AtthaPali Vol.11

4. Mahasalasuttavannana [200] Catutthe lukho lukhapapuranoti ^2- jinno jinnapapurano. ^3- Upasankamiti kasma upasankami? tassa kira ghare atthasatahassasadhanam ahosi. So catunnam puttanam avaham katva cattari satahassani adasi. Athassa brahmaniya kalakataya putta sammantayimsu "sace annam brahmanim anessati, tassa kucchiyam nibbattanam vasena kulam bhijjissati. Handa nam mayam sanganhama"ti. Te cattaropi panitehi ghasacchadanadihi upatthahanta hatthapadasambahanadini karonta sanganhitva ekadivasam diva niddayitva vutthitassa hatthapade sambahamana patiyekkam gharavase adinavam vatva "mayam tumhe imina niharena yavajivam upatthahissama, sesadhanampi no detha"ti yacimsu. Brahmano puna ekekassa satasahassam satasahassam datva attano nivatthaparupanamattam thapetva sabbam upabhogaparibhogam cattaro kotthase katva niyyadesi. Tam jetthaputto katipaham upatthahi. Atha nam ekadivasam nhatva agacchantam dvarakotthake thatva sunha evamaha "kintaya jetthaputtassa satam va sahassam va atirekam dinnamatthi, nanu @Footnote: ¹ cha.Ma. tavatakeneva ² cha.Ma. lukhapavuranoti ³ cha.Ma....pavurano

--------------------------------------------------------------------------------------------- page248.

Sabbesam dve dve satasahassani dinnani, kim sesaputtanam gharassa maggam na janasi"ti. So "vinassa ^1- vasali"ti. Kujjhitva annassa gharam agamasi, tatopi katipahaccayena iminava upayena palapito annassati evam ekagharepi pavesanam alabhamano pandarangapabbajjam pabbajitva bhikkhaya caranto kalanam accayena jarajinno dubbhojanadukkhaseyyahi milatasariro bhikkhacarato ^2- agamma pithakaya nipanno niddam okkamitva vutthaya nisinno attanam oloketva puttesu patittham apassanto cintesi "samano kira gotamo abbhakutiko uttanamukho sukhasambhaso patisantharakusalo, sakka samanam gotamam upasankamitva patisantharam labhitun"ti nivasanaparupanam ^3- santhapetva bhikkhabhajanamadaya yena bhagava tenupasankami. Darehi sampuccha ghara nikkhamentiti sabbam mama santakam gahetva mayham niddhanabhavam natva attano bhariyahi saddhim mantayitva mam ghara nikkaddhanti. ^4- Nandissanti nandijato tuttho pamodito ahosim. bhavamicchisanti vuddhim patthayim. Sava varenti sukaranti yatha sunakha vaggavagga hutva bhussanta bhussanta ^5- sukaram varenti, punappunam maharavam ravapenti, evam darehi saddhim mam bahum vatva viravantam palapentiti ^6- attho. Asantati asappurisa. Jammati lamaka. Bhasareti bhasanti. Puttarupenati puttavesena. Vayogatanti tayo vaye gatam atikkantam pacchimavaye thitam mam. Jahantiti pariccajanti. Nibbhogoti nipparibhogo. Khadana apaniyatiti asso hi yavadeva taruno hoti javasampanno, tavassa nanarasam khadanam dadanti, jinnam nibbhogam tato apanenti, antimavaye tam vattam ^7- na labhati, gavihi saddhim ataviyam sukkhatinani khadanto carati. Yatha so asso, evam jinnakale viluttasabbadhanatta nibbhogo madisopi balanam pita thero paragaresu bhikkhati. @Footnote: ¹ cha.Ma. nassa ² Si., Ma. bhikkhaya caranto ³ cha.Ma. nivasanapavuranam @⁴ cha.Ma. nikkaddhapenti ⁵ Ma. bhassanta bhassanta ⁶ Si., Ma. palapesunti @⁷ Si. vuttim

--------------------------------------------------------------------------------------------- page249.

Yanceti nipato. Idam vuttam hoti:- ye mama putta anassava appatissa avasavattino, tehi dandova kira seyyo sundarataroti. Idanissa seyyabhavam dassetum candampi gonantiadi vuttam. Pure hotiti aggato hoti, tam purato katva gantum sukham hotiti attho. Gadhamedhatiti udakam otaranakale gambhire udake patittham labhati. Pariyapunitvati ugganhitva vacuggata katva. Sannisinnesuti tatharupe brahmananam samagamadivase sabbalankarapatimanditesu puttesu tam sabham ogahetva brahmananam majjhe maharahe asane nisinnesu. Abhasiti "ayam me kalo"ti sabhamajjham ^1- pavisitva hattham ukkhipitva "bho aham tumhakam gatha bhasitukamo, bhasite sunissatha"ti "bhasa bhasa ^2- brahmana sunoma"ti vutto thitakova abhasi. Tena ca samayena manussanam vattam hoti "yo matapitunam santakam khadanto matapitaro na poseti, so maretabbo"ti. Tasma te brahmanaputta pitu padesu nipatitva "jivitam no tata dehi"ti yacimsu. So pituhadayassa puttanam mudutta "ma me bho balake vinasayittha, posissanti man"ti aha. Athassa putte manussa ahamsu "sace bho ajja patthaya pitaram na samma patijaggissatha, ghatessama vo"ti. Te bhita gharam netva patijaggimsu. Tam dassetum athakho nam brahmanamahasalantiadi vuttam. Tattha netvati pithe ^3- nisidapetva sayam ukkhipitva nayimsu. Nhapetvati sariram telena abbhanjitva ubbattetva gandhacunnadihi nhapesum. Brahmaniyopi pakkosapetva "ajja patthaya amhakam pitaram samma patijaggatha, sace pamadam apajjissatha, gharato vo nikkaddhissama"ti vatva panitabhojanam ^4- bhojesum. Brahmano subhojananca sukhaseyyanca agamma katipahamyeva ^5- sanjatabalo pinitindriyo attabhavam oloketva "ayam me sampatti samanam gotamam nissaya laddha"ti pannakaram adaya bhagavato santikam agamasi. Tam dassetum athakho @Footnote: ¹ cha.Ma. sabhaya majjhe ² cha.Ma. ayam patho na dissati ³ Si. pitheasane @⁴ Ma. panitabhojanehi ⁵ cha. katipahaccayena, Ma. katipahasseva

--------------------------------------------------------------------------------------------- page250.

Sotiadi vuttam. Tattha etadavocati dussayugam padamule thapetva etam avoca. Saranagamanavasanevapi ^1- bhagavantam evamaha "bho gotama mayham puttehi cattari dhuvabhattani ^2- dinnani, tato aham dve tumhakam dammi, dve sayam paribhunjissami"ti. Kalyanam brahmana, patiyekkam pana ma niyyadehi, amhakam ruccanatthanameva gamissamati. "evam bho"ti kho brahmano bhagavantam vanditva gharam gantva putte amantesi "tata samano gotamo mayham sahayo, tassa me dve dhuvabhattani dinnani, tumhe tasmim sampatte ma pamajjatha"ti. Sadhu tatati. Punadivase bhagava pubbanhasamaye pattacivaramadaya jetthaputtassa nivesanadvaram gato. So sattharam disvava hatthato pattam gahetva gharam pavesetva maharahe pallanke nisidapetva panitabhojanamadasi. Sattha punadivase itarassa, punadivase itarassati patipatiya sabbesam gharani agamasi. Sabbe tatheva sakkaram akamsu. Athekadivasam jetthaputtassa ghare mangalam paccupatthitam. So pitaram aha "tata kassa mangalam dema"ti. Amhe kam ^3- annam na janama, nanu samano gotamo mayham sahayoti. Tenahi tumhe pancahi bhikkhusatehi sadadhim svatanaya samanam gotamam nimantethati. Barahmano tatha akasi. Bhagava adhivasetva punadivase bhikkhusamghaparivuto tassa gehadajavaram agamasi. So haritupalittam sabbalankara- patimanditam geham sattharam pavesetva buddhappamukham bhikkhusamgham pannattasanesu nisidapetva appodakapayasanceva khajjakavikatinca adasi. Atha ^4- antarabhattasmimyeva brahmanassa cattaropi putta satthu santike nisiditva ahamsu "bho gotama mayam amhakam pitaram patijaggama nappamajjama, passathassa attabhavan"ti. Sattha "kalyanam vo katam, matapituposanam ^5- nama poranakapanditanam acinnameva"ti vatva nagarajajatakam ^6- nama kathetva cattari saccani dipetva dhammam desesi. Desanapariyosane brahmano saddhim catuhi ca puttehi catuhi ca sunhahi @Footnote: ¹ cha.Ma.... vasane capi ² cha.Ma.... dhurabhattani, evamuparipi @³ cha.Ma. ayam patho na dissati ⁴ cha.Ma. atha-saddo na dissati ⁵ cha.Ma. matapituposakam @⁶ cha.Ma., i. mahanagajatakam, khu. ja. ekadasaka. 27/1493adi/353, @khu. cariya. 33/11/568 silavanagacariya (sya)

--------------------------------------------------------------------------------------------- page251.

Desananusarena nanam pesetva sotapattiphale patitthito. Tato patthaya sattha na sabbakalam tesam geham agamasiti. Catuttham.

The Pali Atthakatha in Roman Book 11 page 247-251. http://84000.org/tipitaka/atthapali/rm_line.php?B=11&A=6421&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=6421&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=689 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=5687 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=5045 The Pali Tipitaka in Roman Character :- http://84000.org/tipitaka/read/roman_read.php?B=15&A=5045 Contents of The Tipitaka Volume 15 http://84000.org/tipitaka/read/?index_15