ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๕๕ ภาษาบาลีอักษรไทย ปญฺจ.อ. (ปรมตฺถที.)

                     ๑๕. อาหารปจฺจยนิทฺเทสวณฺณนา
     [๑๕] อาหารปจฺจยนิทฺเทเส กพฬิงฺกาโร อาหาโรติ จตุสนฺตติสมุฏฺฐาเน
รูเป โอชา อาหาโร นาม. โส ปน ยสฺมา กพฬํ กตฺวา อชฺโฌหริโตว
@เชิงอรรถ:  ฉ.ม. สาวเสสวเสน เทสนา    ฉ.ม. สมฺปยุตฺตธมฺมานํ
@ ฉ.ม. สมฺปยุตฺตกฺขนฺธานญฺเญว
อาหารกิจฺจํ กโรติ, น พหิฏฺฐิโต, ตสฺมา อาหาโรติ อวตฺวา "กพฬิงฺกาโร
อาหาโร"ติ วุตฺตํ. กพฬํ กริตฺวา อชฺโฌหริตพฺพวตฺถุกตฺตา วา กพฬิงฺกาโรติ
นามมตฺตเมเวตํ ๑- ตสฺส. อรูปิโน อาหาราติ ผสฺสเจตนาวิญฺญาณาหารา.
ตํสมุฏฺฐานานนฺติ อิธาปิ กมฺมสมุฏฺฐานานิ คหิตาเนว. วุตฺตเญฺหตํ ปญฺหาวาเร:-
ปฏิสนฺธิกฺขเณ วิปากาพฺยากตา อาหารา สมฺปยุตฺตกานํ ขนฺธานํ กฏตฺตา จ
รูปานํ อาหารปจฺจเยน ปจฺจโยติ. อยํ ตาเวตฺถ ปาลิวณฺณนา.
     อยํ ปน อาหารปจฺจโย สงฺเขปโต กพฬิงฺกาโร อาหาโร ผสฺโส เจตนา
วิญฺญาณนฺติ จตฺตาโรว ธมฺมา โหนฺติ. ตตฺถ ฐเปตฺวา กพฬิงฺการาหารํ เสสา
ตโย อรูปาหารา ชาติวเสน กุสลากุสลวิปากกิริยาเภทโต จตุธา ภิชฺชนฺติ. ปุน
ภูมิเภเทน กุสโล จตุธา, อกุสโล เอกธา, วิปาโก จตุธา, กิริยา ติธาติ เอวํ
อเนกธา ภิชฺชนฺติ. กพฬิงฺกาโร อาหาโร ปน ชาติโต อพฺยากโต, ภูมิโต
กามาวจโรวาติ เอวเมตฺถ นานปฺปการเภทโต วิญฺญาตพฺโพ วินิจฺฉโย.
     เอวํ ภินฺเน ปเนตฺถ จตุภูมิกาปิ ตโย กุสลาหารา ปญฺจโวกาเร อตฺตนา
สมฺปยุตฺตธมฺมานญฺเจว จิตฺตสมุฏฺฐานรูปสฺส จ อาหารปจฺจเยน ปจฺจโย, ฐเปตฺวา
ปน รูปาวจรํ อวเสสา อรูเป สมฺปยุตฺตธมฺมานญฺเญว อาหารปจฺจเยน ปจฺจโย.
อกุสลาหาเรสุปิ เอเสว นโย. จตุภูมิกวิปากาหารา ปน สพฺพตฺถ สมฺปยุตฺตกานํ
อาหารปจฺจยา โหนฺติ. กามาวจรรูปาวจรวิปากา ปเนตฺถ ปญฺจโวกาเร อุปฺปชฺชมานา
ปวตฺเต จิตฺตสมุฏฺฐานรูปสฺส ปฏิสนฺธิยํ กฏตฺตารูปสฺสาปิ อาหารปจฺจยา โหนฺติ.
โลกุตฺตรา ปน จิตฺตสมุฏฺฐานรูปสฺเสว, อรูเป อุปฺปนฺนา รูปสฺส ปจฺจยา น
โหนฺติ. เตภูมิกาปิ ตโย กิริยาหารา ปญฺจโวกาเร สมฺปยุตฺตธมฺมานญฺเจว
จิตฺตสมุฏฺฐานรูปสฺส จ, กามาวจรารูปาวจรา ปน อรูเป สมฺปยุตฺตธมฺมานญฺเญว
อาหารปจฺจเยน ปจฺจโย. จตุสนฺตติสมุฏฺฐาโน กพฬิงฺการาหาโร กิญฺจาปิ "อิมสฺส
@เชิงอรรถ:  ฉ.ม. นามเมตํ
กายสฺสา"ติ อวิเสสโต วุตฺโต, วิเสสโต ปนายเมตฺถ อาหารสมุฏฺฐานรูปสฺส
ชนโก เจว อนุปาลโก จ หุตฺวา อาหารปจฺจเยน ปจฺจโย โหติ, เสสติสนฺตติ-
สมุฏฺฐานสฺส อนุปาลโกว หุตฺวา อาหารปจฺจเยน ปจฺจโย โหตีติ เอวเมตฺถ
ปจฺจยุปฺปนฺนโตปิ วิญฺญาตพฺโพ วินิจฺฉโยติ.
                   อาหารปจฺจยนิทฺเทสวณฺณนา นิฏฺฐิตา.
                          -------------


             อรรถกถาภาษาบาลีอักษรไทย เล่มที่ ๕๕ หน้า ๔๓๑-๔๓๓. http://84000.org/tipitaka/atthapali/read_th.php?B=55&A=9752&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=55&A=9752&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=40&i=16              เนื้อความพระไตรปิฎกฉบับหลวง :- http://84000.org/tipitaka/read/r.php?B=40&A=205              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=40&A=184              The Pali Tipitaka in Roman Character :- http://84000.org/tipitaka/read/roman_read.php?B=40&A=184              สารบัญพระไตรปิฎกเล่มที่ ๓๖ http://84000.org/tipitaka/read/?index_40

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]