ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter
Atthakatha Book 12 : PALI ROMAN Sam.A. (sarattha.2)

page171.

2. Pubbesambodhasuttavannana [115] Dutiye ayam pathavidhatuya assadoti ayam pathavidhatunissayo assado. Svayam kayam abbhunnametva udaram pasaretva "idha me angulam pavesitum vayamatha"ti va hattham pasaretva "imam nametum vayamatha"ti vadati, evam pavattanam vasena veditabbo. Aniccatiadisu hutva abhavakarena anicca, patipilanakarena dukkha, sabhavavigamakarena viparinamadhamma. Ayam pathavidhatuya adinavoti yena akarena sa anicca dukkha viparinamadhamma, ayamakaro pathavidhatuya adinavoti attho. Chandaragavinayo chandaragapahananti nibbanam agamma pathavidhatuya chandarago viniyati ceva pahiyyati ca, tasma nibbanamassa nissaranam. Ayam apodhatuya assadoti ayam apodhatunissayo assado. Svayam annam apodhatuya upaddutam disva "kim ayam nipannakalato patthaya passavatthanabhimukho nikkhamati ceva pavisati ca, appamattakampissa kammam karontassa sedatintam vatthampi 1- piletabbatakaram papunati, anumodanamattampi kathentassa talavantam 2- ganhitabbam hoti, mayam pana sayam nipanna patova utthahama, masapunnaghato 3- viya no sariram, mahakammam karontanam sedamattampi no na uppajjati, asanisaddena viya dhammam kathentanam sarire usumakaramattamapi no natthi"ti evam pavattanam vasena veditabbo. Ayam tejodhatuya assadoti ayam tejodhatunissayo assado. Svayam sitagahanike disva "kim ime kincideva yagubhattakhajjakamattam ajjhoharitva thaddhakucchino nisiditva sabbarattim angarakataham pariyesanti, phusitamattesupi @Footnote: 1 ka. sede sati tam vatthampi @2 Si. talapannam 3 Si. sampunnaghato

--------------------------------------------------------------------------------------------- page172.

Sarire patitesu angarakataham ottharitva 1- parupitvava nipajjanti, mayam pana atithaddhampi mamsam va puvam va khadama, kucchipuram bhattam bhunjama, tavadeva no sabbam phenupindo 2- viya viliyati, sattahavaddalikaya vattamanaya sarire sitanudahanamattampi no natthi"ti evam pavattanam vasena veditabbo. Ayam vayodhatuya assadoti ayam vayodhatunissayo assado. Svayam anne vatabhiruke disva "imesam appamattakampi kammam karontanam anumodanamattampi kathentanam sariram vato vijjhati, gavutamattampi addhanam gatanam hatthapada sidanti, pitthi rujjati, kucchivatasariravatakannavatadihi 3- niccupadduta telaphanitadini vatabhesajjaneva karonta atinamenti, amhakam pana mahakammam karontanampi tiyamarattim dhammam kathentanampi ekadivaseneva dasa yojanani gacchantanampi hatthapadasamsidanamattam va pitthirujjanamattam va na hoti"ti evam pavattanam vasena veditabbo. Evam pavatta hi eta dhatuyo assadenti nama. Abbhannasinti abhivisitthena nanena annasim. Anuttaram sammasambodhinti uttaravirahitam sabbasettham samma samanca bodhim, athava settham 4- sundaranca bodhim. Bodhiti rukkhopi maggopi sabbannutananampi nibbanampi. "bodhirukkhamule pathamabhisambuddho"ti 5- ca "antara ca bodhim antara ca gayan"ti 6- ca agatatthanesu hi rukkho "bodhiti vuccati. "bodhi vuccati catusu maggesu nanan"ti 7- agatatthane maggo. "pappoti bodhim varabhurimedhaso"ti 8- agatatthane sabbannutananam. "patvana bodhim amatam asankhatan"ti agatatthane nibbanam. Idha pana bhagavato arahattamaggo adhippeto. @Footnote: 1 Si.,i. otaritva 2 Si., i. khelapindo @3 cha.Ma., i. kucchivatasisavatakannavatadihi 4 cha.Ma., i, pasattham @5 vi. maha. 4/1/1, khu.u. 25/1/93 6 vi. maha. 4/10/11, Ma.mu. 12/285/246 @7 khu. cula. 30/595/292 (sya) 8 di.pa. 11/216/137

--------------------------------------------------------------------------------------------- page173.

Savakanam arahattamaggo anuttara bodhi hoti, na hotiti? na hoti. Kasma? asabbagunadayakatta. Tesam hi kassaci arahattamaggo arahattaphalameva deti, kassaci tisso vijja, kassaci cha abhinna, kassaci catasso patisambhida, kassaci savakaparaminanam. Paccekabuddhanampi paccekabodhinanameva deti. Buddhanam pana sabbagunasampattim deti abhiseko viya ranno sabbalokissariyabhavam. Tasma annassa kassacipi anuttara bodhi na hoti. Abhisambuddhoti paccannasinti "abhisambuddho aham patto 1- pativijjhitva thito"ti evam patijanim. Nananca pana me dassanam udapaditi adhigatagunadassanasamattham paccavekkhananananca me udapadi. Akuppa me vimuttiti "ayam mayham arahattaphalavimutti akuppa"ti evam nanam udapadi. Tattha dvihakarehi akuppata veditabba. Karanato ca arammanato ca. Sa hi catuhi maggehi samucchinnakilesanam puna anivattanataya karanatopi akuppa, akuppadhammam nibbanam arammanam katva pavattataya arammanatopi akuppa. Antimati pacchima. Natthi dani punabbhavoti idani puna anno bhavo nama natthiti. Imasmim sutte cattari saccani kathitani. Katham? catusu hi dhatusu assado Samudayasaccam, adinavo dukkhasaccam, nissaranam nirodhasaccam, nirodhappajanano maggo maggasaccam. Vittharavasenapi kathetum vattatiyeva. Ettha hi yam pathavidhatum paticca uppajjati sukham somanassam, ayam pathavidhatuya assadoti pahanapativedho samudayasaccam. Ya pathavidhatu anicca dukkha viparinamadhamma, ayam pathavidhatuya adinavoti parinnapativedho dukkhasaccam. Yo pathavidhatuya chandaragavinayo chandaragappahanam, idam pathavidhatuya nissarananti sacchikiriyaya pativedho nirodhasaccam. Ya @Footnote: 1 Si. abhisampatto

--------------------------------------------------------------------------------------------- page174.

Imesu tisu thanesu ditthi sankappo vaca kammanto ajivo vayamo sati samadhi, ayam 1- bhavanapativedho maggasaccanti. Dutiyam.


             The Pali Atthakatha in Roman Book 12 page 171-174. http://84000.org/tipitaka/atthapali/rm_line.php?B=12&A=3824&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=3824&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=16&i=404              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=4533              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=4088              The Pali Tipitaka in Roman Character :- http://84000.org/tipitaka/read/roman_read.php?B=16&A=4088              Contents of The Tipitaka Volume 16 http://84000.org/tipitaka/read/?index_16

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]