ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                        ๔. สมฺพหุลสุตฺตวณฺณนา
      [๒๒๔] จตุตฺเถ สมฺพหุลาติ พหู สุตฺตนฺติกา อาภิธมฺมิกา วินยธรา จ.
วิหรนฺตีติ สตฺถุ สนฺติเก กมฺมฏฺฐานํ คเหตฺวา วิหรนฺติ. ปกฺกมึสูติ เต กิร ตสฺมึ
ชนปเท อญฺญตรํ คามํ อุปสงฺกมนฺเต ทิสฺวาว มนุสฺสา ปสนฺนจิตฺตา อาสนสาลาย
โกชวตฺถรณาทีนิ ๑- ปญฺญาเปตฺวา ยาคุขชฺชกํ ๒- ทตฺวา อุปนิสีทึสุ. มหาเถโร เอกํ
ธมฺมกถิกํ "ธมฺมํ กเถหี"ติ อาห. โส จิตฺตธมฺมกถํ กเถสิ. มนุสฺสา ปสีทิตฺวา
โภชนเวลาย ปณีตโภชนํ อทํสุ. มหาเถโร มนุญฺญํ ภตฺตานุโมทนํ อกาสิ.
มนุสฺสา ภิยฺโยโส มตฺตาย ปสนฺนา "อิเธว ภนฺเต เตมาสํ วสถา"ติ ปฏิญฺญํ
กาเรตฺวา คมนาคมนสมฺปนฺเน ฐาเน เสนาสนานิ กาเรตฺวา จตูหิ ปจฺจเยหิ
อุปฏฺฐหึสุ. มหาเถโร วสฺสูปนายิกทิวเส ภิกฺขู โอวทิ "อาวุโส ตุเมฺหหิ ครุกสฺส
สตฺถุ สนฺติเก กมฺมฏฺฐานํ คหิตํ, พุทฺธปาตุภาโว นาม ทุลฺลโภ มาสสฺส อฏฺฐ
ทิวเส ธมฺมสฺสวนํ กตฺวา คณสงฺคณิกํ ปหาย อปฺปมตฺตา วิหรถา"ติ. เต ตโต
@เชิงอรรถ:  อิ. โกชวฏฺฐรณาทีนิ         ฉ.ม. ยาคุขชฺชกานิ, อิ. ยาคุขชฺชกาทีนิ
ปฏฺฐาย ยุญฺชนฺติ ฆเฏนฺติ. กทาจิ สพฺพรตฺติกํ ๑- ธมฺมสฺสวนํ กโรนฺติ, กทาจิ
ปญฺหํ วิสฺสชฺเชนฺติ, กทาจิ ปธานํ กโรนฺติ. เตสํ ธมฺมสฺสวนทิวเส ธมฺมํ
กเถนฺตานํเยว อรุณํ ๒- อุคฺคจฺฉติ. ปญฺหวิสฺสชฺชนทิวเส พฺยตฺโต ภิกฺขุ ปญฺหํ
ปุจฺฉติ, ปณฺฑิโต วิสฺสชฺเชตีติ ปุจฺฉนวิสฺสชฺชนํ กโรนฺตานํเยว. ปธานทิวเส
สุริยตฺถงฺคมเน คณฺฑึ ปหริตฺวาว จงฺกมํ โอตริตฺวา ปธานํ กโรนฺตานํเยว. เต เอวํ
วสฺสํ วสิตฺวา ปวาเรตฺวา ปกฺกมึสุ. ตํ สนฺธาเยตํ วุตฺตํ. ปริเทวมานาติ "อิทานิ
ตถารูปํ มธุรํ ธมฺมสฺสวนปญฺหกถนํ ๓- กุโต ลภิสฺสามี"ติอาทีนิ วตฺวา โรทมานา.
      ขายตีติ ปญฺญายติ อุปฏฺฐาติ. โกเมติ กหํ อิเม. วชฺชิภูมิยาติ
วชฺชีรฏฺฐาภิมุขคตา. ๔- มคา ๕- วิยาติ ยถา มคา ตสฺมึ ปพฺพตปาเท วา วนสณฺเฑ
วา วิจรนฺตา "อิทํ อมฺหากํ มาตุสนฺตกํ ปิตุสนฺตกํ ปเวณิอาคตนฺ"ติ อคเหตฺวา
ยตฺเถว เนสํ โคจรผาสุตา จ โหติ ปริปนฺถาภาโว จ, ตตฺถ วิหรนฺติ. เอวํ
อนิเกตา อเคหา ภิกฺขโวปิ "อยํ อาวุโส อมฺหากํ อาจริยูปชฺฌายานํ สนฺตโก
ปเวณิอาคโต"ติ อคเหตฺวา ยตฺเถว เนสํ อุตุสปฺปายํ โภชนสปฺปายํ เสนาสนสปฺปายํ
ปุคฺคลสปฺปายํ ๖- ธมฺมสฺสวนสปฺปายํ จ สุลภํ โหติ, ตตฺถ วิหรนฺติ. จตุตฺถํ.



             อรรถกถาภาษาบาลีอักษรไทย เล่มที่ ๑๑ หน้า ๒๗๕-๒๗๖. http://84000.org/tipitaka/atthapali/th_line.php?B=11&A=7120&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=7120&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=768              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6443              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5729              The Pali Tipitaka in Roman Character :- http://84000.org/tipitaka/read/roman_read.php?B=15&A=5729              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]