บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๓๔. ๒. สาคตตฺเถราปทานวณฺณนา โสภิโต นาม นาเมนาติอาทิกํ อายสฺมโต สาคตตฺเถรสฺส อปทานํ. อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺญานิ อุปจินนฺโต ปทุมุตฺตรสฺส ภควโต กาเล เอกสฺมึ พฺราหฺมณกุเล นิพฺพตฺโต วิญฺญุตํ ปตฺโต ๒- สพฺพสิปฺเปสุ นิปฺผตฺตึ ปตฺโต นาเมน โสภิโต นามาติ ปากโฏ ๓- ติณฺณํ เวทานํ ปารคู สนิฆณฺฑุเกฏุภานํ สากฺขรปเภทานํ อิติหาสปญฺจมานํ ปทโก เวยฺยากรโณ โลกายตมหาปุริสลกฺขเณสุ อนวโย. โส เอกทิวสํ ปทุมุตฺตรํ ภควนฺตํ ทฺวตฺตึสมหาปุริสลกฺขณสิริยา โสภมานํ อุยฺยานทฺวาเรน คจฺฉนฺตํ ทิสฺวา อภิปฺปสนฺนมานโส ๔- อเนเกหิ อุปาเยหิ อเนเกหิ คุณวณฺเณหิ โถมนมกาสิ. ภควา ตสฺส โถมนํ สุตฺวา "อนาคเต โคตมสฺส ภควโต สาสเน สาคโต นาม สาวโก ภวิสฺสตี"ติ พฺยากรณมทาสิ. โส ตโต ปฏฺฐาย ปุญฺญานิ อุปจินิตฺวา ๕- ยาวตายุกํ ฐตฺวา ตโต จุโต เทวโลเก @เชิงอรรถ: ๑ ฉ.ม. อรหา หุตฺวา. ๒ ฉ.ม. อยํ ปาโฐ น ทิสฺสติ. @๓ ฉ.ม. โสภิโต นาม หุตฺวา. ๔ ฉ.ม. อตีว ปสนฺนมานโส. ๕ ฉ.ม. กโรนฺโต. นิพฺพตฺโต. ๑- กปฺปสตสหสฺสํ ทิพฺพสมฺปตฺตึ อนุภวิตฺวา มนุสฺเสสุ มนุสฺสสมฺปตฺตึ อนุภวิตฺวา ๑- อิมสฺมึ พุทฺธุปฺปาเท เอกสฺมึ กุลเคเห นิพฺพตฺโต. ตสฺส มาตาปิตโร โสมนสฺสํ วฑฺเฒนฺโต สุชาโต อาคโตติ สาคโตติ นามํ กรึสุ. โส สาสเน ปสีทิตฺวา ปพฺพชิตฺวา วิปสฺสนํ วฑฺเฒตฺวา อรหตฺตํ ปตฺโต. [๑๗] เอวํ โส ปุญฺญสมฺภารานุรูเปน ๒- อรหตฺตผลํ ปตฺวา เอตทคฺคฏฺฐานํ ปตฺโต ๒- อตฺตโน ปุพฺพกมฺมํ สริตฺวา โสมนสฺสชาโต ปุพฺพจริตาปทานํ ปกาเสนฺโต โสภิโต นาม นาเมนาตฺยาทิมาห. ตตฺถ ตทา ปุญฺญสมฺภารสฺส ปริปูรณสมเย นาเมน โสภิโต นาม พฺราหฺมโณ อโหสินฺติ สมฺพนฺโธ. [๒๑] วิปถา อุทฺธริตฺวานาติ วิรุทฺธปถา กุมคฺคา, อุปฺปถา วา อุทฺธริตฺวา ปถํ อาจิกฺขเส ตุวนฺติ ภนฺเต สพฺพญฺญุ ตุวํ ปถํ สปฺปุริสมคฺคํ นิพฺพานาธิคมนุปายํ อาจิกฺขเส กเถสิ เทเสสิ วิวริ ๓- วิภชิ อุตฺตานํ อกาสีติ อตฺโถ. เสสํ อุตฺตานเมวาติ. สาคตตฺเถราปทานวณฺณนา นิฏฺฐิตา. ------------อรรถกถาภาษาบาลีอักษรไทย เล่มที่ ๕๐ หน้า ๖๒-๖๓. http://84000.org/tipitaka/atthapali/read_th.php?B=50&A=1368&modeTY=2 The Pali Atthakatha in Roman :- http://84000.org/tipitaka/atthapali/read_rm.php?B=50&A=1368&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=34 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1905 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2456 The Pali Tipitaka in Roman Character :- http://84000.org/tipitaka/read/roman_read.php?B=32&A=2456 สารบัญพระไตรปิฎกเล่มที่ ๓๒ http://84000.org/tipitaka/read/?index_32
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]