อรรถกถาเล่มที่ ๕๐ ภาษาบาลีอักษรไทย
 อป.อ.๒ (วิสุทฺธ.๒)

                  ๓๙. ๗. ลสุณทายกตฺเถราปทานวณฺณนา
     หิมวนฺตสฺสาวิทูเรติอาทิกํ อายสฺมโต ลสุณทายกตฺเถรสฺส อปทานํ.
เอโสปายสฺมา ลสุณทายกตฺเถโร ๒- ปุริมพุทฺเธสุ กตาธิกาโร ตตฺถ ตตฺถ ภเว
วิวฏฺฏูปนิสฺสยานิ ปุญฺานิ อุปจินนฺโต วิปสฺสิสฺส ภควโต กาเล เอกสฺมึ
กุลเคเห นิพฺพตฺติตฺวา วิญฺุตํ ปตฺโต ฆราวาเส อาทีนวํ ทิสฺวา เคหํ ปหาย
ตาปสปพฺพชฺชํ ปพฺพชิตฺวา หิมวนฺตํ นิสฺสาย วเน วสนฺโต พหูนิ ลสุณานิ
@เชิงอรรถ: ๑ เถร.อ. ๒/๒๙๒.  ๒ ฉ.ม. อยํ ปาโ น ทิสฺสติ.
โรเปตฺวา ตเทว วนมูลผลญฺจ ขาทนฺโต วิหาสิ. โส พหูนิ ลสุณานิ
กาเชนาทาย มนุสฺสปถํ อาหริตฺวา ปสนฺโน ทานํ ทตฺวา พุทฺธปฺปมุขสฺส
ภิกฺขุสํฆสฺส เภสชฺชตฺถาย ทตฺวา คจฺฉติ. เอวํ โส ยาวชีวํ ปุญฺานิ กตฺวา
เตเนว ปุญฺพเลน เทวมนุสฺเสสุ สํสรนฺโต อุภยสมฺปตฺตึ อนุภวิตฺวา กเมน
อิมสฺมึ พุทฺธุปฺปาเท อุปฺปนฺโน ปฏิลทฺธสทฺโธ ปพฺพชิตฺวา วิปสฺสนํ วฑฺเฒตฺวา
นจิรสฺเสว อรหตฺตํ ปตฺโต ปุพฺพกมฺมวเสน ลสุณทายกตฺเถโรติ ปากโฏ.
     [๘๙] อตฺตโน ปุพฺพกมฺมํ สริตฺวา โสมนสฺสชาโต ปุพฺพจริตาปทานํ
ปกาเสนฺโต หิมวนฺตสฺสาวิทูเรติอาทิมาห. ตตฺถ หิมาลยปพฺพตสฺส ปริโยสาเน
มนุสฺสานํ สญฺจรณฏฺาเน ยทา วิปสฺสี ภควา อุทปาทิ, ตทา อหํ ตาปโส
อโหสินฺติ สมฺพนฺโธ. ลสุณํ อุปชีวามีติ รตฺตลสุณํ โรเปตฺวา ตเทว โคจรํ
กตฺวา ชีวิกํ กปฺเปมีติ อตฺโถ. เตน วุตฺตํ "ลสุณํ มยฺหโภชนนฺ"ติ.
     [๙๐] ขาริโย ปูรยิตฺวานาติ ตาปสภาชนานิ ลสุเณน ปูรยิตฺวา
กาเชนาทาย สํฆารามํ สํฆสฺส วสนฏฺานํ เหมนฺตาทีสุ ตีสุ กาเลสุ สํฆสฺส
จตูหิ อิริยาปเถหิ วสนวิหารํ อคจฺฉึ อคมาสินฺติ อตฺโถ. หฏฺโ หฏฺเน
จิตฺเตนาติ อหํ สนฺตุฏฺโ โสมนสฺสยุตฺตจิตฺเตน สํฆสฺส ลสุณํ อทาสินฺติ อตฺโถ.
     [๙๑] วิปสฺสิสฺส ฯเปฯ นิรตสฺสหนฺติ นรานํ อคฺคสฺส เสฏฺสฺส
อสฺส วิปสฺสิสฺส ภควโต สาสเน นิรโต นิสฺเสเสน รโต อหนฺติ สมฺพนฺโธ.
สํฆสฺส ฯเปฯ โมทหนฺติ อหํ สํฆสฺส ลสุณทานํ ทตฺวา สคฺคมฺหิ สุฏฺุ
อคฺคสฺมึ เทวโลเก อายุกปฺปํ ทิพฺพสมฺปตฺตึ อนุภวมาโน โมทึ, สนฺตุฏฺโ
ภวามีติ อตฺโถ. เสสํ สุวิญฺเยฺยเมวาติ.
                  ลสุณทายกตฺเถราปทานวณฺณนา นิฏฺิตา.
                           -----------

             อรรถกถาภาษาบาลีอักษรไทย เล่มที่ ๕๐ หน้า ๗๔-๗๕.
http://84000.org/tipitaka/atthapali/read_th.php?B=50&A=1648&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=1648&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=32&i=39
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=2049
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=2631
             The Pali Tipitaka in Roman Character :-
http://84000.org/tipitaka/read/roman_read.php?B=32&A=2631
             สารบัญพระไตรปิฎกเล่มที่ ๓๒
http://84000.org/tipitaka/read/?index_32