓๘.

วา ปริยตฺตํ. สุปณฺณตฺตาทีสุปิ เอเสว นโย. เทวตฺตาย วาติ สมฺมุติเทวาทิภาวาย. อายตึ ผลปาฏิกงฺขี โหตีติ อนาคเต วิปากผลํ ปตฺถยาโน โหติ. ทิฏฺฐสุทฺธิยาปิ เทฺว อานิสํเส ปสฺสตีติ จกฺขุวิญฺญาเณน ทิฏฺฐรูปายตนสฺส วเสน สุทฺธิยา เหตุตฺตาปิ อตฺตโน คหิตคฺคหเณน เทฺว คุเณ โอโลเกติ. สุตสุทฺธิยาทีสุปิ เอเสว นโย. [๓๓] ตติยคาถายตฺโถ:- เอวํ ปสฺสโต ปสฺส ๑- ยํ อตฺตโน สตฺถาราทึ นิสฺสิโต อญฺญํ ปรสตฺถาราทึ หีนํ ปสฺสติ, ตํ ปน ทสฺสนํ คนฺถเมว กุสลา วทนฺติ, พนฺธนนฺติ วุตฺตํ โหติ. ยสฺมา เอตเทว, ตสฺมา หิ ทิฏฺฐํว สุตํ มุตํ วา, สีลพฺพตํ ภิกฺขุ น นิสฺสเยยฺย, นาภินิวิเสยฺยาติ ๒- วุตฺตํ โหติ. กุสลาติ ขนฺธาทิชานเน เฉกา. ขนฺธกุสลาติ รูปาทีสุ ปญฺจสุ ขนฺเธสุ กุสลา. ธาตุอายตนปฏิจฺจสมุปฺปาทสติปฏฺฐานสมฺมปฺปธานอิทฺธิปาทอินฺทฺริยพลโพชฺฌงฺคมคฺค- ผลนิพฺพาเนสุปิ เอเสว นโย. ตตฺถ มคฺคกุสลาติ จตูสุ มคฺเคสุ. ผลกุสลาติ จตูสุ ผเลสุ. นิพฺพานกุสลาติ ทุวิเธ นิพฺพาเน เฉกา. เต กุสลาติ เต เอเตสุ วุตฺตปฺปกาเรสุ เฉกา. เอวํ วทนฺตีติ เอวํ กเถนฺติ. คนฺโถ เอโสติ ปสฺสโต จ อตฺตโน สตฺถาราทินิสฺสิตญฺจ อญฺญํ ปรสตฺถาราทึ หีนโต ทสฺสนญฺจ คนฺโถ พนฺธโน เอโสติ วทนฺติ. ลมฺพนํ ๓- เอตนฺติ เอตํ วุตฺตปฺปการํ นาคทนฺเต ลคฺคิตํ วิย อโธลมฺพนํ. พนฺธนํ เอตนฺติ นิจฺฉินฺทิตุํ ทุกฺขฏฺเฐน สงฺขลิกาทิพนฺธนํ วิย เอตํ พนฺธนํ. ปลิโพโธ เอโสติ สํสารโต นิกฺขมิตุํ อปฺปทานฏฺเฐน เอโส ปลิโพโธ. [๓๔] จตุตฺถคาถายตฺโถ:- น เกวลํ ทิฏฺฐสุตาทึ ๔- น นิสฺสเยยฺย, อปิ จ โข ปน อสญฺชาตํ อุปรูปริ ทิฏฺฐิมฺปิ โลกสฺมึ น กปฺปเยยฺย, น ชเนยฺยาติ วุตฺตํ โหติ. กีทิสํ? ญาเณน วา สีลพฺพเตน วาปิ, สมาปตฺติญาณาทินา ญาเณน วา สีลพฺพเตน วา ยํ กปฺปยิสฺสติ, ๕- เอตํ ทิฏฺฐึ น กปฺปเยยฺย. ๖- น เกวลญฺจ @เชิงอรรถ: สี. เอวํ ปสฺสนฺโตปิ, ฉ.ม. จ ฉ.ม. นาภินิเวเสยฺยาติ สี.,ฉ.ม. ลคฺคนํ @ ฉ.ม. ทิฏฺฐสุตาทีสุ ฉ.ม. ยา กปฺปิยติ ฉ.ม. กปฺเปยฺย

--------------------------------------------------------------------------------------------- หน้าที่ ๒๓๙.

ทิฏฺฐึ น กปฺปเยยฺย, อปิ จ โข ปน มาเนนปิ ชาติอาทีหิ วตฺถูหิ สโมติ วา อตฺตานํ อนูปเนยฺย, หีโน น มญฺเญถ วิเสสิ วาปีติ. อฏฺฐสมาปตฺติญาเณน วาติ ปฐมชฺฌานาทีนํ อฏฺฐนฺนํ สมาปตฺตีนํ สมฺปยุตฺตปญฺญาย วา. ปญฺจาภิญฺญาญาเณน วาติ โลกิยานํ ปญฺจนฺนํ อภิญฺญานํ สมฺปยุตฺตปญฺญาย วา. มิจฺฉาญาเณน วาติ วิปรีตสภาเวน ปวตฺตาย ปญฺญาย อมุตฺเต มุตฺตมฺมยาติ ๑- เอวํ อุปฺปนฺเนน มิจฺฉาญาเณน วา. [๓๕] ปญฺจมคาถายตฺโถ:- เอวํ หิ ทิฏฺฐึ อกปฺเปนฺโต อมญฺญมาโน จ อตฺตํ ปหาย อนุปาทิยาโน ยํ ปุพฺเพ คหิตํ, ตํ ปหาย ปรํ อคฺคณฺหนฺโต ตสฺมิมฺปิ วุตฺตปฺปกาเร ญาเณปิ ทุวิธํ นิสฺสยํ โน กโรติ, อกโรนฺโต จ ส เว วิยตฺเตสุ นานาทิฏฺฐิวเสน ภินฺเนสุ สตฺเตสุ น วคฺคสารี ฉนฺทาทิวเสน อคจฺฉนธมฺโม หุตฺวา ทฺวาสฏฺฐิยา ทิฏฺฐีสุ กิญฺจิ ทิฏฺฐึ น ปจฺเจติ, น ปจฺจาคจฺฉตีติ วุตฺตํ โหติ. จตูหิ อุปาทาเนหีติ กามุปาทานาทีหิ จตูหิ ภุสํ คหเณหิ. ส เว ววตฺถิเตสูติ ๒- โส ปุคฺคโล นิจฺฉิเตสุ. ภินฺเนสูติ ทฺวิธา ภินฺเนสุ. [๓๖] อิทานิ โย โส อิมาย คาถาย วุตฺโต ขีณาสโว, ตสฺส วณฺณภณนตฺถํ "ยสฺสูภยนฺเต"ติอาทิกา ติสฺโส คาถาโย อาห. เตสุ ๓- ปฐมคาถาย ยสฺสูภยนฺเตติ ปุพฺเพ วุตฺตผสฺสาทิเภเท. ปณิธีติ ตณฺหา. ภวาภวายาติ ปุนปฺปุนํ ภวาย. อิธ วา หุรํ วาติ สกตฺตภาวาทิเภเท อิธ วา ปรตฺตภาวาทิเภเท ปรตฺถ วา. ผสฺโส เอโก อนฺโตติ จกฺขุสมฺผสฺสาทิโก เอโก โกฏฺฐาโส. ผสฺสสมุทโยติ วตฺถารมฺมโณ. ยโต สมุเทติ อุปฺปชฺชติ, โส สมุทโย. ทุติโย อนฺโตติ ทุติโย โกฏฺฐาโส. อตีตนฺติ อติ อิตํ อตีตํ, อติกฺกนฺตนฺติ วุตฺตํ โหติ. อนาคตนฺติ น @เชิงอรรถ: ฉ.ม. มุตฺตํ ปสฺสาติ ฉ.ม. วิยตฺเตสูติ ฉ.ม. ตตฺถ

--------------------------------------------------------------------------------------------- หน้าที่ ๒๔๐.

อาคตํ อนาคตํ, อนุปฺปนฺนนฺติ วุตฺตํ โหติ. สุขเวทนาทโย วิสภาควเสน. นามรูปทุกํ นมนรุปฺปนวเสน. อชฺฌตฺติกาทโย อชฺฌตฺตพาหิรวเสน. สกฺกายาทโย ขนฺธปญฺจกานํ ปวตฺติสมุทยวเสน วุตฺตาติ เวทิตพฺพา. สกตฺตภาโวติ อตฺตโน อตฺตภาโว. ปรตฺตภาโวติ ปรสฺส อตฺตภาโว. [๓๗] ทุติยคาถาย ทิฏฺเฐ วาติ ทิฏฺฐสุทฺธิยา วา. เอส นโย สุตาทีสุ. สญฺญาติ สญฺญาสมุฏฺฐาปิกา ทิฏฺฐิ. อปรามสนฺตนฺติ ตณฺหามานทิฏฺฐีหิ น ปรามสนฺตํ. อนภินิวิสนฺตนฺติ ๑- เตเหว อนภินิวิสนฺตํ. "วินิพนฺโธ"ติ วาติ ๒- มาเนน วินิพนฺโธติ วา. "ปรามฏฺโฐ"ติ วาติ ปรโต นิจฺจสุขสุภาทีหิ ปรามฏฺโฐติ วา. วิกฺเขปคโตติ อุทฺธจฺจวเสน. อนิฏฺฐงฺคโตติ วิจิกิจฺฉาวเสน. ถามคโตติ อนุสยวเสน. คติยาติ คนฺตพฺพวเสน. [๓๘] ตติยคาถาย ธมฺมาปิ เตสํ น ปฏิจฺฉิตา เสติ ทฺวาสฏฺฐิทิฏฺฐิคตธมฺมาปิ เตสํ "อิทเมว สจฺจํ, โมฆมญฺญนฺ"ติ ๓- เอวํ น ปฏิจฺฉิตา. ปารงฺคโต น ปจฺเจติ ตาทีติ นิพฺพานปารงฺคโต เตน เตน มคฺเคน ปหีเน กิเลเส ปุน นาคจฺฉติ ปญฺจหิ จ อากาเรหิ ตาทิ โหตีติ. เสสํ ปากฏเมว. วีสติวตฺถุกา สกฺกายทิฏฺฐีติ "รูปํ อตฺตโต สมนุปสฺสตี"ติอาทินา ๔- นเยน เอเกกสฺมึ ขนฺเธ จตูหิ จตูหิ อากาเรหิ ปญฺจกฺขนฺเธ ปติฏฺฐํ กตฺวา ปวตฺตา วิชฺชมาเน กาเย ทิฏฺฐิ. ทสวตฺถุกา มิจฺฉาทิฏฺฐีติ "นตฺถิ ทินฺนนฺ"ติอาทินยปฺปวตฺตา ๕- ทิฏฺฐิ. อนฺตคคาหิกา ทิฏฺฐีติ "สสฺสโต โลโก อิทเมว สจฺจํ, โมฆมญฺญนฺ"ติอาทินยปฺปวตฺตา ๖- เอเกกํ อนฺตํ อตฺถีติ คเหตฺวา ปวตฺตา ทิฏฺฐิ. ยา เอวรูปา ทิฏฺฐีติ @เชิงอรรถ: ฉ.ม. อนภินิเวสนฺตนฺติ. เอวมุปริปิ ฉ.ม. วินิพทฺโธติ วา @ ขุ.อุ. ๒๕/๕๖/๑๙๔ ขุ.ปฏิ. ๓๑/๑๓๑/๑๔๘ อภิ.สงฺ. ๓๔/๑๒๒๑/๒๗๙ @ ม.อุ. ๑๔/๒๗/๒๒

--------------------------------------------------------------------------------------------- หน้าที่ ๒๔๑.

อิทานิ วุจฺจมานานํ เอกูนวีสปทานํ สาธารณํ มูลปทํ. ยา ทิฏฺฐิ, ตเทว ทิฏฺฐิคตํ, ยา ทิฏฺฐิ, ตเทว ทิฏฺฐิคฺคหณนฺติ สพฺโพปิ ๑- สมฺพนฺโธ กาตพฺโพ. ยา อยาถาวทสฺสนฏฺเฐน ทิฏฺฐิ, ตเทว ทิฏฺฐีสุ คตํ ทสฺสนํ ทฺวาสฏฺฐิทิฏฺฐิยา อนฺโตคตตฺตาติ ทิฏฺฐิคตํ. เหฏฺฐาปิสฺส อตฺโถ วุตฺโตเยว. ทฺวินฺนํ อนฺตานํ เอกนฺตคตตฺตาติปิ ทิฏฺฐิคตํ. ตตฺถ สสฺสโตติ นิจฺโจ. โลโกติ อตฺตา. อิธ สรีรํเยว นสฺสติ, อตฺตา ปน อิธ ปรตฺถ จ โสเยวาติ มญฺญนฺติ. โส หิ สามญฺเญว อาโลเกตีติ กตฺวา โลโกติ มญฺญติ. อสสฺสโตติ อนิจฺโจ. อตฺตา สรีเรเนว สห นสฺสตีติ มญฺญนฺติ. อนฺตวาติ ปริตฺเต กสิเณ ฌานํ อุปฺปาเทตฺวา ตํ ปริตฺตกสิณารมฺมณเจตนํ สปริยนฺโต "อตฺตา"ติ มญฺญนฺติ. อนนฺตวาติ น อนฺตวา อปฺปมาเณ กสิเณ ฌานํ อุปฺปาเทตฺวา ตํ อปฺปมาณกสิณารมฺมณเจตนํ อปริยนฺโต "อตฺตา"ติ มญฺญนฺติ. ตํ ชีวํ ตํ สรีรนฺติ ชีโว จ สรีรญฺจ ตํเยว. ชีโวติ อตฺตา, ลิงฺควิปลฺลาเสน นปุํสกวจนํ กตํ. สรีรนฺติ ราสฏฺเฐน ขนฺธปญฺจกํ. อญฺญํ ชีวํ อญฺญํ สรีรนฺติ อญฺโญ ชีโว อญฺญํ ขนฺธปญฺจกํ. โหติ ตถาคโต ปรมฺมรณาติ ขนฺธา อิเธว วินสฺสนฺติ, สตฺโต มรณโต ปรํ โหติ วิชฺชติ น นสฺสติ, ตถาคโตติ เจตํ สตฺตาธิวจนํ ภวติ. ๒- เกจิ ปน "ตถาคโตติ อรหา"ติ วทนฺติ. อิเม น โหตีติ ปกฺเข โทสํ ทิสฺวา เอวํ คณฺหนฺติ. น โหติ ตถาคโต ปรมฺมรณาติ ขนฺธาปิ อิเธว นสฺสนฺติ, ตถาคโต จ มรณโต ปรํ น โหติ อุจฺฉิชฺชติ. อิเม โหตีติ ปกฺเข โทสํ ทิสฺวา เอวํ คณฺหนฺติ. โหติ จ น จ โหตีติ อิเม เอเกกปกฺขปริคฺคเห โทสํ ทิสฺวา อุภยปกฺขํ คณฺหนฺติ. เนว โหติ น น โหตีติ อิเม อุภยปกฺขปริคฺคเห อุภยโทสาปตฺตึ ทิสฺวา "โหติ จ น โหตี"ติ จ "เนว โหติ น น โหตี"ติ จ อมราวิกฺเขปปกฺขํ คณฺหนฺติ. อยมฺปเนตฺถ อฏฺฐกถานโย ๓-:- "สสฺสโต โลโก"ติ วาติอาทีหิ ทสหากาเรหิ ทิฏฺฐิปฺปเภโทว วุตฺโต. ตตฺถ สสฺสโต โลโกติ จ ขนฺธปญฺจกํ โลโกติ คเหตฺวา @เชิงอรรถ: สี.,ฉ.ม. สพฺเพสํ ฉ.ม. สตฺตาธิวจนนฺติ ปฏิสํ.อ. ๒/๖

--------------------------------------------------------------------------------------------- หน้าที่ ๒๔๒.

"อยํ โลโก นิจฺโจ ธุโว สพฺพกาลิโก"ติ คณฺหนฺตสฺส สสฺสตนฺติ คหณาการปฺปวตฺตา ทิฏฺฐิ. อสสฺสโตติ ตเมว โลกํ "อุจฺฉิชฺชติ วินสฺสตี"ติ คณฺหนฺตสฺส อุจฺเฉทคฺคหณา- การปฺปวตฺตา ทิฏฺฐิ. อนฺตวาติ ปริตฺตกสิณลาภิโน สุปฺปมตฺเต วา สราวมตฺเต วา กสิเณ สมาปนฺนสฺส อนฺโตสมาปตฺติยํ วตฺติตรูปารูปธมฺเม "โลโก"ติ จ กสิณปริจฺเฉทนฺเตน "อนฺตวา"ติ จ คณฺหนฺตสฺส "อนฺตวา โลโก"ติ คหณาการปฺปวตฺตา ทิฏฺฐิ. สา สสฺสตทิฏฺฐิปิ โหติ อุจฺเฉททิฏฺฐิปิ. วิปุลกสิณลาภิโน ปน ตสฺมึ กสิเณ สมาปนฺนสฺส อนฺโตสมาปตฺติยํ วตฺติตรูปารูปธมฺเม "โลโก"ติ จ กสิณปริจฺเฉทนฺเตน จ "อนนฺโต"ติ คณฺหนฺตสฺส "อนนฺตวา โลโก"ติ คหณาการปฺปวตฺตา ทิฏฺฐิ. สา สสฺสตทิฏฺฐิปิ โหติ อุจฺเฉททิฏฺฐิปิ. ตํ ชีวํ ตํ สรีรนฺติ "เภทนธมฺมสฺส สรีรสฺเสว ชีวนฺ"ติ คหิตตฺตา "สรีเร อุจฺฉิชฺชมาเน ชีวมฺปิ อุจฺฉิชฺชตี"ติ อุจฺเฉทคฺคหณาการปฺปวตฺตา ทิฏฺฐิ. ทุติยปเทน สรีรโต อญฺญสฺส ชีวสฺส คหิตตฺตา "สรีเร จ อุจฺฉิชฺชมาเนปิ ชีวํ น อุจฺฉิชฺชตี"ติ สสฺสตคฺคหณาการปฺปวตฺตา ทิฏฺฐิ. โหติ ตถาคโตติอาทีสุ "สตฺโต ตถาคโต นาม, โส ปรมฺมรณา โหตี"ติ คณฺหโต ปฐมา สสฺสตทิฏฺฐิ. "น โหตี"ติ คณฺหโต ทุติยา อุจฺเฉททิฏฺฐิ. "โหติ จ น จ โหตี"ติ คณฺหโต ตติยา เอกจฺจสสฺสตทิฏฺฐิ. "เนว โหติ น น โหตี"ติ คณฺหโต จตุตฺถา อมราวิกฺเขปทิฏฺฐีติ วุตฺตปฺปการา ทสวิธา ทิฏฺฐิ. ยถาโยคํ ภวทิฏฺฐิ จ วิภวทิฏฺฐิ จาติ ทฺวิธา โหติ. ตาสุ เอกาปิ เตสํ ขีณาสวานํ น ปฏิจฺฉิตาติ อตฺโถ. เย กิเลสาติ เย กิเลสา โสตาปตฺติมคฺเคน ปหีนา, เต กิเลเส. น ปุเนตีติ น ปุน เอติ. น ปจฺเจตีติ ปุน นิพฺพตฺเตตฺวา น ปฏิเอติ, น ปจฺจาคจฺฉตีติ ปจฺจภเว นาคจฺฉติ. ปญฺจหากาเรหิ ตาทีติ ปญฺจหิ การเณหิ โกฏฺฐาเสหิ วา สทิโส. อิฏฺฐานิฏฺเฐ ตาทีติ อิฏฺฐารมฺมเณ จ อนิฏฺฐารมฺมเณ จ อนุนยปฏิฆํ มุญฺจิตฺวา ฐิตตฺตา ทฺวีสุ สทิโส. จตฺตาวีติ กิเลเส จชิตวา. ติณฺณาวีติ สํสารํ อติกฺกมิตวา. มุตฺตาวีติ ราคาทิโต มุตฺตวา. ตํนิทฺเทสา ตาทีติ เตน เตน สีลสทฺธาทินา นิทฺทิสิตฺวา นิทฺทิสิตฺวา กเถตพฺพโต สทิโส.

--------------------------------------------------------------------------------------------- หน้าที่ ๒๔๓.

ตํ ปญฺจวิธํ วิตฺถาเรตฺวา กเถตุกาโม "กถํ อรหา อิฏฺฐานิฏฺเฐ ตาที"ติอาทิมาห. ตตฺถ ลาเภปีติ จตุนฺนํ ปจฺจยานํ ลาเภปิ. อลาเภปีติ เตสํ อลาเภปิ. ยเสปีติ ปริวาเรปิ. อยเสปีติ ปริวารวิปตฺติยาปิ. ปสํสายปีติ วณฺณภณนายปิ. นินฺทายปีติ ครหายปิ. สุเขปีติ กายิกสุเขปิ. ทุกฺเขปีติ กายิกทุกฺเขปิ. เอกํ เจ พาหํ คนฺเธน ลิมฺเปยฺยุนฺติ สเจ เอกํ พาหํ จตุชาติยคนฺเธน เลปํ อุปรูปริ ทเทยฺยุํ. วาสิยา ตจฺเฉยฺยุนฺติ ยทิ เอกํ พาหํ วฑฺฒกี วาสิยา ตจฺเฉตฺวา ตจฺเฉตฺวา ตนุํ กเรยฺยุํ. อมุสฺมึ นตฺถิ ราโคติ อมุสฺมึ คนฺธเลปเน สิเนโห นตฺถิ น สํวิชฺชติ. อมุสฺมึ นตฺถิ ปฏิฆนฺติ อมุสฺมึ วาสิยา ตจฺฉเน ปฏิหนนสงฺขาตํ ปฏิฆํ โกปํ นตฺถิ น สํวิชฺชติ. อนุนยปฏิฆวิปฺปหีโนติ สิเนหญฺจ โกปญฺจ ปชหิตฺวา ฐิโต. อุคฺฆาตินิคฺฆาติวีติวตฺโตติ อนุนยวเสน อนุคฺคหญฺจ ปฏิฆวเสน นิคฺคหญฺจ อติกฺกมิตฺวา ฐิโต. อนุโรธวิโรธสมติกฺกนฺโตติ อนุนยญฺจ ปฏิฆญฺจ สมฺมา อติกฺกนฺโต. สีเล สตีติ สีเล สํวิชฺชมาเน. สีลวาติ สีลสมฺปนฺโน. เตน นิทฺเทสํ กถนํ ลภตีติ ตาที. สทฺธาย สติ สทฺโธติ เอวมาทีสุปิ เอเสว นโย. สทฺธมฺมปชฺโชติกาย มหานิทฺเทสฏฺฐกถาย ปรมฏฺฐกสุตฺตนิทฺเทสวณฺณนา นิฏฺฐิตา. ปญฺจมํ. -------------------


             อรรถกถาภาษาบาลีอักษรไทย เล่มที่ ๔๕ หน้า ๒๓๗-๒๔๓. http://84000.org/tipitaka/atthapali/th_line.php?B=45&A=5510&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=45&A=5510&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=29&i=146              เนื้อความพระไตรปิฎกฉบับหลวง :- http://84000.org/tipitaka/read/r.php?B=29&A=2240              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=29&A=2417              The Pali Tipitaka in Roman Character :- http://84000.org/tipitaka/read/roman_read.php?B=29&A=2417              สารบัญพระไตรปิฎกเล่มที่ ๒๙ http://84000.org/tipitaka/read/?index_29

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]