Atthakatha Book 2 : PALI ROMAN
Vinaya.A. (samanta.2)

     {350} Chatthasikkhapade. Bhaggati janapadassetam namam. Sumsumaragiranti
nagarassa namam. Bhesakalavananti tannissitavanassa namam.
Tam pana miganam phasuviharatthaya dinnatta migadayati vuccati.
Samadahitvati jaletva. Paripatesiti anubandhi. {354-355} Sayam samadahatiti
ettha jotim samadahitukamataya aranisanthapanato patthaya yava
jala na utthahati tava sabbapayogesu dukkatam. {352} Padipepiti
padipujjalanepi. Jotikepiti pattapacanasedakammadisu jotikarane.
Tatharupapaccayati padipadipaccaya. Patilatam ukkhipatiti dayhamanam
alatam patati tam ukkhipati puna yathathane thapetiti attho. Evam
avijjhatam ukkhipitva pakkhipantasseva dukkatam. Vijjhatam pana
jalapentassa pacittiyameva. {356} Tatharupapaccayati thapetva padipadini
annenapi tatharupena paccayena samadahantassa anapatti.
Apadasuti sappadatthacoraruddhabalamigaamanussehi upaddavo hoti
Tattha samadahantassapi anapatti. Sesam uttanameva.
Chassamutthanam kiriya nosannavimokkham acittakam pannattivajjam
kayakammam vacikammam ticittam tivedananti.
                 Jotisamadahanasikkhapadam chattham.


             The Pali Atthakatha in Roman Book 2 page 454-455.
http://84000.org/tipitaka/atthapali/rm_line.php?B=2&A=9582&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=9582&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=2&i=604
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=12198
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=7100
             The Pali Tipitaka in Roman Character :-
http://84000.org/tipitaka/read/roman_read.php?B=2&A=7100
             Contents of The Tipitaka Volume 1
http://84000.org/tipitaka/read/?index_2