อรรถกถาเล่มที่ ๔๗ ภาษาบาลีอักษรไทย
 ปฏิสํ.อ.๑ (สทฺธมฺม.๑)

                      ๑๓. วิมุตฺติาณนิทฺเทสวณฺณนา
     [๖๔] วิมุตฺติาณนิทฺเทเส สกฺกายทิฏฺีติ วิชฺชมานฏฺเน สติ ขนฺธ-
ปญฺจกสงฺขาเต กาเย, สยํ วา สตี ตสฺมึ กาเย ทิฏฺีติ สกฺกายทิฏฺิ. วิจิกิจฺฉาติ
วิคตา จิกิจฺฉา, สภาวํ วา วิจินนฺโต เอตาย กิจฺฉติ กิลมตีติ วิจิกิจฺฉา.
สีลพฺพตปรามาโสติ สีเลน สุทฺธิ วเตน สุทฺธิ. สีลพฺพเตน สุทฺธีติ คหิตอภินิเวโส.
โส หิ สภาวํ อติกฺกมิตฺวา ปรโต อามสตีติ สีลพฺพตปรามาโส. อุภินฺนํ สมาเนปิ
ทิฏฺิภาเว ตกฺกญฺจ ปรูปเทสญฺจ วินา ปกติยา เอว สกฺกายทิฏฺิคฺคหณโต
ปกติภูตาย วีสติวตฺถุกาย สกฺกายทิฏฺิยา ปหาเนเนว สพฺพทิฏฺิปฺปหานทสฺสนตฺถํ
สกฺกายทิฏฺิ วุตฺตา. สีลพฺพตปรามาโส ปน "สุทฺธิปฏิปทํ ปฏิปชฺชามา"ติ
ปฏิปนฺนานํ ปฏิปทาย มิจฺฉาภาวทสฺสนตฺถํ วิสุํ วุตฺโตติ เวทิตพฺโพ. ติณฺณมฺปิ
อนุสยปฺปหาเนเนว ปหานํ ทสฺเสตุํ ทิฏฺานุสโย วิจิกิจฺฉานุสโยติ วุตฺตํ, น วิสุํ
กิเลสตฺตา. อุปกฺกิเลสาติ กิเลเสนฺติ อุปตาเปนฺติ วิพาเธนฺตีติ กิเลสา, ถาม-
คตฏฺเน ภุสา กิเลสาติ อุปกฺกิเลสา. สมฺมา สมุจฺฉินฺนา โหนฺตีติ สมุจฺเฉทปฺปหาเนน
อนุปฺปาทนิโรเธน สมฺมา สมุจฺฉินฺนา โหนฺติ. สปริยุฏฺาเนหีติ จิตฺตํ
ปริโยนทฺธนฺตานิ อุฏฺเนฺติ อุปฺปชฺชนฺตีติ ปริยุฏฺานานิ, สมุทาจารปฺปตฺตานํ
กิเลสานเมตํ อธิวจนํ. สห ปริยุฏฺาเนหีติ สปริยุฏฺานานิ. เตหิ สปริยุฏฺาเนหิ
อนุสยิตอุปกฺกิเลเสหิ. จิตฺตํ วิมุตฺตํ โหตีติ เตสํ อภพฺพุปฺปตฺติกภูตตฺตา
สนฺตติวเสน ปวตฺตมานํ จิตฺตํ ตโต วิมุตฺตํ นาม โหติ. ตเทว สุฏฺุ วิมุตฺตตฺตา
สุวิมุตฺตํ. ตํวิมุตฺติาตฏฺเนาติ ตสฺสา วิมุตฺติยา ชานนฏฺเน.
                    วิมุตฺติาณนิทฺเทสวณฺณนา นิฏฺิตา.
                           -----------

             อรรถกถาภาษาบาลีอักษรไทย เล่มที่ ๔๗ หน้า ๓๐๒.
http://84000.org/tipitaka/atthapali/read_th.php?B=47&A=6744&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=47&A=6744&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=31&i=152
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=31&A=1733
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=31&A=2065
             The Pali Tipitaka in Roman Character :-
http://84000.org/tipitaka/read/roman_read.php?B=31&A=2065
             สารบัญพระไตรปิฎกเล่มที่ ๓๑
http://84000.org/tipitaka/read/?index_31