อรรถกถาเล่มที่ ๓๘ ภาษาบาลีอักษรไทย
 ชา.อ.๔ ติก-ปญฺจกนิปาต

                        สุกชาตกํ
     ยาว โส มตฺตมญฺาสีติ อิทํ สตฺถา เชตวเน วิหรนฺโต
เอกํ อติพหุํ ภุญฺชิตฺวา อชีรเกน กาลกตํ ภิกฺขุํ อารพฺภ กเถสิ ฯ
     ตสฺมึ กิร เอวํ กาลกเต ธมฺมสภายํ ภิกฺขู ตสฺส อคุณกถํ
สมุฏฺาเปสุํ อาวุโส อสุโก ภิกฺขุ อตฺตโน กุจฺฉิปฺปมาณํ
อชานิตฺวา อติโภชนํ ภุญฺชิตฺวา ชีราเปตุํ อสกฺโกนฺโต กาลกโตติ ฯ
สตฺถา อาคนฺตฺวา กายนุตฺถ ภิกฺขเว เอตรหิ กถาย สนฺนิสินฺนาติ
ปุจฺฉิตฺวา อิมาย นามาติ วุตฺเต น ภิกฺขเว อิทาเนว ปุพฺเพเปส
อติโภชนปจฺจเยน มโตติ วตฺวา อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
หิมวนฺตปฺปเทเส สุกโยนิยํ นิพฺพตฺติตฺวา อเนกานํ สุกสหสฺสานํ
สมุทฺทานุคเต หิมวนฺตปฺปเทเส วสนฺโต ราชา อโหสิ ฯ ตสฺเสโก
ปุตฺโต อโหสิ ฯ ตสฺมึ วยปฺปตฺเต โพธิสตฺโต ทุพฺพลจกฺขุ อโหสิ ฯ
สุกานํ กิร สีฆเวโค อโหสิ ฯ เตน เตสํ มหลฺลกกาเล ปมํ
จกฺขุเมว ทุพฺพลํ อโหสิ ฯ โส มาตาปิตโร กุลาวเกเยว กตฺวา
โคจรํ อาหริตฺวา โปเสสิ ฯ โส เอกทิวสํ โคจรภูมึ คนฺตฺวา
ปพฺพตมตฺถเก ิโต สมุทฺทํ โอโลเกนฺโต เอกํ ทีปกํ ปสฺสิ ฯ
ตสฺมึ ปน สุวณฺณวณฺณํ มธุรผลํ อมฺพวนํ อตฺถิ ฯ โส ปุนทิวเส
โคจรเวลาย อุปฺปติตฺวา ตสฺมึ อมฺพวเน โอตริตฺวา อมฺพรสํ
ปิวิตฺวา อมฺพปกฺกํ อาทาย คนฺตฺวา มาตาปิตูนํ อทาสิ ฯ
โพธิสตฺโต ตํ ขาทิตฺวา รสํ สญฺชานิตฺวา ตาต นนุ อิมํ อสุกทีปเก
อมฺพปกฺกนฺติ วตฺวา อาม ตาตาติ วุตฺเต ตาต เอตํ ทีปกํ
คจฺฉนฺตา สุกา ทีฆมายุํ ปาเลนฺตา นาม นตฺถิ มา โข ตฺวํ
ปน ตํ ทีปกํ อคมาสีติ อาห ฯ โส ตสฺส วจนํ อคฺคเหตฺวา
อคมาสิเยว ฯ อเถกทิวสํ พหุํ อมฺพรสํ ปิวิตฺวา มาตาปิตูนํ
อมฺพปกฺกํ อาทาย สมุทฺทมตฺถเกน อาคจฺฉนฺโต อติธาวตาย
กิลนฺตกาโย นิทฺทาภิภูโต ฯ โส นิทฺทายนฺโตปิ อาคจฺฉเตว ฯ ตุณฺเฑน
ปนสฺส คหิตํ อมฺพปกฺกํ ปติ ฯ โส อนุกฺกเมน อาคมนวีถึ
ชหิตฺวา อุทเกเยว ปติ ฯ โส อุทกปิฏฺเเนวาคจฺฉนฺโต อุทเก
โอสีทติ ฯ อถ นํ เอโก มจฺโฉ คเหตฺวา ขาทิ ฯ โพธิสตฺโต
ตสฺมึ อาคมนเวลาย อนาคจฺฉนฺเตเยว สมุทฺเท ปติตฺวา มโต
มญฺเติ อญฺาสิ ฯ อถสฺส มาตาปิตโรปิ อาหารํ อลภมานา
สุสฺสิตฺวา มรึสุ ฯ
     สตฺถา อตีตํ อาหริตฺวา อภิสมฺพุทฺโธ หุตฺวา อิมา คาถา
อภาสิ
       ยาว โส มตฺตมญฺาสิ      โภชนสฺมึ วิหงฺคโม
       ตาว อทฺธานมาปาทิ       มาตรญฺจ อโปสยิ
       ยโต จ โข โส พหุตรํ     โภชนํ อชฺฌวาหริ
       ตโต ตตฺเถว สํสีทิ        อมตฺตญฺู จ โส อหุ
       ตสฺมา มตฺตญฺุตา สาธุ     โภชนสฺมึ อคิทฺธิตา
       อมตฺตญฺู หิ สีทนฺติ        มตฺตญฺูว น สีทเรติ ฯ
     ตตฺถ ยาว โสติ ยาว โส วิหงฺคโม โภชนมตฺตมญฺาสิ ฯ
ตาว อทฺธานมาปาทีติ ตตฺตกํ กาลํ ชีวิตทฺธานํ อาปาทิ อายุํ
วินฺทิ ฯ มาตรญฺจาติ เทสนาสีสมตฺตเมตํ ฯ มาตาปิตโร จ
อโปสยีติ อตฺโถ ฯ ยโต จ โขติ ยสฺมึ จ โข กาเล ฯ โภชนํ
อชฺฌวาหรีติ อมฺพรสํ อชฺโฌหริ ฯ ตโตติ ตสฺมึ กาเล ฯ ตตฺเถว
สํสีทีติ ตสฺมึ สมุทฺเทเยว โอสีทิ นิมฺมุชฺชิ มจฺฉโภชนตฺตํ อาปชฺชิ ฯ
ตสฺมา มตฺตญฺุตา สาธูติ ยสฺมา โภชเน อมตฺตญฺู สุโก สมุทฺเท
โอสีทิตฺวา มโต ตสฺมา โภชนสฺมึ อคิทฺธิตาสงฺขาตา มตฺตญฺุตา
สาธุ ปมาณชานนํ สุนฺทรนฺติ อตฺโถ ฯ อถวา ฯ ปฏิสงฺขา โยนิโส
อาหารํ อาหาเรติ เนว ทวาย น มทาย ฯเปฯ ผาสุวิหาโร จาติ
       อลฺลํ สุกฺขํ จ ภุญฺชนฺโต     น พาฬฺหํ สุหิโต สิยา
       โอโนทโร มิตาหาโร      สโต ภิกฺขุ ปริพฺพเช
       จตฺตาโร ปญฺจ อาโลเป    อภุตฺวา อุทกํ ปิเว
       อลํ ผาสุวิหาราย         ปหิตตฺตสฺส ภิกฺขุโน
              มนุชสฺส สทา สติมโต
              มตฺตํ ชานโต ลทฺธโภชนสฺส
              ตนุกสฺส ภวนฺติ เวทนา
              สณิกํ ชีรติ อายุ ปาลยนฺติ
เอวํ วณฺณิตา มตฺตญฺุตาปิ สาธุ ฯ
       กนฺตาเร ปุตฺตมํสํว        อกฺขสฺสพฺภญฺชนํ ยถา
       เอวํ อาหาริ อาหารํ      ยาปนตฺถาย อมุจฺฉิโตติ
เอวํ วณฺณิตา อคิทฺธิตาปิ สาธุ ฯ ปาลิยํ ปน อคิทฺธิมาติ
ลิขิตํ ฯ ตโต อยํ อฏฺกถาปาโ สุนฺทรตโร ฯ อมตฺตญฺู หิ
สีทนฺตีติ โภชเน ปมาณํ อชานนฺตา หิ รสตณฺหาวเสน ปาปกมฺมํ
กตฺวา จตูสุ อปาเยสุ สีทนฺติ ฯ มตฺตญฺูว น สีทเรติ เย ปน
โภชเน ปมาณํ ชานนฺติ เต ทิฏฺธมฺเมปิ สมฺปราเยปิ น สีทนฺตีติ ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ
สโมธาเนสิ ฯ สจฺจปริโยสาเน พหู โสตาปนฺนาปิ สกทาคามิโนปิ
อนาคามิโนปิ อรหนฺโตปิ อเหสุํ ฯ ตทา โภชเน อมตฺตญฺู ภิกฺขุ
สุกราชปุตฺโต อโหสิ ฯ สุกราชา ปน อหเมวาติ ฯ
                      สุกชาตกํ ปญฺจมํ
                       ---------

             อรรถกถาภาษาบาลีอักษรไทย เล่มที่ ๓๘ หน้า ๒๖-๒๙.
http://84000.org/tipitaka/atthapali/read_th.php?B=38&A=529&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=38&A=529&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=364
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2032
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2020
             The Pali Tipitaka in Roman Character :-
http://84000.org/tipitaka/read/roman_read.php?B=27&A=2020
             สารบัญพระไตรปิฎกเล่มที่ ๒๗
http://84000.org/tipitaka/read/?index_27