AtthaPali Vol.2

{570} Catutthasikkhapade. Avaruddha hontiti pativiruddha honti. {573} Pancannam patisamviditanti pancasu sahadhammikesu yankinci pesetva khadaniyam va bhojaniyam va aharissamati patisamviditam katampi apatisamviditamevati attho. Aramam aramupacaram thapetvati arannakasenasanaramam ca tassa upacaram ca thapetva upacarato nikkhantam antaramagge bhikkhum disva va gamam agatassa va patisamviditam katampi apatisamviditameva hotiti veditabbam. Sace sasankam hoti

--------------------------------------------------------------------------------------------- page491.

Sasankanti acikkhitabbanti kasma acikkhitabbam. Arame core vasante amhakam narocentiti vacanaparimocanattham. Cora vattabba manussa idhupacarantiti kasma vattabba. Attano upatthakehi amhe ganhapentiti vacanaparimocanattham. Yaguya patisamvidite tassa parivaro ahariyatiti yaguya patisamviditam katva kim suddhayaguya dinnaya puvabhattadinipi etissa yaguya parivaram katva dassamati evam yankinci aharanti sabbam patisamviditameva hoti. Bhattena patisamviditetiadisupi eseva nayo. Asukannama kulam patisamviditam katva khadaniyadini gahetva gacchatiti sutva annanipi tena saddhim attano deyyadhammam aharanti vattati. Yaguya patisamviditam katva puvam va bhattam va aharanti etampi vattatiti kurundiyam vuttam. {575} Gilanassati apatisamviditepi gilanassa anapatti. Patisamvidite va gilanassa va sesakanti ekassatthaya patisamviditam katva ahatam tassa sesakam annassapi bhunjitum vattati. Catunnam va pancannam va patisamviditam katva bahum ahatam hoti annesampi datum icchanti. Etampi patisamviditasesakameva sabbesampi vattati. Atha adhikameva hoti sannidhim mocetva thapitam dutiyadivasepi vattati. Gilanassa ahatavasesepi eseva nayo. Yam pana apatisamviditameva katva ahatam tam bahiaramam pesetva patisamviditam karetva aharapetabbam. Bhikkhuhi va gantva antaramagge gahetabbam. Yampi viharamajjhena gacchanta va

--------------------------------------------------------------------------------------------- page492.

Vanacarakadayo va vanato aharitva denti purimanayeneva patisamviditam karetabbam. Tattha jatakanti arame jatakameva mulakhadaniyadim annena kappiyam katva dinnam paribhunjato anapatti. Sace pana nam gamam haritva pacitva aharanti na vattati patisamviditam karetabbam. Sesamettha uttanameva. Kathinasamutthanam kiriyakiriyam nosannavimokkham acittakam pannattivajjam kayakammam vacikammam ticittam tivedananti. Catutthapatidesaniyam samattam vannanakkamenati. Samantapasadikaya vinayasamvannanaya patidesaniyavannana nitthita. ---------------

The Pali Atthakatha in Roman Book 2 page 490-492. http://84000.org/tipitaka/atthapali/rm_line.php?B=2&A=10338&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=10338&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=2&i=794 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=15053 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=9492 The Pali Tipitaka in Roman Character :- http://84000.org/tipitaka/read/roman_read.php?B=2&A=9492 Contents of The Tipitaka Volume 1 http://84000.org/tipitaka/read/?index_2